千之味刺身壽司專門店 (雅都花園)

营业中

休息中

好耐冇去過搵屯門小店食，今晚特登去新墟千之味壽司店食刺身同壽司。 今次叫咗個火炙丼定食同13貫壽司定食，今日啲魚生刺身都非常新鮮，食落味道比一般連鎖式壽司店更好味。叫咗兩個定食套餐，再加三件三文魚刺身都係$300鬆啲，性價比真係一流！ 建議大家都多多支持小店！🫡

除左壽司 呢到都仲有烏冬同定食.燒汁牛肉烏冬 $85份量比想像中多～仲有沙律菜、兩樣前菜～（螺肉同枝豆）烏冬既湯係比較清既～牛肉唔係淨係得肥糕個種而且係好重牛肉味～連啲洋蔥都有埋牛味.烏冬都彈牙👍.吉列豬扒飯 $60肉質比較厚實.冷麵壽司定食 $85有5件壽司🍣同一大兜冷麵～冷麵有辣汁同胡麻醬揀～今次簡左辣汁， 佢既辣汁係杰身 味道都幾特別😛另外都有沙律菜 同兩個前菜 （螺肉、薯蓉）.另外3個餐都包雪櫃既野飲～..店員見到有小朋友 會主動提供小朋友餐具👍.

而家天氣熱辣辣真係唔想食熱嘢呢啲時候一定係諗起食壽司醒起屯門新墟開咗間千之味所以嗌外賣試吓今次嗌咗個三文魚炒飯，冷麵配壽司同埋三文魚蟹籽沙律🤤🤤🤤🤤🤤🤤首先份量都幾多三文魚炒飯，有好多三文魚肉而且炒得幾香冷麵就正常發揮壽司嘅刺身都好新鮮而且佢既醋飯係我鍾意嘅味道🩷🩷三文魚蟹籽沙律好多三文魚粒青瓜絲好新鮮👍🏻👍🏻作為日式料理愛好者嘅我以後又可以多一個選擇啦😍😍😍😍😍😍

生日緊系要去食生日飯💛店員姐姐勁好人❤️我想有生日牌系兒童餐姐姐即刻拎生日牌比我寫名 仲拎happy birthday 牌同心形蠟燭🎂好到不得了🥹兒童餐👦🏻👧🏻 有粟米沙律腐皮壽司船、鰻魚小卷、厚玉子燒、吉列炸蝦、牛乳布甸同埋提子汁不得了 呀爸呀媽都覺得好好食😆呀爸呀媽叫左分店限定💛13貫每一件都真！系！好！新！鮮！海膽非常之好鮮甜 一睇就知好高質😚食哂肚子漲到不得之了🤭食完個仔已經話下次幾時再黎

千之味出咗盲盒壽司之後我突然間醒起好耐冇食過佢諗住心心念念去買盲盒壽司🍱但點知俾我發現極尚12貫omakase $328 有飛機魚 貴價 金目鯛果啲 我就放棄咗盲盒壽司因為始終我最愛嘅都係貴價壽司😂呢一盒貴價壽司真係好驚喜，有我最鍾意食嘅拖羅，海膽同埋赤蝦然後其他白身魚都好新鮮，最緊要嘅係佢全部壽司上面嗰件刺身都係厚切，媽呀點解咁出色架！最估唔到嘅係佢個海膽都超甜佢依家過咗疫情仲開返堂食，雖然佢個位置唔算就腳，但都好多人食同叫外賣，你就知佢有水準啦

首先要讚下千之味嘅marketing😆 走塑政策實施下，部分壽司變咗紙盒，只可以靠相/名知道入面係乜🤣🤣 千之味食住嗰勢，推出有趣盲盒壽司🍣 見其他人po啲好搞笑嘅餐😂 就係因為咁吸咗我過嚟😆😆 10點搶唔到外送唯有自己過嚟買‼️ 驚中伏嘅情況下，我買咗一個盲盒$118同omakase壽司12貫$328🤣🤣 係堂食/外賣自取消費滿$100可以用$1換購吉烈炸蝦卷🍤 仲有印花卡，只要買夠$80就可以有一個印仔，集齊五個印仔就會送一張卡，張卡可以換真壽司/可以儲起佢💁🏻‍♀️ 其實盲盒係用嚟玩多🤣🤣 不過嗰omakase真係好值得食‼️我無太大期望，只係好奇，但絕對係另一個層次😛 會再食，好鮮甜🥰仲有一讚嘅係佢wasabi 都有放心思💁🏻‍♀️ 生磨wasabi同普通wasabi，估唔到佢細微位都有做足🥰

見到omakase嗰價錢的確會卻步，但原來係會落是日飛機貨✈️ 難怪收呢個價錢😆 咁多間千之味得屯門/元朗/大埔有架炸‼️如果有興趣就要去呢幾間分店，一問之下依加好興嘅盲盒，店員話係元朗會最吸引🤩 另外，雅都花園商場依加裝修緊，去到都未必睇到嗰招牌，嗰入口係新青街，唔好行錯，唔洗行入商場架❤️講返食物，估唔到千之味有呢嗰質素‼️無論係賣相定食物質素都估唔到🤗特別係佢嗰赤貝，金目鯛，用呢個價錢嚟講真係好高質😛好新鮮，果然係飛機貨，一食就分到❤️

早幾日同朋友去咗屯門嘅御品千之味一直以為佢得外賣 點知原來都有堂食 仲要座位闊落 坐得好舒服！我哋嗌咗佢嘅Omakase 十二貫套餐平時出去食Omakase都要一千蚊以上 呢個Omakase 只係三百幾蚊 性價比超高！所有魚生都好新鮮 仲要都有好多特別嘅魚例如我哋今次係有 金目鯛、筍目張、目仁奈呢類平時比較少食到嘅魚生除咗呢啲之外 仲有入口即溶嘅大拖羅、中拖羅 、海膽、赤蝦、帶子、三文魚籽、赤貝等食材全部壽司放晒喺個長碟度一次過上哂 啱哂想食Omakase質素 但又唔想成餐飯食太耐嘅朋友！可以自己控制時間 同埋所有魚生都好高質 俾呢個價錢係超抵 除咗呢個Omakase套餐之外我哋仲嗌咗一個角切魚生飯只係70幾蚊已經可以嗌到個定食有晒沙律、前菜同埋湯食埋個定食已經超級飽 大滿足！

今日去左屯門做嘢，有點餓，見到千之味的壽司和刺身好吸引。叫左omakase12貫，精緻新鮮，有水準，價錢亦好實惠。菜單多樣豐富，包括甜蝦、赤蝦、油甘魚、大拖、中拖、鯛魚、赤貝、海膽、三文魚籽、帶子等，食得出，他們用心挑選每一種食材，確保每道菜都能展現出原本的風味和質感。而我最愛海膽及拖羅，超新鮮外，鮮甜可口，好想ENCORE~米飯蓬鬆而香甜，配上新鮮的生魚片，入口即化。每件壽司都大大件，足料好食，擺盤亦見用心，一次過滿足為食的我！食得好開心~雖然環境無法與居酒屋相比，但勝在價錢實惠，服務亦用心！外賣回家亦好方便，我之前都食過火鍋外賣，包裝妥善，回家即可享用。欣賞千之味多變的餐飲服務，能配合我地返工族的需要。

最近知道千之味推出咗全新嘅Omakase 12貫套餐，一客只需三百蚊左右，價錢好抵，一於放工去堂食，獎勵吓自己😃各款壽司用精美陶瓷長碟一次過上曬，食材新鮮，配上鮮甜嘅豉油和wasabi醬，味道相當吸引🤩12貫套餐包括了海膽、大拖羅、中拖羅、鯛魚、甜蝦、油甘魚、赤貝、三文魚籽、帶子等。我最鍾意係金黃色嘅海膽，食落鮮甜可口，完全冇苦澀味。而拖羅的脂肪分佈得恰到好處，入口即溶，食落仲有陣魚油脂的甘香。而帶子也非常之大件，赤貝也爽口彈牙，食落肉質非常鮮嫩，很讚！🤗這次新推出嘅Omakase 12貫套餐，食材新鮮，配搭合適，食完非常之滿足😋👍

如果你正在尋找一家提供高質壽司的小店，我強烈推薦你嘗試「千之味」。這天跟狗狗散步後經過雅都商場，見到這間小店，果然不容錯過！「千之味」提供令人驚艷的壽司選擇，我點了一個極上12貫Omakase壽司餐作外賣，其中包括海膽壽司、大蝦壽司、魚子壽司、帶子壽司和三文魚腩等。這些壽司的味道新鮮，質量優良，每一口都能帶給你一種美妙的食物體驗。其中海膽壽司是我最喜歡的選擇之一。海膽具有獨特的鮮味和滑膩的口感，搭配軟綿綿的壽司飯和海苔，突顯海膽的風味。它的味道濃郁，帶有淡淡的海洋風味，並散發出微妙的甜味。而大蝦壽司是一種口感鮮嫩、味道鮮美的壽司。大蝦的肉質彈牙，帶有天然的甜味，它的鮮味能在嘴中迸發出來。至於魚子壽司味道鮮美、鹹香，質地豐富，並且能給壽司帶來顯著的口感變化。帶子壽司其獨特的口感和鮮甜的味道令人難以抗拒。帶子的肉質緊實卻不失柔軟，咀嚼時帶來的彈牙感非常愉悅。它的味道清新，帶有淡淡的海洋風味，並散發出一種微妙的甜味，絕對是海鮮愛好者的最愛。總的來說，「千之味」提供的高質壽司餐絕對值得一試。壽司選項都具有獨特的風味和質地，每一種都能帶給你不同的味覺體驗。千之味刺身壽司專門店 地址：屯門屯門鄉事

呢排個人都比較懶，唔想去太遠😂近近地係屋企附近買啲嘢食返屋企就算啦😬今次去到屯門 雅都商場嘅呢間「千之味刺身壽司專門店」外賣壽司返屋企食😋最近店舖做緊時令鮮魚Omakase套餐！聽到就覺得高質，要試吓先得😬極上12貫 $328今次食呢個12貫有：海膽、油甘魚、三文魚籽、大拖羅、中拖羅、帶子、甜蝦、赤蝦、鯛魚、赤貝、鮑魚等😋首先味道係相當之鮮！鮮味十足，呢個價錢有12件咁高質嘅壽司，都可以話係相當超值😬小編就最鍾意海膽壽司😍夠哂鮮甜，而且色澤鮮明！一睇就知好新鮮😋食落就更加唔使講啦😝其次赤貝亦係相當之鮮味！而且夠哂爽口😋而拖羅系列亦充滿魚油嘅香味，口感十分豐富！令人想食完一件又一件🤤

千の味一向係我既口袋名單中既壽司小店💖嗌外賣必定係千の味！屋企隻小魔怪指定🈯️今次決定 買返屋企慢慢嘆 宅在家中嘆  omakase🍱趁着小魔怪復活節去咗同朋友玩 唔喺屋企 可以獨食😼所以叫咗個一人餐(´･ω･`)本身諗住單點 但係選擇困難症嘅我見到有極上12貫 所以索性叫 呢個唔使諗🍣🇯🇵極上12貫$328大拖羅、中拖羅、帶子、甜蝦、赤蝦、鯛魚、赤貝、鮑魚海膽、油甘魚、三文魚籽ʕ •ᴥ•大拖羅和中拖羅肥美 鮮甜滑🤤帶子和甜蝦清新爽口❄️而鮑魚、海膽、三文魚籽為成個set增添奢華感~每一件都是珍饈🐟

除了上次試過的火鍋，我間唔中都會去千之味買壽司外賣返屋企食，今日見到店內推出了全新的omakase套餐，分別有壽司10貫及極上12貫，可以外賣。但我最後揀左堂食，以omakase來說，三百蚊真係好吸引！要品賞下先得。12貫套餐包括了甜蝦、赤蝦、油甘魚、大拖、中拖、鯛魚、赤貝、海膽、三文魚籽、帶子等。一次過上埋，雖無師傅每件介紹，但勝在食材品質十分新鮮高質。我最愛係拖羅，入口即化，滿口是魚油脂的香，非常新鮮。海膽鮮甜滑口，牡丹蝦大大隻，肉質爽口。三文魚籽Q彈充滿了魚油香，口感豐富。帶子超大隻，非常爽甜，超好食！整體食材新鮮，能保持穩定的水準，並且不斷推出新款式！這次的omakase套餐大滿足。

千之味的omakase套餐好值得試。佢叫是日飛機貨，是日本時令的鮮魚omakase，極上12件壽司套餐，全部用靚野，個盒一打開好靚，老公都攞部相機出嚟影相。今次有鯛魚，海膽，帶子，池魚，三文魚，赤貝，甜蝦等等。每款都非常新鮮，海膽外表金黃色，好有光澤，鮮甜不膩，完全冇苦澀味，好正。另外，帶子壽司，好大件，鮮甜肥美。而池魚就十分有囗感，赤貝爽得來又有點黏口，相當鮮甜。鯛魚肉質鮮嫩，味道鮮甜有層次感。老公都好滿意。另外叫咗一個三文魚炒飯，好有驚喜，有好多三文魚塊，而且佈滿蟹籽，其他餐廳少有而配菜是枝豆螺肉，簡單健康又美味。