千代鶴

营业中

休息中

見openrice 評語都算唔錯，咁諗住同朋友試吓啦，點知食完後覺得真係唔係好掂！嗰日中午上到去一個人都無，服務員帶位，去到我覺得好凍，就問吓個服務員可唔可以轉去隔離位，然後個服務員同我講話已經有人訂咗，點知由食完到走嘅時候差不多2個鐘都係無人，真係唔知訂咗位嗰位朋友仔去咗邊😓！去到我哋點咗omakasa，一嚟就比個茶碗蒸，有明太子係面，太鹹、而且裏面嘅魷魚又有少少腥，跟住開始上壽司，除咗帆立貝壽司都還可以之外，其他都麻麻地，海膽本身其實都可以，但包住嘅紫菜變色變味，變咗令到整件壽司都難食。最尾上嘅牛舌湯真係好超級難飲，我同朋友飲咗一啖都頂唔順，腥膻味好重好重。🫣

日式屋酒屋串燒、刺身、小食都唔錯🤎🤎🤎一個月內幫襯了3次，老闆都認得我哋，仲送咗2客雪糕🍨🍨比我哋食🤪🐣明太子玉子燒 $88捧出來蛋好熱夠滑，夾著爆漿明太子好好食🤤🦐珍寶赤蝦刺身(3隻) $78蝦好大隻好鮮甜，蝦頭曝曬膏🐷五花腩荔枝卷串 $38豬腩燒得好香，配甜甜地嘅荔枝好夾👅牛舌串 $48牛舌夠厚好味. 必食🤤🐔雞肝串 $38老闆見我哋揀了全熟，建議試一串半熟，果然半熟的滑啲好吃🍘流心海膽可樂餅(3品) $68剛炸起外面脆、夾著流心嘅海膽醬正👍🥟雞皮餃子(2隻) $28雞皮炸得好脆，夾着豬肉餡好吃🍸青檸梳打 $38🍵宇治抹茶 $38🍨開心果雪糕 $0

話說同閨密慶祝生日，就黎呢間居酒屋，性價比夠高又好適合傾下計。<鹽焗牛舌配蒜香茄醬>牛舌煮得夠哂”琳”，唔會太韌。特別中意個sauce，好惹味，但唔會太濃味。<赤貝>赤貝好新鮮，口感彈牙，味道好鮮甜，推介！<免治雞肉棒>每次去居酒屋，我都必叫免治雞肉棒。雞肉燒到少少脆身，甜甜地嘅汁配蛋汁，好幸福。<雞拼盤>食完免治雞肉棒，追加雞拼盤！串燒全部都燒得好香口，又唔會太乾身，送啤酒一流！<鰻魚玉子燒>推介！鰻魚高質，唔會有骨，玉子燒煎得剛剛好🥰

係銅鑼灣鬧市當中，俾我搵到一間隱藏喺鬧市當中嘅穩世居酒屋。入邊嘅食物相當好，環境氣氛亦十分高質。先叫左兩款燒物，兩樣都係魚，一款叫銀鮭西京漬，另一款係燒池魚。兩樣都好出色，食到魚嘅鮮味，特別係池魚，燒出魚的油香甘味，唔會柴之餘油份足，非常好味。而西京漬味道唔錯，唔會蓋過魚味，又有一份淡淡嘅調味。再叫左兩款茶類，路旬和雜菌粒貝。兩款都幾好味最係叫左款主食，蒜香口牛粒丼，口牛粒相當好食，蒜香味十足，入口即化，牛味充足。總括成餐食物質素高，環境氣氛一流，適合兩小口子靜靜地用餐。

難忘生日日式居酒屋今日係我同我老公結婚周年紀念亦都係我嘅正日生日老公特別安排咗同我去食日式居酒屋 事關我對日式嘅食物都係情有獨鍾嘅呢間餐廳個地理位置都好容易搵到 ～海鮮丼佢哋嘅海鮮都係每一日新鮮飛機直運 所以保證新鮮 佢哋嘅馬糞海膽非常出色 混合拖羅魚一齊食，真係非常好味，性價比非常高。免治雞四品四品顧名思義係四種口味～分別有原味 沙拉醬 紫菜 同埋明太子四種口味都非常特別 即燒嘅雞串皮脆外熱 非常推介！串燒拼盤唔夠飽，可以考慮吓叫呢一個串燒拼盤 想食嘅嘢裏面都有包齊每一樣食品都性價比非常高而我最喜歡食嘅就係五花腩包秋葵 ！呢間餐廳都非常抵食！有興趣嘅朋友，快啲book枱試吓啦🤪千代鶴 (銅鑼灣)銅鑼灣軒尼詩道525號澳門逸園中心11樓

隱世日式居酒屋❤️今日朋友仔生日專程預約咗位於銅鑼灣嘅日式居酒屋（千代鶴）呢度環境好有日本風情 十分有格調，同埋餐廳嘅地理位置都非常好👍🏻鄰近地鐵站幾分鐘就到⋯正肉串🍢🍢聽個名非常特別充滿日式紫菜粉嘅日式肉串口感好似食緊章魚燒咁🍢非常惹味呀五花腩芫荽🪀鍾意食芫荽嘅朋友要注意啦 ！呢度嘅芫荽夾雜住五花腩真係出奇地夾 腩肉好鮮 用嚟送飯真係一流😝日式燒鱔片同雞皮，燒物喺呢間餐廳嘅必要之選，皮層燒到卜卜脆 用嚟送啤酒，真係非常好味！整體來講呢間餐廳性價比都好高，絕對推介俾大家千代鶴 (銅鑼灣)銅鑼灣軒尼詩道525號澳門逸園中心11樓

同朋友用coupon黎食野，我叫咗刺身盛合、帆立貝、三文魚壽司、鰻魚、玉子燒同埋鰻魚牛肉飯。餐廳比我嘅感覺係走中間路線，但略嫌等候時間太長，例如一份凡立貝壽司要等咗差不多半個小時先會有，同埋壽司唔算太新鮮，不過刺身就幾好食同新鮮，值得一讚。熟食方面就叫咗玉子燒同埋鰻魚牛肉飯，我唔係太推介玉子燒，一夾就散。同埋啲熟食都等咗好耐，鰻魚牛肉飯都夠熱，但係個汁同埋撈飯嘅湯太濃同太鹹。我哋四個人一共食咗$1200 ，唔算話真係好貴，但食物味道一般，服務亦都唔算太好（買單時先發現，一杯茶都要比$20）

差唔多半個月冇約朋友出街食飯，今次去咗鍋鑼灣食日本居酒屋，地點好近地鐵站，好方便，餐廳唔算好多位置，但餐廳裝修係日式風格，空間感同環境好舒服，服務質素都好好👍🏻第一次聽仙鳳趾生蠔🦪 原來係來自北海道，肉質柔軟鮮甜，味道濃厚爽口，而且仲無腥味，新鮮味美，真係可以試下。正肉串🍢以串燒形式製作，仲有大量紫菜絲，好日式既感覺😂金目鯛魚頭鍋🍲呢個鍋既湯非常鮮甜，奶白色既湯好香，仲有滑滑既日本豆腐，煮完湯嘅魚頭都仲好滑，鍾意飲魚湯嘅朋友一定要試吓燒魚板其實有d似魚糕🍥，都算彈牙，而且咁樣整簡簡單單食到本身嘅原味道

千代鶴是一間位於銅鑼灣澳門逸園中心的日式壽司居酒屋，提供各式各樣的日本料理，包括刺身、壽司、燒物、串燒、定食等。我點了中拖羅同粒貝刺身、木魚芝士、牛蒡唐揚同埋日替定食，感受到了餐廳對食材的新鮮度和品質的重視。中拖羅同粒貝刺身是我最喜歡的一道菜，中拖羅，肉質細滑而且味道甘甜濃郁，粒貝肉質爽彈而且味道清甜鮮美。兩者都沾上了自家製的醬油和芥末，增加了層次和刺激感。刺身的分量也很足夠，讓我吃得很滿足。木魚芝士：喺奶味濃郁嘅芝士上加咗鹹香滿滿嘅木魚片，口感非常豐富。這道菜也很適合配酒。牛蒡唐揚：牛蒡裹上炸漿的炸物，牛蒡帶有清爽的甘甜味同埋微微的苦味，外皮酥脆而不油膩，兩者的口感形成了對比，很有趣味。日替定食是一種每日不同的套餐，我哋呢個有三款壽司、一款刺身。我當天吃到的壽司其中一款有我最鍾意嘅海膽配三文魚籽，味道鮮甜無比，刺身則是油甘魚。壽司的米飯軟硬適中，飯醋味恰到好處，每一口都讓我感到幸福。刺身嘅油甘魚魚味濃郁，味道鮮美，一食就知夠新鮮。

放工約朋友出街飲飯飲杯嘢，通常都會揀小店坐下，今次咁啱俾佢搵到間壽司居酒屋，喺銅鑼灣sogo附近，勁方便因為我地book嘅時間早，所以上到去冇乜人，店員安排咗吧枱我地坐，可以望住師傅整食物，又唔錯刺身五點一個刺身拼盤，可以試五款時令刺身，仲有我最鍾意嘅螢光魷魚，鮮味咸香，送酒一流凡立貝大大舊好厚肉，好鮮甜炸池仔魚朋友話想食啲香嘢，叫咗個炸池仔鮮，好酥脆又唔會炸到硬晒，冇苦味，又係送酒佳品前菜有三款，比我想像中多，有驚喜，有胡麻菠菜、粟米冷湯、海膽魷魚粟米冷湯凍凍地，夏天飲最適合，好清新解膩鰤魚刺身老實講我冇食過鰤魚刺身，冇乜概念，但呢度嘅鰤魚肥大肉厚，睇得出好新鮮，仲好重魚油味，好食呢度環境舒適，店員有禮貌，好啱放工約人小酌幾杯。呢度中午有定食，下次可以過嚟試下

千代鶴 (銅鑼灣)銅鑼灣軒尼詩道525號澳門逸園中心11樓傾偈聚會好地方，地點非常方便，喺SOGO隔離，通利琴行隔離食嘢嘅building 11樓。餐廳為壽司居酒屋，坐得舒服，靠窗邊既位仲有少少景睇，職員非常有禮，因為要等埋朋友，職員仲斟咗杯茶俾我，一啲都唔催我落單。吞那魚配蛋王醬熟成既吞拿魚，邊邊帶點脆燒，唔加任何調味都已經好好食，配上蛋王醬又更提升到另一層次。帆立貝脆餅帆立貝墊住脆口的三文魚子和黑魚子，帆立貝作㡳就好似一塊餅咁，3樣都是高級食材，無得輸啦。燒白鱔 燒雞翼白鱔少少油份，外軟內脆。配埋我自細就鐘意食既雞燒雞，雞翼好人入味，仲有少少燒嘅坑紋色香味俱全，燒住串，傾住計，居酒屋一定係咁。鰤魚帆立貝新鮮到港，層身味濃，師傅加左調味，非常之咁夾，一流。銅羅灣居酒屋推介，適合一大班人，慢慢食慢慢吹，推介。

我都係見openrice入面幾多好評就去試下，點知就中伏。我地四個人晚餐，想食日本野，見其他餐廳都fullbooking,但係呢間餐廳仲有得卜，睇下其他食評都好似ok,就試下啦，上到餐廳個女侍應帶左我地去角落頭坐，同omakase個area分開左兩面，見到嗰面可能有熟客，都食得幾開心咁，咁我都諗住冇問題啦。坐低叫野食，食物普普通通啦，而家都記唔起有咩要讚，又冇咩特別要彈，不過其他因素真係促使我唔會再黎呢間餐廳。晚飯限時90分鐘，放題仲俾得長時間過呢間餐廳，我地六點半坐低，啲野食黎得好慢，七點三已經話俾我地聽係last order,我地先啱啱開始食野，一聽到last order真係眼都突埋。作為一間中價日式餐廳，佢個女侍應啲服務真係好差，比普通茶餐廳都不如，食完成肚氣。呢個價錢其實有大把其他選擇，都唔明點解咁多好評，大家考慮下。

多謝朋友極力推薦下，食到一間高質日本餐廳👍🏻每款食物都食到舔舔脷，而家回味都好想立即再食一次😳三文魚配三升漬，第一次食三升漬呢款調味，有啲鹹鮮味，又有啲辣味，同三文魚好夾🥳三陸生蠔🦪，生蠔好大粒好飽滿，面頭有輕輕炙燒過，加埋佢哋獨有嘅調配醬汁，好味的🤤日本海膽，店員一個送上嚟，我忍唔住話wa一聲!超鮮甜超綿滑，我諗係我近期食過最高質嘅海膽🤭牛舌盛，燒得又香又彈牙，師傅煮得好好，牛舌心仲係粉嫩❤️汁燒魷魚🦑，雖然呢個係常見嘅日本菜式，但係佢個燒汁甜甜地勁開胃，而且啲魷魚好新鮮彈牙，Yummy🤩

係銅鑼灣愈開愈多日式居酒屋，今次朋友帶我去呢間千代鶴，位於銅鑼灣軒尼詩道525號澳門逸園中心11樓。我地叫左好多唔同款食物，有幾樣我覺得好值得推薦：吉列蠔烏冬隻蠔好大隻，平時我唔食熟蠔，吉列食法反而我接受到，冇腥味。帆立貝脆餅呢種食法都係第一次，好特別，鮮甜既帆立貝配上脆卜卜既餅。汁燒魷魚燒到岩岩好，口感爽口，送酒一流。青魚刺身一定要點既刺身，好新鮮，肉質好彈牙。佢既服務都好日式，好有禮貌，下次有機會再黎食。

復活節食好dd系列， 去到銅鑼灣澳門逸園中心千代鶴食日本菜。醬燒牛油果， 牛油果營養價值高，含多種維生素， 平時食覺得好creamy, 口感麻麻地， 但醬燒煮法又別有一番風味。 牛油果質感硬身左， 醬燒汁味道又好夾牛油果， 加上中間加隻蛋， 美味。魔鬼魚面頗配魷魚飯， 真係第一次食呢款菜式， 魔鬼魚面珠肉好特別， 肉質非常嫩滑， 魷魚飯好香口， 魷魚量多，正。鯛魚白子， 鯛魚白子口感分外軟糯綿密，入口即溶， 加上濃滾奶油味和濃郁的鮮味。鹽燒魚鮫， 油脂香味濃， 魚油甘香， 魚鮫肥美， 嫩滑， 鹽燒燒得香脆。