千味家 (德福廣場2期)

营业中

休息中

九龍灣二期Foodcourt食過幾次之前通常都係食粉麵為主 包括酸菜魚麵 冬蔭公豬扒檬同台灣麵今次就同同事一齊想試兩餸飯 每人叫左3個餸 $49之後再一齊shared餸食叫左鎮江骨、蕃茄炒蛋、節瓜甘筍肉碎、蠔油冬菇豆卜、菜莆蒸肉餅、椒鹽洋蔥豬扒鎮江骨 - 完全唔推介 無酸甜味 完全唔似鎮江骨 好失望蕃茄炒蛋 - 個芡汁勁厚 無蕃茄既酸甜味 好淡口 蛋亦好老節瓜甘筍肉碎 - 呢個反而出奇地惹味 好餸飯蠔油冬菇豆卜-呢個都入味好食既菜莆蒸肉餅- 完全唔掂 個肉淋到無牙都食到 無口感 有啲奇怪 仲要無咩味椒鹽洋蔥豬扒 - 呢個係算最好食既一個餸 夠惹味6個餸入面得椒鹽洋蔥豬扒 蠔油冬菇豆卜 同節甘筍呢3個餸好食 其他個d真係不了 可以唔使試 不過勝在個間門面比較乾淨衛生

叫左兩餸飯外賣，飯既份量一碗都唔夠，菜又兩啖就食曬，肉仲要得4小舊有一舊係骨黎我見堂食俾好多，我外賣仲要加兩蚊反而咁少，當人傻仔呀？個阿姐勁惡，勁惡咁叫我「俾錢先呀」，黑口黑面好似差佢錢咁既樣！！D炒雜菜冇鹽冇味，菜炒到爛曬一patpat咁！！D雞反而就咸，鹽唔洗錢咁落！D飯寫到偏爛，口感較差！成40蚊，又冇野飲，份量又得咁少我去食M記唔好我一個女仔都唔夠食呀，平時食開既兩餸飯都冇咁少，當人乞衣咁

今日午餐想食啲經濟少少嘅嘢，去到美食廣場見到有間兩餸飯，當然呢個係不二之選。我要咗蕃茄炒蛋同咕嚕肉。蕃茄炒蛋分享覺，味道OK。咕嚕肉炸得幾香，唔會太肥。碗飯份量唔算大，不過午餐嚟講都好夠食。$50樓下食到個午餐算係OK啦。

平日間中都會幫襯這間喺德福廣場二期food court嘅店舖，兩餸飯/三餸飯很多選擇，有喺屋企食飯嘅感覺。今天晚上8:30嚟到，因為接近9點打烊，沒有戴口罩的女店員正忙着把各款食物從蒸鍋放進大盤子上，我正在看著有什麼食物選擇之際，女店員忽然對著食物擰轉面咳了三大三小聲，我忽然覺得很噁心很不衛生，決定選擇其他店舖好了。雖然疫症已過，但作為食肆營運店員，應該時刻保持良好衞生意識，戴上口罩和手套處理食物是最基本吧。

與伴侶來到德福廣場的Food deli晚飯，其中一份晚餐選了千味家的港式小炒，因有他愛吃的菠蘿生炒骨可選。另外他還點了隻滷水雞髀。菠蘿生炒骨飯，生炒骨的份量大約都有10件8件左右，算是可以。醬汁的酸甜味層次單調，茄汁味較為突出，尚算開胃，但味道較為普通。生炒骨炸得不夠香脆，沒有大排檔那份鑊氣！滷水雞髀🍗，都算大隻，入味又不會太鹹，惟肉質較為乾柴，肉汁不夠豐沛。兩款食品的味道還可以，不至於好味到要encore的程度。

Lunch hour食吓 food court 鐘意呢度有三餸飯可以揀 $49今次揀咗蒸蛋、肉餅同麻婆豆腐做餸賣相係一流嘅， 蛋同肉餅單獨蒸起其餘餸都會分好一碟仔冇炒埋一碟食慾大增👍🏻👍🏻蒸蛋滑溜溜，目測冇任何氣泡食落都冇鞋嘅口感至於肉餅，好實淨，食落口有午餐肉嘅味道味道都幾得意麻婆豆腐唔會辣，啱哂香港人嘅口味我冇叫嘢飲，喺自助水機斟杯暖水飲吓唔想食咁多飯，少飯份量如下冇食早餐嘅情況下，呢個份量都食唔哂🤣🤣🤣建議可以落單時講聲少飯

因為六點後冇堂食，諗住早少少食個early dinner就行左去德福既food court搵嘢食。Food Court都冇太多人，同埋好多人買外賣，所以任你揀位，新裝修感覺好開揚好舒服，呢度嘅梳化位好新淨好好坐。因為唔想食太熱氣又想有菜食，又見佢一兜兜擺得幾靚，就揀咗千味家。佢有炒粉麵飯，亦都有兩三餸飯。其他時段兩餸$38三餸$45，下午茶三餸都只係$38。今次總共叫咗六個餸，生炒骨、炒茄子、蒸肉餅、滷水雞髀、炒菜同花生炆豬手。分量都算多，不過滷水雞髀略嫌較乾柴，個人最鍾意佢個炆豬手，花生夠多豬手夠淋！補充番一句，而家喺food court六點後買外賣好多餐廳都有八或者九折，好抵食嫁，唔想煮就落去買個外賣，支持下飲食業！

🌸滑蛋牛肉飯，滑蛋牛肉的主要材料當然是蛋和牛肉，兩者都是容易熟的食材，要煮是很快的，但就需要掌握一些技巧，你睇吓廚師嘅功夫就知道了。先講牛肉，煮牛肉最怕就是韌，依度啲牛肉食起嚟軟腍，而且好入味。配上嫩滑的蛋，蛋香味濃，真係大大碟飯都食得曬呀！yummy🌸星洲炒米，香港咁地度星洲炒米流行了好多年，爸爸講開原來本身是什錦乾炒米粉，以前很流行的港式南洋餐廳，在什錦炒米粉的基礎上加了咖喱醬和黄薑粉的味道，㕑師鑊氣十足，啲米粉爽口分明，材料十足👍🏻🌸豆漿，豆香味濃但不會太甜

係foodcourt搵食勝在咩菜式都有！😚晏晝食左西餐，想食返港式～揀咗呢間千味家，有好多餸揀，好住家feel~~✨揀左星洲炒米，呢個幾高分，炒得乾身之餘，非常夠味，蝦仁、火腿唔會少，都幾足料～跟餐要左杯豆漿，幾順滑，少甜👍🏻✨另外要左個滑蛋牛肉飯，大大碟，滑蛋加左少少韭黃同葱粒，好香口😍～牛肉都好嫩，唔會鞋口，而且大大塊，唔錯！同樣跟豆漿～😎下次想試埋佢既小菜，感覺應該不錯！🤤🤤🤤

位於九龍灣德福廣場food court內的住家飯餸店，整個地方佔地大，開揚又乾淨企理，座位自由坐，坐位蠻得舒適。場內多間食店進駐，而這家不只是一盅盅蒸飯、炒粉麵飯皆有，選擇多元化，價格也很相宜。惹味即炒粉麵：星洲炒米茶餐廳、大牌檔常見之港式炒粉麵，整體份量大份。炒米粉金黃色，帶淡淡的咖喱味且微微辣味，調味均勻，麵條炒得乾身、有鑊氣。麵條不會炒得細碎散開，餡料還有韭黃、火腿、蔥、蝦仁及雞蛋絲，每樣材料都很多。惹味即炒飯類：蔥花蝦仁炒蛋飯 雞蛋炒得嫩滑，蛋香味濃郁，加上韭芽及水晶蝦仁，蛋及飯的份量好多。滑蛋配白飯，很下飯。

突然好想食*家常便飯*，德福二期的Food Court 其中一間，啱晒我心水，想食嘅都有，蒸肉餅，蒸蛋，2餸飯，炒粉炒麵…唔洗自己煮，賣相幾吸引，價錢平過茶餐廳。睇下menu，仲有其他野，今次試下炒野先。星洲炒米夠鑊氣，味道足，少少辣，材料都算ok。葱花牛肉炒滑蛋飯-味道ok, 蛋有啲老，材料多過飯，賣相就一般。Food Court內的茶餐廳，有咁多選擇都唔錯，堂食外賣都好，太方便，放工買2個就得喇，又多一個選擇。

當兩個人唔知選擇食乜嘢嘅時候，最好去一啲Food court ，有五、六間食肆任你揀👍🏻👍🏻經過千味家，看看他們的餐牌，居然有即炒飯、麵！五十幾蚊仲包埋飲品，真抵叫了一個滑蛋炒牛肉飯，攞餐時真係有啱啱炒好嘅煙出架，而且唔單止蛋滑，連d牛肉也是滑滑的，這確實令人有點驚喜👏🏻👏🏻另外梗係要叫例牌：星洲炒米😍😍難得碟星洲炒米也能夠做出水準來，有㗎喱香辣味，味道濃淡均勻，只有微微辣更沒有油淋淋感，勁讚😋😋碟頭飯麵，只要用心做，食客係會懂得欣賞呢😘

今日黎到德褔二期，原來本來日式百貨公司Piago 果個位置，拆開返2層，其中既5樓變左美食廣場Fooddeli ，身為吃貨既我地緊係要去試下喇。 今次試食左千味家，佢俾我個感覺有D似茶餐廳，因為佢主要係食港式小炒，入邊既餸都係有<家常小菜>既感覺，好多餸菜都係成日食，都係好鍾意食既。 今次叫左蔥花牛肉炒滑蛋飯，另外叫左星洲炒米 2個餐都跟飲品。蔥花牛肉炒滑蛋飯，同星洲炒米大家一定食過，但係佢地既蔥花牛肉炒滑蛋飯個蛋真係好滑，有時真係會變左牛肉蛋餅飯架，而千味家既蛋真係可以係個飯面滑係碟邊既，牛肉都大大塊，份量夠晒足料。 而星洲炒米，夠乾身，咖哩味夠晒，但係真係比較辣，所以如果唔係太食得辣既朋友就可以試下其他餸菜，食完一定全身暖晒。 千味家 九龍灣偉業街33號德褔廣場2期5樓501B號舖

千味家 (德福廣場) (九龍灣)📍九龍灣偉業街33號德福廣場二期5樓501B號舖Foodeli放咗工唔想煮飯😷嚟到屋企附近食德福food court見到呢間舖頭嘅餸菜好似唔錯叫咗兩份晚餐同朋友一齊食😼星洲炒米$49🍜估唔到food court都有高質嘅食物呢份星洲炒米唔錯幾有咖喱味 但又唔會太辣炒得好有鑊氣😇啲麵炒得鬆散 唔會黐埋一舊舊餡料亦都好多 有火腿 蔥 蝦米 芽菜蔥花牛肉炒滑蛋飯$53🐮分量十分大 相信兩個人食都夠滑蛋炒得十分香滑 好好送飯牛肉份量亦都好多 唔會太鞋口另外加豆漿都只係$3豆漿又滑 又唔會過甜 唔錯🥤

想要飽肚啲既選擇，Foodcourt都有中式食肆進駐🤣有各款炒粉麵同飯餸，就咁望落去選擇都唔少～套餐亦會包埋飲品蔥花牛肉炒滑蛋飯 $53滑蛋用黎送飯真係一流嫁🤣佢地既滑蛋份量好多😚而且都幾嫩滑🤭加左啲葱花所以幾香🙂仲有落左好多牛肉片咁😝啲牛肉都幾軟腍入味，OK的星洲炒米 $49另一碟揀左星洲炒米🤣同樣都係大大碟既炒粉麵黎😝份量好多🤗炒得好均勻同乾身，有陣陣既咖哩既香味同埋少少辣味，幾惹味喎。配料有啲火腿片、紅椒咁，份量都唔少