千府·居食屋 (已結業)

陪狗狗去睇完醫生，起等待⌛️時間行到條橫行好多野食，剛好地上反映左千府字眼起我鞋上，日本餐，好呀😊店長服務好體貼，幫我地兩位準備左兩個細套餐。還適合返工族，唔洗諗，一個套餐搞定。我個套餐不簡單，有酸菜，有沙律，仲有三種刺生，吞拿魚、池魚、甜蝦，好肥美，再配火灸壽司5件，三文魚、熟蝦、玉子、鰻魚、左口魚，飲埋包飲品真係好滿足！朋友喜歡牛，所以叫左安格斯燒牛肉飯，好濃的味道，配上寿司拼盤5件，不同的口味，新鮮的用料，好味😋真令人回味日本的感覺！

迷你蒲燒鰻魚飯嫩滑鮮美的鰻魚搭配暖暖的白飯，對，雖然是外賣，可能因為包裝設計保暖嘅緣故，返到屋企鰻魚飯都仲溫暖的。甜甜嘅鰻魚汁除咗令鰻魚更亮澤外，更可將鰻魚嘅精華滲入白飯，令食指大動。迷你角切魚生飯我各設魚生飯上最搶眼嘅係吞拿魚蓉，份量一啲都唔馬虎。跟落咗唔少嘅玉子粒，蘑菇粒，青瓜粒，蟹子，當然仲有多款魚生。既清新，又繽紛可口，清涼感覺十分適合炎炎夏日。迷你飯套餐除咗有豐富嘅前菜同飲品之外，仲會配搭壽司拼盤，每款五件壽司。第一個款係有三文魚、赤身、墨魚、赤蝦同深海池魚。第二款，亦係令我回味無窮這一款就係火炙壽司拼盤。有三文魚、熟蝦、鰻魚、玉子同左口魚，燒得半熟嘅魚生面上再配一層沙律醬，絕對係味蕾嘅享受。

這天陪朋友到寵物店購物，順便看看可愛的小貓和小狗。在附近的勝利道選了這家千府居食屋午餐，店裡一位甜姐兒侍應非常有禮又體貼，想不到這裏的出品也很出色。午餐選擇很豐富，價錢絕對物有所值呢！迷你安格斯燒牛肉飯餐 $108雖然說是迷你飯餐，但這個餐一點也不迷你。前菜有野菜沙律、漬物是海草及子羗，果物是香桃。刺身是厚切的，有三文魚和帶子各兩件。刺身很新鮮，帶子特別鮮甜。選擇了火炙壽司盤，有三文魚、左口魚、鰻魚、熟蝦和玉子五款，每款壽司都非常好吃！火炙壽司都有魚的油香，我尤其喜歡火炙左口魚。 至於迷你安格斯牛肉飯。牛肉弄得很香，而且一點也不會乾，加了一些牛肉汁到飯裡，整個牛肉丼飯都很香口。這個午餐真的令我感到很滿足。迷你鰻魚飯餐 $118鰻魚香軟，醬汁濃香帶點甜，配漲卜卜的、雪白白的珍珠米飯，實在凡人沒法擋。這個餐的果物是西新鮮的西瓜片。蜜桃紅茶和烏龍茶午餐有四款紙包飲料或麵豉湯可選擇。

平日在公司附近吃LUNCH已吃到不知要吃什麼，經友人介紹這家位於勝利道的日本菜不俗，於是就跟同事一起來嚐嚐店員都有禮親切，服務很好，而且午餐不用加一，真是打工仔恩物自選迷你飯餐有１０款之多，而且可選Ａ、Ｂ其中一款壽司，飯餐非常豐富，除了飯與壽司之外更附送刺身、是日沙律、果物及漬物。飲品方面可選 紙包或麵豉湯我選了４號Ｂ餐，迷你三色丼拼火炙壽司及麵豉湯先來的是熱騰騰的麵豉湯，味道剛好不會太咸，裡面有豆腐粒粒與海帶看到精緻的擺盤，真的很豐富阿！！！未吃已經胃口大開刺身全部味道也很新鮮，而且厚度十足，沒有半點將貨就價火炙壽司燒得夠透，魚油很香，入口即融，什有誠意！三色丼上面的三文魚籽一咬爆汁，鮮味十足，齒頰留香。日本料理看似簡單，卻能做到色、香、味俱全實屬難得，而且性價比極高，下次必定要ｅｎｃｏｒｅ！

區外客，見到open rice 咁都多正評諗住可以一試，點知一試就中伏，兩個人lunch 食左近800，呢個價錢無諗過質素係咁差，8件壽司拼盤，味道非常一般，仲要件件都重複，最過分係side dish 啲紫菜竟然係味付四洲紫菜，真係大開眼界。個所謂松葉蟹波波，得兩細舊真蟹肉，其他都係仿蟹柳，魚目混珠但係收百幾蚊一碟，食完真係一肚火。其他食物無影相，味道一般，吾係難食，但lunch 收呢個價錢呢個質素係不可接受，大家去之前諗諗。

何文田入夜後本來就極為寂靜，想不到一拉門入千府居然全場滿座，而且還告知是夜食物會比較遲出。千府有自選迷你飯餐，套餐已包括刺身、沙律、丼飯、壽司拼盤、漬物及果物。果然一如餐廳職員告之，等了大概半個鐘頭才有食物上枱。味噌湯味噌湯熱度十足，內有海帶及豆腐，湯味鮮甜濃郁。壽司拼盤壽司拼盤可以揀選一般的或火灸過，自己選了一般壽司，賣相好像比餐牌相片更美，魚生片薄薄的包住醋米飯。刺身刺身有三文魚及帶子各兩片厚切，入口很有質感。迷你吞拿魚蓉丼雖說是迷你丼飯，但材料很充足，吞拿魚蓉口感軟滑，份量足以伴著每一口飯。火灸壽司拼盤火灸壽司多了一分燒過的香氣，再加上沙律醬甜甜酸酸的味道，一口一件壽司不過份。迷你三色丼是夜三色丼為甜蝦、油甘魚及吞拿魚蓉，甜蝦及油甘魚均口感新鮮，柔軟細滑。

平時見到呢間lunch好多人, 今日放工過嚟試試。餐牌一共有10個迷你飯餐, 每個餐都會包刺身4件（三文魚同帶子各2件）、沙律、果物、漬物同飲品/麵豉湯. 🍴迷你吞拿魚蓉丼配壽司拼盤🍱沙律🥗新鮮，生菜清脆爽口。三文魚和帶子刺身都是厚切！壽司拼盤有三文魚🍣 熟蝦、玉子、鰻魚同左口魚。🍴迷你三色丼配壽司拼盤🍱三色丼有吞拿魚、深海池魚、甜蝦，全部刺身新鮮，甜蝦彈牙！壽司拼盤有三文魚🍣 赤身、深海池魚、墨魚同赤蝦。全部迷你餐都可以少食多滋味，試曬不同款式的刺身壽司🍣，大滿足！

上完堂，去了附近的日本居酒屋食午餐，每人点了份迷你丼飯套餐。每份套餐分別有刺身，沙律，果物，漬物，麵豉湯，壽司併盤及主食，款式多，份量非常足夠，而且好好味。刺身是厚切三文魚及鮮帶子，味道鮮甜好味。壽司併盤，三文魚，甜蝦，吞拿魚，墨魚，深海池魚，非常新鮮。火炙壽司併盤，熟蝦，三文魚，鰻魚，左右魚，玉子，分別用火燒後，帶出一種香味。主食是迷你蒲燒鰻魚飯，鰻魚燒得外面少少脆，內裡軟。另外是迷你吞拿魚蓉丼，新鮮香甜。每碗份量剛剛好，非常好味。

黎到位於勝利道既一間日式小店入到餐廳第一時間最impressed既係職員好親切同熱心!有慢慢介紹一下啲餐牌同食物對於呢間唔係行高價路線既餐廳黎講呢種服務已經相當好我地簡左2個迷你飯餐睇個名本身有啲擔心唔夠食😂但原來已經包埋刺身、沙律、果物、漬物、麵豉湯/紙包飲品！當日果物係蜜桃，可以當飯後甜品迷你蟹肉丼蟹肉份量多，仲有蟹籽搭配～刺身有三文魚同帶子各2件味道新鮮亦無雪藏味火炙壽司拼盤最愛三文魚果件，入口即溶😙左口魚有濃郁既油脂其餘鰻魚、熟蝦同玉子都好好味～麵鼓湯迷你三色丼份量好豐富，有吞拿魚、深海池魚同甜蝦，味道仲要好新鮮所以話其實個迷你飯一啲都唔迷你🤣當日咁岩見到有人叫外賣鋪頭連外賣盒既擺設都十分細緻務求食客拎到番屋企都有視覺享受另外，連豉油碟都會若隱若現見到富士山嫁～睇到嗎？整體黎講除左食物質素好更難得係鋪店員有好熱心既服務態度同細心

一次過滿足你兩個願望嘅隱世日式小店。點解咁講？因為晚市的套餐，整體10分豐富。即是想食日本菜，都有分便當、壽司、刺身等等但千府晚市套餐全部都有💪🏻 整體黎講 都很抵食和豐富。擺設都有日式的感覺。 便當：雖然是迷你丼，但十分足料 刺身：有四塊刺身，都很新鮮👍🏻 火炙壽司：五件，每件都10分精緻麵豉湯：不是即沖湯，有不同的材料百幾蚊有咁既野食，十分抵食最後最後，餐廳位置位於勝利道10分方便同埋侍應的態度十分良好，有傾有講 有講有笑

好耐冇去食日本餐，咁啱去開附近又上網見到好似幾好食。就同女朋友一齊去食。我同女朋友都帶咗每人一個迷你飯餐，咁就可以自選一個飯，同埋一個壽司餐。咁我就嗌咗迷你吞拿魚蓉丼配火炙壽司拼盤。一個餐就配埋沙律、刺身、果物同埋漬物。嗌完冇耐好快就送到嚟，睇落賣相都唔錯。如果物就係木瓜。咁我一嚟就食晒拼盤先，由左至右分別係三文魚、鰻魚、左口魚、熟蝦同埋玉子。味道方面都幾出色，唔會燒得太過火。之後就到丼飯，個魚蓉好新鮮，而且個飯size配埋其他嘢就啱夠飽，另外個飯唔會太爛。之後就係刺身，個三文魚係厚切，而個帶子都幾鮮。呢個價錢整體嚟講都幾firm

前排去左何文田報名，臨走前去左附近既千府·居食屋買外賣返去食。由於我好中意食日本壽司，見到價錢幾抵食，所以就買左兩個set試下先。迷你蟹肉丼：蟹肉差不多佈滿整個飯格上，仲有適量既蟹籽、紫菜碎伴住黎食。味道幾鮮味，尚有甜味，加上蟹籽可加添口感！迷你角切魚生丼：角切魚生份量可接受，每粒大小適中，當中包括三文魚、吞拿魚、帆立貝、蛋、青瓜。味精充滿左魚鮮味，又有清新爽口感覺！兩個丼飯更配有白蘿白、酸薑、西瓜，所以食起黎吾會得丼飯甘單調，值得一讚！而且外賣盒分左區域，令外觀上加足分！另外，套餐會跟2件三文魚刺身及2件帶子刺身。兩款刺身好厚，食落特別有口感，亦帶鮮甜味啊！壽司拼盤(5件): 三文魚、赤身、深海池魚、墨魚、赤蝦。每款壽司上面既刺身吾會太薄，五件亦有魚鮮味，絕對吾怕腥怕臭。火炙壽司拼盤(5件): 三文魚、熟蝦、玉子、鰻魚、左口魚。如果吾想再食生壽司既話，就可以揀依個拼盤。每款火炙壽司幾香口，特別系玉子味道甜甜地，火炙三文魚入口即溶。飲品: 有紙包飲品/汽水揀。

完咗sem就梗係要放鬆吓㗎啦！🤪🤪男朋友知道我鍾意食日本嘢，所以就專登去搵有啲咩日本嘢好食。😚😚無意之中俾佢搵到呢一間居酒屋，睇落唔錯，所以就帶咗我去食。🥳🥳------------------------------呢一間餐廳裝修幾日本風，再加埋啲日文歌，簡直好似去咗日本咁。😍😍------------------------------呢一間餐廳亦都好貼心，枱上面會提供酒精搓手液，就算唔記得帶酒精搓手液都可以用去枱上面嘅搓手液，幾貼心。🥰🥰我同我男朋友見到呢個迷你飯餐有幾多選擇同埋幾多嘢食🤩🤩，所以我哋各自嗌咗一個迷你飯餐。😋😋我自己就嗌咗迷你三色丼配壽司拼盤。個飯餐唔單止有丼飯同壽司拼盤，仲有刺身、沙律、生果、漬物同埋嘢飲。一個份餐入面有咁多嘢食真係好抵食。😆😆原本個丼飯應該係吞拿魚、深海池魚同埋甜蝦，但因為咁啱吞拿魚冇晒，所以就轉左吞拿魚蓉俾我。不過唔緊要！😙啲吞拿魚蓉好好食🤩🤩，一啲都唔差！啲魚生亦都好新鮮，特別係三文魚刺身，好好食～😋😋------------------------------呢間居酒屋性價比高之餘，啲店員都好貼心，見到我哋飲咗啲茶，會主動幫我哋斟返啲茶。

今日陪男朋友到何文田睇牙醫順道食返個下午茶，經過一間門面好有日本特色的居酒居，再睇埋個餐牌價錢合理又多選擇，就入去試下，入到店舖裝修好有日式格調，牆上面有好木牌可以給客人及情侶寫上祝福同心意😍迷你角切魚生上枱時已經覺得賣相好吸引，套餐包括沙律、飲品、刺身、果物、漬物、日本自選丼飯及嘅壽司🍣，丼飯份量剛剛好，魚生粒粒都好新鮮，加入蟹子增加口感，刺身有三文魚片帶子片，三文魚肥美，帶子清甜，每一個食物都好好味😋迷你蒲燒鰻魚鰻魚外皮燒至微焦，外脆肉質嫩滑，壽司有三文魚、赤身、深海池魚、墨魚和赤蝦，赤蝦厚肉美，赤身魚味濃郁，墨魚好滑好爽口，其餘壽司質素都不錯👍值得一讚食物質素不錯，性價比高，服務員雖然只得一至兩個，但對客人非常細心照顧及耐性👍下次一定會再幫襯的😋

餐廳隸屬何文田區域，但其實由旺角過來路程只需要五分鐘左右，十分方便快捷，餐廳主打的就是日本的料理，而我這天光顧的原因，就是因為地理方便，因剛好在這邊工作，看到這些小店定必品嚐一下。這天我挑選的食物也就是蒲燒鰻魚便當，外表精緻當然是日本食物其中一個神髓，餐廳做得很不錯，但我最欣賞就是他的選材，採用來自日本的大米和雞蛋，這樣已經令整個食物提升一大步。鰻魚肉質厚實，加上調製的醬汁，味道適中。另外，配搭的壽司方面，每一嚿也是有師傅即時製作，更為新鮮美味。