千式麵包屋

营业中

休息中

說的是大馬路ICAC附近那間分店，除了之前網友稱讚的$2精美迷你麵包之外，值得推介的是它的朱古力三角($4)和老婆餅($2.5)。朱古力三角外面是光滑如鏡的脆皮，幾間白色是奶油，配合質感細緻、朱古力味香濃且甜度適中的糕餅主體一起吃，令人很滿足！於不同時間買過幾次老婆餅，都似是新鮮出爐的，餅皮酥脆得一碰即碎，熱熱暖暖的餅身香甜軟糯。個人認為，質素比得上，甚至勝過同處元朗大馬路(但一東一西)的老牌名店(題外話，該店出品退步不少，上一次買的老婆餅很不濟，豬油味太重，太油膩，餅身太甜且易散碎！)。

我去"o個"間係係元朗廣場個邊個間,岩岩先新開!!見佢$2一個mini包真係好抵,而且佢又有好多款...完全俾佢吸引住..哈哈!!第一次去試,睇到咁多款,真係咩都想試最後買"o左"6個包仔...哈哈...全部都好正,不過原先諗住豆沙包最好食,但可惜令我有d失望...不過整體都好好而且d服務態度都一流呀!!芝士腸仔包:岩岩出爐,仲熱熬地,包身好軟...鮮奶球:最令我意外"o既",又係岩岩出爐,好香奶味...而且入面仲有奶皇,好好味!!菠蘿豆沙包:包身夠軟,而且好多豆沙係入面!!唔會好甜,好味豆沙包:令我有d失望,因為個包硬"o左"d...不過都好多豆沙

寶城都已經好平, 兩蚊個蛋撻, 三蚊個菠蘿包, 以為已經平到無人有, 原來天外有天, 千式麵包屋全天候六蚊三個大菠蘿 , 我買時仲剛剛出爐熱辣辣, 味道更勝寶城同好多連鎖麵包店, 怪不得咁多人買而且一次過仲買好多, 真係生多幾個都唔怕會食到窮 (講笑啫 )我另外仲買咗六蚊兩個嘅芝士肉鬆包俾老公明日做早餐, 未食但嗅到好香芝士香味, 我估應該都不錯, 明日再問他的食後感

飲完花茶休息完又去逛街市,阿姨想黎呢度買麵包比表妹們吃,因為之前買過,2位美女好buy呢度既包。我掛住睇蛋糕,返到屋企至知買左d什麼包;熱辣辣一大袋迷你包入面好多款式:菠蘿紅豆、沙律腸仔、火腿蛋、雞肉包...菠蘿紅豆:面頭菠蘿皮香脆,包仔細細但紅豆好多,有d紅豆衣,口感幾好而且味道唔太甜,我鐘意呢款!!沙律腸仔:用上我鐘意既脆皮腸仔,一咬落去卜一聲個感覺好正,個人鐘意呢d脆皮腸多過平時個d長腸仔,yeah!有機會買d迷你凍餅試下($12半打)睇落好似幾好味,呢度因為近合益街市,人流唔少,幾位阿姐快手快腳做野,效率一流。