千式麵包屋

营业中

休息中

 呢隻“雀巢”，細細個就已經好鍾意食，無論係美心金蘋果定係各大小餅店，我都淨係鍾意食呢隻，果占滿滿的就係個重點，不過細時家貧，唔係想食就有得食，大個左梗有情意結要密食當三番啦， 食呢款野，一定要舊派餅店先整得好食，美心果 d 只係地點方便區區都有，如有選擇時美心一定唔係首選。愈來愈多舖頭唔願做呢 d 花餅，此無他，工序多賣得果三四蚊件，倒不如做下芒果布甸提拉米蘇啫哩杯等等比較好利潤既產品，所以開始見到其他區餅店賣少見少。 千式係其中一間抵食之餅店，元朗買“雀巢”一定要買千式。我有怪癖鍾意買返屋企，放雪櫃雪到硬硬地先食，人人食法唔同，大多數人應該係喜歡食鬆軟狀態，唔知有無同好呢？

仔仔最愛食芒果,所以今次生日就訂左個芒果蛋糕俾佢。雖然蛋糕外表很普通,但真係好好味。芒果很新鮮,亦很甜吾酸,蛋糕超鬆軟,而且有蛋味,忌廉適中而且很滑,岩世小朋友食健康好多。

雖然我不是一個超級蛋糕迷，但有見這蛋糕那麼漂亮都忍不住要試一試。這個蛋糕不但賣相討好，而且芒果多又鮮甜。蛋糕亦做得非常鬆軟，又不失飽肚感，再加上幼滑的忌廉，令不是蛋糕迷的我也愛上了這個美味的蛋糕。還有重要的一點是它不會過甜或過膩，這一點令我更愛這蛋糕。試了這個蛋糕後，令我更想試其他千色的出品，看看是否同樣美味。

提起PUFF會想起哪家店? beard papa? coco frans?(名字是這樣串嗎?)似乎這幾家連鎖店的puff都已成為puff的代名詞, 想起puff就只會想起在這些地方會買到好吃的。我都曾慕名特意到旺角去買beard papa的puff, 試了最普通的, 但我就只覺得「沒怎麼樣, 真的很好吃嗎?」這家餅店很街坊 裝潢一點都不吸引 蛋糕也是很老土的樣子從幼稚園就已經天天買麵包放學吃, 一直都習慣了沒覺得有什麼特別的長大了後, 就沒有再常常在這買包。貪方便投靠了連鎖麵包店, 吃多了才慢慢發現小時候常吃的包是多麼的特別。千式的腸仔包, 腸仔是包在內的把外面的麵包吃掉後會發現腸仔的皮就像手指長時間浸在水中那樣皺皮的樣子吃下去很甜, 我也不知道為什麼, 這種腸仔的味道是只有腸仔包才有的。還有, 麵包連著腸仔的部份也很甜, 很好味。連鎖店的腸仔包, 要不就放在麵包上, 看起來雖然很好看 但不也就是一條普通腸的味道?要不就包在內, 但也是煮腸仔的味道, 沒特別的。主要想介紹的其實是puff這是一年多前朋友介紹我吃的朋友介紹我到這買puff的時候我是有點看不起這puff的因為它的樣子長得好

大大隻提子飽.賣完後到回家10分鍾內也熱辣辣.聞已經很香.入口麵粉相當重蛋香味和麵粉香味.包的表面很光.但嫌焗得過火,有少許燶,有少許黑色.入口帶少少苦味.同要批評提子少.成個飽只有6粒左右提子.唔夠喉如果趕時間的吃早餐,熱辣辣的飽加飲品已享受,服務也不俗,當然有下次再去的理由.

四月下旬‧晴行開這一區，周圍吃一下東西，路經此間麵包店。來一個蛋黃酥，蛋黃不多而且也不漏油，內裡的似是棗蓉，幾香甜。勝在不算很油，吃起來不覺膩，平平地也下一試無妨。

昨天去了元朗飲茶，不想空手回家，隨便逛逛有什麼"抵食"買回去。經過此餅店，入去看看。食品的款式很多、層出不窮，蛋撻有分原味、蛋白鮮奶味的酥皮及曲奇皮，老婆餅、皮蛋酥、豆沙酥、蓮蓉酥、咖哩酥、雞批、曲奇餅，還有久違的中式豆沙燒餅，再進入一步，左邊是麵包區，但看來我來晚了，剩下的麵包款式不多。中間有各類包裝的蛋糕、餅食：香蕉蛋糕、蛋白蛋糕、清蛋糕、光酥餅、合桃酥、芝麻餅.......右邊是蛋糕區，有個裝的、件裝的、多款的西餅。我被那些件裝切餅吸引著，$9/件，大大件的，上回"藍莓芝士蛋糕"的不快經驗還不知死，最終買下了一件朱古力慕士蛋糕，給自己一大堆『這家店又不同那家店』、『朱古力可能會比芝士好吃』這些借口。那位店員小姐的服務很好，我說想要近櫃邊最美觀的那件，她整盤蛋糕取出給我選擇，再幫我入袋。感動，因為大部份的街方餅店，睬你都傻！無奈的是，這件蛋糕，可說是『朱古力慕士蛋糕』嗎?之前吃過海逸酒店自助餐的甜品蛋糕、東海堂的特濃朱古力、聖家娜的朱古力情趣、美心西餅的黑爵士，朱古力慕士蛋糕給我的印象是良好的。但這件蛋糕，本身已沒有抱太大期望，先嚐少少沾在圍邊上的朱古力，暗中自喜，因為味道又不算太

記得小時候每逢星期六都要在附近上鋼琴班，每次到老師那裡之前爸爸都會在這裡買麵飽給我吃再加一盒維他奶or麥精。想起都開心！麵飽每次買都總是新鮮熱辣又軟綿綿的，我最常吃的就是菠蘿飽及墨西哥麵飽，兩者都十分十分之好吃，記憶當中腸仔飽也很出色…雖然現在怕豬油不健康已經不再吃這種港式麵飽了，但我亦會很推薦這間麵飽店，記憶中他的出品每次都讓我吃得很滿足躺很滋味！！！

呢度的皮旦酥好食左佢加左彊蓉, 以前的皮旦酥是有彊蓉的, 但而家我四周圍試都食唔到有彊蓉的皮旦酥了. 全港可能只些一家了.我好鐘意, 每次經過都會買返幾個, 佢在大馬路果間都一樣好食.鐘意食皮旦酥的一定要試

早排屋企樓下開左間千式lee個名我成日覺得好熟但又諗唔起幾時幫襯過到今日係元朗見到先記得原來lee間野係連所店我幫襯過新北江個間我同屋企人講個puff唔錯之後行去過去間鋪到睇睇見凍櫃有好多切餅不過大部分都要7-9蚊見到果醬日式芝士餅賣4蚊就買左黎做下午茶買左成個鐘先食d味依然好好似棉花咁軟棉棉用餐刀切都好易切開唔會好似嘉頓個d蛋糕咁乾味道上呢係小咁d芝士味唔係無而係唔夠多可惜個表皮唔夠濃郁如果唔係口感更好但以4蚊有9cm長ge蛋糕係香港來說花算

又新街個分店開左咁耐我就幫襯咁耐 ,以前返學果陣差唔多日日都去買左蛋糕返學食 ,放假既日子 , 阿媽都鐘意去買定D麵包係屋企..但畢左業之後都冇咩點幫襯 , 係我老豆每星期都有活動 一次過要買五六個麵包先去買..唔幫襯個原因都係佢價錢唔經唔覺加左 , 都唔緊要 , 但個價錢可以係聖安娜或者其他麵包店買個好少少囉 , 最多都係貴五毫到一蚊..我自己有整蛋糕就知 , 佢個芝士"蛋糕" 真係就咁打完D芝士再倒模就算既感覺囉..我唔知而家仲係咪啦 , 定我要求過份左啦..就連我阿媽都認為而家冇咁抵 , 價錢上調但品質冇上調過..以前價錢平就話唔洗同大公司果D水準一樣啫 , 但而家價錢差唔多 , 品質差一大個碼就唔抵幫襯..琴日又幫我老豆去買麵包 , 咁我老豆指定要晒果隻麵包但又唔夠貨 , 我都同個員工甲要左先啦..打比老豆之際我就比錢 , 有個員工B 收左我錢 , 咁我咪拎返自己袋麵包繼續睇囉..之後要多几個第二D野麵包 , 員工甲收我錢啦 , 就計埋我本身果袋既錢..我呆一呆 , 但好正常咁同佢講我比左錢..佢就大叫佢冇收過我錢 , 對眼瞪到冇得再大..痴Ｘ線 , 開頭我都冇咁火既語氣講多次

今日入開元朗, 成日經過都想試下呢間D面包~今日見有D口痕, 買左個清清地的蛋白蛋糕黎試下~唔記得係米$5, 不過都好大個, 蛋糕好軟~ 好有蛋味.幾蚊甘大個, 抵食~

在元朗閒逛時突起曲奇癮起, 見千式餅店的餅櫃陳列著多款曲奇, 再看看價錢, 只是$30/磅, 算很抵吧! 膽粗粗的問賣餅亞姐買半磅可否每樣都要些, 她非常客氣地回答可以, 並無嫌我麻煩。 回家一看, 發現分佈十分不平均, 有些款式只有一件, 但總算試勻所有味道啦! 草莓曲奇: 呈圓形薄身, 算是幾鬆的, 很愛果醬焗過後煙煙韌韌的感覺。 藍莓曲奇: 基本上和草莓曲奇一樣, 只是轉換了果醬的味道。 咖啡唧花: 咖啡味突出, 帶點甘香。 原味唧花: 焗過後花紋仍很清晰, 質感還算鬆, 但當然未至於鬆化的境界, 有牛油香卻不重, 吃起來也不會太漏喉。 朱古力醬唧花: 即是原味的變奏, 加上朱古力醬後更為甜美。 朱古力唧花: 朱古力味還吃得出。 芝麻餅: 佔的數量最多呢! 滿口芝麻香。 杏仁條: 不夠香酥, 杏仁片夠脆口。 芝士條: 扭紋狀的, 可是較實身, 不夠芝士味。 蝴蝶酥: 如與百事吉的相比, 後者可謂更勝一籌。 整體水準雖非絕佳, 但只需$15就買到大大包的曲奇, 加上又可以自由配搭, 已抵得無話可說了。

幫襯千式已經有一年多,好中意佢地d蛋糕特別係佢地的芒果蛋糕!佢地的蛋糕只有有分大同小size,冇話幾吋大細,而芒果蛋糕上面佈滿芒果又多cream,算是不錯的,又唔係貴,買大的芒果蛋糕100有找,平時突然想食芒果cake又唔想食咁貴可以去佢地度買,不過芒果蛋糕好多時下午就賣哂,所以要買趁早,唔係好似我有次去買時又新街個邊間店賣哂,要行到元朗廣場個邊的新店買

我是幫襯大馬路那間, 新開了幾個月吧.它的麵包經濟實惠, 街坊價錢, 平均都是$3-$4, 大大個, 款式都算多. 是晚麵包所餘無幾, 就去凍櫃看看, 都有好多凍餅切餅, 多數都$8一件. 最後選了件果醬日式芝士餅, 只是$4, 三角切, 好大件下, 凍食, 質感比日式硬些, 但蛋味多過芝士味, ok啦咁平.