千海水產海鮮火鍋放題

营业中

休息中

今次試咗人氣極高嘅千海水產🦐，主打即撈即煮海鮮火鍋放題，聽講開業初期超級難Book位🤣，除咗可以自己去撈海鮮🦀🦐，仲有無限任食火鍋材料、牛肉同埋放題美食，細食啲都搞唔掂🤪❣️2小時晚市火鍋放題（星期六7:30pm前離座） $318加一📍湯底有10幾款湯底自由選擇👍🏻，揀咗蟹黃海鮮鍋🦀，湯底超重海鮮味，用嚟煮海鮮一流😆📍海鮮揀完湯底就好去夾海鮮🦀🦐🤪，因為夾完職員仲要洗都需要啲時間⏰，有蟹、鮑魚、大頭蝦、九節蝦、基圍蝦、螺同一啲貝類，推介夾多啲鮑魚🤣，爽口彈牙啖啖肉，蟹🦀就有鮮味但冇乜肉，鍾意啖啖肉嘅朋友就要食九節蝦，大頭蝦膏多但肉就唔多彈牙🤦🏻‍♀️，螺同貝類比較多沙，建議唔好夾咁多🤪📍火鍋材料出面有大量火鍋材料任夾，牛肉就可以用手機落單，款式都多，牛肉味都重👍🏻，鍾意食蠔嘅朋友私心要叫多啲嚟食，🦪蠔淥完仲係大大隻，唔夠喉仲可以食埋燒蠔，多咗香料嘅味道，但都仲係啖啖肉🤤📍熟食出面有多款熟食可以拎，推介一定要食烤榴槤🩷，榴槤味超香濃，榴槤控必食🙆🏻‍♀️📍小食及甜品出面仲有好多款小食同甜品任食，如果仲食得落嘅話🤦🏻‍♀️📍飲品汽水，紙包飲品同茶類任飲，仲有珍珠奶茶🧋，味道可以媲美出面嘅台式飲品👅

想試呢間餐廳好耐，任食海鮮，仲可以自己即撈即蒸，好吸引，知道係我屋企附近開咗分店，即刻打去，都要等一個月後，不過唔緊要最後都有得食😆😆一入去即刻睇吓啲水產，有鮑魚、蟹、九節蝦、大頭蝦、基圍蝦、沙白、美國蜆，真係好多選擇，同埋海鮮仲好生猛，尤其啲蝦，夾咗上嚟之後都會彈彈吓🤣‼️呢個自助撈海鮮區域仲會不停補貨無限量任撈任煮，一定會回到本湯底選擇都多，好多款都吸引，我叫咗野菌魚湯鍋，諗住可以突出海鮮嘅鮮甜除咗海鮮，都有好多野食，基本上打邊爐嘅牛、羊、同一般放題嘅配料都齊晒牛肉有澳洲A5和牛，美國肩胛肉，質素都好唔錯，不會太肥，厚度適中😆 估唔到連小食、熱食都好多，有我最鍾意嘅焗榴槤、鵝肝多士、燒乳鴿

對千海水產的安排非常不滿，簡直一肚氣！😡 嬲嬲嬲！明明我地預約左8:15 pm，更排在「已預約隊伍」中的第一位。但直到8:30 pm 仍未被安排入座，惟見到工作人員繼續安排 walk in 客進入。我地多次向工作人員查詢，但職員態度非常惡劣，叫我哋繼續等，安排十分混亂。我地唔會再幫襯。對於咁既對待，我地極度失望同不滿。作為預約客，唔該喺指定時間安排座位嗎？點解等咗成15分鐘都未有位（最後我哋係自己走）？而我哋「已預約隊伍」後面仲有不少客人，面對職員無視和冷落，讓人難以接受。

海鮮放題，抵食！配菜同埋飲品自助區分類清晰，自助撈海鮮區域，選擇非常豐富，可以任選烹調。即使海鮮種類好豐富，環境仍然乾燥清爽。我哋叫咗鴛鴦鍋，有以下兩款湯底：🚩清甜椰子雞鍋🥥🐔椰香濃厚，雞湯清甜鮮美，帶黎獨特風味。椰子嘅香氣同埋雞湯嘅鮮味相輔相成，令人回味無窮。🚩野菌魚湯鍋🍄‍🟫🐟濃郁魚湯滋味中蘊含野菌香氣，湯底清甜鮮美，帶黎豐富層次。🚩各項肉類澳洲M5和牛、澳洲羊肉片、同埋美國豬梅肉片可以隨便免費追加，肉質鮮嫩，入口即化。🚩海鮮區域🦀🦐🦞😍😍區域入面有包羅萬有嘅高質海鮮，例如九節蝦、沙白、美國蜆、鮑魚、貴妃蚌。全部鮮美肥大。而且自助撈海鮮區域會不停補貨，無限量任撈任煮。食客揀選海鮮之後，交俾店員沖洗，就可以享用肥美海鮮。

終於食呢間仼撈海鮮的火鍋放題😍 仲會不停補貨😇 餐廳中間位置有個大魚缸🐟 可以自己去揀再俾店員清洗🥰 千海水產種類豐富 有三點蟹•肉蟹•花甲大蝦•鮑魚•東風螺•大蜆•沙白…🦀 在旁邊的自助區也有多款丸類🍢蔬菜🥬海鮮🐙前菜🥗炸物🥟點心🫘等 太多野食啦✨ 坐底可以先點選火鍋湯底: 蕃茄豬骨鍋/藥膳雞鍋/秘製麻辣鍋/喇沙海鮮鍋🍲 我們點選的龍蝦頭鍋 很濃郁🫶🏻 肉類方面 有美國牛肩胛片•澳洲M5和牛•澳洲羊肉片和美國豬梅肉片🥩 都很鮮甜大塊👍🏻 除了肉類 還有燒物🍖推介川味燒鮮蠔,鐵板鵝肝多士, 西京燒比目魚和牛舌🐮 咁多嘢食 記得要留肚食海鮮😘 佢地啲海鮮好生猛新鮮😋 鮑魚厚肉爽身 大頭蝦爆哂膏 好鮮甜啊🦐 食飽飽 當然仲有甜品❣️有多款Haagen-Dazs 雪糕🍦汽水| 冷泡茶|清酒|梅酒|生啤任飲🍻 性價比勁高〽️ 絕對不能錯過💝

尼排荃灣千海水產的任食打邊爐自助海鮮放題係超人氣之選，簡直係海鮮愛好者的天堂，以自助形式就可以食到各式各樣的美味海鮮，日日都大量人等位，但係由於店面好大，座位數目十分之多👍🏻👍🏻自助區的食物一應俱全😊仲可以用QR CODE落單👍🏻120分鐘任點任食😋重點生猛海鮮任食，時間十分充足，可以同三五知己食飯慶祝既地方👭 ✔️ 龍蝦頭鍋〔真心推介😋〕 $298/人👍🏻 鮮蝦味濃👍🏻 惹味👍🏻 性價比相當高✔️ 火鍋肉類🥩 牛🐮豬🐷羊🐑雞🐥重點食牛為主〔真心推介😋 〕👍🏻 嫩滑👍🏻 牛味濃郁✔️ 海鮮類🐟🦐🐙自助形式鮑魚、貝殼類、蟹、海蝦等等👍🏻 新鮮👍🏻 生猛👍🏻 爽口彈牙👍🏻 必食👍🏻推薦以上四款海鮮〔真心推介😋〕✔️ 香脆火鍋配料自助吧〔真心推介😋〕👍🏻 油炸鬼👍🏻 炸午餐肉👍🏻 炸魚皮👍🏻 響鈴✔️ 火鍋配料自助吧 〔真心推介😋〕👍🏻 海量特色火鍋配料✔️ 秘製食物〔真心推介😋〕乳鴿、芝麻雞翼、烤榴槤、蒜香焗蠔、鵝肝多士、燒鰻魚👍🏻 有風味〔真心推介😋〕✔️ 點心自助吧〔真心推介😋〕👍🏻 蝦餃燒賣👍🏻 地道✔️ 火鍋蔬菜自助吧🥬〔真心推介😋〕👍🏻 多款新鮮蔬菜，任君選擇👍🏻 冰菜必食✔️ 甜品自助吧🍨 👍🏻

近排見呢間水產放題咁大熱，於是搵咗一個假期去試一試。因為假期前夕冇得揀兩小時45分鐘，所以唯有揀咗兩小時時段。不過感覺上真係有啲趕急，如果有得揀，下次我都覺得不妨俾多少少錢揀2:45小時，會食得舒服好多。海鮮類例如大頭蝦、鮑魚、蟹，新鮮美味。放題也有得揀牛肉，質素也不錯。至於熟食類，反而覺得有啲失色。除了鰻魚係有啲驚喜，好好吃。夠肥美，其他熟食我覺得都係一般。烤榴槤- 佢用咗蒸嘅方法大失所望羊鞍— 煎到乾金，不好吃乳鴿— 味道不錯，放題有得選擇，值都吃其他熟食- 不過不失。今次主打食海鮮，當然呢類熟食可以去其他日本放題嘅餐廳會更加好吃。這堆熟食是額外的，要求及期望就會降低一點。確實主打食海鮮放題嘅餐廳，好難每樣都做到好。單以這個價錢去吃海鮮及牛肉其實也是一個不錯的選擇。

千海水產火鍋放題（荃灣廣場分店）荃灣大壩街4-30號荃灣廣場B1樓B126號舖呢排天氣凍凍地最啱就係同班三五知己圍埋一齊打邊爐。聽講大喜屋集團開咗間港式自助海鮮火鍋放題，宜家暫時係荃灣廣場同淘大商場開設兩間分店，所以我哋預訂上星期一晚係荃灣廣場分店去試吓。 一向鐘意食海鮮既我梗係午餐果陣留定個肚期待果晚自助海鮮火鍋喇。 當晚入到去見到整餐廳既裝潢同擺設有少少似大喜屋既格局。果度有好多每日新鮮運到既生猛海鮮任食客選擇，海鮮種類五花八門，臨瑯滿目，有花蟹，海蝦，鮑魚，花甲，沙白等。只要你想食幾多就撈幾多放落桶度，然後果度啲侍應會幫你啲海鮮沖洗擦淨，大約等15分鐘就可攞返自己位度安心食用。坐低咗之後，我哋首先叫咗個蟹黃海鮮湯底。首先飲一啖湯，味道好鮮甜，再加上鍋裡面係有啲海鮮嚟熬製，提升咗湯既鮮味。跟著我地叫咗好多生同熟既食物。 熟食就叫咗鵝肝，烤榴連，同埋一些甜食，值得推介就係燒蠔同燒榴槤，榴槤烤過之後散發出嚟嘅味道同咬落去既口感真係令人榴槤忘返，好食到不得了。跟著我哋點同攞咗好多火鍋配料，有桶蠔，脆肉鯇，墨魚， 海哲頭好食到停唔到口。个有點咗澳洲M5和牛，脂肪比例分布得好均勻，一啖咬落去

呢間「千海水產海鮮火鍋放題」最近都好hit，新邊好多朋友都有講🤩 係一間兩小時任飲任食火鍋放題🤤最特別之處係有好大既任撈海鮮區😍😍 一行入餐廳就已經見到👀 有多款新鮮嘅海鮮仼夾，包括有大頭蝦🦐、鮑魚、蜆、花螺、蟹🦀等…. 海鮮係無限量提供的🥰大讚嘅點就係海鮮揀好之後會有店員幫你去清洗🧽而且餐廳位置有好多，自助區位置亦都好闊落👍🏻空氣好流通，而且又光猛💡有八款湯底選擇款款都好吸引🤩我地就揀在鴛鴦鍋，就係龍蝦湯🦞同清甜椰子雞鍋🐔除咗有海鮮區之外，出面亦有自助區，包括火鍋配料、蔬菜、熟食、甜品、飲品🥤每樣嘅款式都多多😍另外仲有QR code可以叫一啲熟食同有美國牛肩胛片、M5和牛等其他肉類🥩真係食到捧住個肚腩仔😆😆

會唔會太多野食🥹 超滿足放題😻 超人氣洗版餐廳！主打即撈海鮮火鍋放題 除咗任食即撈海鮮 仲有超多款高級食材任飲任食！會會話絕對值回票價❤️‍🔥====2小時晚市火鍋放題 $338起====Scan QR code嗌湯底嘅時候已經嗌埋多款放題食物🤣 啲野都上得好快 野食種類好多 都唔係塞飽你個胃嘅cheap野🧏🏻‍♀️ 鐵板鵝肝多士、川味燒鮮蠔、鹽燒牛舌、醬爆糍粑、榴槤炸彈、炸鮮奶等等 以為自己食緊日式放題🤭🤭 ====食放題食物食到三成飽 仲有主打嘅打邊爐🍲湯底嗌咗椰子雞湯都唔錯的 好清香🥥除咗QR code嗌嘅肉類包括澳洲M5和牛外仲有得出去自己撈海鮮！種類仲要勁多🫣 鮑魚、蟹、花螺、海蝦 連蜆都有3款！仲有仲有火鍋配料嘅自助區 咩都應有盡有～仲有仲有仲有甜品區！H記同Movenpick雪糕又有仲有仲有仲有仲有生啤清酒啤酒各類飲品乜都有！====野食質素係唔算差架！呢個價錢 冇野好輸

今年既開年飯過左黎千海水產食放題！屋企人中意食海鮮，所以呢度好岩我地～餐廳新開冇耐，好乾淨衛生，而且海鮮都好新鮮，正👍🏻湯底我地選左麻辣湯底（BB辣)，用黎煮海鮮同肉類都好夾，唔洗再點醬汁都夠味🤭澳洲A5和牛同美國肩胛肉既肉質好嫩滑，encore左幾次😍自助區好多野拎，蔬菜好新鮮，款式好多脆鯇魚片好爽帆立貝幾甜熟食區有烤榴槤同麻辣小龍蝦食，烤榴槤好甜！麻辣小龍蝦好惹味另外，川味燒蠔有大量炸蒜；鹽燒牛舌好Juicy，亦都係encore之選最期待嘅海鮮區域，有超多海鮮可以選擇，只要留起自己想食嘅海鮮放入鐵兜，再拎俾店員清洗，就可以攞返自己位煮嚟食。個人最鍾意食鮑魚同埋蜆，因為好鮮甜同埋冇沙😉👍🏻蝦同蟹都唔錯，每一隻都好新鮮，留起嚟嗰時仲好生猛嘢飲都幾有誠意，除咗有基本款之外，仲有舖頭自己製作嘅冷泡茶同埋奶茶可以拎，另外有清酒同涼茶可以攞甜品都眼花撩亂，我哋試咗楊枝甘露，仙草芋圓，同埋榴槤大福，最有驚喜嘅就係榴槤大福，個榴槤cream好香！

天氣又轉冷就即刻想去打邊爐，就走咗去宜家最hot嘅千海水產度食佢哋嘅即撈海鮮火鍋放題。佢哋嘅特點係自己撈海鮮，邊隻新鮮就撈邊隻。海鮮有藍蟹、三點蟹、鮑魚、九節蝦、基圍蝦、大頭蝦、花螺、白蜆、沙白、美國蜆等等，無限量任撈，會不斷補貨。當然仲有其他打邊爐食物，甜品、飲品生啤應有盡有。肉類就QR code落單，有澳洲M5和牛，千祈唔好錯過。限時120分鐘，到90分鐘截單。星期一至五7:30前離座都係$298加一，十分之抵食。

睇過YouTuber 介紹就已經想試試✅人氣熱話▶️千海水產海鮮火鍋放題～荃灣店全場爆滿，如果想食，walkin 就唔好心存希望，提早預約啦。餐廳嘅主打係任食即撈新鮮海鮮，大大個U型魚池，用餐時間120分鐘，一個人QR CODE 落單，湯底可以選擇野菌魚湯鍋，蟹王海鮮鍋，金湯花膠雞鍋等等，我地就揀左昆布柴魚鍋。一個人就去拎海鮮，✅白蜆、 ✅沙白、✅花螺、✅貴妃蚌✅九節蝦、✅大頭蝦、✅基圍蝦、✅鮑魚、✅藍蟹同✅三點蟹 ，不停補貨，貨源充足，揀完就可以俾店員清洗。我同⭐️🌧️就拎飲品同配料。❤️鮑魚彈牙，蟹🦀肉肉嫩鮮甜，花螺鮮味爽脆。蝦🦐好爽口，個人偏愛大頭蝦，爆哂膏，蝦膏香滑配埋鮮甜蝦肉真係夠哂鮮美。除了生猛海鮮，仲有好多火鍋配料選擇，自助區有熟食、甜品、飲品任食。火鍋配料必食▶️澳洲M5和牛，肉質柔嫩，▶️美國牛肩胛片，牛味香濃，▶️蠔肉，大大粒好飽滿熟食推介▶️西京燒比目，蒲燒鰻魚，芝麻雞翼，燒乳鴿。衝鋒完就慢慢享受😋甜品，雪糕雪條，仲有新口味Häagen-Dazs 選擇。必食✅燒榴槤啖啖肉好香甜

龍蝦頭湯底，夠味唔錯點心有多款，味道幾好飲品都多，有生啤機清酒... 熱食甜品都夠撈海鮮：種類唔多，有d已經無生活跡象 幫手清潔嘅姐姐都nice樓面待應：態度一般，仲有1個鐘已經急住要你埋單，仲有30分鐘已經不斷黎煩住哂，要收你呢樣收你個樣，大前提個場唔係爆，無人要爭住入黎食，唔可以等客人走左先執？四人座位坐得有d迫，無籃可以放下背囊總括3百幾蚊食兩個鐘都抵嘅，但都幾趕推薦如果 三五知己去食嘅 就預約兩小時45分鐘 時間可以充裕啲慢慢食，唔洗比人趕客甘趕走

呢期凍凍地緊係去打邊爐食啲熱辣辣既野但又想搞搞新意思玩吓即撈生猛海鮮，所以我相約友人到訪了荃灣一間主打放題火鍋的「千海水產海鮮火鍋放題」享受呢餐晚餐❗餐廳員工招呼周到，裝修新穎有特色，不同分區都井井有條，而且餐廳座位舒適，排隊安排預約逐一入座，上菜及收碟非常迅速！⭐️120分鐘放題套餐 $298🦐游水海鮮：海鮮選擇包括鮑魚、三點蟹、海蝦、沙白及蜆都有，每款都係非常生猛，即撈即煮，新鮮美味。仲有唔好錯過自助區既蠔及帆立貝，隻隻都非常飽滿，肥美多汁！🍲人蔘雞鍋：濃郁既雞湯配上補氣既人蔘，獨特香氣既湯底配上不同既火鍋材料都非常夾，滋補又美味！🥩肉食：肉食方面有包括澳洲M5和牛及美國牛肩胛片等選擇，肉汁鮮嫩！🥟其他配料及小食：仲有唔好錯過其他配料和小食例如芝麻雞翼，鹽燒牛舌連脆皮鮮奶卷同燒香草羊鞍等都有，自助區都不能錯過，除咗有炸魚皮及午餐肉等火鍋配料，連烤榴櫣及麻辣小龍蝦都有，款款都各有特色，令呢一餐錦上添花！🥤飲品及雪糕：在飲品方面提供自家冷泡茶，罐裝涼茶加多寶及啤酒都有，連‘生’可樂及日本罐裝果酒都係任飲。另外仲有無限量Movenlick 及Haagen-Dazs等雪糕及雪條俾你任拎品嚐！