影片
营业时间
今日营业
12:00 - 23:00
星期一至日
12:00 - 23:00
以上资料只供参考，请与餐厅确认详情
影片
相片
+75
見荃灣開咗間新野就試吓啦！可能新開張，實在太多人了，好彩有訂位如果唔係肯定有排等，因為我已經係食五點，都已經座無虛席，成個面積好大，所以好多人都唔覺得擠擁，就算海鮮區都唔使真係排隊好耐，不妨值得一試！可能新開，暫時都覺得好乾淨！甜品款式也很多！員工執枱面垃圾也很快，因為大部份人都是食海鮮如果他們執枱面慢的話，就會成個枱面都是好多貝殼這一方面值得一讚！但他們都有缺點，就是他們倒垃圾的時候，會很大力在你旁邊當當地敲打「盛殼盤」，所以會將啲汁彈到我們的身上，這一方面他們真的要值得留意！除這一點外，其他方面都是滿意的，我亦會推介其他朋友的！！
继续阅读
好似用咗咁多年OpenRice第一次評價真係嬲豬左真心覺得呢間嘢麻麻哋首先係食9點明明係食兩個鐘9點05分入台撈左一轉大頭蝦之後但9點10分已經無哂蝦撈🌚得返鮑魚同蜆（好似仲有青口同螺）🌚第一次飲無糖茶係甜嘅🌚未夠10點啲人好似趕住收工咁不停收檔🌚加湯自助區無湯問佢拎，佢叫我哋出去拎🌚就係出面冇先問佢拎，佢又叫返我出去拎🌚成枱都係垃圾唔收都算過嚟收一次未飲完嘅嘢飲問我係咪唔要🌚10:30行出去啲嘢食收晒連碟都無🌚連拎甜品都同我哋講無碟俾到我哋🌚我真係咁大個女都未試過拎個杯去擺甜品因為啲碟已經全部收走晒真係黐咗線10:38連甜品都收埋🌚10:45同我地講收工🌚我真係燥咗忍唔住同佢講我哋係食九點食兩個鐘9:05入枱10:45同我哋講收工會唔會過分咗🌚聽講九龍灣嗰間排隊排到要12月先有位冇嘢好講🌚呢間嘢唔會再去🌚🌚🌚🌚🌚🌚🌚🌚其實趕住收工就唔好俾人哋入九點啦🌚🌚🌚仲要不停叫人哋食快啲，真係勁嬲囉講真，味道唔係難食海鮮都新鮮但係d人可以差成咁食到一肚氣，俾錢買難受，勁嬲#千海水產好唔掂#千海水產唔會再去#千海水產好鬼差#千海水產千祈唔好試#千海水產服務極度差#千海水產無蝦撈#千海水產食到個人會燥底🌚🌚🌚
继续阅读
整體食物都非常滿意，海鮮10分新鮮，唯獨是那些蟹是水蟹沒有肉的，其他整體都10分滿意，款式多上菜都很快，但不知道為什麼Booking電話長期都沒有人聽，這個有待改善，我走的時候問過服務員原來兩間都有預留位置Walk in和Booking的，所以網上預約唔到都唔緊要，可以直接落去Walk in試吓睇吓有冇位，另外想加個建議荃灣分店可以提供水喉給市民洗手不用下下走出外面洗手間洗手很不方便，其餘總體都滿意的
继续阅读
上周前往淘大花園探望朋友，看見這一間新開的放題店「千海水產」，這間水產的賣點是即撈海鮮火鍋放題👍。我早前在深圳的"皇廷廣場"也見到一間這樣的放題，店門口堆滿人群，想不到香港也開了差不多的海鮮火鍋放題店。 原來這一間「千海水產」是大喜屋集團的其中一間餐廳，現在新張期間午市放題特價優惠 ，收$258+10% 時間由中午十二時至四時，足足4小時。咁着數，於是馬上打電話到九龍灣分店訂位試新嘢，可是電話沒有真人回覆，只是傳送了一條link給我自行上網預訂座位，上網查看發現到11月底優惠期前午餐的訂位已經全滿😲。朋友告訴我「千海水產」荃灣也有分店在11月11號開幕，在宣傳單張內看見荃灣分店的電話，所以我再打電話到荃灣分店嘗試一下，電話竟然有人接聽，還可以自選日子，WOW! 真幸運👏！ 我訂了12號的中午，本來是訂三位，但因為朋友臨時有事，所以她走寶了😂。今天為了這一餐沒有安排任何工作，睡到11點😅，起床後就馬上和老公到餐廳準備大吃一餐😋，我們到達餐廳的時間是11:54am，還未走到餐廳門口，已經見到這個情況👇，人龍後面還打了幾個蛇餅到手扶梯位置，目測至少有幾十人在等候候補位置😲。幸好我們已經訂枱，很快就已經安排到一張二人枱的座位給我們，進入餐廳時已經看見有很多客人開始取各種飲品和食物，海鮮檔也圍了一大班人，而且還有一些客人已經開動了，那麼說餐廳未到12點已經開始接待客人入座了👍。我們入座後，首先掃QR code選擇湯底🍲，湯底的選擇也有10款 :藥膳雞鍋、龍蝦頭鍋、蕃茄豬骨鍋、清甜椰子雞鍋、喇沙海鮮鍋、秘製麻辣鍋、海膽濃湯鍋、胡椒豬骨鍋、冬陰功鍋和人蔘雞鍋。 剛剛經過其他客人的座位看見有一些客人選擇龍蝦頭鍋🦞，看見龍蝦頭很大，幾乎佔了那個鍋三份一的位置😮。但是火鍋食物內沒有龍蝦，那麼那個龍蝦頭從哪裏來呢？想想龍蝦頭應該是雪藏貨吧🤔。另一個海膽濃湯鍋也算是一個新的口味，很想知道裏面的味道，但我又不敢嘗試，怕會中伏🤣。除了鴛鴦鍋需要加$48之外，其餘都不用加錢 ；因我看見入會有優惠，所以馬上登記入了會，其中一個迎新優惠是鴛鴦鍋不用加錢，所以我們選擇了鴛鴦鍋：椰子雞配麻辣鍋😋。如果你不選擇鴛鴦鍋，另一個迎新優惠是可以減$20或開運環保袋一個。我們選好火鍋湯底和點選了一些肉類之後，就馬上拿着這個不鏽鋼小桶，去到海鮮缸的位置慢慢挑選游水海鮮。客人只要把自己選好的海鮮放入桶內，交予餐廳負責清洗海鮮的專人 (共有三位專人清洗海鮮)，餐廳員工會給你一個號碼膠牌，而另一個相同號碼的膠牌就會插在已經清洗好的海鮮筒內，過一會客人就可以去到海鮮缸位置，憑號碼牌領取自己的海鮮回去享用👍。選好海鮮就可以去調配自己喜歡的蘸料；~ 飲品🥤店內提供給客人的飲品種類繁多，瓶裝、罐裝和盒裝飲品裝滿幾個大雪櫃，有汽水、啤酒、蘋果酒、珍珠奶茶🧋、其他各色飲品及自家製冷泡茶；另外一邊還有酒吧式的自己斟的三款啤酒，我看見有1664🍺本來想試試，但原來已經賣光了，才剛開始營業一會😲，香港人真醒目👍，如果你喜歡的話真的要快，不過其實也有很多其他牌子的啤酒隨你挑選🍺🍺； 另外還有幾款果汁、蔗汁、椰青水、豆漿🥛、清酒🍶、白酒🥂、咖啡☕️、茶🫖、綠茶和玄米茶…等等，冷熱都有，讓人眼花撩亂😵💫；~ 即食前菜🥗只拿了一些酸蘿蔔、蕎頭和魚皮等開胃菜，現在看圖片才發現有鮑魚仔，不過吃鮮鮑魚好過啦🤣。~ 西式即食前菜🥓有煙鴨胸、煙三文魚、西班牙辣肉腸和橡木香腸。但我只對煙三文魚有興趣，取了幾片。~ 即食熱盤有唐楊炸雞、口水雞、蝦和辣木耳。我們只取了每人一件炸雞，味道都算幾OK，又不算太油膩，唔錯👍。~ 肉類🥩吃海鮮前我們先吃一些肉醫醫肚，澳洲M五和牛、美國牛肩胛片、澳洲羊肉片和美國豬梅肉片，全部試過質量都合格過關👌。如果平日不夠時間吃放題，也可以吃午市一人定量火鍋。~ 海鮮涮鍋🦐🦀第一輪海鮮選了生猛的基圍蝦、大頭蝦🦐、三點蟹🦀和鮑魚。我撈到兩隻很大的大頭蝦，吃時蝦頭還有很多糕；這隻大頭蝦非常生猛，我從桶內拿牠出來的時候感覺手指頭一痛，原來還被牠的鉗鉗了一下，幸好那個鉗不是蟹鉗，我並沒有受傷😅，最後狠狠的懲罰牠，被我吃掉了😂。鮑魚也很腍和有鮮味，記得要控制時間；有一個貼士，就是鮑魚到熟的時候會很容易與鮑魚殼分離，這時候從窩內取出，用鉸剪或手，把鮑魚的黑色的內臟清除，然後食用，這樣做鮑魚也不會過火的。基圍蝦🦐也很大隻，肉質相當鮮甜和彈牙；三點蟹🦀雖然細隻，但蟹的鮮味很濃，蟹膏雖少卻很鮮味😋。喜歡吃蟹的我最喜歡是大花蟹，其次是長腳蟹，但花蟹價錢相當昂貴，家人又嫌剝殼麻煩，基本上已很久沒有吃，對上一次吃蟹就是上月在北海道吃長腳蟹 (考慮一下寫一篇北海道長腳蟹的食評，請大家拭目以待)，想起都覺得回味😋。然後第二輪海鮮再encore了鮑魚和三點蟹；再取了三種不同的蜆 (沙白/花甲/美國蜆)和青口。蜆算是鮮甜的，但有部份蜆帶沙，美國大蜆最大粒又有鮮味，可惜有兩隻涮了很久都沒有開口；青口一般，亦可以一試。看見有一些細細粒的花螺，其實放入我們的麻辣鍋可以變成麻辣花螺🐚，應該味道會唔錯，但覺得太細粒，又要用牙籤挑出螺肉實在太麻煩了，沒有吃。反而放了一些鮑魚在麻辣鍋內，鮑魚表面沾上一些麻辣味道，鮑魚裏面不會受影響，少少辣好好味👍。~ 各式火鍋配料火鍋配料款式多，令人花多眼亂，本來想取鴨血，但好像看不見，我們只選了田雞腿、蠔、鮮魷、海參和花膠；雖然海參和花膠都係細細條，但涮過之後好夠腍都好食；而田雞腿和鮮魷就好一般，因為都是雪藏貨，鮮味欠奉可以不吃，可能水魷魚放入麻辣鍋應該會好味啲。蠔🦪是必吃的，雖然size不夠大，但也不算太細，我覺得打邊爐吃蠔先至有feel👍！~ 綠色蔬菜蔬菜款式多份量充足🥒🥦🥬，本來喜歡西洋菜，但發現竟然有豆苗，最後我選了茼蒿菜和豆苗，豆苗相當鮮嫩，比茼蒿菜更好吃👍。~ 其他熟食：詳細見下圖我們選了：/ 燒乳鴿 - 可能太早下單乳鴿可能預先烹調好並不太熱，對上一次在旺角大喜屋吃的熱辣辣非常好吃；/ 燒香草羊鞍 - 因我不吃老公吃了說相當不錯；/ 燒牛舌 - 一般般；/ 川味燒鮮蠔 - 味道挺不錯，蠔也很大隻，但炸蒜較硬，建議先撥走大部份炸蒜才吃；/ 鐵板鵝肝多士 - OK！廚師把鵝肝煎得很脆口，而且不太油膩，最驚喜的是放在鵝肝上面的那一朵黃色可食用花朵，擺盤太認真太漂亮了🥰；食物太多選擇，後來才看見這二個保溫箱，其實差不多吃飽，但候補了炸魚皮、油炸鬼和響鈴各一件，試過炸魚皮仍然脆口，響鈴亦非常唔錯，油炸鬼一般。保溫箱內還有炸午餐肉和芋頭等等，有時間可以尋一下寶。~ 還有白飯🍚和台灣肉燥飯~ 即食麵類港式、日式韓式都有。~ 中式點心🥟有：蝦餃、燒賣、牛肉同小籠包。蝦餃和燒賣各一粒會放在同一個蒸籠內，小籠包每一個蒸籠有兩粒，牛肉球每籠一粒。小籠包OK，不會太出色，但也不太差；蝦餃皮較厚餡料就唔錯；燒賣不過不失；牛肉球看似很乾，所以沒有取。~ 甜品紅豆沙，我看見有一位客人一開始已經取了一碗紅豆沙，她應該對紅豆沙情有獨鍾😍，哈哈！我們則選了海燕窩椰汁燉木瓜，這個木瓜相當甜，基本上每人都會每個客人都會order。如果喜歡吃榴槤的朋友也千萬不要錯過，因為我見有原粒榴槤供應呢。海鮮涮鍋海鮮涮鍋~ 鮮果🍉、雪糕🍦雪條和其他甜品🍮水果除了有哈蜜瓜、西瓜🍉、蕃茄仔🍅和提子🍇之外，還有新鮮西梅和龍珠果 (第一次看見在放題店的水果內有龍珠果)👍。雪糕主打Häagen-Dazs，有幾種口味，還有很多不同種類的韓國冰條和其他雪櫃內的蛋糕、楊枝甘露及其他甜品等等。我們最後吃了Häagen-Dazs士多啤梨味雪糕🍨和一些其他甜品🍮，還拼了一個漂亮的生果盤🍉🍅🍇。本來想嘆一杯咖啡，但可惜咖啡很快賣光了，最後喝熱的玄米茶去油膩🍵。總結，整體嚟講這一個海鮮火鍋放題是非常之精彩的體驗，好玩又好食，4小時真的大滿足 (只在優惠期午餐時段供應），優惠期結束後，或晚上只有兩小時就略嫌時間會較為緊張。要吃午市優惠的就早點到餐廳門口排隊等候補位置啦！餐廳優點 : 餐廳地方闊大，所有座位都是卡座或半卡座，枱與枱之間有圍板，客人私隱度算高，亦不太嘈雜；還提供了不織布的圍裙，讓客人穿上，避免衣服被弄髒；雖然客人眾多，但取食物和飲品一般都不用排隊。職員收拾枱面和上菜都很快，而且很有禮貌👍。攻略，先掃QR code 點湯底和肉類，在前往海鮮檔取蝦、蟹和鮑魚，雖然蝦和鮑魚供應量也很充足，但要選取大隻的就要快，蟹也要先取因為很快會被取光，蜆、青口和花螺供應量超多，可以第二輪才享用。吃完肉類就可以涮海鮮然後再點其他熟食，之後再吃蔬菜，截單前點選甜品和取喜愛的雪糕飲品等等。吃完整餐火鍋之後，我個人認為選擇一種火鍋湯底已經足夠，因為鴛鴦鍋中間隔開了，湯又容易蒸發，又不能放太多的海鮮同時烹煮。😁其他食物則按自己喜好選取，但不要取太多，因為主力是吃海鮮，蝦蟹都要花時間去剝殼享用哦！必食鵝肝和榴槤（如你喜歡榴槤的話）。~ 不足之處餐廳未有提供濕紙巾給客人使用，店內沒有地方提供給客人洗手，如果只是洗手可以到地庫盡頭的洗手間，但這個洗手間很細，如果同時洗手又要如厠，最好到商場2樓的大洗手間，所以比較不方便。建議大家自備濕紙巾以省掉前往洗手間的時間。因為我要吃海鮮剝殼，以致不能使用手機多拍一些食物的照片，請見諒🤭。我覺得兩小時在大喜屋吃放題就比較充實，而且大喜屋的熱盤款式更多，老火湯又煲得非常好味。但若再有4小時的放題，我也要認真考慮一下，因為食物種類太多，每種吃少量也非常飽肚。吃完這餐後回家感到非常疲累，要躺平，睡了一個小時黃昏覺，晚上當然吃不下其他東西啦，只喝清茶；唯一好處是晚上沒有失眠，慣性難以入睡的我，很快就入睡了😴！嘩哈哈😂！今天真是頹廢的一天🤪！
继续阅读
食物體驗.千葉水產呢間新分店嚟到荃灣，入去即刻見到一池池海鮮游動，場面幾有氣勢，確實勾起大陸兩間連鎖活撈海鮮放題嘅感覺。不過比較上品種真係唔算多，九節蝦、大頭蝦、細隻青蟹、細東風螺、鮑魚同蜆就係主角，無貴妃蚌、膏蟹、小藍龍蝦呢啲罕見海鮮，對鍾意試不同海鮮嘅人嚟講，可能會覺得少咗啲驚喜。撈完海鮮後，職員會幫手清洗再攞返出嚟，不過可能因為洗得比較乾淨，啲蝦蟹煮落去都唔多識郁，感覺少咗即撈即煮嘅鮮活感。整個餐最突出嘅係大頭蝦，真係大隻又多膏，味道濃郁，呢點算係為呢餐加分嘅亮點。其他食材新鮮度都算有保證。.服務體驗.服務方面就比較參差。可能因為新開張，有啲服務員似乎仲係新手上路，唔係太清楚每樣工具嘅擺放位置。我問佢哋餐具擺邊，好多都話唔知。雖然服務有啲青澀，但場內環境以自助餐標準嚟講算係齊備，火鍋配料種類亦算多，起碼唔會令你覺得欠缺咩。.價錢方面.每人連加一係$350(星期四晚)，勝在方便，無需舟車勞頓去到大陸或者西貢、流浮山，遊客亦多一個選擇，唔會見到「天價單」嚇親，又要放喺小紅書。對於平時少去大陸放題嘅朋友，呢度亦係一個可以輕鬆享受海鮮嘅地方。總括嚟講，千葉水產呢個新分店俾咗香港人同遊客多個簡單直接嘅海鮮放題選擇，雖然比較大陸未算超值，但作為新鮮體驗已經幾難得。希望香港未來可以多開一啲咁嘅活撈海鮮放題，亦多啲海鮮選擇，畀鍾意食海鮮嘅朋友有更多選擇。
继续阅读