千海水產海鮮火鍋放題

营业中

休息中

自助撈海鮮呢個近期人氣熱話，當然小編都要參與其中啦😝今次就黎位於荃灣新開業冇耐嘅「千海水產海鮮火鍋放題」食打邊爐放題啦🤤 餐廳裝修得相當唔錯，位置同座位都相當闊落，都可以容納到不少人數！9:00pm後入座晚市成人120mins放題 $288/人湯底都有成10款選擇，我哋最後決定要左呢個「龍蝦頭鍋🦞」湯底好足料，成個大龍蝦頭一路滾住個湯！令到個湯底鮮味十足😋嘢食嘢飲甜品都有好多選擇👍首先要講下嘢食先除咗種類款式繁多外，仲要係十分之高質，例如澳洲M5味牛、美國牛肩胛片、澳洲羊肉片等等……當然緊係重中之重嘅重點黎啦🤤即場撈海鮮啦😍海鮮款式包括：海蝦、大頭蝦、羅氏蝦、三點蟹、大蜆、沙白、花螺、鮑魚、青口等等……大家撈完海鮮仲可以俾海鮮檔職員大約10分鐘左右幫你清洗乾淨，係等嘅期間當然再把握時間再夾其他火鍋配料啦😬其他火鍋配料都非常之多選擇！包括有小編好鍾意嘅蠔 同埋 雞子😝 啲蠔大大粒，差唔多有一隻手掌咁大隻😻除左自助區仲可以掃一掃個QR Code亦有好多串燒類、熱食類等等……而小編就鍾意佢地嘅鵝肝多士、蒲燒鰻魚、燒乳鴿、燒羊鞍 仲有燒榴槤😋真係非常之豐富🤤飲品方面都有十分之多嘅選擇包括：梅酒

知道荃灣新開左一間海鮮🍤🦐🐙🦑火鍋放題, 釋迦約咗好朋友一齊去試吓, 一去到人龍已經排到電梯口, 真係好誇張😂👍🏻咁多人去真係有原因😜因為啲海鮮好新鮮, 仲要可以自己揀, 揀好員工幫你洗淨你就可以自己打邊爐❗️而且佢哋熟食方面都仲有好多款, 🥒🌽🥕蔬菜又係好多好新鮮🍊🍌🍓🍎🍍生果都係, 嘢飲都多不勝數, 呢度地方又夠大約埋一大班朋友去就啱晒🥳🥳🥳下個月再嚟食過, 真係好好味😁😁😁

最近係荃灣新開既「千海水產海鮮火鍋放題店」正值試業期間，吸引左我同老公黎試下佢地既任食即撈海鮮火鍋，因為價錢真係好抵！平日7:30前離座每位$278，九點後入座每位$288，仲平咗$50！呢度最大既特色係客人可以即場自己撈海鮮，全部都新鮮到震，而且真係無限任食，絕對係海鮮控嘅天堂！.自助撈鮮活海鮮：鮮到冇朋友！一入到店見到個自助撈海鮮區真係震撼，入面有鮑魚、大頭蝦、花蟹、蜆、沙白、海螺等等，數款生猛海鮮等你自己撈。撈完之後，店員仲會幫手清潔，超貼心！海鮮區D補貨速度超快，完全吾洗驚比人搶哂。將d鮮活海鮮撈完放落湯滾一滾，果陣鮮味真係無得頂！特別係大頭蝦同花蟹，肉質真係好鮮甜.雙拼湯底：麻辣過癮，人蔘滋味今次我地揀咗秘製麻辣鍋同人蔘雞鍋雙拼湯底，兩個味道截然不同但又各有特色。麻辣鍋香麻帶勁，d辣度吾會太過火，反而帶出食材既鮮味；人蔘雞鍋湯底清甜，有淡淡既藥材香，飲落好滋補，尤其適合想要清熱既朋友。雙拼選擇真係滿足晒吾同口味需求！.自助區：豐富選擇，應有盡有餐廳有9大自助區，款式超豐富！係火鍋配料區可以拎到牡蠣、帆立貝、黑毛肚等高質配料；熟食區仲有唐揚炸雞，烤榴槤，麻辣小龍蝦；甜點區更有榴

最近香港爆起呢間💥人氣火熱任食放題無限量供應🦐生猛海鮮🦀自己揀自己撈吸引好多人排隊輪候入座荃灣同九龍灣都開咗新店．一開開兩間即刻約朋友試下啦店內座位充足揀好湯底就去自助區揀海鮮海鮮區款式又多又生猛鮑魚．大頭蝦．蟹．蜆．蠔．青口...基本喺街市見到嘅海鮮都有揀完放入桶內店員仲會幫忙清洗自助區款式真係好多選擇大量火鍋配料．蔬菜．水果．熱盤．甜品．雪糕．飲品仲有暖笠笠嘅原粒榴槤肉QR code落單必點：M5和牛．牛舌．鵝肝多士...乳鴿炸得金黃香脆．好Juicy性價比好高係近年最抵食最多款式最有質數嘅火鍋放題

📍千海水產海鮮火鍋放題 呢排火鍋界大熱一定係呢個自助即撈即煮生猛海鮮火鍋放題！大大個魚缸，keep住有refill海鮮，一大個桶，自己出去撈，然後比師傳喺你面前即洗即劏，跟住就可以返去開餐！！我最推介鮮蝦，鮑魚同埋蜆🤩除咗魚缸區，另外仲有自助區，除咗火鍋配料，仲有熟食，點心，生果，甜品，飲品基本上講得出都有，生啤，清酒，梅酒，罐裝飲品，即磨咖啡機，連熱嘅維他奶都有！！QR code仲有其他串燒同炸物仲有鰻魚或者西京燒等等～湯底都有起碼5款揀，我揀左龍蝦頭濃湯，好鮮味，真係有成個龍蝦頭😳呢間分店大癲，好大，轉左4個彎先到個位😂⋯⋯臨走記得食埋甜品，除左雪糕雪條，仲有佢哋嘅自家製甜品，包你抱住個肚走🤰🏻🫃🏻

估唔到香港都開左即撈海鮮火鍋放題見到荃灣廣場開左夠近我好彩bk 到位！晚市2百幾蚊任食兩個鐘湯底都有好多款選擇🍲清甜椰子雞鍋有大大隻雞脾熬湯底QR code 仲可以落澳洲M5 和牛，牛肩胛片等和牛脂肪比例唔算高食落都有牛味除左牛，仲可以落炸物，串燒等等其他熟食/飲品/水果/甜品就可以到自助區❣️自助撈海鮮區最正係有大頭蝦！大隻又生猛可以交比店員清洗蝦頭好多膏又有蝦籽蝦肉彈牙～真係食到停唔到除左蝦，仲有蟹，沙白，蜆同螺海鮮都會不停補貨～任撈任煮～❣️火鍋生蠔除左海鮮，蠔都好吸引煮得岩岩好，完全唔縮水隻隻飽滿！❣️火鍋配料丸類，蔬菜一應俱全最特別係有雞子😮❣️麻辣小龍蝦估唔到有小龍蝦食！夠惹味❣️生啤三款生啤自己任斟雪櫃仲有多款日本果酒真係飲酒都夠番本❣️珍珠奶茶平時火鍋好少見自家製奶茶多數冷泡茶依度都有幾款冷泡選擇不過珍珠奶茶亦有驚喜珍珠幾煙韌，唔會太甜❣️雪糕最後梗係要食埋H 牌雪糕幾款口味，仲有韓國牌子雪條添！

我今日7點去到攞位已經同佢講明我3個人2大1個BB，佢竟然俾張超窄既2人卡位俾我，我話我3個人喎！你當我BB唔係1個人呀？佢話因為多人俾唔到4人位，我明明見到有咭既4人位，佢話個D有人BOOK左，我就話咁你都唔係俾咁窄既位我，你自己去感受下你抱住個BB你坐唔坐到，明明有D闊D既2人位，之後個負責人完全冇理我講野，我就問佢你無視我咁喎！佢竟然可以直接答我［我講俾你聽都冇用啦！你都唔會聽得入耳，我唔會同你講囉！］嘩！佢咁答真係嬲囉！

見荃灣開咗間新野就試吓啦！可能新開張，實在太多人了，好彩有訂位如果唔係肯定有排等，因為我已經係食五點，都已經座無虛席，成個面積好大，所以好多人都唔覺得擠擁，就算海鮮區都唔使真係排隊好耐，不妨值得一試！可能新開，暫時都覺得好乾淨！甜品款式也很多！員工執枱面垃圾也很快，因為大部份人都是食海鮮如果他們執枱面慢的話，就會成個枱面都是好多貝殼這一方面值得一讚！但他們都有缺點，就是他們倒垃圾的時候，會很大力在你旁邊當當地敲打「盛殼盤」，所以會將啲汁彈到我們的身上，這一方面他們真的要值得留意！除這一點外，其他方面都是滿意的，我亦會推介其他朋友的！！

好似用咗咁多年OpenRice第一次評價真係嬲豬左真心覺得呢間嘢麻麻哋首先係食9點明明係食兩個鐘9點05分入台撈左一轉大頭蝦之後但9點10分已經無哂蝦撈🌚得返鮑魚同蜆（好似仲有青口同螺）🌚第一次飲無糖茶係甜嘅🌚未夠10點啲人好似趕住收工咁不停收檔🌚加湯自助區無湯問佢拎，佢叫我哋出去拎🌚就係出面冇先問佢拎，佢又叫返我出去拎🌚成枱都係垃圾唔收都算過嚟收一次未飲完嘅嘢飲問我係咪唔要🌚10:30行出去啲嘢食收晒連碟都無🌚連拎甜品都同我哋講無碟俾到我哋🌚我真係咁大個女都未試過拎個杯去擺甜品因為啲碟已經全部收走晒真係黐咗線10:38連甜品都收埋🌚10:45同我地講收工🌚我真係燥咗忍唔住同佢講我哋係食九點食兩個鐘9:05入枱10:45同我哋講收工會唔會過分咗🌚聽講九龍灣嗰間排隊排到要12月先有位冇嘢好講🌚呢間嘢唔會再去🌚🌚🌚🌚🌚🌚🌚🌚其實趕住收工就唔好俾人哋入九點啦🌚🌚🌚仲要不停叫人哋食快啲，真係勁嬲囉講真，味道唔係難食海鮮都新鮮但係d人可以差成咁食到一肚氣，俾錢買難受，勁嬲#千海水產好唔掂#千海水產唔會再去#千海水產好鬼差#千海水產千祈唔好試#千海水產服務極度差#千海水產無蝦撈#千海水產食到個人會

整體食物都非常滿意，海鮮10分新鮮，唯獨是那些蟹是水蟹沒有肉的，其他整體都10分滿意，款式多上菜都很快，但不知道為什麼Booking電話長期都沒有人聽，這個有待改善，我走的時候問過服務員原來兩間都有預留位置Walk in和Booking的，所以網上預約唔到都唔緊要，可以直接落去Walk in試吓睇吓有冇位，另外想加個建議荃灣分店可以提供水喉給市民洗手不用下下走出外面洗手間洗手很不方便，其餘總體都滿意的

上周前往淘大花園探望朋友，看見這一間新開的放題店「千海水產」，這間水產的賣點是即撈海鮮火鍋放題👍。我早前在深圳的"皇廷廣場"也見到一間這樣的放題，店門口堆滿人群，想不到香港也開了差不多的海鮮火鍋放題店。原來這一間「千海水產」是大喜屋集團的其中一間餐廳，現在新張期間午市放題特價優惠，收$258+10% 時間由中午十二時至四時，足足4小時。咁着數，於是馬上打電話到九龍灣分店訂位試新嘢，可是電話沒有真人回覆，只是傳送了一條link給我自行上網預訂座位，上網查看發現到11月底優惠期前午餐的訂位已經全滿😲。朋友告訴我「千海水產」荃灣也有分店在11月11號開幕，在宣傳單張內看見荃灣分店的電話，所以我再打電話到荃灣分店嘗試一下，電話竟然有人接聽，還可以自選日子，WOW!  真幸運👏！我訂了12號的中午，本來是訂三位，但因為朋友臨時有事，所以她走寶了😂。今天為了這一餐沒有安排任何工作，睡到11點😅，起床後就馬上和老公到餐廳準備大吃一餐😋，我們到達餐廳的時間是11:54am，還未走到餐廳門口，已經見到這個情況👇，人龍後面還打了幾個蛇餅到手扶梯位置，目測至少有幾十人在等候候補位置😲。幸好我們已經訂枱

食物體驗.千葉水產呢間新分店嚟到荃灣，入去即刻見到一池池海鮮游動，場面幾有氣勢，確實勾起大陸兩間連鎖活撈海鮮放題嘅感覺。不過比較上品種真係唔算多，九節蝦、大頭蝦、細隻青蟹、細東風螺、鮑魚同蜆就係主角，無貴妃蚌、膏蟹、小藍龍蝦呢啲罕見海鮮，對鍾意試不同海鮮嘅人嚟講，可能會覺得少咗啲驚喜。撈完海鮮後，職員會幫手清洗再攞返出嚟，不過可能因為洗得比較乾淨，啲蝦蟹煮落去都唔多識郁，感覺少咗即撈即煮嘅鮮活感。整個餐最突出嘅係大頭蝦，真係大隻又多膏，味道濃郁，呢點算係為呢餐加分嘅亮點。其他食材新鮮度都算有保證。.服務體驗.服務方面就比較參差。可能因為新開張，有啲服務員似乎仲係新手上路，唔係太清楚每樣工具嘅擺放位置。我問佢哋餐具擺邊，好多都話唔知。雖然服務有啲青澀，但場內環境以自助餐標準嚟講算係齊備，火鍋配料種類亦算多，起碼唔會令你覺得欠缺咩。.價錢方面.每人連加一係$350(星期四晚)，勝在方便，無需舟車勞頓去到大陸或者西貢、流浮山，遊客亦多一個選擇，唔會見到「天價單」嚇親，又要放喺小紅書。對於平時少去大陸放題嘅朋友，呢度亦係一個可以輕鬆享受海鮮嘅地方。總括嚟講，千葉水產呢個新分店俾咗香港人同遊客多

九龍灣首間即撈海鮮自推出後，食過一次想再追食，都唔係咁易，真係爆到七彩，見到荃灣開第二分店，即飛去食午市，4小時真係食得好輕鬆，又唔駛搶食，仲可以慢慢嘆我最愛既甜品及Häagen-Dazs雪糕😋呢度一樣有10款海鮮，但勝在佢既海鮮區域缸比較大，（大過九龍灣分店） 今次我可以食到強好開心，仲有佢既大頭蝦隻隻都爆哂膏，真係回本話咁易😍自助區都勁多火鍋配料，有田雞、雞子、豆苗、海參、花膠、羊腩煲都有，襯佢仲做緊體驗價，要食多幾次先😆

見荃灣新開左間海鮮放題，特登走去試下。讚-牛肉正正常常，冇話特別多油花，不過口感軟熟-海鮮區嘅鮑魚同蜆好鮮鮮好好食，推薦-鵝肝多士大大塊，食得幾爽-雪糕有häagen-dazs彈-去到嘅時候海鮮區嘅蝦已經所淨無幾，9點之後已經冇refill到-唔知係咪蠔存放得唔好，燒蠔+自取生蠔加埋我食左5隻，有2隻有奇怪嘅味道，唔推薦-火鍋以外嘅食物選擇比較少-餐具冇洗乾淨，證據如圖，請自行觀看-服務態度差：距離餐廳關門15分鐘，我出去斟埋最後一杯生啤飲，見個男店員清緊啲飲品，問佢可唔可以斟埋杯生啤，佢唔太友善咁望住我，然後再望住自己隻手錶講：“11點要離座喎，你係就快啲” 我心諗飲一杯啤酒要幾耐？2分鐘都飲哂啦，我都知阻人收工會比人咀咒，我亦都冇打算最後一分鐘先走，我拎完嘢飲行返位嘅時候佢仲要全程望bea住我，令我覺得好唔舒服，最尾食埋淨低嗰少少嘢就快快走人總結：某部分食物係有水準嘅，但係放題嚟講都唔會預計佢有幾高質，每樣試啲就夠。餐具衛生有待改善，同埋店員嘅態度差真係會令客人嘅心情一下子跌落谷底，希望餐廳注意返。