半島漁港/阿翁火鍋館

营业中

休息中

老豆生日，親戚介紹食呢間酒樓，感覺光猛新新的，枱與枱間少少迫，但ok的，唔會周圍走黎走去係無問題的！選咗一個套餐，乳豬全體，BB豬所以唔會太肥，熱熱的皮好脆👍半隻明爐燒鵝，熱住好味好多！加$400轉咗龍蝦伊麵，龍蝦有鮮味，上湯味剛好，不會太鹹，伊麵麵質剛好，略嫌麵量少咗d，好味👍翡翠花姿象拔蚌片，份量足夠，花姿片新鮮好味，象拔蚌片就一般，ok的酥炸台山桶蠔，呢個菜比較特別，炸咗香口，蠔的味道都ok!紅燒花膠海王翅，料都算多，有其他海鮮料的鮮味，唔錯，唔會太鹹！清蒸魚大海斑，唔知係咩魚😂，但新鮮肉質唔錯的！蠔皇花菇鮑魚片，冬菇厚肉大隻，螺片正常味道👍，整體ok鮮蝦荷葉飯，大家都太飽，眼見都多料的。試咗一啖，好香荷葉味，飯嘅質地唔會太腍，ok的，最後打包攞走食。另加咗一打壽包祝老豆生日快樂！大大隻，內有蓮蓉咸蛋黃，略嫌包嘅質感唔夠軟，但ok的。整個套餐都幾好食，中價價錢，服務態度都好好，姐姐都有禮貌的！比起上次喺油塘食的酒樓好好多，平d又好食d!香港酒樓業加油吧！

裝修之後朋友又想黎幫襯，咁就黎試下，環境算係ok可以接受，叫做光猛，不過有啲位置都係坐得迫啲，而且食食下都係覺得唔夠冷氣有啲熱。叫左個餐食，整體有好有唔好。乳豬上到黎係唔夠熱或者直情唔熱，連暖都唔算，不過算係無咩肥肉有啲肉食。蝦球伊麵，蝦球有肉不過有肉無味，唔好味。而且伊麵林得濟。雞算係比較好味既一樣而且有肉又唔算肥。冬菇鮑片味道都算ok,冬菇都夠厚身有啲口感。所以啲餸有啲ok有啲係唔ok，味道有啲失望。服務方面，真係比較差，有個女部長見到個食客去櫃位拎筷子，之後大聲話已經一人一對公筷同普通筷子，人地拎多對梗有理由，唔需要咁大聲話人地。總結黎講，服務真係好差 ，食物質素有好有差。

今次一家人去慶祝生日， 試下呢間半島嘅打邊爐， 價錢300蚊多少少☺️☺️呢個套餐仲包埋 雞煲 海鮮鮑魚鵝掌 海鮮 牛肉都算係高質素，😍😍好喜歡佢入面嗰粒雲吞大大粒好多蝦好好味道😋😋因為一家多人所以佢會有刺身食， 刺身就正正常常發揮， 不過打邊爐有得食刺身都幾好， 唔會太悶😚😚湯底就簡單叫咗鴛鴦鍋， 皮蛋芫茜鍋都係正常發揮， 麻辣就比較濃味😐😐不過呢度都算係比較多人， 如果去嘅時候就會比較嘈吵啲， 不過都要讚嘅係呢度雖然好忙， 但係每個員工都好好服務🫡🫡

琴晚喺度食團年飯，整體食物冇咩特別，算係正常水平。不過衛生情況真係令人失望，碗筷完全冇洗乾淨，摸上去油淋淋，連我咁求其嘅人都覺得好污糟。雖然食物味道尚可，但衛生問題真係扣分，希望餐廳可以改善，畢竟食得安心先係最重要。

### 食評：京蔥牛肉的失望經歷最近到這間餐廳點了一碟京蔥牛肉，價錢大約為 $140，然而讓我失望的是，碟中起碼有一半都是京蔥，牛肉的份量實在不夠，完全不值這個價錢。這樣的比例讓人感到相當不滿。另外，服務方面也有不少問題。服務員竟然忘記了我的花生涼菜，結單時還要收取 $16 這個費用，這是否合理呢？更令人驚訝的是，酒樓部長要求食客用膠袋把欠奉上的花生帶走，涼菜費照付，否則就會扣除優惠，這樣的要求實在讓人無法接受。最讓我失望的是部長的態度，完全不願意聽取顧客的意見，這種服務態度在今天的餐飲行業中實在是過分。整個用餐過程讓我感到非常氣憤。我們是第一次在這家酒家吃晚飯，原本期待能有更好的用餐體驗，但這次的經歷卻讓我對這家餐廳失去了信心。

新裝修後再次幫襯，環境光猛都算舒服。依度勝在無限時打邊爐，任飲任食。套餐包豬骨煲或麻辣雞煲，仲有刺身海鮮牛肉同大大粒水餃 （按人頭提供）。份量非常充足，每次食完開頭嘅雞煲都已經飽咗一小半，哈哈。刺身方面都尚算新鮮。食完開頭依啲就可以開始打邊爐，牛肉羊肉鯇魚片手打丸等等呢啲都可以任叫。出邊仲有不同種類嘅飲品可以任飲，包括罐裝啤酒整體而言，食材都算新鮮同多種類選擇，如果想同朋友暢飲一番，吹水吹成晚，呢度就係一個好選擇。重點係佢唔限時。覺得而家香港要搵一間唔限時打邊爐都有一點點困難。不過今晚幫襯都full full 地，所以建議打電話去預約定會比較好。

＄268 加一 =＄295 冇限時刺身、海鮮拼盤：跟人頭 每人一件海皇蛋白燴燕窩：跟人頭 每人一至尊水餃皇阿翁極級牛頸脊侍應就會按人頭拎以下嘅野食比我哋, 全部材料都會新鮮「海鮮拼盤」大蝦，勝子，生蠔，墨魚，帶子，大魚片，每款都新鮮大件😝 「刺身拼盤」三文魚厚厚的😋，甜蝦，北寄貝同埋帶子👍🏻 再來1粒超大大水餃，份量十足仲有「阿翁極級牛頸脊」 是最好食的部份任點✅美國雪花肥牛、羊肉片、鮮鵝腸、鮮蝦滑、墨魚滑、大青口、炸魚皮......連駝鳥肉都有超特別，全部食材都新鮮，真材實料👍🏻自助區有丸類、菜類、菇類、響鈴、支竹、粟米、豆腐、公仔面、粉絲、薯粉、午餐肉、玉子豆腐......飲品🥤🧃🍺啤酒、汽水同紙包飲品 都好多款應該每個月都有生日優惠服務十分殷勤cp值高

我同屋企人咁啱經過荃灣見到呢一間火鍋店，依間火鍋店都係第一次食，食物質素係唔錯，職員服務態度都非常之好，而且真係好抵食。$268可以由五點食到收工都得，同出邊一般嘅食放喺舖頭只可以食兩個鐘，咁就唔會好趕住食完走，一開頭會送五樣菜式，刺身盤，海鮮火鍋盤，蝦滑餃子，美國和牛，燕窩魚翅羹。 另外一開始可以叫雞煲或者羊腩煲同埋澳門豬骨煲，之後就可以打返邊爐。同埋所有嘅啤酒都係包埋裏便免費飲。 如果同朋友或者同屋企人聚會的話，又有陣時想聽耐少少可以揀呢一間餐廳食。

我同幾位朋友一齊去呢間任食打邊爐，因為其中一位朋友生日，所以他的價錢是半價的我們四人平均每人給了$287，呢個價錢應該都係中等至中常消費的任食打邊爐。之前我們都呢間阿翁係南昌的一間，今次荃灣呢間都一樣每人會送啲前菜，今次我哋選咗羊腩煲、每人有一碗類似蟹羹、海鮮拼盤、刺身拼盤、蝦滑水餃、雪花牛肉。上面咁多款，我覺得最好食係雪花牛肉，因為啲油脂分布都好平均，所以咬落去唔太韌。講到任食方面，種類似乎不多，不過唔緊要，最緊要嘢食新鮮同埋基本的牛豬魚都包含在內，出邊仲有個凍櫃可以夾菜、青口唔同的丸。魚🐟有鱔片、脆肉鯇。不過我略嫌魚類切得太薄，所以啲嘢係新鮮嘅，不過有啲唔夠喉要叫幾次。同埋呢間有好多款飲品可以拎，亦有啤酒。所以當日見到個啤酒妹都好難賣得出，無點行過黎任食呢區😆

如果各位想食速食套餐，荃灣半島係必選餐廳。5/10家人生日，惠顧全包套餐共十個菜，當通知可安排起菜後，竟然可以30分鐘上哂。第一道菜蝦球麵，大家都未夾，就已經陸續上多四個菜係枱面。同西裝員工反映可唔可以通知廚房之後既菜上慢少少，個女職員竟然答’’因為我們通知上菜，所以上菜既速度就係咁快。‘‘嘩，完全唔理解係咩待客之道，啲菜上到成枱面都係，都已經冇位放，呢間酒樓係咪想將啲菜就咁全部推哂出黎層層疊攤凍哂，然後俾顧客咁樣用餐？之後再同另一位男職員反映，佢用對講機通知廚房暫停哂我哋枱既菜，仲以為可以慢慢食啦，但可惜隔左5-10分鐘又再陸續上面剩餘既菜。大約19:40通知可以安排上菜，20:07已經全部上齊，除左甜品，都未到20:30 廚房就已經趕住收工？食物質素/味道已經係一般，就加上遇到呢種服務態度，我哋之後都唔會再幫襯。

國慶假期無地方好去去茶樓食個下午茶不失為一個好方法😂品嘗吓精美點心 嘆返杯茶🍵🍵🍵同屋企人傾吓計叫咗幾個平時都好鐘意叫嘅點心有薑蔥牛柏葉牛柏葉都好爽口薑蔥蒸過令鮮味更突出仲有蘿蔔墊底索晒啲精華 正👍🏻蟹籽百花釀魚肚 蝦膠爽滑彈牙魚肚亦都索晒湯汁 十分入味花生甜薄撐 呢個懷舊糕點買少見少功夫多 入面充滿椰絲同花生碎令口感非常豐富薄撐板亦都煙韌軟糯 唔算好甜下午茶時段都唔少茶客幫襯建議大家早少少拎位喇不過不得不講 係咪做酒樓啲呀姐係態度咁差搞到有時啲嘢食再好食都會唔想去

同家人去飲下午茶，茶樓裝修後光猛咗，冷氣夠，人多要等位。首先點了叉燒瀬粉和燒鵝瀨粉，味道份量okay 。孖寶點心山竹牛肉幾大碟，叉燒包有三個夠鬆軟，煎讓茄子煎得夠脆口。

之前都幫襯過兩次了，新裝修後再黎幫襯，同朋友們黎打邊爐，貪佢唔限時可以慢慢食慢慢吹下水我地一行10人，有兩個湯底揀之外仲有雞煲或豬骨煲選擇。我地揀左雞煲，好惹味！不過有朋友就覺得好辣，所以如果唔太食到辣，落單前可以問下佢可唔可以小辣呢！哈哈另外仲有刺身同海鮮拼盆呢火鍋除左佢固定既食物跟人頭計送上，其餘食物都係任飲任食，款式選擇都算多！餐廳環境裝修後都算衛生光猛。服務員都好熱心友善，雖然有兩次都要追單。

半島酒家近期完成裝修開業，之前會和家人來飲茶，食物質素算不錯，價錢雖然不算便宜，但可接受，今晚食飯點了一條南瓜班、蝦仁炒蛋、雞湯魚肚白菜，滿意的。餐具整潔乾淨，環境清新,服務周到，整體用餐體驗大有提升。我推薦大家來體驗這家煥然一新的半島酒家。總的來說，半島酒家很不錯，我推薦大家來體驗這家煥然一新的餐廳。如果你不介意比平價貴少少的餐廳，相信你們也會和我一樣，會覺得這家餐廳是合適一家人吃飯的，可以一試

消費三千元套套。出餸極慢，套餐尾三樣菜及甜品追成個鐘都冇人理。傳菜員會突然同你講要收工，半場西裝員工行行企企，同客飲酒吹水或去執枱都唔理你。個個都識廻避眼神。往廁所走廊充滿煙味，女廁惡臭長期糞味