影片
老豆生日，亲戚介绍食呢间酒楼，感觉光猛新新的，枱与枱间少少迫，但ok的，唔会周围走黎走去系无问题的！选咗一个套餐，乳猪全体，BB猪所以唔会太肥，热热的皮好脆👍半只明炉烧鹅，热住好味好多！加$400转咗龙虾伊面，龙虾有鲜味，上汤味刚好，不会太咸，伊面面质刚好，略嫌面量少咗d，好味👍翡翠花姿象拔蚌片，份量足够，花姿片新鲜好味，象拔蚌片就一般，ok的酥炸台山桶蚝，呢个菜比较特别，炸咗香口，蚝的味道都ok!红烧花胶海王翅，料都算多，有其他海鲜料的鲜味，唔错，唔会太咸！清蒸鱼大海斑，唔知系咩鱼😂，但新鲜肉质唔错的！蚝皇花菇鲍鱼片，冬菇厚肉大只，螺片正常味道👍，整体ok鲜虾荷叶饭，大家都太饱，眼见都多料的。试咗一啖，好香荷叶味，饭嘅质地唔会太腍，ok的，最后打包攞走食。另加咗一打寿包祝老豆生日快乐！大大只，内有莲蓉咸蛋黄，略嫌包嘅质感唔够软，但ok的。整个套餐都几好食，中价价钱，服务态度都好好，姐姐都有礼貌的！比起上次喺油塘食的酒楼好好多，平d又好食d!香港酒楼业加油吧！
继续阅读
装修之后朋友又想黎帮衬，咁就黎试下，环境算系ok可以接受，叫做光猛，不过有啲位置都系坐得迫啲，而且食食下都系觉得唔够冷气有啲热。叫左个餐食，整体有好有唔好。乳猪上到黎系唔够热或者直情唔热，连暖都唔算，不过算系无咩肥肉有啲肉食。虾球伊面，虾球有肉不过有肉无味，唔好味。而且伊面林得济。鸡算系比较好味既一样而且有肉又唔算肥。冬菇鲍片味道都算ok,冬菇都够厚身有啲口感。所以啲𩠌有啲ok有啲系唔ok，味道有啲失望。服务方面，真系比较差，有个女部长见到个食客去柜位拎筷子，之后大声话已经一人一对公筷同普通筷子，人地拎多对梗有理由，唔需要咁大声话人地。总结黎讲，服务真系好差 ，食物质素有好有差。
继续阅读
今次一家人去庆祝生日， 试下呢间半岛嘅打边炉， 价钱300蚊多少少☺️☺️呢个套餐仲包埋 鸡煲 海鲜鲍鱼鹅掌 海鲜 牛肉都算系高质素，😍😍好喜欢佢入面𠮶粒云吞大大粒好多虾好好味道😋😋因为一家多人所以佢会有刺身食， 刺身就正正常常发挥， 不过打边炉有得食刺身都几好， 唔会太闷😚😚汤底就简单叫咗鸳鸯锅， 皮蛋芫茜锅都系正常发挥， 麻辣就比较浓味😐😐不过呢度都算系比较多人， 如果去嘅时候就会比较嘈吵啲， 不过都要赞嘅系呢度虽然好忙， 但系每个员工都好好服务🫡🫡
继续阅读
琴晚喺度食团年饭，整体食物冇咩特别，算系正常水平。不过卫生情况真系令人失望，碗筷完全冇洗干净，摸上去油淋淋，连我咁求其嘅人都觉得好污糟。虽然食物味道尚可，但卫生问题真系扣分，希望餐厅可以改善，毕竟食得安心先系最重要。
继续阅读
### 食评：京葱牛肉的失望经历最近到这间餐厅点了一碟京葱牛肉，价钱大约为 $140，然而让我失望的是，碟中起码有一半都是京葱，牛肉的份量实在不够，完全不值这个价钱。这样的比例让人感到相当不满。另外，服务方面也有不少问题。服务员竟然忘记了我的花生凉菜，结单时还要收取 $16 这个费用，这是否合理呢？更令人惊讶的是，酒楼部长要求食客用胶袋把欠奉上的花生带走，凉菜费照付，否则就会扣除优惠，这样的要求实在让人无法接受。最让我失望的是部长的态度，完全不愿意听取顾客的意见，这种服务态度在今天的餐饮行业中实在是过分。整个用餐过程让我感到非常气愤。我们是第一次在这家酒家吃晚饭，原本期待能有更好的用餐体验，但这次的经历却让我对这家餐厅失去了信心。
继续阅读