半島冰室

营业中

休息中

呢間茶餐廳喺炮台山開業以來次次去親都排長龍每逢係早餐尾段或者就黎下午茶就特別多人要食就真係要預早黎，仲要記住佢地唔做晚市兼且星期日同公眾假期唔開講返食物方面，每日午餐既選擇都會有啲唔同，但大致上都會有湯飯/麵、蔥油xx飯、西式扒餐，再加上常餐類既嘢食，可以話總有一款啱心水今次既午餐menu蔥油煎蛋飯係我既十次黎九次都會叫既嘢下晏一點左右到等左差唔多四十五分鐘先入到去入到去既時候嫩雞都冇晒最後c 餐變左做蔥油豬扒煎蛋飯反而仲吸引 —成塊面咁大既豬扒加上半熟荷包蛋，豉油汁同蛋汁撈埋蔥油落白飯度，食過自然會返尋味不過野飲方面，個人覺得偏甜。少甜左之後同其他餐廳正常既甜度差不多想食又唔想等（太耐）既話，最好就十二點左右去啦

最近成日要嚟炮台山上全日堂，發現呢間茶餐廳， 咩時段都要排隊， 早餐又要排、午餐又要排 、下午茶又要排，令我更加想去食。自己叫咗碟「咖哩吉列豬扒飯」，下午茶價37蚊,大大碟， 吉列豬扒熱辣辣，食得出係即炸嘅，CP值極高。另外同同事share咗個芝士煎蛋豬扒包$32， 麵包外脆內軟， 豬扒唔會整到又乾又硬乾，加埋溶化嘅芝士，超邪惡！

🍅 蕃茄薯仔排骨湯通粉 牛油多士 HK$33番茄真係煮到淋，湯味道好濃，見到嘅材料有啲似羅宋湯。另外，雖然佢話係就係排骨，但其實主要係豬肉，而且份量好多，唔會話得反骨。 🤣

食物 : 一般lunch 嘅食物賣相 : 唔係太特別，始終冰室唔係太著重係外相上味道 : 以lunch 黎講個味道係絕對一流環境 : 7/10 長期有人排隊，連下午茶都要排隊價錢。:hkd 50 /人性價比 : 7/10

 朋友說任何時候經過半島冰室都見到大排長龍，很受歡迎的，而且它不做晚市的。我早已耳聞它的名聲，所以今日趕來吃下午茶。大約5時30分到達，我們排了十分鐘到便可以入座點餐吃。單單睇這四個餐已經好有創意:型男餐、索女餐、頭等餐、商務餐。我們叫了馬來咖哩吉列豬扒飯$37，忌廉芝士焗雞皇飯$36。下午茶餐供應時間由下午二時至六時，總共有18款。這麼多選擇，每款試一試也要18天才能試吃完畢，哈哈！出餐時間很快，吉列豬扒很大件，金黃香脆，豬扒非常夠淋，配上馬來西亞咖哩汁，香濃惹味，令我胃口大增，味道非常好。忌廉芝士焗雞皇飯，用錫紙盤盛載著，熱騰騰的，白飯混有蛋絲而且很軟熟，忌廉芝士的白汁，味道調教得很好，不會太鹹太濃味，雞肉很多又軟又滑，真是越吃越滋味。下午茶餐還奉送飲品，我們叫了凍奶茶少糖，奶茶夠香滑。

十二點幾黎到已經分左兩條長龍🙌🏻 但係等左唔洗20分鐘就有得入啦😲諗左好耐食邊個午餐定常餐好🤨忌廉芝士焗海皇意粉配帶子 ($58)唔夠3分鐘就上左🤪 一黎就香氣撲鼻！白汁同芝士份量好夠🥺 平時好憎食意粉唔夠汁同濃稠 但呢個唔會。味道雖唔算好重味但勝在夠香，算係較清淡既白汁意粉！雪花霜降牛肩肉飯 ($62)同意粉一樣夠汁☺️ 而且有成兩三塊肉😍 份量夠曬！牛肩肉8成瘦肉2成肥肉，滿足到食肉獸之餘又唔會太有罪惡感。成餐飯最滿意就係佢♥️半島煎肉餅皇 ($52)本來見到 有冬茹，臘腸都係我好鐘意食既野，以為咸魚都唔會落好多🤔 點知...太鹹啦🤮 原來三種咁香口既野係唔可以共存喺同一味餸到㗎！雖然個combination好正，但真係over左少少，如果減左咸魚成件事可能好好多。冰糖雪燕紅豆冰 ($8) 跟餐加Overall黎講所有野都幾好，唯獨唔食得咸既你千萬唔好揀肉餅😲 下次會再黎食埋佢啲常餐🤣

禮拜尾加上就月尾，多嘢做到氣都冇丁唞！時間就快來到兩點，門口嘅人龍仍在，反正食完嘢又要返公司繼續做嘢，咁不如等下啦，就算烈日當空亦無阻我哋要出街hea嘅心態，跟住條隊～排啦！你有你排，餐廳都好努力為你做多啲，未及入座已經落定單，然後上菜都好快，變相縮短你嘅等候時間。我叫咗個午餐嘅牛排豬仔包配薯條，但竟然薯條薯條賣晒，雖則有啲失落，不過店家轉咗個意粉比我。開頭以為係普通意粉，結果係番茄免治牛肉意粉，好驚喜，成個餐得個沙律係配角。啲醬好好味，撈埋啲意粉一齊食，唔會dry仲好香；沙律好新鮮，至於個牛排豬仔包呢，比大家睇睇個橫切面，個包外脆內軟，件豬扒juicy 的來又大件！呢啲質素，呢個價位，我只能說：難怪門庭若市！

 半島冰室應該大家都唔會陌生啦?位於炮台山既一間小店茶餐廳, 出哂名抵食夾大件啊!講真依間我成日都去食既茶餐廳, 點解又會值得我為佢打一篇食評呢?就係因為我今日心血來潮叫左碟咖哩吉烈魚柳飯啊~~上台果時我D同事見到都呆哂, 塊魚真係仲大過塊面啊!我分左比2個同事都夠哂飽魚柳唔只得個大塊, 仲炸得非常香脆配埋咖哩汁真係好好送飯, 食唔停口啊~而且仲伴左小小沙律菜, 減輕左些少罪惡感, 哈哈所以下次黎到半島....冰室, 唔好淨係食佢既蕃茄通同豬肝麵啦, 黎試下咖哩吉烈魚柳飯一定比到驚喜大家~

本身屋企人特登話去食，本身都唔知係咁受歡迎。12點左右去到排到一小陣，大概10分鐘左右，見到餐牌寫型男索女餐，當堂醒神哂。結果叫左個飛機師餐，的確結幾好食。個龍蝦湯底感覺似用左龍蝦去熬，唔同出面罐頭嘅味道。雖然得三隻蝦，但份量都唔細。炒蛋加左蝦柳，食落去唔係cheap個隻，似係日本靚少少個d。最重要當然係價錢先50，平時喺茶餐廳食個午餐都唔只，質素仲要咁好，性價比真心唔錯。所以大家都可以去試下，如果近近地。

After work, I walked around my hood and reached Fortress Hill. I saw a crowd gathering outside a cha chan teng and thought to try this place out. The line was long and the staff separated the line into two - one for solos and another for groups. He was very efficient-minded I though and what I thought would take another 15 minutes to get inside, turned into 5 minutes.Their menu is offered in English and in Chinese. Their tables as well as the restaurant itself was spotless clean.I ordered a Fish

A while ago, I asked a coworker who lives nearby what he usually eats in his residential area. And he said 半島冰室 (English name: Angus Cafe). A regular cha chan teng that every time I walk by this place, there's always people waiting for a table. It's odd, too as this place is always packed but the cha chan teng around the corner and all the other eateries are quiet.Curious, boyfriend and I came here for an early dinner for this place closes at 6 PM.Menu is in English and Chinese. There is no 10%

今日男友放假 例行公事要陪佢黎半島冰室食晏 因為我地都情有獨鐘蔥油豬扒飯 但平時唔放假都無咩機會會黎排隊今日好好彩 餐牌有至愛揀其實呢到有好多款好食之選 但每次只要有蔥油豬扒飯都一定會比佢跑贏哂因為實在太正喇 塊豬扒大過手掌 煎到個面脆卜卜 但係入面唔會乾爭爭 勁juicy 再加面頭d蔥油勁香 撈埋鼓油簡直係港式美食no1每次都會食到隻碟反光 其實份量唔少架 但實在忍唔住食哂再跟餐配埋杯凍咖啡 簡直係享受我覺得同平時茶記咖啡唔同 呢到唔會好酸 似cafe既凍咖啡

去開天后附近問地膽朋友有咩推介，佢第一時間講呢間。兩點左右去到，門口都好長龍。唔趕時間慢慢排，一個人等左廿令分鐘入到去。餐牌好多野都幾吸引，本來想食是日午餐沙嗲牛三寶飯，點知賣晒。即改茶餐B啲咖喱吉列豬扒飯。一上檯粉仔哇左聲，37蚊連飲品，嗰塊豬扒竟然大過塊面。一切落塊豬扒度發出嘅清脆響聲，就知正野！果然炸粉唔厚，非常脆。豬扒有肉味，唔硬！少有咁高質嘅吉列豬，而且本來見咖喱汁唔多，怕唔夠送飯。但大廚果然係專業，飯量同汁比例啱啱好！唯一少少失望係奶茶比較一般。但咁嘅價錢，咁嘅食物質素，仲有咩好嫌？加上客人好多，但服務態度都仲係好好。真係要畀個讚！餐牌仲有好多野想試，一定會再去。

半島冰室算係呢到嘅地區美食，好受歡迎，次次經過都有人排緊隊。排隊嘅途中可以順便睇下牆上嘅餐牌有咩食，最好決定埋，因為佢呢度點單速度不遜色於澳牛。我坐底一秒就有位阿姐問我食咩，我叫佢俾時間我睇睇Menu，佢行開咗幾秒又返嚟問食咩。所以一早決定好食咩好重要，但好彩我都喺嗰幾秒之間決定到食咩。我點咗下午茶餐嘅芝士煎蛋豬扒包，連埋杯凍檸茶係34蚊。落單速度快，上餐速度亦快，幾分鐘阿姐就放低咗碟蜘蛛包(芝豬包)，我覺得個簡稱都幾搞笑哈哈。面包熱辣辣，厚厚一塊嘅豬扒上面係半溶嘅芝士同煎蛋。材料簡單唔花巧但睇落已經好吸引，連坐我對面嘅友人都忍唔住問我可唔可以俾佢咬一啖個包。豬扒雖厚但唔韌亦唔乾，夾埋溶咗嘅芝士同熱辣辣嘅包真係覺得好食！唯一唔好嘅地方係個包太熱，建議攤一攤先好食會好啲。個包入面煎蛋冇乜驚喜，蛋邊唔夠脆，蛋黃對我嚟講有啲過熟，如果再流心啲更好。34蚊嘅價錢連嘢飲係香港嚟講唔算貴，食物質素絕對對得起呢個價。期待下次去試埋佢其他菜式。

呢間冰室無論早餐或午餐時段都會大排長龍。比較容易食到的時候應該是下午茶時間了。下午茶餐的質素一樣掂！叫了個馬來㗎喱吉列豬扒飯。個餐一上枱，個心嚇到離一離。塊豬扒絶對大過塊面，舊飯完全被遮蓋。咪以為塊豬扒咁大會紙咁薄，炸粉厚過肉。它的厚度絕對正常，外皮香口仲卜卜脆，又唔會炸到乾曬，真係淨食豬扒都夠呀！配埋香濃咖哩汁及白飯，真係食不停口，再啜啖凍檸茶，絕對是大滿足！冰室唔做晚市，六點就關門。如果較啱時間食下午茶餐，絶對可當early dinner頂一餐。