影片
营业时间
今日营业
07:00 - 22:00
星期一至日
07:00 - 22:00
公众假期
07:00 - 22:00
以上资料只供参考，请与餐厅确认详情
每日返工都會經過葵芳地鐵站，我每日都會嚟幫襯華御結去買一個飯團做早餐！位於地鐵站真係好方便，經過就可以買一個。呢度選擇好多，日日食從來都唔會厭倦。我最鍾意嘅味道就係紅雪蟹沙律，同埋鯖魚。呢度嘅調味真係做得好好，又唔會太鹹。呢度嘅飯團嘅飯真係粒粒分明，而且好軟熟。而我推薦就係將飯團再翻熱，飯團嘅米粒好軟糯，推薦。入面嘅餡料仲好足添㗎 ！今日發現咗原來間中都有外賣自取八折，真係好抵呀，可以同同事一齊share。
继续阅读
之前朋友買過嗰豆乳雞湯俾我，真係一試難忘🤣 佢買俾我嗰個係已經煲好咗😎 我今次係地鐵舖買就係仲要自己叮翻佢🤔 比起煲好咗嘅熱湯，無咁好飲，同啲雞肉就會好似變咗瘦肉咁😂 但整體都好好味嘅，買飯團再🍙加$16就有🥰 最緊要只係113kcal😆 減肥飲到呢碗湯真係獎勵😍 我2點幾去到就買唔到$10飯團了，只係有張-$5嘅coupon聽日開始可以(22-28/12)用呢到嗰店長好好人，我問佢所有問題佢都好熱心咁答我🥰
继续阅读
剛剛做完眼部手術😎😎，帶住副黑超想盡快返屋企好好休息，途經華御結就順便買咗三個飯團，貪佢食嘅時候比較方便😆😆～～～黑毛和牛壽喜燒～～～$25果然係和牛，好香濃嘅牛肉味，再配上壽喜燒汁甜甜地，佢嘅汁量都頗多，大半個飯團🍙都有燒汁！唯一可惜嘅係牛肉嘅份量好少，一淡就冇啦🥺🥺（可能我口大啦😝😝）～～～辛香照燒池魚～～～$16唔係食到有咩辣味，但佢嘅池魚有好香嘅魚油味，魚油混合米飯會變得爽口啲😊😊～～～吞拿魚沙律～～～$16我就一向麻麻地吞拿魚沙律，但🤴🏻就幾鍾意，通常🤴🏻就會用嚟夾麵包，今次配飯團🍙都一樣有清爽嘅感覺！偶然食下都唔錯呀！一餐只得3個飯團🍙邊夠我同🤴🏻食呢!😅😅
继续阅读
一路都好鍾意食華御結，因為佢嘅飯比其他市面上買到嘅御結香，而且會唔會雪到硬崩崩，而且方便快捷，趕時間嘅時候，好快速就買到，又方便快速食，今日見到有新口味，掃左成個系列返屋企💕今期新出嘅係「サンドおむすび」！其實佢嘅概念係黎自一套漫畫「伙頭爸B」而衍生出嚟嘅💕將漫畫嘅事實體化，感覺好奇妙丫💕✨呢套動漫裏面嘅食譜，真係幾work🤣我細個都有跟過佢嘅食譜整啫喱🤣🤣呢個沖繩名物，黎到香港叫做「珍寶系列」分別有三種味道，其中我最鍾意嘅就係......照燒三文魚扒配明太子沙律($30) （右)三文魚味道香濃，加埋明太子嘅沙律可以中和魚油嘅油膩，而且餡料滿滿的，大滿足！唯獨是係紫菜預先包好，所以比較淋，但係淋左都可以好輕鬆咬開，唔似平時嘅紫菜淋左係咬極都唔斷，有另一種風味😋櫻花蝦醬油拌飯 ($17) （中）仲有新推出嘅「健康拌飯系列」，以玄米、雜穀等，含豐富膳食纖維嘅食材製造，除咗可以補充熱量之外，仲可以改善腸道敏感，食得健康啲！ 櫻花蝦呢款，我覺得最好食，因為佢嘅蝦味香濃，感覺清新得來又唔會太淡，想食健康啲就係一個唔錯嘅選擇💕
继续阅读