協成粥品

营业中

休息中

今朝又嚟番啅呢間位於渣華道熟食中心上面既協成粥品，朝早7時已有幾枱街坊客係到食緊粥同埋腸粉做早餐。坐低後即點艇仔粥牛肉腸，睇下水準保唔保持得到先。一陣碗粥同腸粉就嚟到，先試一啖粥，還可以的，但餸冇上次咁多，但今次都有3份1碗都係餸嚟，有碎牛，豬皮同埋水魷，賣相吸引。牛肉腸就即拉，好軟淋但都有d咬口，味道適中。口味：🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚🥚

80年代初，剛踏入社會，每朝搭船過海，一定先光顧協成的皮蛋艇粥，即拉蝦米腸，炸兩或豬潤腸。以前有一位男長者專職拉腸粉，質素很好。後來只剩下三母女經營，腸粉份量大，但是質素不如前。所以後來多數只叫即炒粉麵及炒芽菜。戒咗碳水早餐很多年了。最近舊地重遊，試咗豬雜炒油麵。叮囑炒乾身D，好味！一碟36元送糖水或豆漿，即炒熱辣辣，這個價錢，夫復何求。坊間小店帶給我們的是人情味。多年不見還記得我。歲月逼人，當年放學落力招呼的小妹妹，現在已經面帶滄桑。而我亦退休了。

之前已經試過他們的蝦米葱花腸，腸粉即叫即做，熱辣辣，腸粉軟糯，已經食出味道；加上價錢貼地，$11一碟，真係好親民。今日加了$4，$15食一碟芽菜炒麵，同樣即叫即炒，熱辣辣，大大碟，芽菜爽口，麵質彈牙，唔會好稔，自己再灑上芝麻，甜醬，辣醬，完全加上色采。特別系芝麻，食得出炒過嘅芝麻香味。除食物外，姐姐的服務殷勤，一坐低就送上熱茶，又推介一下食物，晨早食早餐，除了味道，亦食得出服務上的溫度！可惜他們收5點，不然晚飯必定幫襯！

北角渣華道熟食中心呢間協成粥品，永遠唔會令我失望，出品一流，價錢便宜，真係平靚正。今朝6點半到嚟到協成食早餐，點了艇仔粥同埋牛肉腸，艇仔粥唔係好細碗，份量足，最緊要個粥底做得好，有一粒粒既米，而唔係用米漿做粥底，食落去有米香，好好味的。牛肉腸真係好大碟，個牛肉餡夠味好食，醮上豉油食更加美味，两樣都只係$36蚊，好食又抵食。整體非常滿意。口味：🥚🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚🥚🥚

炒粉麺飯$36起，仲要送糖水/豆漿。我叫咗碟叉燒炒河，非常夠鑊氣，味道不错只是略名油, 糖水有足料綠豆沙, 不太甜👍政府熟食街，好在有冷氣開放，外面三十幾度室内都十分清涼，地方尚算整潔。樓面姐姐殷勤有禮一腳踢，值得表揚👏

去開北角，想食個又平又好食既Lunch，諗起熟食中心既協成粥品，上到去，見到地方比之前企理同乾淨咗，雖然有一排冇上去，但靚姐依然記得我同個女鍾意食鮮茄豬扒飯，仲有飲綠豆沙，咁有人情味既食店宜家好少見，這裡一個飯只係$36蚊，包野飲，鮮茄豬扒飯來到係熱到出煙，好有鑊氣，豬扒入味又夠多；之後叫咗腸粉都係即叫即包，蘿蔔糕即叫即煎，價錢平得黎野食有質素係熟食中心既特點。平時見得紅荼果Ｄ黑口黑面既阿姐多，來到見到協成粥品有禮貌既招呼，直係好大對比，食完心情都靚Ｄ，希望這間好食既小店可繼續加油。

話說今日依舊都要去北角做嘢，記得之前有朋友講過渣華道熟食上邊有一檔粥係唔錯嘅，今朝早就膽粗粗上去試吓，👅先，因為今朝唔想吸收太多澱粉，所以冇食到粥，坐低叫咗個炒麵炸兩，跟住店家話啱啱煲係熱豆漿要唔要？熱喎要呀，豆漿正常，之後等咗一陣，炒麵上檯，係熱辣辣“標”煙嘅銀牙炒麵! 熱辣辣嘅炒麵加爽口芽菜，堅係好食😋，之後炸兩到，即叫即製，油炸鬼仲有脆脆地👍🏻 三樣加埋 成惠 $40 物超所值戴返頭盔先，我覺得好唔好食≠你覺得好唔好食，好唔好食因人而異。

自從來過北角渣華道熟食中心幾次後，時常都掛念著協成粥品的出品，由於店內的出品全都是即叫即造，所以產品全部都是熱辣辣的遞到你面前👍同時店内每位靚女友善的服務招呼很好，現在不是處處可以見到，真值得一提👌👍今日係14-09-2024星期六上午，專程過來協成粥品食個早餐。坐低見到餐牌上有柴魚花生粥，因為已經很多年未有試過柴魚花生粥，也不是處處可以見到，於是便叫了一碗試試，稍等一會滾熱辣辣的柴魚花生粥便送到你面前，雖然價錢比較平，但調味十分好，不用下任何調味料也十分好味，而柴魚花生的材料也不少，柴魚口感好，花生稍為焾一些，滾熱辣辣粥底濃淡適中😋👏👍🥰食了兩啖靚粥，怎能唔少了點返一碟即叫即拉的葱花蝦米腸粉，價錢平質素高熱辣辣，而且份量不少，腸粉軟滑夠香，雖然只是蝦皮，但仍有蝦味，配上特製自家煮的腸粉鼓油，真是香甜鹹齊來，真是美味無窮，食完一碟真想再食一碟，可惜這只是今日的早餐😋😋👏👍🥰今次叫了兩款食品，全程沒有加添任何調味料，亦一點胡椒粉或醬料也不需要，但是無論味道質素份量已十分滿足👏👏👏👏👍另外值得一提就芽菜炒幼麵，也是即叫即炒的，芽菜和幼麵份量不少，熱辣辣到出煙，鹹淡適中，配埋醬料混和，令人難

5月15日佛誕假期，揾食肥華和靚媽，在去維園凑熱鬧之前，先到呢間位於，北角街市2楼熟食中心，嘅粥舖食早餐。一入此檔位，就有位靚姐，為肥華及靚媽，遞上兩杯清茶，呢個舉動，令肥華有無限好感，因今餐肥華，唔使另叫飲品唻，伴主食而今餐嘅主食，兩碗$18蚊嘅艇仔粥，味道唔算出色，但材料份量就十足，再加上各$15蚊，一碟嘅 ，鴛鴦腸粉及銀芽炒麵，和$11蚊嘅 齋腸粉，呢個食到肥華及靚媽，飽到連中午飯，都唔使食嘅早餐，埋單都唔使$8O蚊，咁嘅價錢，Ok嘅食物，良好嘅招呼，此店一定要翻啅埋，佢其他食品

今日喺土瓜灣坐船去北角，經過渣華道熟食中心記得之前呢度有一間都頗為出名嘅海鮮菜館不過已經結業🤣作為一個馬鞍山人難得出到嚟北角梗係想食下呢度嘅地道大排檔小炒啦💗36蚊一個嘅即炒豬雜河其實從來都唔會對佢有啲咩大期望仲要送埋綠豆沙糖水喎不過出到嚟嘅時候真係令我大吃一驚！！竟然份量大大，鑊氣足夠豬粉腸豬潤同埋豬肚都係經過炒🥹煎💗簡直覺得我冇去錯地方呀！希望睇到呢個文章嘅朋友你哋都多啲支持一下香港嘅本地美食💗多啲支持一下香港嘅舖頭啦💪 #foodie #FoodieLife

今日行過渣華道街市，見到樓下38蚊一個午餐，仲要加3蚊有凍飲，好奇心之下要上去睇下!上到去熟食中心，原來宜家有好似間舖頭喎，間間都係30至40蚊有交易，真係難以置信！結果我就揀左協成粥品食，貪佢送綠豆沙（好耐冇食過）。見到隔離枱叫左苦瓜叉燒炒蛋飯，我又試下先，黎到個樣都幾靚，不過叉燒就好細粒，都唔算多，但苦瓜就啖啖都有，都幾好食!另外又係見人食，我又食嘅炸两，12蚊，仲要係大碟，簡直難以相信，呢個價錢真係好抵！

還記得我嘅最愛嘅食店之一.北角協成粥品.見到最近網上有人post咗.北角協成粥品（豬潤/牛肉乾炒河.乾炒牛河就聽得多.豬潤及牛肉乾炒河粉都係第一次聽.今日專程到來一試。🚶🏻‍♂️👉📌協成粥品 (北角)北角渣華道市政大廈2樓今早山長水遠來到點餐如下：1. 蛋王鹹肉糭 $16元 X12. 茘彎艇仔粥 $16元X23. 潤/牛乾炒河粉 $35元 X1 加送凍豆漿 X1 (免費）4. 蝦米蔥花腸粉 $10元 X1食咁多嘢.每人都唔使$50元.低食之選！👍😋😋😋

去食的主要原因係想去食下火既野食.去之前完全無咩概念.去到照心所想, 叫咗皮蛋廋肉粥, 緑豆沙.廋肉比較少, 無咩味精, 好啖口, 病人食應該可以.緑豆沙, 只有緑豆,緑豆開晒花, 没有其它料, 糖有限, 健康為主的應該好歡喜.一次過, 真係病的嘩 或 清清地, 先會來食。

大隻仔今次覓食嘅店舖就係💥 協成粥品 💥 大隻仔好少放假咁早起身，今日介紹北角呢間餐廳「協成粥品」，下晝三點關門，兩點左右好多食物已經賣晒，而且油炸鬼 $6一條，可能係全香港最平。😂😂⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 荔灣艇仔粥 $16粥底夠綿但味道偏淡，艇仔粥材料好豐富有油炸鬼碎、魷魚、碎牛、豬皮、蔥花等，味道正常，不差。🔥 鴛鴦腸粉（腸粉+炸兩）$12可以一次食曬腸粉同炸兩，而且係即叫即做。腸粉睇落質地好糊好散，但食落反而有少少煙韌，而且腸粉皮夠薄，係好食嘅質感。腸粉蔥花夠多，蔥味好香，但豉油味道偏淡，加入甜醬、辣醬、白芝麻會好食好多。大隻仔覺得蝦米蔥花腸粉比炸兩好食。😂😂🔥 芽菜炒油麵 $13即叫即炒，炒油麵上枱時出晒煙，好有鑊氣。同腸粉一樣，炒油麵味道偏淡，可能因為餐廳用嘅豉油比較偏淡，加入甜醬、辣醬、白芝麻會好食好多。除咗炒麵、炒米粉外，「協成」提供炒河粉、炒油麵、炒烏冬，其他餐廳比較少有。油炸鬼 $6油炸鬼麵團鹹鹹地，味

話說回來.我都沒嚟呢度兩個多月.呢度係我最喜愛之食店之一.因我住得太遠.我住喺葵涌.每一次過嚟都要有一定時間及交通.無論怎樣這個都是我最喜愛嘅食店.今天又一早起身趕過嚟食呢度價廉物美嘅早餐.其實佢哋唔止有粥.還有粉麵飯.款式唔少！點餐如下：1. 茘灣艇仔粥 X1 $16元2. 狀元及第粥 X1 $22元3. 鴛鴦腸粉 X1 $12元（腸粉十炸兩）4. 蛋黃鹹肉糭 X1 $16元 茘灣艇仔粥.碗粥夠大碗.粥料份量足夠.食落有米粒及米香！🚶🏻‍♂️👉📌協成粥品 (北角)北角渣華道市政大廈2樓