協成粥品

营业中

休息中

去開北角，想食個又平又好食既Lunch，諗起熟食中心既協成粥品，上到去，見到地方比之前企理同乾淨咗，雖然有一排冇上去，但靚姐依然記得我同個女鍾意食鮮茄豬扒飯，仲有飲綠豆沙，咁有人情味既食店宜家好少見，這裡一個飯只係$36蚊，包野飲，鮮茄豬扒飯來到係熱到出煙，好有鑊氣，豬扒入味又夠多；之後叫咗腸粉都係即叫即包，蘿蔔糕即叫即煎，價錢平得黎野食有質素係熟食中心既特點。平時見得紅荼果Ｄ黑口黑面既阿姐多，來到見到協成粥品有禮貌既招呼，直係好大對比，食完心情都靚Ｄ，希望這間好食既小店可繼續加油。

話說今日依舊都要去北角做嘢，記得之前有朋友講過渣華道熟食上邊有一檔粥係唔錯嘅，今朝早就膽粗粗上去試吓，👅先，因為今朝唔想吸收太多澱粉，所以冇食到粥，坐低叫咗個炒麵炸兩，跟住店家話啱啱煲係熱豆漿要唔要？熱喎要呀，豆漿正常，之後等咗一陣，炒麵上檯，係熱辣辣“標”煙嘅銀牙炒麵! 熱辣辣嘅炒麵加爽口芽菜，堅係好食😋，之後炸兩到，即叫即製，油炸鬼仲有脆脆地👍🏻 三樣加埋 成惠 $40 物超所值戴返頭盔先，我覺得好唔好食≠你覺得好唔好食，好唔好食因人而異。

自從來過北角渣華道熟食中心幾次後，時常都掛念著協成粥品的出品，由於店內的出品全都是即叫即造，所以產品全部都是熱辣辣的遞到你面前👍同時店内每位靚女友善的服務招呼很好，現在不是處處可以見到，真值得一提👌👍今日係14-09-2024星期六上午，專程過來協成粥品食個早餐。坐低見到餐牌上有柴魚花生粥，因為已經很多年未有試過柴魚花生粥，也不是處處可以見到，於是便叫了一碗試試，稍等一會滾熱辣辣的柴魚花生粥便送到你面前，雖然價錢比較平，但調味十分好，不用下任何調味料也十分好味，而柴魚花生的材料也不少，柴魚口感好，花生稍為焾一些，滾熱辣辣粥底濃淡適中😋👏👍🥰食了兩啖靚粥，怎能唔少了點返一碟即叫即拉的葱花蝦米腸粉，價錢平質素高熱辣辣，而且份量不少，腸粉軟滑夠香，雖然只是蝦皮，但仍有蝦味，配上特製自家煮的腸粉鼓油，真是香甜鹹齊來，真是美味無窮，食完一碟真想再食一碟，可惜這只是今日的早餐😋😋👏👍🥰今次叫了兩款食品，全程沒有加添任何調味料，亦一點胡椒粉或醬料也不需要，但是無論味道質素份量已十分滿足👏👏👏👏👍另外值得一提就芽菜炒幼麵，也是即叫即炒的，芽菜和幼麵份量不少，熱辣辣到出煙，鹹淡適中，配埋醬料混和，令人難

5月15日佛誕假期，揾食肥華和靚媽，在去維園凑熱鬧之前，先到呢間位於，北角街市2楼熟食中心，嘅粥舖食早餐。一入此檔位，就有位靚姐，為肥華及靚媽，遞上兩杯清茶，呢個舉動，令肥華有無限好感，因今餐肥華，唔使另叫飲品唻，伴主食而今餐嘅主食，兩碗$18蚊嘅艇仔粥，味道唔算出色，但材料份量就十足，再加上各$15蚊，一碟嘅 ，鴛鴦腸粉及銀芽炒麵，和$11蚊嘅 齋腸粉，呢個食到肥華及靚媽，飽到連中午飯，都唔使食嘅早餐，埋單都唔使$8O蚊，咁嘅價錢，Ok嘅食物，良好嘅招呼，此店一定要翻啅埋，佢其他食品

今日喺土瓜灣坐船去北角，經過渣華道熟食中心記得之前呢度有一間都頗為出名嘅海鮮菜館不過已經結業🤣作為一個馬鞍山人難得出到嚟北角梗係想食下呢度嘅地道大排檔小炒啦💗36蚊一個嘅即炒豬雜河其實從來都唔會對佢有啲咩大期望仲要送埋綠豆沙糖水喎不過出到嚟嘅時候真係令我大吃一驚！！竟然份量大大，鑊氣足夠豬粉腸豬潤同埋豬肚都係經過炒🥹煎💗簡直覺得我冇去錯地方呀！希望睇到呢個文章嘅朋友你哋都多啲支持一下香港嘅本地美食💗多啲支持一下香港嘅舖頭啦💪 #foodie #FoodieLife

今日行過渣華道街市，見到樓下38蚊一個午餐，仲要加3蚊有凍飲，好奇心之下要上去睇下!上到去熟食中心，原來宜家有好似間舖頭喎，間間都係30至40蚊有交易，真係難以置信！結果我就揀左協成粥品食，貪佢送綠豆沙（好耐冇食過）。見到隔離枱叫左苦瓜叉燒炒蛋飯，我又試下先，黎到個樣都幾靚，不過叉燒就好細粒，都唔算多，但苦瓜就啖啖都有，都幾好食!另外又係見人食，我又食嘅炸两，12蚊，仲要係大碟，簡直難以相信，呢個價錢真係好抵！

還記得我嘅最愛嘅食店之一.北角協成粥品.見到最近網上有人post咗.北角協成粥品（豬潤/牛肉乾炒河.乾炒牛河就聽得多.豬潤及牛肉乾炒河粉都係第一次聽.今日專程到來一試。🚶🏻‍♂️👉📌協成粥品 (北角)北角渣華道市政大廈2樓今早山長水遠來到點餐如下：1. 蛋王鹹肉糭 $16元 X12. 茘彎艇仔粥 $16元X23. 潤/牛乾炒河粉 $35元 X1 加送凍豆漿 X1 (免費）4. 蝦米蔥花腸粉 $10元 X1食咁多嘢.每人都唔使$50元.低食之選！👍😋😋😋

去食的主要原因係想去食下火既野食.去之前完全無咩概念.去到照心所想, 叫咗皮蛋廋肉粥, 緑豆沙.廋肉比較少, 無咩味精, 好啖口, 病人食應該可以.緑豆沙, 只有緑豆,緑豆開晒花, 没有其它料, 糖有限, 健康為主的應該好歡喜.一次過, 真係病的嘩 或 清清地, 先會來食。

大隻仔今次覓食嘅店舖就係💥 協成粥品 💥 大隻仔好少放假咁早起身，今日介紹北角呢間餐廳「協成粥品」，下晝三點關門，兩點左右好多食物已經賣晒，而且油炸鬼 $6一條，可能係全香港最平。😂😂⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 荔灣艇仔粥 $16粥底夠綿但味道偏淡，艇仔粥材料好豐富有油炸鬼碎、魷魚、碎牛、豬皮、蔥花等，味道正常，不差。🔥 鴛鴦腸粉（腸粉+炸兩）$12可以一次食曬腸粉同炸兩，而且係即叫即做。腸粉睇落質地好糊好散，但食落反而有少少煙韌，而且腸粉皮夠薄，係好食嘅質感。腸粉蔥花夠多，蔥味好香，但豉油味道偏淡，加入甜醬、辣醬、白芝麻會好食好多。大隻仔覺得蝦米蔥花腸粉比炸兩好食。😂😂🔥 芽菜炒油麵 $13即叫即炒，炒油麵上枱時出晒煙，好有鑊氣。同腸粉一樣，炒油麵味道偏淡，可能因為餐廳用嘅豉油比較偏淡，加入甜醬、辣醬、白芝麻會好食好多。除咗炒麵、炒米粉外，「協成」提供炒河粉、炒油麵、炒烏冬，其他餐廳比較少有。油炸鬼 $6油炸鬼麵團鹹鹹地，味

話說回來.我都沒嚟呢度兩個多月.呢度係我最喜愛之食店之一.因我住得太遠.我住喺葵涌.每一次過嚟都要有一定時間及交通.無論怎樣這個都是我最喜愛嘅食店.今天又一早起身趕過嚟食呢度價廉物美嘅早餐.其實佢哋唔止有粥.還有粉麵飯.款式唔少！點餐如下：1. 茘灣艇仔粥 X1 $16元2. 狀元及第粥 X1 $22元3. 鴛鴦腸粉 X1 $12元（腸粉十炸兩）4. 蛋黃鹹肉糭 X1 $16元 茘灣艇仔粥.碗粥夠大碗.粥料份量足夠.食落有米粒及米香！🚶🏻‍♂️👉📌協成粥品 (北角)北角渣華道市政大廈2樓

一打開蘿蔔糕，真係忍唔住就要打開個OpenRice寫個評語俾佢我叫左碗及第粥 材料算新鮮，無豬既豬蘇味，但粥底比較浠不過$22 只能夠講性價比正常叫左一碗皮蛋瘦肉粥，瘦肉好少，皮蛋正常，$16 粥比較浠油炸鬼 $6 一d都唔脆 好淋， 唔好食最經典係兩舊煎蘿蔔糕，一打開，以為自己叫錯打開 個袋白雪雪一pat 野，唔知以為叫左白糖糕，無材料無味又濕🥴真係未食過咁濕嘅煎蘿蔔糕 ，定係我對煎蘿蔔糕有誤解？ 真係非常之差🥲

呢排經常周圍去覓食.係北角渣華道熟食中心發現一間超低食懷舊粥麵檔.品質唔錯.低食夾大件.所有粥品由＄16元至＄22元.大大碗足料.蝦米蔥花腸粉都係＄10元碟.炸兩腸粉都係＄12元.蛋黃咸肉粽＄16元一隻.好多綠豆及花生.還有鹹蛋黃.通常係出面都無咁多餡料.出面最平都要$20元至24元一隻.還有我哋叫咗個乾炒牛河.店家送咗一碗黑糖海帶綠豆沙俾我哋食.甜度剛剛好.唔會太甜.好味！係餐牌唔多覺有糖水送.有理無理.食咗至算！呢度大部份食物.都係落單即做.呢間舖早幾天我才食過.係嚟試食.覺得好食又平抵食.今日才正式介紹給大家參考！（唔好嘅話.無謂介紹給大家）

【#熟食中心 】#協成粥品早幾日係網上話北角 #渣華道街市 樓上有一間非常抵食既粥鋪，睇到個價錢都「嘩」咗聲😨 #及第粥 竟然只係$22🙄 依個係讀書時候既價錢🤣 #淨腸粉 亦都只係$10☺賣得咁平都唔荒好食啦🤔 錯了，腸粉係即蒸，唔係擺到凍晒，味道比較清，當加上放係檯面既甜醬之後，味道就非常好👍粥底唔算好杰，但食落每一啖粥都食到米，粥底非常好，豬什既味都落到個粥度♥ 料亦都有好多，豬潤最少兩大塊，雖然比較薄身，但煮既時間剛好，最正係豬腰都有幾件，好爽口😁其他配料有粉腸，豬肚，仲有一件唔知係咪大腸🤣全部味道都好好唔會有難聞既味👍本來已經少少飽，聞說依度既炒麵係即炒🤔 冇錯，粥鋪炒麵係即炒，$13☺份量好大碟，係熱辣辣👍 佢叫芽菜炒麵，因為真係有好多芽菜😄 味道同樣唔會太咸，加少少芝麻同其他醬料就好好味😊埋單$45，捧住個肚走🤣環境好舒服，座位闊落，有空間感，冷氣又夠，姐姐們又有禮貌，好抵讚😎推介指數：8/10@foodiehck2022 #港飲港食 #北角美食 #北角 #粥店 #抵食 #平靚正 #港島區 #美食分享

價錢平民化，腸粉即叫即制，雞蛋腸粉香滑，皮蛋瘦肉粥，粥底超軟綿，好有住家feel，食完吾口渴，豬什份量大，處理得都夠乾淨，每個街市既熟食中心都有隱藏的美食，有空就去尋尋寶。

雞絲炒飯 $34街市熟食中心內的協成粥品。炒飯份量好多， 生鐵鑊即叫即炒，夠鑊氣。有少少鑊撈。雞肉夠味，咸香為主。配料有香蔥，雞蛋，建議小咸，$34 冇投訴了。🤣最難忘是綠豆沙，多數地方也是配熱飲的。