卓越食品餅店 (已搬遷) 新店位置

在附近睇完e生, 經過見到呢間老字號.........就買d砵仔糕返屋企食喇.....d砵仔糕細細個的,,, 可以一口一個..........有白色有黃色.......兩款都好好味, 而且仲好多紅豆添.....價錢都算會理, 唔太貴.......另外仲買左芝麻餅, d餅好香脆, 芝麻亦好香........可以一試~

找了好多地方, 終於找到正宗砵仔糕, 深水埗同灣仔出晒名的砵仔糕都不及佢做得好真係用砵仔蒸的, 深水埗都有不過無咁好食size 細了點, 都ok彈牙的質感很好, 軟硬度適中甜度剛剛好椰汁都好味都好平呀! $1.2(9@$10), $1.4(椰汁)

常經過這裡，不知道那一樣都西好吃，睇openrice 話糯米糍唔錯，就賣黎試試。我見雞蛋糕又是剛出爐，所以買了一件($4)。豆沙糯米糍剩下一個，所以買左一個($2)。(那時在想豆沙是否比較受歡迎呢？因為花生還有很多。)雞蛋糕是不錯的，好香蛋味，味道略甜，質感比較實和煙靱，但也是軟軟的，我小時候吃的雞蛋糕就是這樣的了！糯米糍是我吃過最好的！因為糯米做得超捧！糯米糰非常煙靱，軟綿綿的，唔會咬極都唔斷，糯米與豆沙是一體的，豆沙唔會漏出黎。豆沙不是一舊舊的，味道亦不會太甜，非常好！十分喜愛這裡的糯米糰！下次要試埋花生料~ 口感應該會不錯呢~試完呢度，令我覺得之前買左咁多奇華糯米糍係浪費金錢...

約定大比到皇后街吃潮粿~等了又等~就決定獨自慢慢向西環逛著沒想到第一次到西環~就是獨自一人在三十四度下~由信德中心步到西區警署才肯收手雖然是很熱~但所有街道所有店子都是新鮮的~最多逢經七仔就避一避吧途中路經卓越~想起糯米慈與燒餅好像也不錯~八時吃完早餐~三點都沒東西落肚~快要中暑了~還是不等~自已先吃吧~這裡有如港島版的奇趣餅家~~也有不少中式餅~光酥餅等最後要了一個豆沙燒餅與一個花生的糯米慈~糯米慈不太大粒~但感覺是很軟熟的~在荃灣有民豐~在大澳有伯伯~在西環也找到愛吃的花生糯米慈了~餡是多得很~也炒得較深色~雖然沒有其他的般幼細~但這樣才有咬口嘛~在極餓的狀態下~真的很想吃罷整個~一口也沒有了一半了~但還是把它黏成小球狀留給大比試一下~~~~覺得自已太偉大了...(點解唔返轉頭買多粒......)燒餅每個二元二毫~很零丁的數字~size是超迷你的啊~來得比奇趣的乾身和挺身~大概是因為不是熱辣出爐~又說不上不好吃~但就是很普通的感覺~豆沙一點都不特別~這個就真的吃了一口就放回袋中~也叫做有些少東西下肚~不會曬暈吧~唯有繼續無目的地向前面的路進發吧....有空路過試試其他東西的水準就是

2008年7月27日早上8:00 唔知係咪早得溜, 阿姐無精神, d餅又無精神1) 燒餅 – OK啦! 不過勝在唔係好似旺角果間噤油淋淋2) 大蛋榚 – 普通啦! 有少少蛋香都算係噤囉!

o係灣仔搵完料行過黎西環呢邊食lunch路過呢間唔顯眼o既餅店門口企住幾位老人家好奇心驅使下行去睇下有乜好食~~有好多懷舊小食阿姐o岩o岩o係裡面拎左盤雞仔餅出黎新鮮滾熱辣~咁大個人都未食過雞仔餅唔執書買返d黎試下~!!!$7有11舊入口有咬口好香o既南乳味~味道唔會太甜~o岩o岩好~仲感到有少少餘溫~好好味啊!!!~~~後悔買得$7咁少...早知買夠一磅啦!!!下次有機會再黎過呀~~~~~~唔怪得呢間野咁多笑面啦果然冇介紹錯!!!

買了乾蘇餅, 大小同價, 只是件數之分.真的太乾, 有點硬, 味道亦一般.始終都是豆沙糯米慈最好, 糯米皮煙韌軟糯, 一流.

經常聽到朋友稱讚此店的糯米好味，於是主人授命奴隸獸，當天去西環工作時，順便買些回來試試：豆沙糯米（HK$2一件，買了六件）：糯米糰軟熟，非常煙韌，口感的確唔錯，可惜豆沙餡非常普通像是行貨（食落不像是店家自製），比較甜。所以味道大打折扣，只屬OK。

看完下面多位食家的食評後，發現諸君均喜愛將這間餅店與旺角的奇趣作比較，本人亦覺二店賣之食物種類及風格確是差不多，故有此舉乃屬正常。本人覺得她的豆沙燒餅較奇趣的略勝一籌，她的沒有奇趣的多油，比較乾身，豆沙甜度適中，又夠煙"un"，實屬佳品，百吃不厭。以前在該店附近讀書時，放學後常常到這兒買些燒餅回家吃，獨個兒一吃便是一磅，好吃的程度可想而知。其他的餅類味道則較一般，沒啥驚喜。回想起，已有年多沒有吃過她的燒餅，真是越寫越想吃!

豆沙燒餅一磅$20,半磅$10有六個,根本就唔係平俾你,佢\\\\\\"乙水\\\"你買多d之嘛,不過又真係好好食!

因為朋友仔鍾意食燒餅既關係琴日收工後專登走黎買燒餅同糯米磁阿姐話豆沙燒餅剛剛出爐而朋友仔比較鍾意食既無餡燒餅又擺到黃黃舊舊阿姐又落力地話買10蚊俾6件最後就買左半打豆沙燒餅($2一個/$10半磅)同花生糯米磁($2)兩樣朋友仔都話好味外皮煙韌又唔會太甜不過佢話略嫌個糯米磁d花生粒太大我就覺得豆沙燒餅唔好睇佢細細個但d餡都好多只係有d唔平均分配o者

老闆娘把口果然犀利，老婆招架不來，買了：-- 豆沙燒餅($10，6個)，包括最初老闆娘叫老婆試食的1個。(原來不是送的，搵笨！) -- 光酥餅($6.5，2個)，老闆娘說要焗至啡黃色，微焦的才好。(老闆娘還說要親自幫她選擇，不知是真或假。) -- 豆沙嚤囉酥和蓮蓉酥($5.5)。食完只得一種感覺：普通！更失望的是有一口嚤囉酥是酸的，一看原來有些濕濕的酵母菌仍然殘留。如果再來，還是只買燒餅的好。

上黎OR見到有人推介呢度好好味所以今日專登走黎呢邊買燒餅本身打算買2個試下既但係阿姐話10蚊6個俾平d我so買左6個一拎上手仲暖暖地咬落去好煙um 又唔太甜好好味呀再俾左幾個同事食佢地都話唔係太甜超好味我俾佢地個時係放左係tissue上面如果係有油既話張tissue應該會變左透明但係佢冇架!!!同埋個阿姐一d都唔惡仲好nice tim ar

自從係hku番工之後已經黎買過幾次,食完生記鹵味之後又行黎買,我諗今次係最後一次買lu今次買左糯米磁,依然好味同埋雞仔餅,呢到d雞仔餅又脆又煙煙unun又無油益味,正試過咁多野,如果有機會再黎買,都係買番糯米磁同雞仔餅

買完糖水,行落d買埋糯米磁最後買左花生糯米磁同豆沙糯米磁各2個,同埋1個豆沙酥糯米磁好好味,真係入口即溶,不過我自己鍾意有椰c既糯米磁多d~豆沙酥就無特別~普通啦下次試埋其他野先