卓越食品餅店 (已搬遷) 新店位置

看早前的食評說可以一個個買，但現在是買了，第一次來勉強買了6個小砰仔糕，真的令人不愉快，雖然不是貴但有時真的吃不到這麼多的！老字號也變得這樣子？味道方面，砰仔糕的味，沒有太特別，不會再有下次！一間老店不是老等於好吃（耐可能只是在樓價低時已買下舖），其他方面不好也站不住的～

放假同朋友去咗西營盤行吓呢間舊式糕點餅店一啲都唔難發現一出地鐵站大概1分鐘左右就會見到而且仲有好多人排隊所以我嘅眼球就被吸引咗過去見到有好多我好鍾意食嘅糕點好有細個時候嘅感覺所以我都分別買咗糯米糍 桂花糕 同馬蹄糕價錢其實都唔係好貴花生糯米糍同豆沙糯米糍 HK$5花生糯米糍嘅糯米皮好好食 好煙靭同軟熟♥️♥️♥️♥️但係花生嘅餡就少咗啲🥲如果花生再多啲就Perfect啦 下次我會再試埋佢嘅豆沙糯米糍架桂花 HK$7桂花糕都好好食帶有清甜嘅味道 但又唔會太甜下次我會再encore 馬蹄糕 HK$7馬蹄糕入邊有啲馬蹄粒粒, 食落去好有口感而且都唔會太甜總括嚟講我下次都會再嚟買嘅♥️

見有人介紹，行過就試下。糯米糍5蚊1粒，size偏細，但外皮煙韌，表面有椰絲。餡料有分豆沙同花生，而我就選擇咗花生，咁啱又喺我鐘意食嘅花生款式，正，可以食到少少花生粒，增加口感，但我就略嫌餡料偏少。但整體正常。買完糯米糍，咁啱見到佢有賣雞蛋糕（$13）同合桃雞蛋糕（$15），價錢嚟講叫好貴😂但因為好鐘意食蛋糕，所以都想試下。其實兩款蛋糕一樣，只係其中一款多咗合桃，而合桃喺膉嘅，非常失望。另外個蛋糕喺屬於非常乾身，好‘鞋’嘅個啲蛋糕，可以算得上難食😳如果呢個價錢，但喺咁嘅質素，就真係唔多得。

卓越食品餅店位於香港西營盤，於西營盤港鐵站A1出口步行3分鐘直達。 這間餅店主打香港懷舊小食， 例如:  砵仔糕丶 雞蛋餅丶水泡餅丶豆沙軟餅丶馬仔等。賀年食品有油角和炸芋蝦等， 今次要介紹他們的「炸油角」: 口感鬆脆， 不油不膩， 而且餡料夠， 香脆的芝麻花生非常香口， 今人食完一隻再想食多一隻。

這天外出 於上環閒逛時 發現這間食品店 多人在選購 迷你黃糖 白糖椰汁牛奶 砵仔糕 白糖糕 桂花糕 馬蹄糕 芝麻糕 最暢銷竟然是 原味 南瓜 荳沙軟餅 於是買了些 在公園吃起 果然 旺場騙不了 好吃 可與銅鑼灣 時代豆業相比 🫓🫓於是 離開前 再去買些回家吃迷你 紅荳黃糖砵仔糕 紅荳白糖椰汁牛奶砵仔糕迷你型 大小剛好一口吃 口感適中 軟糯 紅荳粉嫩 有荳香 不會太甜 白糖有椰汁牛奶味 我比較喜愛 🥰🥰荳沙餡 糯米軟餅 軟糯 煎至香軟 稍微有嚼頭 餡料足 美味 店家熱賣產品 價格亦相宜 💰💰花生餡糯米糍 荳沙餡糯米糍 🥜🥜外皮軟嫰 內餡味美 花生餡較特別白糖糕 🥢🥢比一般店較厚身 多了份口感 不太甜 有咬勁 😍😍芝麻糕 ◼◼薄薄的 滿滿芝麻味 軟身 好吃 😋😋還有其他款式 中式餅食 節日食品 以後可以再試其他出品 🥮🥮

朋友是西環街坊，她帶我到這舊式餅店買砵仔糕，話好好食，叫我一定要買來吃。其實我也鍾情舊式餅店，這類餅店多數在一些舊區才有。店面不堂皇，櫥窗所見，餅食放置在一個大鐵盆上，寫好價錢的顏色卡紙貼在每盆餅食前，清清楚楚明碼實價。由於痠情關係，店前圍上大愊透明膠片，不過仍是可以清楚看到食品。我買了黃砵仔糕及椰汁砵仔糕與朋友平均分食，我再買多個嚤囉酥試下。黃砵仔糕是用了黃糖造，口感煙韌，味道不太甜,糕面的紅豆雖然是配角，但有淡淡豆味，一口就吃了一個。椰汁砵仔糕是加了椰子汁做的，口感同樣煙韌，不過椰香味不是太濃，但又讓你嚙夾留香，甜度適中。嚤囉酥我選了豆沙饀的，酥餅比較硬身，切開餅身為兩半，見到豆沙在餅中間，分量也多，豆沙饀不太甜。舊式餅店賣的是舊式食物但同樣賣一份令人懷念的情懷。

之前拍中大街訪片令小編識咗西營盤嘅卓越餅家😂 呢類傳統地道本土餅店真係買少見少，出年新年要買傳統新年食品嘅話可以試吓呀😚😋 笑口棗 $33佢哋啲出品真係好搶手，基本上擺出嚟一個鐘就會無晒😢 小編本來想去買吓角仔，但呢啲咁邪惡嘅嘢當然係會好快賣晒，去到舖頭撞正有啱啱整起嘅笑口棗，就試吓啦（其實之前未試過）😝 笑口棗即係炸粉糰，包住粉糰嘅係好多好多芝麻，甜食嘅。味道有啲似牛脷酥，咬落幾鬆脆，雖然係油炸但唔會食到成手油，唔錯🤩咁究竟點解叫笑口棗呢？原來喺炸嘅過程中，啲粉糰會自己爆開，好似笑口咁。農曆新年祝大家笑口常開啦😁

這間舊式餅店是朋友帶我來的！卓越食品餅店 - 可能剛好有賀年食品可以買，星期六下午過來時還滿多人的耶最後買了三款食品，其中一款是之前吃過的~迷你砵仔糕 - 一盒有8個，都選黃糖的。口感煙韌且不會太甜，不過紅豆就不算太多。鳳凰卷 ($20/包) - 有超香的白芝麻味道、口感鬆脆～再加上椰絲，自己吃光一包也沒問題呢最後因為見到有賀年食品就買了半磅角仔！有花生和肉鬆餡，我選了後者。是滿滿鹹香可口的紫菜肉鬆餡，而且外層很香脆，不會太厚身那樣子。

經過西營盤, 見到呢間出名既餅店, 人龍唔長, 即刻買左幾款糕黎試下砵仔糕: 整體上兩款都偏向淡味,唔會太甜,有豆味, 而且細細粒, 一口一粒, 好方便. 椰汁砵仔糕有椰汁味, 味道較為突出, 但黃糖味, 就無乜黃糖味.糯米滋: 食落軟綿煙韌, 花生同豆沙都幾好食, 餡料香滑。馬蹄糕: 馬蹄好脆, 幾好味.桂花糕: 無乜味, 好似水咁.可以不試.白糖糕: 有椰汁味, 幾滑.芝麻糕: 芝麻幾香整體上, 都係偏向好食, 傳統既味道, 而且都食得出當中唔同既餡料, 值得推介.

成日經過上環都無留意有間餅店係到，咁岩個日好多人排，就發現左佢。其實我真係唔中意食零食，薯片蝦條糖果真係十年先會食一次，但相反咩酥餅糕，就令我愛不釋手。依間店好好，出啲min 版，唔驚食唔囇又可以過下口癮。所以我就買左一個細砵仔糕，紅豆燒餅同老婆餅。佢地既紅豆燒餅個紅豆蓉做得剛剛好，外面好黏韌。而老婆餅就硬左啲，但個餡都好好食。叮反熱食一定更好食。

睇到有節目介紹這家餅舖，而且在屋企附近，就快馬加鞭特地前來一試，反正才幾分鐘路程。其實之前來過，買過豆沙燒餅。豆沙燒餅的確好味，餅皮煎得很香，只是size卻比其他人賣的小很多。今次特地來試花生糯米糍。花生香又脆。可惜花生跟糖的比例不均，糖過高，甜味重了點。糯米糍的size小很多，叫迷你糯米糍比較貼切。

年廿幾就泥過年，同屋企人去完買海味就經過呢間好似好懷舊既舖，睇落似自家工場，仲要幾多人買。可能過年，佢用透明袋放哂係枱面，角仔煎堆蛋散全部都有，我就淨係買左呢種油角。紫菜肉鬆油角，130/磅，除翻開都要5，6蚊隻。睇落好似有啲燶，食落好脆好香，唔會成手油，入面好多肉鬆，係我食過最好食既角仔！呢間野平日有賣砵仔糕，下次經開都一定要去食！

三層榚係呢間傳統糕點店來講比較新穎，香甜，清新，冇得輸！依家係位於西營盤嘅老店，好多人都慕名而來去買餅，當中有白糖糕，千層糕等等，仲有傳統嘅嫁女餅同我最鍾意食雞仔餅，我每經過都會買一樣試吓，希望有一日可以食得晒😂😂

竟然俾我搵到好食過奇趣既燒餅😱仲要勁平入面既荳沙冇奇趣咁甜之餘 燒餅仲比奇趣更煙韌😍荳沙同燒餅既比例係1:1架 新鮮出爐仲熱辣辣添最衰係好唔近我😩如果唔係一定會成日幫襯我仲想試下佢d糯米糍同砵仔糕🤤

我係一個樂觀嘅人，好容易滿足，不過呢次真係好嬲，2018年11月8號中午12點左右買一個砵仔糕俾小朋友，竟然話買一個冇袋買兩個先俾袋，俾3支牙籤我篤，根本攞唔起，我試攞3秒都撐唔住要跌落來。我得4蚊散紙，我只想買一個，於是我就搵袋仲有冇散紙。剛好有個男人來買一個糯米糍，婆婆二話不說即刻俾袋。我問婆婆原因，佢竟然面目可憎好嬲咁話我可以唔買。我心諗係咪真係咁大細超，好氣憤，如果唔係為左小朋友我真係唔想買。態度真係差到冇人有，宜家諗翻自己都仲係氣憤當中未能釋懷。服務一粒星都唔想俾。