協香麵飽西餅

营业中

休息中

有朋友同我講話呢度有一間麵包舖，有好出名嘅麵包，尤其係雞髀包，只要係直得一嚐的好食物，我都會去，而我每次嚟到呢一區食嘢其實我都好想去食呢一個雞髀包，但由於時間關係我都無去到買嚟食，今日終於有時間可以行過去買嚟試吓。初時我諗住一個雞髀包當然會起碼唔係呢個價錢咁平，點知一睇之下，$10以下就可以買到成隻雞髀🍗包，實在太過分⋯⋯所以我決定將呢一盤雞髀包買返去請朋友食等佢哋品嚐一下呢個雞尾包嘅特別👍———————————隻雞髀係用滷水鹵過嘅，滷水味道亦好適中，麵包又軟熟，你唔好眼闊肚窄，望落去以為隻雞髀好細隻，其實食完呢個包都幾飽下，咁嘅價錢真係好抵食，又特別又飽肚又好味都唔使十元，你仲想點？————————-所以我經常周圍貢、周圍食、周圍發掘好嘢食😂🥳😜😋其實開心🥳簡單就在你身邊..。食….拍…寫..已經成為我生活中的一部份鍾意食..鍾意拍…鍾意寫..留下美食回憶🥰———————-

粉嶺聯和墟都有唔少美食，但呢間餅店可以成為美食之一，就係呢度嘅招牌麵包 - 雞髀包。與其話係雞髀包，其實係一個大雞鎚包，買嘅時候個包仲暖暖地，個包咬落好實在，唔係空心麵包，再咬多啖就食到厚厚嘅雞髀肉，咬落口唔會好乾，整體都幾好食。除咗雞髀包之外，我都幾鍾意食豬柳包。

終於成功擴大美食藍圖！🤩 港島人表示首次踏足粉嶺，幸得地膽推介當地名物😋 不過粉嶺咁大，好難一次食晒，今次首先推介大件夾抵食雞髀包🍗🍗🍗《 雞髀包 》 $9.5 4.5 / 5碰巧遇着新鮮出爐嘅雞髀包😍 貨真價實雞髀包入邊真係有雞髀🍗 醃得入味嘅雞髀皮薄肉嫩，一咬就爆晒汁出黎🤤 不過精粹都係在於麵包索晒雞汁，又香又軟熟😋 脹卜卜外皮又焗得香脆，仲要淨係賣$9.5，性價比一流🤩順道試埋舖頭其他麵包，例如：叉燒酥、菠蘿包等，中規中矩，都係留肚食多幾個雞髀包仲正😋😋😋———————————————🏠環境舒適度：外帶👅舔脷回頭度：💛💛💛💛💛📸打卡able度：💛💛💛———————————————

結合2樣我嘅最愛♥️#小胖遊粉嶺🐠 —————————————————好多街坊都一次過買幾個，餅店都keep住岀爐，買的時候仲係暖暖的🥰.雞髀包🍗 $9.5睇落好似平平無奇，但真係好好食👍🏽成隻🍗用餐包包住，有一個拳頭咁大✊🏼🤩餐包甜甜地十分鬆軟🍞脹卜卜，滷水雞髀好入味，肉質結實唔鞋口、完全無雪藏味！麵包舖要煮好雞髀再包上麵團去焗，咁花功夫的包唔使10蚊，性價比超高！🤤.💡如果拎返屋企先食，可以用微波爐慢火加熱(小編屋企叮1到1.30分鐘，包仲鬆軟雞髀夠熱)—————————————————🧜🏻‍♂️口水度：🌕🌕🌕🌕🌖🤑CP值💰：🌕🌕🌕🌕🌕🧚🏻‍♀️打卡值：🌕🌕🌕🌑🌑🥰舒適度：🌕🌖🌑🌑🌑👅再食指數：🌕🌕🌕🌕🌕.♟Overall♟就係我超中意，每次經過都會買🤘🏽

撞正長假期，約友人一同行山，相約在粉嶺聯和墟出發，於是乎買定乾糧，行山時來充飢，較早前記得電視節目（三個哈比女孩），有介紹過一間超抵食的麵包店，十蚊不用，就可以同時食到雞脾和麵包，這就是出名的“雞脾包”。之前，有一間連鎖麵包店也出個同樣系列，但是，價錢貴差不多一倍，當然要試原創，這個包食完都好包肚。完全沒有因價就貨，相反雞脾實在好好味，鹵水汁好入味，麵包也很鬆軟，兩者配合，物超所值。我一個人，一口氣就買了兩個，就搞定了午餐。如果經過，可以幫襯一下。

💁🏻‍♀️雞髀包好出名既傳統麵包店🍗🍞雞尾包冇雞尾🤷🏻‍♀️🐔菠蘿包冇菠蘿🤷🏻‍♀️🍍但雞髀包🍗真係有雞髀👏🏻好耐之前睇過訪問話係佢地自己獨創😯~•~•~•~•~•~•~•~•~•~•~•~•~•~•~•~•~•~•~•▪ 雞脾包 ($9.5) 🍗🍞雞髀醃完，滷水浸過夜，等汁索晒入去😌所以雞髀食落好入味😏外圍包住甜麵包再焗🔥食既時候可以拎住雞髀骨位🍗雖然雞髀肉唔算係好滑🤨不過焗個時雞油會滲出黎😛貼住雞髀個層麵包就索d雞油同滷水汁😳所以個包都唔會好乾身🤪~•~•~•~•~•~•~•~•~•~•~•~•~•~•~•~•~•~•~•🔺依個組合係幾有創意既😉早幾年勁HIT既時候仲係要排隊買🤭🔺記得對上一次黎食係$7🥴但係依家出去食雞下髀都十幾廿蚊🙄而且香港物價係咁升😞$10有找都算抵啦🤟🏻~•~•~•~•~•~•~•~•~•~•~•~•~•~•~•~•~•~•~•

粉嶺聯和墟應該係粉嶺區嘅美食集中地，有間傳統麵包店每日新鮮出爐麵包西餅，雞脾包就係佢地獨創深受大家歡迎，去粉嶺點都要潮聖返個😳👓雞脾包 $9.5Cp值幾高！甜麵包包住隻雞脾真係第一次見！原隻迷你雞脾醃完再焗，所以好入味，真係啖啖肉又唔太油膩，甜麵包焗到香脆。其實有少少雞還雞包還包嘅感覺，但帶點甜味嘅麵包配上鹹香嘅雞髀意外地夾味，組合幾得意，再加上岩岩新鮮出爐真係辣手熱辣辣好正！有隻雞脾甘飽肚都9蚊咋喎，係抵食！評分：7.5/10

打人牙骹軟>雞脾包 ($8) 唔好睇佢細細個 入面足足包住一整隻雞脾雞脾色澤油香 拎上手熱辣辣 香噴噴雞肉尚算鮮嫩 好濃的鼓油香味包略嫌唔夠軟身 但值得一試🤓🍖📍協香麵包西餅粉嶺聯和墟和隆街24號地下

🇭🇰協香麵包西餅·難得嚟到粉嶺 梗係要食晒佢呢一度出名嘅小店😈我覺得我地呢一日喺粉嶺食嘅嘢全部都幾好食 超級滿足🥰🥰·雞腿包$8.5呢間麵包舖其實就係四眼仔腸粉對面 好易就搵到 之後佢個雞腿包我覺得比相更靚 因為佢隻雞髀都幾大隻 而且好香😌不過佢個麵包係偏實嗰種嚟嘅 所以勁飽 之後個雞髀嗰調味都唔錯既 係好似豉油皇雞髀咁樣 而且佢係一咬就冒晒煙 超級熱辣辣🤩啲肉都仲係幾嫩嘅 不過我自己覺得佢有少少雪味🤭🤭但係呢一個價錢都OK嘅 始終佢咁平🤣·📍粉嶺聯和墟聯盛街24號地下·#rbyeat #rby好去處#rby港式#rby粉嶺

人生第一次去粉嶺，梗係要search下有啲咩好嘢食啦🤭 大大小小嘅Post都話，粉嶺必食協香雞脾包！！ 點都要食下啦🤩🤩除咗三個麵包做早餐，仲買咗一個雞髀包同兩個皮蛋酥，即刻食咗😇 一致好評喎👍🏻👍🏻係食完皮蛋酥，覺得真係好酥脆，而且又唔會太甜，用料好足先決定買埋麵包做早餐！馳名雞脾急 $8.5好多時去士多，買淨係食一隻雞脾，都唔止呢個價錢，$8.5好抵食！ 好好彩，仲要撞正新鮮出爐😗🤩 雞髀食落熱辣辣，有肉汁好Juicy，一啲都唔柴皮！啖啖肉🤪喺門口即食一個先🥳第二朝再整返熱做早餐，一樣咁好食

今日經過聯和墟外賣3個好出名嘅雞髀包返屋企一家三口一人一個tea一tea喺微波爐叮左一陣攞出嚟兩老吃得津津有味豉油雞鎚煮得入味個包甜甜哋結實足料加埋啲雞皮嘅油香滲咗入個包度真係好好味$8.5一個都幾抵食

之前有粉嶺人推介話有間麵包店嘅雞脾包好好食， 而今日我難得放假，就走去遠小小地試下啦。一去到間麵包店，已經俾啲麵包香味吸引著。而且非常好彩地，佢地啱啱出一批新鮮出爐嘅麵包，入面有雞脾包，所以買左個黎食啦。 一咬落去，就知道點解粉嶺人會買黎食， 個麵包鬆軟得黎，而且雞脾肉好嫩，非常好食，價錢都好平。 我仲忍唔到手買左返去俾屋企人試下添。老闆話哩樣雞脾包係佢地獨創嘅，仲有好多款式好有創意添，深受客人喜歡。如果鍾意試唔同款式嘅包嘅朋友，哩間麵包店絕對係你地首選之一。

喺聯和墟住咗廿幾年早餐必食嘅一定係四眼仔腸粉午餐必食嘅一定係豬手麵 而tea time必食嘅一定係協香嘅雞髀包細個既時候係幾蚊隻宜家貴左少少但都係10蚊有找點做到今日撞正新鮮出爐熱辣辣超級好彩唔好以為8蚊貨仔會係普通野雖然佢既肉唔係個隻又滑又好嫩既感覺但幾蚊有成隻鹵水雞脾食之餘佢既包面係保持到焗既感覺而個包入面係有啲雞汁會令到食個包時唔會覺得dry成隻雞脾連包齒既感覺真係好滿足其實除左雞髀包協香既其他包我都成日食腸仔包都係另一至愛

經過粉嶺，知道附近有間出名嘅麵包舖，專門食雞髀包，所以算係特登慕名而來...去到之際店舖職員話啱啱賣哂，要等20分鐘左右好彩我都有時間，咁我就周圍行下，諗住差不多先再去買...20分鐘過去啦....我返到鋪頭，點知又話要等多5分鐘...唉...算啦...唔爭在終於等啊等，等啊等...終於等到個包出爐啦，熱辣辣之際即刻買個嚟試吓先，影埋張相，可以開餐味道嚟講，其實就係中規中矩，真係正常麵包加雞髀...我唔知點解咁出名，不過價錢都唔算貴，算抵食，但味道就唔好期望非常好味

雞脾包係協香最最最出名既麵包，好多朋友都慕名而黎，今日難得到附近，忍唔住去買個黎試下，不過大家可能要撞下彩，有陣時會無哂雞脾包，等下一輪先有今次好好彩，買到一個雞脾超肥美既雞脾包好味道麵包鬆軟，因為雞脾太大，變左食包同食雞脾，分開黎食雞脾調味係甜甜咸咸咁，少少乾身，啖啖肉，如果細細個放學食黎個做下午茶真係幾開心酥皮黑椒鴨胸包好味道店裡面其實仲有另一啲好好味既包，呢款包好大件，大個個手掌表層係酥皮，食落酥脆好香牛油味，裡面係超惹味黑椒鴨胸肉，仲有餡多重口味，肚餓可以食一個抵一餐！真係平靚正之選大推