南小館Plus (已結業)

已經踏入中秋午間天氣仍然炎熱，中秋節正日公司放早，可以去銅鑼灣行下街街先。 大時大節終於可以平平安安地和家人吃晚飯，感恩!我們兩口子都無乜心水，提意去希慎廣場睇睇有無岩心水。大家都有共識， 中秋節食中菜 。 最後揀左無須等位既 我形容  是上海快餐店， 上菜速度快到你唔信， 岩晒超趕時間的。 一坐低店員即放下茶水 $9/位、小食 $15 小食是一碟三款蜜餞水果，梅子和奇異果都好更、好酸， 唔岩口味。 鮮肉小寵包 HK$48揩位細密， 皮薄湯濃鮮， 肉錎有彈性， 不過唔明白點解五粒 (單數)中國人要意頭野 ， 建議不如做大粒小小四粒更合適。 蘿蔔絲酥餅HK$42蘿蔔絲柔滑、清甜；但酥皮略厚， 口感唔夠鬆化。腐皮小菠菜 $58腐皮是平價食材，但份量亦小可憐； 上湯浸小菠菜， 滑、無渣。 老上海酸辣湯 $42/位超酸，酸到會飲到咳；辣椒味好重，感覺好刺鼻，唔合格。 基本上上菜只須幾分鐘， 感覺好急， 趕住要客人交枱， 而唯一的優點是分工很好，加水、落單、送菜、一人一職。

係銅鑼灣返工有樣好，無論平民餐，定係富貴餐，想食咩都有得揀！今次同成班同事去左南小館Plus Lunch~🐖冰鎮咕嚕肉 ($98)好有效果😍一上枱大家都嘩一聲，因為咕嚕肉以乾冰襯托，好有仙氣，但係大家唔好顧住影相，呢道菜嘅精粹在於冷靜與熱情之間對味蕾嘅衝擊，熱辣辣嘅酸甜汁被冰封係咕嚕肉嘅表面，酸甜惹味，外脆內軟，凍左就會淋曬，冇咁好食嫁啦！🥟小籠大滿貫 ($78)大大嘅蒸籠裡面，載住5個唔同顏色唔味道嘅小籠包，好吸睛！💚綠色 - 帶子鮮肉小籠包 ⚪️白色 - 鮮肉小籠包❤️紅色 - 麻辣龍蝦小籠包⚫️黑色 - 黑松露小籠包🧡橙色 - 生拆蟹粉小籠包大家share嘅關係，我揀左橙色嘅蟹粉小籠包，蟹粉混入豬肉裡面，啖啖肉得黎，又帶輕輕嘅蟹味，皮薄得黎又唔會漏汁，唔錯嘅選擇！🐟招牌老壇酸菜魚 ($188)雖然面頭舖滿辣椒，但並冇想像中咁辣，呢個酸菜魚屬於偏酸嘅一種，魚肉滑嘟嘟，肉質挺身，如果食得辣的話，就真係要飲下佢嘅湯底，酸味帶頭，然後有種後勁嘅辣，加上煎香左魚味，成件事好和諧😋🥔紫淮山小炒 ($68)素食者之選！淮山成日食，紫淮山就等一次，味道同淮山差唔多，不過營養價值......仲有爽口萵筍

以前經常去南小館食小籠包，因為佢真係好抵食，好平，但自從佢愈開愈多分店，價格持續上升就冇再去了。今日再踏足嘅原因係佢竟然出左酸菜魚，作為一個酸菜魚迷，當然要去試一試。酸菜魚嚟到目測個湯都比較油，但係一個酸菜魚好唔好食真係要試下個湯先知。飲落唔係真係咁油，最重要係佢調過個辣度，絕對適合香港人口味，而酸度亦都好夠，最令我意外嘅係佢除左酸菜同醃蘿蔔外，仲有萵筍，金針同紫薯粉。不過佢個醃蘿蔔偏甜，我覺得麻麻地，酸菜味道都偏淡，唔夠酸。不過佢個魚係用鱸魚，都好滑。我覺得喺香港188蚊嚟講算係咁。而佢嘅小籠包當然唔少得，依舊係皮薄彈牙，肉汁都好甜，好食，冇退步。食物質素依舊，只係價錢貴左，不過喺叔唔到大陸嘅情況下，我都會嚟依酸菜魚嘅。

係希慎頂層原來有好好味既上海菜呀，其中尼3道菜令我最印象深刻小籠大滿貫🍲有5個口味5個唔同顏色，口味好創新，入面都有好多汁😋😋，我就覺得黑松露個款最好味冰鎮咕嚕肉🐷好特別，將煮好左熱辣辣既咕嚕肉放係冰上面，又暖又凍，口感好驚喜🤩🤩仲會有煙噴出嚟，好有仙氣招牌老壇酸菜魚🐟d魚唔腥又冇骨，酸菜味道啱啱好，亦都唔會太辣，怕辣既人都可以食到，最底有紫色既粗薯粉，口感煙韌👍🏻👍🏻另一款番茄魚都好好味，湯底好濃郁

7點去到餐廳唔需要等位，一坐底就上左前菜($15)，其實唔知可唔可以唔要嫁呢，但有紅棗，花生，魚乾，魚乾又係幾好味既，15蚊都抵俾~以為黑金流沙包($48)係得1間先有，但原來南小館都出左!為左試呢個我放棄左同價錢既生煎包🙈🙈個奶黃餡好香好正，雖然唔係即刻流要唧佢出黎，但好味，個皮略嚴厚得濟!但整體係必點😂😂小籠包($48)，必點，皮都係少少厚，但唔影響我對佢既喜愛，豬肉好鮮味，肉汁都夠多，啜左陣先啜得晒😜😜擔擔麵($48)，必點!😂佢麻多過辣，屬於食落唔覺辣但停低就滲出黎🙈肉碎多d就好了!雞絲粉皮($48)，又係必點😂😂麻醬撈完全冇得輸，但粉皮都非常有口感，滑滑的。招牌炒飯!有肉鬆而且炒飯有上滷水汁!超惹味!但因為太full我地差d食唔晒!好多食物都係48蚊48蚊，點點下就點左好多😂但係滿足既❤❤

今勻試了好多個菜，本身很喜歡中菜，想是人在外吃了太多的西餐，中菜大多都講求健康，並講究色香味美。食上海中菜當然少不了要叫小籠包，而他們的小籠包又加了新意，全程的驚喜之處是這「新式」的上海中菜感覺一點都沒有刻板的印象，非常睇得又食得，只可惜此處未能一併附上影片，但就咁睇相都可以相像上菜時那份興奮。人多的好處就是能嘗多幾尾，無論咸碟還是甜點都很令我滿意，講起都想再食。餐廳環境裝潢都唔錯，吸引的更是那窗外美景，影相一流。

嚟到呢間咁靚嘅餐廳，梗係要食返餐好，我最鍾意食呢度嘅生煎包同埋小籠包，生煎包係即刻整出嚟嘅，噉變咗佢嗰層包皮好鬆軟。另外小籠包都可以一食。最欣賞呢度嘅環境裝修，俾人一種小清新嘅感覺啊。

一行5個女仔黎到希慎南小館食飯，搞笑的是大多數人都想食得清d，所以叫左幾款菜類，芥蘭、小白菜，仲有個香菜上海年糕，清淡得有點可怕HAHA。但開心既係可以食到我中意既素鴨，用鲜腐皮包著香菇絲、木耳絲，是一道健康的香口小吃。然後仲叫左小籠包和生煎包，前者稍微有點皮厚，我比較中意食煎得香脆的生煎包，咬開軟熟的皮，再吃到更多的肉汁，感覺好鮮味。而且好開心有追加糖醋排骨，係今晚少數的肉類…好感動> < 酸酸味味、肉質夠淋食到停唔到口。最後叫多個甜品拼盤作結尾，分別有抹茶布丁、杏仁布丁、紅棗糕及南瓜糕，每樣都不錯！

這次來品嚐新派上海菜餚🍲 南小館以摩登上海為基調，白色明朗主調的裝潢，感覺優雅簡約又舒適～這次試了很多款上海小菜。首先招牌南小館四小拼 (四喜烤麩, 糖醋排骨, 金瓜絲海蜇, 涼拌豬耳) ，賣相很精緻～特別喜歡吃四喜烤麩！是超好吃的麵筋～冰鎮咕嚕肉出場時大家嘩一聲呢！伴上乾冰令咕嚕肉呈現仙氣✨ 冰涼酸甜的口感很開胃～招牌老壇酸菜魚也很出色！魚身嫩滑，湯汁酸味剛剛好，好惹味～ 當然不少得最有代表性的小籠大滿貫！每隻不同顏色代表不同味道，皮薄餡靚，好看又好吃。甜品也不遜色啊！乾冰仙氣伴上鮮芒果/士多啤梨布丁，和高高興興 (桂花蜜拉糕‧斑蘭藍莓糕‧細沙南瓜糰‧卜卜脆麻球‧椰香紅棗糕) ，賣相超美！芒果布丁口感綿滑，芒果味十足👍🏻而高高興興的糕點實在太精緻了！特別喜歡吃桂花蜜拉糕，很香甜♥️

銅鑼灣希慎嘅南小館Plus 最近推出左新派嘅上海菜呀！😋 話明係上海菜一定要試吓佢哋嘅🥟小籠大滿貫同埋🐟招牌老壇酸菜魚！幾道菜同甜品都有用到乾冰 好似冰鎮咕嚕肉咁 冰火交加咁好正 仲有得影相呃like添😍 小籠包每隻都係唔同顏色唔同味道嘅 可以試到傳統嘅上海菜又有啲新意咁 全部菜都好有gimmick又好味～ 不過其實最有驚喜嘅就係佢哋嘅芝士茶🧀😍😍 估唔到個奶蓋仲好飲過其他台式飲品鋪嘅 遲啲行街經過嘅話 一定一定會外買一杯😂

這次是在裝修後, 第一次來這家希慎店主題南小館, 菜式多又特別, 説真的像去了另一片天空一樣, 酸菜魚比我在深圳一些小店吃的感覺好, 不會太辣;多種點心都給我換然一新的味道.

跟一班朋友到銅鑼灣聚會，這次到了位於希慎廣場的南小館 Plus南小館 Plus 提供各式上海菜，首先送上充滿消暑感覺的冰鎮咕嚕肉，冰凍的咕嚕肉外層變得爽脆，而且味道濃度適中，是清新的美味吃法；接著有色彩鮮艷的小籠大滿貫，當中有鮮肉、帶子鮮肉、麻辣龍蝦、生拆蟹粉及黑松露小籠包，色香味俱全；招牌老壇酸菜魚的魚肉鮮甜彈牙，帶上微辣吃得更爽快；香辣干鍋蝦非常香口惹味，而且辣度適中，是我喜歡的味道；紫淮山小炒是我第一次吃到的食材，紫淮山有助治療心血管疾病、具抗氧化及美容養顏功效，好吃又有益；荷塘月色是鯉魚年糕，送來時有冷煙效果，看起來就像一幅畫，吃下時帶著微微的香甜，感覺溫柔宜人；招牌炒飯給我深刻印象，配上肉鬆而且很有鑊氣，好好吃。最後有芒果、士多啤梨、焦糖布甸作為甜品，外貌及味道都很好南小館 Plus 的菜色很有創意而且製作用心，給我很好的感覺和驚喜，期待可以快點再去吃

放工同朋友想食上海菜係銅鑼灣附近就見倒有南小館☺️☺️就入去試下～～南小館真係高質素上海菜🤤小籠包有好多種味樣樣都可以試下可以一試佢地既家常炒麵😋😋其實就同普通炒麵一樣 不過就冇咁油同好夠味左下角係南瓜黎架👍🏼煮得好淋❤️❤️初頭以為係芒果😂😂原來唔係甜品食左個芒果布甸如果有花奶就最好喇服務好好🙋🏻‍♀️地點又方便係銅鑼灣希慎12樓想要好環境又高質素不妨一試食到肚飽飽😻好滿足👍🏼

今日3號風球公司帶同事嚟咗希慎南小館plus, 試新野，裝修後環境同食物都很有驚喜！喜歡小籠包，湯汁十足，幾個味都吸引，味道好！招牌老壇菜酸菜魚，魚肉嫰，裏面仲有萵筍同埋一啲麵條，有口感！💖椰皇烏雞湯，真材實料，女士飲好清潤！☺️三文魚沙律、芝士年糕炒龍蝦都好驚喜！食物有用心！仲飲咗杯水果茶，味道好，唔會太甜，同事飲咗杯黑糖波波鮮奶，仲話好飲過附近嗰間老虎堂，下次一定要試吓，就我喺公司附近，會同同事再嚟聚餐推介！😊

南小館在希慎廣場已經很多年，終於來個大變新！ 環境很舒適，坐得很舒服，如果是小聚會或者家庭飯聚，這裡真的不錯，因為小碟的形式，可以多嚐不同菜式。到了很多檯都點叫了酸菜魚，還有出煙霧的咕嚕肉，頗特別的！酸菜魚很好吃，本身很怕魚腥，這碟魚肉吃得出是新鮮的，份量也剛好，不會太多點不了其他東西。咕嚕肉也出奇地口感好！雖然周圍都得食，但佢真係煮得好食甜品竟然會好多會出煙霧，驚喜又不貴，布丁吃得出是用新鮮水果🥭，不是假甜。相信這間會是我最近多去的中餐館，位置又方便