影片
港铁铜锣湾站 F1 出口, 步行约5分钟
继续阅读
营业时间
星期一至日
11:00 - 22:00
以上资料只供参考，请与餐厅确认详情
今日去開銅鑼灣，去左路經嘅 南洋家 食個快飯。鋪頭細細，選擇就好多，餐廳坐得都舒服。我就叫左 海南雞配箭葉果飯，羊肉沙嗲串，白膳沙嗲串。海南雞配箭葉果飯，上枱超大份，擺盤都幾靚仔。海南雞滑溜，雞肉夠嫰滑，味道啱啱好，唔會太濃。配上兩款醬汁，其中一款綠色嘅醬汁，有濃郁嘅香草味加上微微辣，配雞肉或者撈飯都好好食。箭葉果飯 好夠份量，壓到實一實，第一次試箭葉果飯，食落有好獨特嘅淡香，配上魚乾，味道更鮮味。飯粒乾身有咬口。值得一試。雜菜都好好食，夠爽口。羊肉沙嗲串，肉質厚實，羊肉味濃郁。配上花生味極濃，帶辣嘅醬汁超惹味。白膳沙嗲串，推薦比鐘意食膳嘅食客，白膳肉厚味鮮，彈牙嘅口感，加上燒至表皮外脆，好食~飲品就叫左新鮮椰青，大大個，椰青水鮮甜，非常解渴。
继续阅读
銅鑼灣係美食雲集的地方今日我去銅鑼灣禮頓道希雲大廈，南洋家。店舖門口有售賣各種美食好似新鮮每日炸既炸蝦片斑斕蛋糕，椰青可以當晚餐加送既泰式香葉肉碎，馬來咖哩買返屋企微波爐返熱就可以開飯，認真方便而且售價$100有3盒，可以試到唔同既口味😋我叫野食時聽到隔離檯叫燒牛仔骨飯所以我都叫左一個$68另外叫左牛串燒，雞串燒，羊肉串燒$13-$15同埋一杯椰汁珍多冰$28燒牛仔骨飯牛仔骨燒到微焦由於擦左秘製醬汁非常多汁同香氣撲鼻❤️拌碟有煎蛋，煎到燶邊，流心黃，撈飯正❤️ 雜菜，有椰菜，紅蘿蔔同少少辣椒， 炒得好淋，有辣椒既辛香味❤️ 白飯好似坐金字塔咁高🏔米飯軟熟仲有黑黑地色既辣椒豉油排盤靚，食物豐富串燒最好味係牛因為秘密醬汁甜甜地而且非常有牛味，多汁雞串燒都可以一試雞肉滑，不過味道淡少少羊肉用左香料，乾身少少，一般珍多冰珍多用米做所以唔係泰國個種珍多冰有咬口比較淋椰汁加鮮奶再加少少糖味道都幾清甜❤️我睇到餐牌上有黃薑雞湯，加多加多，巴東牛肉，等等印尼方便既招牌美食，今次食飽左，下次先再試😋
继续阅读
今晚又同朋友去完銅鑼灣行街，忽然想吃東南亞菜，便去了這間餐廳吃晚餐泰式燒豬頸肉（$50）：豬頸肉燒得非常香！我個人認爲這個一定要點。個醬汁有少少辣，點埋更加香，但就算唔點個醬就咁食，本身都已經好夠味。豬頸肉肉質鮮嫩，食落去又好滑，幾好食。半隻燒春雞配箭葉果飯$88:雞燒得好香脆，肉質鮮嫩，皮脆肉香。燒雞可以點埋個醬汁，個醬少少辣辣地都唔錯。箭葉果飯亦不是普通白飯，食到有椰香味，又幾特別。辣爆大肚牛丸牛骨湯麵（$88）：牛丸真係好大粒好巨型，食落彈牙又爽口，非常好吃。大肚牛丸的意思係大大粒牛丸入面仲有細細粒的牛丸仔，又幾特別有趣。箭葉果柚子蜜（$18）：箭葉果幾清新，同柚子蜜又幾夾，唔錯。另外點左杯凍檸茶都好飲。
继续阅读
-🍴🍽🍴🍽🍴🍽 🥘🥘🥘🥘🥘🍴🍽🍴🍽🍴🍽-小店係比較少見提供南洋菜嘅餐廳，除咗有星、馬、印尼等嘅主菜同小食，亦有多款外賣甜品售賣。🥢爪哇醬雜菜黃薑飯 $73 🆙Nasi Tumpeng ，亦即三角形山狀嘅黃薑飯，係源自爪哇島，通常係結婚、生日宴等節慶先會見到。飯有好香黃薑味，飯粒粒粒分明唔油膩。佢個雜菜偏辣，另外亦有配一大塊脆身嘅蝦片👍🏻。🥢 印尼椒鹽天貝 $38 🆗第一次食天貝，原來佢係一款用黃豆同天貝菌發酵而成嘅食品，近年更被視為superfood，係素食界同健身界好受歡迎。呢款椒鹽天貝炸得好香脆，有少少似芋頭咁好有咬口。🥢炸秀珍菇 $38 🆙炸秀珍菇教好出色，外層炸粉鋪得好薄，炸出嚟乾身唔會油淋淋，好香脆。入面嘅菇好juicy，加埋椒鹽更惹味😋。🥢芒果糯米飯 $48 🆗呢個芒果糯米飯同最近食過幾間嘅泰國芒果糯米飯都有啲唔同。佢嘅口感煙韌得嚟冇咁痴，芒果鮮甜，飯粒暖笠笠，唔錯唔錯👍🏻。🥢燒花枝丸串 $13 🆗🥢雞髀菇沙嗲串 12 🆖🥢雞肉沙嗲串 $13 🆙三款串燒各有特色，比較鍾意雞肉沙嗲串，佢嘅沙嗲味好濃，非常惹味。🥢鮮奶涼粉冰 $28 🆙呢杯鮮奶涼粉冰解辣一流，啱哂食完爪哇醬黃薑飯再飲。條狀嘅涼粉放便飲用，飲品甜度適中👍🏻。🥢菠蘿椰果沙冰 $38 🆙菠蘿椰果沙冰用咗新鮮嘅菠蘿製成。沙冰口感綿密，加埋清爽有咬口嘅椰果，解暑一流！🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 8/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7.5/10服務 𝗦𝗲𝗿𝘃𝗶𝗰𝗲 7.5/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8/10整體 𝗢𝘃𝗲𝗿𝗮𝗹𝗹 7.75/10-🍴🍽🍴🍽🍴🍽🥘🥘🥘🥘🥘🍴🍽🍴🍽🍴🍽-🗺 南洋家 (希雲街) (銅鑼灣)銅鑼灣禮頓道128-138號希雲大廈地舖-#bakdiu越南菜 #bakdiu印尼菜 #bakdiu南洋菜#bakdiu新加坡菜 #bakdiu馬來西亞菜#bakdiu銅鑼灣
继续阅读
今晚happy friday諗住試下新菜式，就同埋屋企人黎食南洋菜🍾 餐廳包括了唔同地區，例如泰國、越南、新加坡等既特色美食😋沙嗲串燒當然係最出名，所以我哋都叫左幾串作為前菜😬雞肉串燒味道香濃，有一碟充滿花生香味嘅沙嗲醬，令人胃口大開！作為食肉獸嘅我哋，當然叫埋燒豬頸肉，配上酸酸甜甜嘅醬汁，好開胃～～主菜方面，我哋留意到佢有好多南洋特色嘅飯類！其中箭葉果飯好特別🤔️🤔️ 我地都未試過，一於試試😆 海南雞配箭葉果飯終於到😙 有兩款醬汁：一款有啲似薄荷醬，另一半就係甜豉油～ 箭葉果飯甜甜地，好像椰漿加香料嘅味道😆 幾特別又好味！ 加埋配菜、雞肉同醬汁，好有風味😆我哋仲叫咗個小食：巴東牛肉酥餅😋😋 依個好好吃呢！香脆酥餅+爽口青瓜+香濃巴東牛肉，真係絕配！！飲品都有好多選擇，夏天梗係要飲返杯珍多冰😆 好爽！今次的食物屋企人都讚好👍🏻😬😬
继续阅读