南洋家 (希雲街) (已結業)

今日去開銅鑼灣，去左路經嘅 南洋家 食個快飯。鋪頭細細，選擇就好多，餐廳坐得都舒服。我就叫左 海南雞配箭葉果飯，羊肉沙嗲串，白膳沙嗲串。海南雞配箭葉果飯，上枱超大份，擺盤都幾靚仔。海南雞滑溜，雞肉夠嫰滑，味道啱啱好，唔會太濃。配上兩款醬汁，其中一款綠色嘅醬汁，有濃郁嘅香草味加上微微辣，配雞肉或者撈飯都好好食。箭葉果飯 好夠份量，壓到實一實，第一次試箭葉果飯，食落有好獨特嘅淡香，配上魚乾，味道更鮮味。飯粒乾身有咬口。值得一試。雜菜都好好食，夠爽口。羊肉沙嗲串，肉質厚實，羊肉味濃郁。配上花生味極濃，帶辣嘅醬汁超惹味。白膳沙嗲串，推薦比鐘意食膳嘅食客，白膳肉厚味鮮，彈牙嘅口感，加上燒至表皮外脆，好食~飲品就叫左新鮮椰青，大大個，椰青水鮮甜，非常解渴。