南海一號

营业中

休息中

結婚2週年，就同老婆去位於尖沙咀-isquare 頂層的南海一號共進晚餐，當日帶埋我哋的寶寶去見識一下，但當晚的天氣唔識做，下大雨，錯過了一個可以觀賞夜景的一刻！當天叫了set dinner 最特別係半邊龍蝦🦞配上特制的醬汁，好好味，另外，鮑魚都算大隻，意外驚喜係個甜品，非常好，可能寶寶第一次去餐廳，唔係好習慣，但服務員的服務都好周到，值得讚揚，總括黎講，環境及食物的質素都有⭐️⭐️⭐️⭐️（最高5⭐️）📌南海一號地址：尖沙咀 彌敦道63號iSQUARE 國際廣場30-31樓 3001及 3101號舖#結婚週年 #南海一號 #寶寶很開心但寶寶不說 #讚

無得輸海景，食物又好食。服務員態度友善有禮。店內音樂讓是放鬆，牆上掛畫，歷史擺設，全部都好喜歡，再google了解埋南海一號的故事，南海一號（又作南海I號），是一艘中國南宋初期（約1160年代）通過海上絲綢之路向外運送瓷器而失事沉沒於中國廣東省陽江市南海海域的沉船，它於1987年最初被發現，但因技術及資金問題而延遲研究，由於其上裝載有八萬餘件 保存完好的宋代瓷器、生活用具等文物而極具價值。現藏於陽江海上絲綢之路博物館。更令人陶醉在其中，媽媽表示好開心，下次一定會再來試片皮鴨。

環境服務一流 點心九流服務10分好,常常來添茶，及清理檯上的清碟大多數都是工廠預製點心尤其是燒買 不知所謂 上面只得數點蝦子一點蝦肉都沒有 細細粒又乾爭爭咕嚕肉好酸乾爭爭，炒飯得一只微小蝦根本就是蛋炒飯711 點心還要好吃 全部都是低廉食材馬拉糕好味, 春卷只是齋春卷多油雪魚酥好咸沒有魚肉吃一口就會感覺自己像是吃了一嘴的鹽，·咸到不行 味道好像咖哩角一樣味道怪異就算了，點心不多選擇全部都是一般的點心食客得半成可想而知，午餐後還介紹Tong Wong的甜品, 是要額外收費的不知所謂看了網上介紹以為 十分·美味, 大失所望會唔會再黎？不再吃第二回，同行的朋友一樣有同感，真皿是名不副實

人頭$300位大約. 首先選擇非常少，都唔係重點，如果食物好食都冇問題，但係每一樣 都冇味之餘 仲係凍嘅 ，超低成本製作，難聽啲講句， 真係7–11點心放題，都好食過佢。

有咩推動到我兩年來再寫食評，就係勁難食........＜點心＞賣相求其，冇裝飾，唔係南海一號水平。蝦餃燒賣細細粒，蝦餃皮好厚，得蝦碎幾粒。燒賣冇豬肉味，真係唔知食緊咩。點心類別食之無味，棄之可惜，應該全部係廠交貨。牛肉球（凍既）同春卷（好硬）都唔俾喼汁， 水準仲差過樓下酒樓。葡汁鱈魚酥，就係冇餡冇味既咖哩角。點心選擇極少，想食既都要另外單點。連任何一種包同腸粉都冇。但有一個豉油皇腸粉就大大碟。＜小食＞點心希望越大失望越大， 小食亦都係嚇人到極點。菠蘿咕嚕肉，兩餸飯質素仲好。滑蛋蝦仁，得一粒蝦。白芍西生菜，應該冇難度。乾炒四季豆：較為入得口＜主食＞只叫左一種！都係劣評.唔係因為味道，而係因為貨不對版。變左肥牛炒烏冬。＜甜品＞最基本紅豆沙，糖不甩，脆麻花呢D..... 都冇。但以下兩樣野ok. 馬拉糕：糕身鬆化有彈性，水準之作薑汁糕：雖然都知係來貨，但有少少薑汁好過冇啦。班蘭糕：估唔到係薑汁糕既樣.....以為係綠色嗰隻斑蘭蛋糕。＜茶＞俾28蚊茶錢，連茶葉都冇得揀， 更何況要換茶葉。＜服務＞有個外（菲）藉姐姐服務真係好好，主動加茶。收碟都好快。

復活節最後一天假期，相約很久不見的朋友午餐，被安排在31樓用饍，未算太多人，而且每枱分隔有足夠空間，而且樓底高，感覺很舒服，安排在窗邊位置實在心曠神怡蝦餃燒賣等點心水準一般，尚算合格，每位都小小的，好處是可要按你要求要多少粉或幾多人份，大家就可多點幾樣食品，而且上菜快，東西又夠熱真的很好個人推薦山竹牛肉球話梅石榴欖菜四季豆滑蛋鮮蝦仁乾炒肥牛河粉最好每樣先點一人份，啱口味再追加

點心水準可以，上枱快，由其小炒類，不過種類不多，冇乜甜品，燒味亦都沒有，建議除點心外，每樣只叫一人份量，啱食才加單也不遲，免浪費及擺滿枱！90 分鐘時間都好趕，留意茶位每人$28, 算几貴。

幾個月前去過一次，啲野食個時還可以，所以唸住再去飲下茶。 點知知menu 完全唔同曬，198點心自助 野食得返20款都冇。 真心唔覺得值得收呢知價錢。 當啲嘢食嚟到嘅時候我十分之震驚，因為冇唸到一份點心係可以分到幾細份。連我個女都問我點解一份點心可以細分成咁。然後叫嘅嘢食又上錯晒。我哋嘅嘢食又去咗人哋嗰台，人哋嘅嘢食又嚟咗我哋嗰台。想叫侍應加茶，但完全冇人理會。當真係有人過嚟嘅時候，都係話OK佢哋會跟隔咗10分鐘先返嚟加茶。聽到隔離枱叫咗一樣野成個鐘都冇黎到，我完全明白佢嘅感受。我並唔會令呢間餐廳去同其他餐廳比，因為只會侮辱其他餐廳。除咗風景好以外其他都垃圾。

真系試過算了，吾知平時點心價錢定位價。盲中中跟住朋友訂位去試。假日$218點心放題（包加一、茶位约$270位）限時90分鐘。真心點心好一般，糖醋雲耳甜口又杰身，自己DIY比佢更好食。只有綠茶餅及話梅石榴叫做好少少，炒米粉都好麻麻，由頭到尾都系果一句，真系試過算。

星期日午（ 點心放題）$218.00一位假期需額外收費及茶錢另計。1.點心選擇不多2.味道很一般食肆環境不錯，服務也非常好，如果你們主力是想坐低看環境的話，這裡可以一試。但食物方面就....... 很一般，原以為食物質素會好好的，所以很失望，味道一般，看見都唔想拍照！

當佢係你屋企樓下嘅點心，之後喺靚地區靚景食，再加埋價錢平，就點啦！忽然間好想食點心🥟🫔，但係星期六日又想係啲見到靚景嘅地方食唔想求其喺屋企樓下既茶樓🏚，於是就揀咗南海1號，雖然朋友話南海1號一睇個package就係伏🙈，但我呢啲港女style，當然希望飲啖茶食個包都可以居高臨下望住半島酒店啦，11點嚟到現場冇乜人被安排咗坐喺窗邊嘅位置，出面都幾大太陽🌞，但係都算係chill 既😌點心嘅選擇唔算太多大概有20款左右,嘢食都偏向普通特別係個水餃🙌一食就食得出係灣仔碼頭！😂10蚊9粒，點左咁多樣嘢裏面竟然係個蘿蔔糕比較好食，有蘿蔔香油炒得夠乾身！起碼唔散！其他都真係屋村酒樓水準左右，咁畢竟都係任食百零蚊其實都唔可能要求太多🤷🏻‍♀️，員工嘅服務上咗年紀嘅反而比較親切，🙋🏻‍♀️但係後生仔嘅好似冇乜耐性，放低碟野係會揼落嚟，🤷🏻‍♂️基本上可以講話今次嘅用餐體驗係不過不失啦，之後臨離開嘅時候先發現原來南海1號係我以前有嚟過，不過以前係間酒吧，呢個景色其實真係一流，🥰，係會有捧場客嘅，但係如果可以再多少少特色嘅點心，其實成個用餐體驗會再更加好，同埋會令我想嚟多一次

sea views > food here to celebrate bday 🌟 as the environment is nice, good service as well 👍🏻also nice place for taking photos too 👍🏻But the food is quite so so, don't expect too much, just average 👌🏻Price: reasonable , not too pricey 👍🏻👍🏻

不會再去。衛生環境差，周圍有小強爬嚟爬去，灣仔碼頭水餃、叮叮燒賣、叮叮蝦餃。點心款式少，質素非常之差，冇一碟點心屬於正常水準，話梅石榴，石榴不新鮮，放到出晒水。最離譜係糯米卷，咬咗一啖裏面有條毛。當堂冇晒胃口

呢度都已經出晒名，係人都知道呢度啲嘢食好食，我自己今次就過嚟試吓呢度嘅點心，果然真係非常之好食，知道點心都唔係一件容易嘅事，真係好考師傅嘅手勢，我自己都覺得呢度真係會啱啱好

當日係幫家姐補祝生日，佢淨係透露想食中菜而呢間中菜餐廳又有海景，於是就揀咗佢，果然無失望😇坐低之後，家姐話佢本身都bookmark咗呢間餐廳🤣另外想讚一讚呢間餐廳啲staff都好nice👍🏻♡ 魚翅鮑魚餐 $580/person•川辣口水雞、陳醋雲耳雲耳酸酸哋好開胃而口水雞好夠味，而且雞肉都好嫩滑😝•極品蟹皇翅呢個翅足料又鮮甜，啖啖魚翅口感好實在，準對唔馬虎🤓•蜂皇原隻鮮鮑魚鮑魚口感嫩滑又有彈性，好有嚼頭但又唔會韌，恰到好處，配埋甜甜哋嘅醬汁食一流🤙🏻•金榜醬煮大蝦⭐️大蝦殻面佈滿醬汁，所以當日我仲不顧儀態用口剝殼🤣可以索哂蝦嘅精華同醬汁入口😋跟著就到重頭戲，大蝦啖啖肉配埋個醬汁食，超幸福🥰旁邊嘅饅頭並唔係伴碟咁簡單，食完大蝦，仲可以將饅頭點啲醬汁黎食😝•红燒乳鴿⭐️炸得金黃香脆，食落外脆內嫩，啖啖肉都好juicy～🤤•竹笙扒青龍菜呢道菜就正常發揮，係乜特別😉•龍蝦湯泡貴妃飯呢個龍蝦湯超鮮甜，用夾做泡飯真係好夾🤩個泡飯好有心機，除咗有白飯之外，仲有一半係飯焦，而且有啖啖龍蝦肉，口感特別豐富🤓•甜品紅豆沙煮到起哂沙，口感軟綿綿，又有好香陳皮味😋為呢餐飯作結尾作完美嘅結束，非常滿足～☺️