南記粉麵 (渣華道)

营业中

休息中

今日脫離酸辣米線 加多$4要蕃茄湯🍅勁後悔 一見到個樣已經唔開胃勁稀勁淡色 冇哂酸辣米線個啲配菜好頹既感覺 食落一樣勁淡味😭我落左四大匙羹辣椒醬先食得舊同清湯比 佢貴左$12 一樣冇配菜食完完全冇飽既感覺 食清湯吧啦😤

每次想食南記，一定係佢嘅春卷，煙韌口感，有別於其他春卷嘅香脆感，另外佢嘅魚旦原來都唔錯，幾彈牙，有d似潮式的魚旦！最喜愛小鍋湯底，佢嘅甜酸菜好好味，令到成個湯底有獨特個性，加d辣椒油伴食人仲惹味！今次發現佢有新小食，黑椒鷄槌，一客3隻，微微黑椒味，肉質味道有少少梳打粉味，唔⋯⋯⋯⋯⋯⋯下次都係叫返黃金炸魚皮頭！

以前我食南記都會落勁多醋近呢幾次唔記得左 硬係差啲野好似唔夠味 唔夠酸 總之就冇以前咁好食今日終於記得落返醋啦 感覺返哂黎😭好好好好食呀 有醋有無敵辣醬辣油勁好食呀😝

食過無數咁多次南記酸辣第一次有人問我要小 中 大咩辣😮我話大辣 不過同平時係冇分別既😅都係落返辣油同辣醬☺️辣油辣醬先係重點呀 勁好味Btw, 點解貢丸有四粒既 多左一粒😛

係附近交收完畢，一個人係呢頭食埋嘢先返家！最方便就係食粉麵！今次試下呢款牛三小鍋！材料包括牛𦟌、牛腩及牛丸，再另加我至愛春卷！牛𦟌夠薄身，好有牛味；牛腩頗大舊，食落有少痴牙但夠䭃身；牛丸亦好有牛肉味；當然春卷一貫煙韌有嚼口！一碗份量夠晒足料，食完相當飽肚！

南記係我中學時代經常幫襯嘅餐廳。最愛係佢哋嘅魚肉春卷，以及酸辣小窩米線。咁多年來佢哋嘅味道始終如一。早期嘅南記都係開係港島，慢慢地南記進軍九龍區如旺角，尖沙咀。希望南記在可以遍佈係不同嘅地區。等我返工都可以食到佢。佢哋嘅小窩米線都係逐碗去煮，很用心。而且每碗都有芽菜，腐皮。佢哋嘅米線比較特別，喺出面係食唔到佢哋呢個質地。佢地米線煙煙韌韌，而且又唔係太粗。我好鍾意食佢呢個米線嘅質地。魚肉春卷不用我多介紹，簡直係佢哋嘅招牌菜。其實佢哋啲魚蛋牛丸都很出色。

唔通唔同 分店真係分別大啲？其實北角對我嚟講真係最就腳但係我覺得銅鑼灣嗰間好食啲佢嘅麻辣湯底我一直冇機會試鍾意重口味嘅我終於忍唔住食咗佢一碗真心講我真係覺得佢本身嘅小鍋米線湯底夠辣夠正呢個麻辣湯底又唔麻又唔辣真係唔知想點我已經叫咗大辣再叫廚房加辣都唔係心入面想要嘅嘢不過三十幾蚊碗粉佢 都肯加辣比你態度又激好咁我都 唯有下次唔叫呢度嘅好處就係春捲咬入去嘅時候唔會係凍嘅呢間有番啲 街坊味道但又唔知點解春卷又好似呢間好食啲咬口好啲魚片有魚味又有咬口下次會叫番原味今次有個失魂姐姐到咗啲可樂落我條裙度 我亦都冇追究

晚上工作加班，食膩了公司附近餐廳的外賣。腦海忽然想起《南記》！我向來不諳食米線，不過偶爾食一次半次也能感受到其箇中美味！招牌河 - 由買單到拿取食物，五分鐘已弄好。$26的價錢份量不會太少！河粉質感帶滑溜粗身，易夾而不碎散。牛丸面積的的骰骰，食落尚算柔軟彈牙，牛味則不過不失。魚蛋質感同樣顯得彈牙，不過味道略為淡淡。春卷賣相看似油淋淋不討好，不過卻深得我心！富有微微魚香味，食落爽彈。掛汁能力尚算不錯，可惜很快便變了彎曲鄒鄒的形狀。

南記招牌米線🕺🏿✨有魚蛋 牛丸 招牌春卷想試好耐終於去左一試招牌春卷 腐皮包住魚肉魚肉香口 口感煙韌🤤果然係招牌真的很正😍牛丸彈牙牛味好夠🤤魚蛋亦好彈牙買完先知佢有新出蕃茄湯好想一試😍好快再食😍重點係 好 平🤔招牌米線只係$26✌🏻而且份量都唔少一碗都啱啱夠飽肚十分貼地✌🏻✨-見到隔離枱加左紫菜睇落都好正下次一於加紫菜試吓🤘🏿🤘🏿-三哥譚仔以外又一米線餐廳可選擇🤘🏿❤️✨✨✨✨

星期六一個人去北角買野順便去食南記1:45pm 都係仲好多客人酸辣春捲小鍋米線+紫菜承惠$40酸辣湯底偏甜紫菜分量多 一碗有4條春捲 一如以往彈牙好味不過南記既米線配料好似少過以前芽菜同青 都少左

相信很多香港人都來過南記，因為他標榜造出香港人的味道。今天就為大家賞試一下是不是真的。這個湯底，散發出微微的香氣。廚師使用了甜酸菜加入在湯底中，所以喝下去有種酸中帶甜的感覺。而且加入了一點點花生醬，讓味道調和，讓味道更顯突出。與米線真是絕配。另外南肉，應該是以炆的形式處理，所以非常入味。雖然很好吃，但味精也是偏重，這點扣了一點分。不過價錢也算是合理。

講起南記，真係好喜歡他的腩肉，以前會諗都唔諗就叫個腩肉加春卷小鍋米線，依家我會轉河粉算喇，因為啲米線唔夠腍，如果外賣返屋企，咁啲米線就夠曬腍喇，又吸收左啲湯，正~但我發現堂食轉河粉都唔錯，因為啲河粉易吸湯既精華，配埋啲腩肉汁，簡直無得頂，腩肉又夠腍，唔會煮到好柴身，春卷又夠香，極力推佢既腩肉加春卷啊，佢啲魚蛋都唔錯，夠彈牙，只不過我本人對魚蛋一般

真係好鍾意食南記既春卷，口感很有有彈性，味道香濃。叫左碗大什錦米線酸辣底既，貪佢咩都有d咁。米線煮得夠適中，不會偏淋。酸辣既湯底既酸度非常開胃，真係可以食多幾碗。惟獨是永遠都唔覺得佢有辣過，不過如想食辣，可落南記既辣醬，真係一流，又香又辣，豬女家中也有一樽，呵呵。另加左一個生菜，不過不失啦。

由細細個就食南記大，試問80後的我們，有誰未食過！所以，久不久都想回味一番！［經典魚片魚皮餃河］現今方間裡有著千種菜，各出其謀！為的都是要吸引貪新鮮的香港人！所有，要尋找懷舊的味道，真的是賣小見小！這個魚片魚皮餃河，可算是我小時候的至愛！清清的湯，彈牙的魚片，充滿肉汁的魚皮餃！我特別欣賞它們有魚露作點綴！再加上冬菜！那童年回憶，頓時全都浮現在我的腦海！總結來說，它的感覺並不新鮮！但就有著你想要的味道！

每個週六中午都是吃南記米線的時候。米線軟硬度適宜，酸菜酸甜度適應了一段時間也覺得不錯了，不是很酸，也不是很甜，與米線，肥牛，芽菜的比例也算適宜，芽菜沒有煮太久所以也不會軟的太厲害，雖然有肉醬在米線裡，不過味道差強人意了，有點味同嚼蠟的感覺。肥牛份量足，很好。