南記粉麵 (新都城中心二期)

营业中

休息中

見到好多人, 於是買外賣返屋企食。以前係香港仔食, 而家係屋企樓下有分店，真係好方便。春卷係必食! 佢啲春卷真係出面食唔到。牛腩唔算好淋, 但係D汁好好味! 雖然味精有點重，但係我都會再食。

最近爆疫情，好多餐廳陸續唔開，關門停業連外賣都唔做...咁啱喺新都城，見南記都有少量人排緊隊叫外賣，第一次食就試下！南記特設外賣餐牌，見大約$50-60價錢好相宜，仲配埋汽水或豆漿！今次點左兩碗米線，一個係牛魔王小窩套餐$60，要酸辣湯底，見幾足料，有牛腩、肥牛及牛丸，仲有酸菜及芽菜，而且米線都幾大碗，唔係好辣易入口，仲送埋可樂！另一個點左雙併小窩套餐$59，要蕃茄湯底，春卷及魚皮餃。蕃茄湯底夠濃幾好飲，仲配埋生菜及細豆漿！其實都幾大碗，對女士黎講就食唔哂...呢個時勢，外賣攞到返屋企仲熱辣辣，仲要幾十蚊咁多餸，已經好難得...😊

南記粉麵一向好食，但唔算太多地方近我，今次經過就走咗去食，地方闊落冇壓迫感，坐得都算舒服。招牌春卷 最好食，彈牙實淨，調味啱啱好，不愧係招牌餸，兩條都唔夠喉呀～牛腩好入味，不過唔係好夠腍，腍啲會再好食啲。一直好鐘意佢地酸辣湯小窩米線，湯底好味，酸度辣度恰到好處，米線又係我鐘意嘅偏腍，好咬啲易消化啲。如果佢哋開多啲分店就好啦，一定會多啲幫襯。同埋原來呢到仲有早餐供應，下次要試埋早餐～好似都幾好食幾吸引⋯

今日係南記就叫左個「酸辣豬肉米線」和「清湯魚片米線」。一如以往，「酸辣豬肉米線」好好食，冬菇好厚肉，春卷好煙韌！「清湯米線」都唔錯，但我最後都係後悔叫左清湯，所以自行加翻D辣椒油～如果想吃麻辣，我覺得譚仔雲南米線較好，但如果妳想吃一碗有好食嘅配菜嘅米線，我覺得南記會好一點。Overall, 南記is quite a renowned local mixian restaurant in Hong Kong, and there is a reason why it has such a long history. If you haven’t tried it before, I think it is worth a try

南記一般只係食酸辣春卷米線，今日經過見到有早餐，可能想多元化D。選擇都唔少，由A餐至L餐，仲要好豐富，有早餐必備既餐肉，腸仔，火腿，太陽蛋，仲有皇牌既春卷，有選擇困難症既人，真係唔知買點揀今次叫左最平嗰款K餐，$28有 餐肉，火腿，太陽蛋米通粉， 質素就一般， 餐肉同火腿都係冇處理過， 即係冇煎過，米通粉就幾特別，QQ彈彈咁幾好食，不過咁既價錢，都可以一試。總括覺得都唔錯既，一般早餐既質素，價錢就好似時光倒流左咁，真係好平。

我都係第一次嚟食，但第一次比我嘅感覺就麻麻，規矩多多，scan 完安心出行都要show 比佢睇😖 今次點咗個仿鮑片·魚片·春卷清湯河仿鮑片魚片春卷清湯河$28 (不含飲品)呢度嘅春卷感覺唔似春卷，似魚丸多啲，都唔錯嘅，仿鮑片魚片就冇乜特別，$28 嚟講價錢都算合理。

其實南記好唔好食都唔使我去形容，如果唔好食就唔會開到全港都有，尤其是係魚肉春卷，就更加係獨門既招牌菜，係我識嘅人裡面都冇一個會彈，另外就係個炸魚片頭，就更加係我嘅至愛，啱啱炸起既魚片頭就更加係外脆內軟，爽口彈牙，不過今次我諗住試下個魚腐，睇吓會唔會都係咁好味，點知今次真係令我有啲失望，體積龐大，但係完全冇質感，淋到好似浸左水既麵包，仲要好似係浸左成日咁，冇魚味，食左兩啖真係有啲想作嘔，搞到成碗嘢都唔想食，我喺度真係想勸下各位真係唔好試，我自己就後悔莫及

#南記 嘅風味，似乎隨著時代改變而變得有啲不倫不類。當初以鮮味湯底、新鮮食材打贏對家嘅招式，似乎都因為香港人嘅口味改變不少。酸辣湯底、各樣那樣應運而生，不過那些年嘅感覺就搵唔番。或者只係我唔化啦😅 剛剛做完Facial嘅我又嚟到 #南記，以為有扣減$10嘅優惠，但係就只限於BoC Pay用者，等我仲固執到同收銀員話 #雲閃付 都可以啦... 咁當然係我錯啦🤣🤣講番啲食物，我明明要米線，但係廚房就出咗河粉俾我，為咗唔想浪費，我唯有硬食。不過呢... 唔知點解廚房咁孤寒，夾兩夾碗河粉啲湯底已經索哂，乾爭爭唔係太好食😅 不過用料都OK嘅，尤其係兩條春卷，食落都幾新鮮，不過啲牛腩就鞋咗啲... 加上坐係我對面嗰個放緊飯嘅員工係咁咳，我唯有快快手食埋面前嘅嘢就走人🤪

今日午餐想食平啲，所以嚟左南記食佢地嘅米線。佢哋宜家做緊discount, 外賣自取買滿80蚊就減10蚊，所以又再平啲😂我叫左個兩碗，一碗係麻辣招牌春卷牛腩米線，另一碗就係番茄招牌春卷牛腩米線。-麻辣招牌春卷牛腩米線我好中意食佢地個春卷，好彈口同好有口感。牛腩正常，唔會乾柴柴，好似擦子膠咁食極都食唔到，不過呢度個牛腩嘅脂肪比較多。由於南記嘅外賣自取唔會將湯同麵分開，所以攞到返屋企嘅時候啲米線已經浸到淋晒。麻辣湯底正正常常禁，唔會太辣同飲倒有輕微麻嘅感覺。總括嚟講，如果想食平啲嘅話南記係一個唔錯嘅選擇。

#小秘書 細細個就開始迷上 南記粉麵 啲 #春卷 同 #牛丸😋 每次同 #屋企人 #打邊爐，Mammy一定要用 #南記 嘅 #湯底 做膽，再加滾水/清湯，用嚟烚吓烚吓，食物都會特別鮮味... 至於有無「師傅」嘅成份，我唔知㗎🤣 #南記 近呢十年，愈開愈多分店，雖然未至於總有一間係左近，不過開舖地點都算親民👍🏻 呢日我又嚟食 #南記 嘅 #大什錦米線，不過我每次都會叫 #師傅 扣底，因為 #米線 只係其次，我其實係為咗 #其他食材 而嚟😅 #牛丸、#春卷、#魚蛋、#墨魚丸、仲有 #魚皮餃，單係食呢幾樣餸已經半飽，所以我只可以揀食少啲 #米線（扣底）🤨 不過唔知係咪 #師傅 忙中有亂，啲 #牛丸 口感同以前好唔一樣，味道亦都差咗🤨 連啲 #墨魚丸 都係淋啤啤👉🏻👈🏻 好彩 #湯底 依然都幾鮮味，用佢嚟送 #米線 入口都掂喎😚

今日好想食酸辣米線，來到將軍澳新都城南記粉麵，岩岩兩點鐘，未到下午茶時間，又唔想等多半個鐘，只好吃個招牌米線套餐吧！選擇左招牌米線套餐，內有招牌的春卷（必吃）丶腩肉丶魚片丶冬菇共四個餸，湯底選左酸辣湯，配埋豆漿或汽水，而今次選左可樂一杯。每次來南記最喜歡吃春卷和腩肉，真心正！而呢個餐的魚片係厚切魚片，幾抵牙，不錯，冬菇也厚厚的，成碗米線好夠份量，夠曬飽肚。唯一店內座位和空間不算太多，如果大d就坐得更舒服了。

今日提早比自己放工，因為講咗要做嘅Facial，好耐都夾唔到時間，唯有請半日假，扮吓做貴婦👸🏼 可惜事與願違，連個face mask未敷完， mammy已經打嚟叫我早啲返屋企🤪為咗免老人家擔心，離開美容院我就打算坐車走。不過個肚仔唔爭氣，咕嚕咕嚕叫我食埋個 #下午茶 先好走😅 醒起樓上有間「南記」，就又去幫襯下啦。個心本來想要 #清湯底 嘅， 但係見到 #下午茶餐 #小窩米線 有做特價，心思思轉呔要咗個 #春卷魚片小窩米線 + 套餐包嘅 #豆漿。適逢人流唔係太多，大概5分鐘就到我喇！味道還可以，不過硬係覺得啖湯有啲「粗鞋感」，咁 #春卷 同 #魚片 都保持水準嘅，只係個湯底帶動唔到 #小秘書 合適嘅口味，不過勝在價錢唔貴、整體可以啦！

本來今天到新都城是想來吃某日本咖啡餐廳，但來到時發現已經光榮結業，而且到晚飯時間周圍都是排隊的人潮，行左一個圈後發現無特別野想食，便決定食南記，畢竟將軍澳暫時只有寶琳有。招牌春卷牛腩酸辣米線南記既米線屬於比較幼身，有別於一般米線舖，但仍可保持爽口，軟硬適中。 酸辣湯不算很辣，對喜愛四川或重慶風的，可能會覺得辣得不夠過癮，但這就是南記的風味。酸爽豬腸豬腸是本人喜愛的食物之一，但此豬腸辣味不夠亦不夠香，雖然感覺是平常四川菜的涼拌小吃麻辣風味，但食落卻似滷水豬腸比較多😰

係新都城周圍行，想搵間平少少既快餐。發現有南記，雖然佢都多分店，但我之前只係香港仔食過一次。今次食佢招牌粉，有春卷，真係好好味！果然係招牌。冧冧的，感覺無咁熱氣。價錢唔貴，但餸每樣都有兩粒，都唔錯。如果想食快餐，又唔想食傳統快餐店，南記真係好好既選擇。

鐘意食粉面嘅我係南記忠粉，以前只可以喺返工時喺中環食，lunch hour 真係排餐死！自從屋企附近開左間南記，真係一星期至少都食一次，最愛食佢嘅麻辣米線！除左佢嘅招牌春卷，墨丸同冬菇就係我最愛嘅餸！冬茹鹵到入晒味！另外，見個椒鹽炸春卷平平地，就點黎試下，真係無嗌錯！熱辣辣炸出黎脆卜卜同平時浸喺粉入面又係另一番風味！雖然新都尼間南記地方不大，但都唔會坐得太逼唔舒服，姐姐們執檯又快，其實唔洗等好耐位就有得食！