南記粉麵 (金馬倫中心)

营业中

休息中

成功同客戶簽好單之後，就走去食個下午茶，我覺得南記粉麵都會一個唔錯選擇。我叫咗個 (三餸車仔麵) 諗住簡簡單單就冇問題， 車仔麵嘅餸我叫咗魚片頭、墨魚丸、墨魚春捲 ; 首先我覺得湯底係唔錯嘅，因為飲落都冇味精嘅味，墨魚春捲我覺得係超級好味，食落去都食到有墨魚肉 ; 魚片頭都覺得幾爽口，都食到魚味 ; 但係個墨魚丸就認真唔掂，食落去完全冇墨魚味，而且個質地好奇怪，因為既然墨魚春捲係招牌貨又咁好味，冇乜理由個墨魚丸會咁。不過算啦，整體嚟講都算唔錯。凍檸檬茶都唔錯，正常好似一般茶記。

呢幾日香港遇正颱風 keep 住都不停落雨講真 落親街食lunch都面臨落雨濕鬼晒同事就suggest不如我地叫外賣啦心諗都唔錯喎 唔使行黎行去 舒舒服服咁食個lunch 都幾好阿！！佢地話食南記 其實小女子係第一次食南記因為佢開嘅地方真係唔近我嘅生活圈樂於嘗試嘅我緊係問下佢地有咩推薦啦！佢地叫我試腩肉 即係辣豬肉米線我純粹抱住一試嘅態度結果真心唔錯 只係真心唔太辣 但湯底米線同肉 以外賣黎講 都算超水準米線彈牙而唔會太淋 有咬口腩肉份量亦都足夠 味道亦夠香！食完有啲意外 因為有啲好味haha吸引到我遲啲去堂食添！所以麻 南記外賣也不失為一個好選擇

由廿幾年前只有港島先有‘南記’開始，已經鍾意佢嘅‘招牌春卷’。咁多年嚟佢嘅味道都冇變，有時仲會買返屋企，用嚟打邊爐一流！去南記，多數都食‘小窩米線‘，唔太辣。某日去食晏就揀咗清湯米線套餐，好抵食。你可以揀兩個餸（梗係揀招牌春卷) ，配一份五件魚片頭，再加汽水或豆漿。友人就揀配生菜，好大碗㗎。見到佢有下午茶套餐，仲抵。所以友人話接完小朋友放學，有時會去嗰度開餐。

一個人想食米線，記起有次外賣叫南記唔錯。是日星期六四點鍾唔多人，係堂食食番南記！作為香港人的粉麵，南記都算實至名歸，又平又快又多香港人中意！我最愛招牌米：小窩辣豬肉，酸酸辣辣，惹味開胃！招牌辣豬肉香，酸菜多過腐皮！但唔記得叫中辣，唔夠辣，無得過辣癮啦～唯有加辣椒油啦。同附近粉麵檔比，我認為南記無得輸既係份量、湯底，簡稱上癮程度！最抵食招牌米：$26已經有牛丸加春卷送豆漿或汽水！牛丸受歡迎度不及春卷都有原因既，唔大粒，食過潮州的牛丸，就唔會覺得好好食，算正正常常咁囉。

今日喺旺角做完瑜伽🧘‍♂️，就係旺角東搭一個站去紅磡，紅磡站D出口出，行10分鐘左右就黎到呢一間南記啦！ 今日可能星期日，大家都family day,所以好少人一頭仲擔心好多賓賓聚集！ 點知呢一間好舒服😌呢度個冷氣又夠凍不過有少少唔好彩嘅就係，排隊買嘢食嗰陣，排我前邊個女人買咗10個餐😂排隊期間無意發現呢度有個火鍋外賣，$158for 2-3人，我覺得唔錯！ 下次同老公試一試先！ 今日冇嗌套餐，叫散叫小窩米線🍜，最鍾意呢度嘅酸辣，夠多酸菜！ 同埋呢度嘅春卷真係令人食過返尋味之前淨係鍾意食脆嘅春卷，估唔到原來林嘅春卷都好好食！ 仲要呢度春卷好大條！牛腩又夠多！

今日去食下午茶，20蚊生菜拼春卷，攞番黎居然得4條生菜，點解用條呢？因為非常薄一片，一拎起就係變成一細條咁! 見到碗野都已經好不滿了，食左一大半後，見到隔離剛攞一樣係20蚊下午茶既食客，碗菜多我一倍。我攞幅相比出餸個位阿姐睇，佢居然話係咁既，4片都已經比多左我咁話! 咁都得? 服務差到呢! 😖仲話下次先比靚菜我喎，真係投訴無門! 以前南記係我每天都會食既面店(食左20年)，就算跨區我都會特登搭車去食，自從河粉變粗糙(以前好滑)，依家仲淪落到得個4片仔菜，同幅宣傳相真係差天拱地，以後唔係勁餓又無其他餐廳既話，我都係唔幫襯了!

如題 真係一條春卷都冇 係咩玩法？返左成日工 晚上9點多打算買外賣返到屋企享受一下。點知打開 一條春卷都冇。係！一！條！都！冇！以為自己落order叫錯左喇 睇返張單 又冇喎 係寫住春卷小窩米線架喎 但睇黎睇去 就係冇左春卷既蹤影。我知 可能姐姐你返左成日工 攰喇 但我都返左成日工 都想享受下，但就俾你硬生生拎走左唯一既樂趣。我唔係想blame啲咩，錢你又收左，春卷你又唔俾我。我依家人已安坐家中，你又關左門，除左打段字發洩下都唔知仲有咩可以做。希望你知道，呢一刻我到底有幾咁沮喪。

南記粉麵 (尖沙咀)尖沙咀漆咸道南57-59號金馬倫中心1樓～～～香港地應該沒有人沒有吃過南記 不過很多在外地來的朋友就不知道南記的美味了 上個月剛剛認識了個來自雲南的妹子 她來香港讀書不一段時間 一直很想念家鄉的味道 問我哪裡的小窩米線最好吃 我不假思索地為她推薦了南記 她吃完之後告訴我 這跟他們家鄉的味道其實很不一樣 但她卻覺得非常好吃 尤其是他們的辣豬肉春卷小窩 酸辣湯底極度惹味 豬肉片片又薄又入味 米線把酸辣湯都吸了進去 每一條都很入味 春卷魚肉味好濃 又彈牙 朋友說她現在吃完 發現自己已經不想念家鄉的味道 只想念南記的味道了～～～～推薦度：🔥🔥🔥🔥🔥（5🔥最高）

有一日行過尖沙咀，就上咗去南記食下午茶喇，噉我叫咗個招牌河粉，噉有春捲，牛丸同魚蛋。包埋野飲埋單都係24蚊，幾抵食。個湯底清清地跟住我加咗啲辣椒油上去食，唔錯啊。

呢到一到lunch 超多人 要好似以前酒樓等位 其實如果食完唔走係好尷尬既事 不過唔緊要我今日趕時間 😂 食南記一定要叫佢個春卷 好好食 外脆 入面應該係魚肉 幾好口感 米線就有d硬

OT，就買外賣返去，邊做邊吃......午餐聽同事講，南記既牛腩最好味，就叫左辣豬肉+牛腩米粉。份糧超級多吃到飽左，都仲有1/3。味道又好味，辣辣的。又平，當係慰籍被OT傷害左既心靈

今日又來食南記喇，時間過得好快上星期做優惠購買任何一碗粉麵加四元就會送你一張艇仔粉套餐券，這個優惠真的很抵啊！我今日就帶套餐券來食呀！“艇仔粉套餐”包括有 (艇仔粉一碗、炸魚皮或叮叮糖一份、雙檸樂一杯)艇仔粉材料有魚肉春卷兩條、叉燒三片、魚片四片、生菜同少許銀魚仔，雖然只是四元套餐但沒有將貨就價一大碗粉三個餸連生菜真的可以食得飽，而我揀了魚皮用來送粉食，店員預先分好了一包包魚皮同叮叮糖好方便，魚皮新鮮炸好爽脆配埋一杯雙檸樂 (檸檬加青檸)令我今日即時充滿能量。

平時都有食開南記，鍾意食佢啲魚蛋、魚腐、春卷、墨魚丸等。早兩日見到南記做優惠三天買任何一碗粉麵可以加四蚊換購一張價值$53優惠券下次用，這個優惠券係一碗艇仔粉 (有春卷、魚片同叉燒 配雙檸樂 另跟炸魚皮或懷舊小吃叮叮糖) 最後我買了一碗招牌粉，因為平時食酸辣粉好大碗好飽肚，今日食碗招牌麵剛剛好。春卷好味平時都會買返屋企打邊爐食，魚蛋夠彈牙、牛丸一樣都是夠彈牙爽甜，加埋佢哋特製辣椒醬真的好正。過兩日開始用得張優惠券，到時又可以過嚟食春卷點辣椒醬。哈哈

南記的春卷可能係世界上最好食既春卷❤️食過，必定念念不忘南記下午茶真係好低食有四款選擇！但我每次都是點春卷魚片酸辣小窩米線。熱愛春卷既我，2條點會夠呢！魚肉彈牙，一食難忘！我每次都會追加2條。但我今次發現原來招牌辣豬肉都好好味辣豬肉薄皮上，完成不肥膩湯底酸酸辣辣，也有少量芽菜，腐皮及酸菜，南記的酸菜並不咸，帶有一點微酸，令人食指大動這段時間他們更有活動，凡購買任何套餐，都會送紙布一包未食過南記的你，要起動啦推介招牌春卷，招牌辣豬肉，冬菇，魚腐

以前南記只有港島區有得食, 多年以後九龍區陸續開店! 喺九龍返工既我表示非常歡迎! 雖然已經無左冬菜, 不過一樣咁好食! 紫菜四寶河 $ 43 ~ 勁多紫菜, 不過有點靭! 魚旦, 墨魚丸, 牛丸爽口彈牙, 略嫌細粒! 只可惜河粉唔夠滑! 春卷牛腩小窩米線 $40 ~ 牛腩有點小靭, 唔夠淋! 註: 總覺得春卷細條左