南記粉麵 (金馬倫中心)

营业中

休息中

屋企附近有間南記，最鍾意佢有得比我瘋狂加醋同魚露，所以漸漸就變左南記既忠實粉絲😋👁‍🗨 春卷脆粒（7/10）💲20/9粒見最近新出左個春卷脆粒，即叫即炸，但口感唔係想像中咁脆身，而係比較軟腍🤤味道同平時一條條既春卷差唔多，唯一分別就係呢個加左淮鹽香口啲☺️👁‍🗨 招牌春卷 牛腩米線 蕃茄湯底 （7/10）💲44呢個蕃茄味既湯底都頗為香濃，仲有唔少既蕃茄肉係入面，酸酸地好開胃，最後我仲飲曬成個湯咁濟🍅食落牛筋軟腍，但又唔會煮到爛曬，牛腩肉質稍微參差，有啲腍啲，有啲就韌啲🤔當然唔少得我至愛既長條春卷😎平時多數都係食河粉，今次轉下新口味食米線，原來都幾彈牙有咬口，幾有新鮮感🤓👁‍🗨 雙拼小鍋 春卷竹笙米線 酸辣湯底（7/10）💲37另外同行既朋友叫左個雙拼小鍋米線，未食過既我偷左少少離食😇原來小辣既酸辣湯底一啲都吾辣，可以話係冇辣味，岩哂我呢啲吾食得辣既人，而且酸度適中，係幾惹味幾開胃，難怪咁多人鍾情於南記既酸辣小窩米線😳(我好似發現得太遲🤥)至於竹笙就有兩小塊，非常爽口，但係如果可以再多少少會更好👁‍🗨 紅豆豆漿（6.5/10）💲14本身叫紅豆豆漿，係我自己FF多左，以為會將紅豆同黃豆一起磨

春卷牛楠小窩米線 $40.有時候lunch都會去尖沙咀個間南記食 貪佢夠近又大碗 價錢相宜 今次我就揀左個春卷加牛腩既小窩米線😛大碗好味又飽肚 對女仔黎講.牛楠同小窩酸辣湯底幾夾 入晒味 唔算炆得好淋但唔會難咬 至於我至愛既春卷更加唔使講 依舊係南記必食架😛.米線配菜份量唔算少 食到我好飽 米線煮得夠淋好岩我口味 仲有佢既辣椒醬完全將味覺昇華🤤🤤🤤.春卷脆脆粒 $20.見到佢新出特地點個黎叫下 一上枱我隔離位撘枱人士大叫好香😂😂其實係椒鹽味黎 哩個炸春卷粒大概有10粒 新鮮炸都幾好味架 個肉既口感彈牙過普通春卷 可能因為炸既關係啦 望落似豆腐實際係腐皮春卷黎 可以試下呢.

Namkee is very popular hong kong noodles. It's very loved by Korean people. Many korean people love Namkee and say the taste is really good for Korean people. Last year Namkee opened the first shop in Korea. That means Namkee noodles is really good for Korean people. TST shop is very good and big. The taste is little bit heavy compare to the other shops. The topping is my favorite. It's also very popular topping for Korean people. If korean people visit to Hong Kong, I would recommend Namkee. 

好耐都冇食過南記，今次經過尖沙咀漆咸道，發現原來樓上一樓都開咗一間南記，突然好掛住佢哋嘅招牌春卷，就決定上去懷念一下。南記茄湯加春卷太耐冇食南記，發現原來已經出咗好多唔同口味嘅湯底，連我鍾意嘅蕃茄湯底都有，當然要試試佢啦！湯底保留左蕃茄本身嘅酸酸甜甜，有好多蕃茄肉，不錯不錯。食親南記叫兩條招牌春是常識吧！香口嘅魚皮包住魚肉，煙煙韌韌，真係一流。另外仲叫咗給湯力十足嘅竹笙同紫菜，健康得黎又有營養。平時食親都係下午茶時間，貪佢又平又抵食 $24就有交易，估唔到茄湯又整得幾唔錯，相信以後除咗下午茶時段都會嚟多啲食下佢哋嘅茄湯，哈哈。

今次嚟到南記dinner😆✨學生優惠✨着校服惠顧粉麵送飲品🥤好可惜小編已經過咗著校服嘅時光🌝👉🏻👈🏻.#招牌春卷辣豬肉米線 ($47)😋好味指數：(7/10)呢個係麻辣湯底，食落去都幾辣🌶辣湯底再加辣豬肉真係辣上加辣😈感覺似腩肉😚呢到嘅春卷係腐皮加啲魚肉，食落去好香，一咬出面嘅腐皮係爽口，而入面嘅魚肉就煙煙韌韌😍#招牌春卷牛腩米線 ($44)😋好味指數：(7.5/10)蕃茄湯味道濃郁，酸酸甜甜幾香，夠開胃🍅牛腩不過不失，有啲食落去係軟淋嘅，而比較大舊嘅牛腩就要大力咬喇😎米線偏淋，小編同朋友都比較中意硬番小小有咬口嘅米線😚#黑椒蒜香雞槌 ($22)😋好味指數：(6.5/10)雞槌唔算話好大隻，不過食落去肉質都幾淋嘅🤔黑椒同蒜嘅味道就偏淡😢#辣爽爽肥牛 ($22)😋好味指數：(7/10)上面有蔥而下面就有芽菜係到😆其實大概就係辣椒油撈肥牛，雖然唔算好多塊，不過都幾大舊同淋😚.⭐溫馨小提示📌中辣都幾辣，建議唔太食得辣嘅朋友仔試下小辣先😭

夜晚揀咗尖沙咀嘅南記作為晚餐，七點半鐘左右到達南記，當時都唔算太多人，好快就搵到位。我點左酸辣招牌春卷米線，招牌春卷嘅水準維持，都幾好食，但係酸辣湯底實在令我太失望，本身好濃帶有甜味嘅酸辣湯底變得好清淡，味道都怪怪的，仲衰過某米線舖嘅清湯。我唔會再黎喱間分店食！

一個人開餐，來一碗小鍋春卷魚蛋米粉，酸菜加韮菜芽菜作配菜，味濃醒胃！春卷必食，煙韌有口感，仲有二條；魚蛋夠彈牙，米粉軟硬度適中，無米缐咁肥，量多，夠晒飽肚，加埋辣油當調味，仲正！

本身有一年無食南記，特別掛住南記嘅酸辣湯底，所以心血來潮過尖沙咀食，本身好期待，但食左第一啖湯已經覺到好失望。我叫左酸辣招牌春卷米線，但湯底好淡，無左之前果種濃郁可口甜甜嘅味道，總之就怪怪的，好彩春卷仲係keep 到原有嘅水準。我諗應該唔會再黎尖沙咀喱間南記食，今次真係令我好失望！

雖然我係九龍人 ， 但因工作關係我不嬲係中環南記嘅熟客仔， 之前去旺角店試過都覺得冇問題， 今日嚟到尖沙咀店食個lunch， 中曬伏。叫咗個腩肉酸辣米線， 飲第一啖湯已經覺得唔掂， 味道淡口酸甜度唔一致 仲好似有少少清潔劑味 最鍾意食嘅酸菜份量少， 肉碎都少唯一安慰嘅係個招牌河湯底正常， 餡料都正常 最緊要係個春捲味道

南記粉麵價廉物美，眾所周知，難得在尖沙咀開工，怎可以不吃到埗剛好開始下午茶時段，招牌湯河加汽水不過$24！湯河配料有牛丸和必食的春卷牛丸雖未至爆漿，但非常爽口彈牙，又超濃牛味，有水準👍🏻春卷外皮吸收了一點湯汁，半脆的口感真可算是南記招牌，加上包住新鮮魚滑，正呀！以後心思思想吃湯粉時，一定會想起這碗招牌河粉

早餐幾抵食沙嗲湯底比想像中濃味嗌左個特價C餐招牌春卷無得頂貢丸大大粒，仲有唔少香菇粒，真材實料，食落好香喔但係個湯底確實冇乜味豬腩肉中酸辣好正，腩肉入味，絲絲肉魚片頭五件好彈牙淮鹽調味孜然好味豆漿清甜唔錯！

偶爾得知，尖沙咀（近尖東）已經開左“南記”，就諗都唔諗飛過去先試個早餐，去到見到呢係位於二樓的，要行一層樓梯。就係佢樓下見到佢個廣告易拉架，寫住“招牌河”（或雙併河粉），加一杯飲品（如，豆漿或可樂）只售$24，嘩咩年代？！竟然仲有 $24 早餐包飲品？！不得了即刻走上去買來試試，果真童叟無欺，唔會話偷工減料，兩條春卷，兩粒魚旦，兩粒牛丸，河粉 size 正常，仲包一杯大大杯可樂。真係抵食到無人有，問過職員呢個優惠已經一段時間，並非短期開業優惠來的。非常值得一再幫襯。

南記粉麵已經唔再係港島區專利，好好好幾年前每次要食就真係要去香港區，實在太好，一解對春卷既味道今早睇完醫生，就過黎食早餐，原來早餐都有好多款揀，但我都係揀返招牌河，眼見好似有糯米雞， 麥皮之類既選擇招牌河好抵食，24蚊有2粒魚蛋，2粒牛丸，2條春卷，魚旦係潮州魚蛋，感覺上就無咁熱器，重點加埋魚露，湯都忍唔住飲左一大半，早餐附送汽水/細豆漿，加2蚊可以有其他飲品，早餐飽肚之選，今次揀左熱檸水，飲品就正常野

舖頭十分大，想搵位完全無難度，點左個雙拼 (招牌春卷+魚腐) 配河粉，凍豆漿(細)咁開餐啦，平嘢真係亦有好嘢！這裡的湯雖是清湯， 但加了辣椒醬就夠味！河粉滑而不黏身， 招牌春卷食落好似魚腐春卷係南記招牌之一所謂既春卷其實係用腐皮包住魚肉黎炸外型一條條好似春卷咁，所以叫春卷另外魚腐就正正常常，豆漿唔太甜這裡食物定價低，賺了我呢個熟客繼續回來呢！ 其實我仲覺得南記好有港式風情個套餐有埋樣野都只係 $24，價錢都算合理。

我自小喜歡食糯米雞第一可能小孩果陣冇咩嘢機會食倒第二食一隻糯米雞可以當飯吃除笨有精！小時候的糯米雞，記憶中當然有一舊雞啦！還有整隻冬菇、三份一條臘腸、還有肉碎之類.....今天可能將貨就價雞變左雪藏雞中翼！原隻冬菇無了、肉碎亦無臘腸變成片....都冇所謂啦！味道調較得好咪得囉。南記真係唔好食.....食完直情可以用「難食」嚟形容！早兩日去幫趁。睇吓個餐牌糯米雞配咖啡$22咁咪叫隻糯米雞加咖啡嘩！隻糯米雞完全唔掂雞中翼向來都好難會煮得失手！但係果隻雞中翼又鞋又乾，簡值吞都吞唔落肚惟一食得落肚嘅係果片臘腸！糯米又爛又乾....應該係佢地工廠制做平時我可以食哂一隻糯米雞，唉今次連三份一都冇法子吞！唯一值得慶幸仲有杯咖啡地方感覺入了飯堂