南記粉麵 (春園街)

营业中

休息中

今日lunch兜左一個大圈都諗唔到食咩🤔 行到春園街望到南記，好似好耐無食過，所以就行過去睇下啦！响限聚令仍然生效期間，我都係外賣返公司食好過！第一時間見到好多人排隊差啲想走，點知阿姐話好快，排一陣就到！甘又令我停低咗，行返轉頭去排隊買外賣。呢個係我食開嘅「招牌滋選小窩套餐」B餐，入面有我最鐘意食嘅辣豬肉片、春卷、仲有冬菇、魚片添！唔少得嘅一定要配呢個💕麻酸辣湯底💕😋😋 大家要留意重點，就係右下角我特登影埋佢入鏡嘅辣椒醬，唔好睇少佢，呢包辣椒醬好深得南記嘅Fans歡迎，用黎點春卷、魚片都非常滋味，令我呢啲嗜辣嘅人愛不釋手！其實個餐有飲品，我通常都會加$5 轉熱檸茶。無他嘅，習慣飲熱野，唔鍾意飲汽水，大家可以選擇返套餐跟汽水架！咁咪唔洗加錢囉！又慳返幾蚊雞🤣🤣

最近係呢頭返工, 有時LUNCH唔想行咁遠就係公司附近搵野食算數~其實已經半年有多冇食過南記.....雖然唔係好想幫襯佢, 但就兩次咁多喇!春卷魚腐河+西生菜+可樂 - 呢個餐41蚊, 呢區黎講真係平既! 春卷比起以前冇咁好食, 魚腐正正常常咁喇!反而河粉最可取!!招牌河 - 下午茶餐29蚊~抵食! 牛丸+魚蛋+春卷, 牛丸冇乜牛味, 魚蛋更加係淡而無味, 春卷都係一樣好似乾爭爭咁~總結 : 質素比以前差, 如無必要都應該唔會有下次了!

經過南記以為自己眼花見到shake shake薯條，原來係南記出嘅新產品 - 春卷shake脆！超鍾意食炸嘢嘅我當然即刻去試下 (雖然明知只係平時食嘅春卷)。有3種shake shake粉 - 冬陰功、BBQ、海苔椒鹽，最安全好似係海苔椒鹽。入到去等餐，確認佢真係即叫即炸架！炸完熱辣辣，倒入紙袋度，再加埋味粉，一齊搖！味粉份量超級多！比起薯條好似仲多！春卷表面面積比較大，但係都可以鋪滿味粉，值得一讚。海苔椒鹽嘅味道唔錯，唔會太鹹，最緊要係春卷仲熱嘅，係一個新穎嘅小食！

今日食個快食午餐先，係灣仔就諗起食魚蛋粉，因為午餐時間，好多人，仲有勁多學生黎食，見收銀員落單打單好快手，之後我攞住張單等叫號碼，本來去咗搵位，未搵到位已經叫我號碼要去水吧位攞餐，做得好快手。我叫咗碗春卷、魚蛋米粉加紫菜。有2條春卷+4粒魚蛋+紫菜，紫菜都唔少，都有一大執紫菜，無沙粒，洗得好乾淨。春卷好好食，魚蛋仲好彈牙。枱面上仲有4款醬料共你選擇：魚露、醋、辣椒醬及辣椒油。我選擇咗落辣椒醬及醋。

早上時段，優恵双併套餐，選了魚腐春卷河配熱豆漿。春卷有咬口保持平日水凖，魚腐淋得来都有點彈口。喜歡河粉不是太幼條，有質感的。不用加魚露或其他醬料，湯底淡淡但已夠味。熱豆漿飲後口腔有回味感。抵食呀！

話說約左朋友入修頓睇波，放完工就即刻踩入灣仔。睇下修頓附近有咩好食，發現原來有間南記係對面街，真係夠哂方便，咋咋淋食完就可以入場睇波。入到去快快趣叫左個三牛米線，然之後搵位。放工時間唔係好多人，好彩姐。呢個三牛米線都算足料呀，有成4粒牛丸，牛腩牛𦟌都算多。牛丸爽口呀，啲牛肉都腌得好香口。又快快趣食完入場。下次睇波打波都會再幫襯。

公司附近食lunch，同事話有間南記喺附近，其實我是第一次聽第一次食附近office多，即使落雨lunch hour 都超多人排隊，好彩我地順利搵到位，不過下次都是買返公司食好啲〜試咗個貢丸米線加辣豬肉，本來是清湯，加咗辣豬肉之後變咗小辣，不過辣豬肉味道好香，麻辣香，而且份量多，同事超推薦貢丸都估唔到咁足料畀咁多粒，平時其他舖頭應該得2粒〜另外，原來無得另加飲品，要分開買，凍檸茶要$15，若果有得跟餐加飲品就更好

今日下午要去灣仔做嘢，做嘢期間自己放過break就去咗春園街間南記度食個下午茶套餐，下午茶套餐有四種選擇我自己揀咗個最平27蚊有玩招牌河🍜同一杯凍豆漿！💫南記招牌河食過招牌麵既人都知道材料係好豐富有 招牌春捲 牛丸 魚蛋 魚片配河粉，自己就非常愛春捲佢獨有嘅味道一試難忘，至於牛丸 魚蛋 魚片非常彈牙爽口，河粉滑溜！再配一杯冰凍豆漿，$27下午茶餐有咁豐富算係抵食之選之不過另外想講服務態勁差，眼見女員工明見到枱上有上手客人食完嘅碗碟佢都唔收走，掂行掂個啤啤貢都唔收拾，之後嚟咗一個新搭枱嘅食客示意個女員工兩次嚟收走啲碗碟佢都唔過嚟，最後都係要個新食客自己將啲碗碟拎去收集處！個清潔員工中懶懶行一邊四圍貢一邊同其他員工傾計，完全冇意識自已喺度工作梗，呢種員工應該要去再培訓一下

下午同男朋友睇完玩具就係附近揾食，係春園街附近兜左一陣，都無乜心水，最後去左『南記』食個下午茶餐。兩點半左右都多人，加上呢間『南記』唔大，要等一等位。下午茶餐都幾抵食，男朋友要左「招牌河」+凍豆漿，好似27蚊，好難得仲有廿幾蚊嘅茶餐😂望落唔大碗，不過男朋友食完都話好飽👍🏼所以感覺好抵！我就要左「酸辣春卷魚片米線」+凍豆漿，比「招牌河」大碗啲，入面仲多左啲配菜：芽菜、韮菜、腐皮。不過就要36蚊，但係我覺得都唔算貴，因為食完之後真係好飽😂

😂身為一個住新界嘅女仔我真係一次南記都未食過🙈朋友以為我講笑😂😂.今日終於有幸試到第一次喇🤤呢日因為要喺香港會議展覽中心番工嘅關係午餐果一個鐘可以喺附近覓食💓友人就話可以去食南記😍我即刻話好！終於可以黎朝聖✨✨.呢日叫左個辣豬肉麻辣湯米線 🍜再加埋魚片✨（盛惠$48）呢度係類似快餐店形式先落單俾錢～💰再等號碼飛出去拎～.撞正午市最旺嘅時間，勁多人我地好醒一入到黎坐低霸左位先輪流慢慢睇等左10分鐘，終於到我喇🤤一拎到番位，即刻試下個湯同米線☺️個麻辣湯真係好出色👍🏻唔會太鹹，調味剛好，食完一啖想繼續食🤤魚片同個麻辣湯係完美配搭💓索夠啲湯嘅魚片好惹味💯平時嘅魚片會有少少腥味，但呢個麻辣剛好遮蓋左呢陣味👍🏻

下午茶食完南記 雙拼湯河粉 加咗五分要燒仙草奶茶 竹笙變招牌魚卷 河粉 湯底清淡 沒什麼味道 但勝在醬料夠多可以自己加 燒仙草奶茶 茶香淡淡配上燒仙草非常配搭 而且價錢非常便宜 32蚊 抵食 但沒有什麼服務態度可言 而且人流非常多可能服務生太忙吧

晚上10點係灣仔好多食點都關門了，幸好進過南記仲未收，就簡單感食個晚餐。我叫做一個豬肉春卷米綫（酸辣），分量都夠多。豬肉切得夠薄，食起上黎唔會太難咬，春卷係餐廳招牌就不用多說！不過我最喜歡的都是他們的湯底，酸辣湯底不會太辣，加上大量的酸菜食得好過癮！如果大家想不到晚上吃什麽，南記都係一個不過的選擇。

最近南記推出了下午茶優惠，雙拼套餐只需$27，凡購買任何下午茶套餐都會送一張$8的生菜coupon🤩十分抵食👍🏻👍🏻👍🏻春卷竹笙河粉（$27）春卷、竹笙、再加生菜🥬，所以是3餸的😍$27套餐只可選擇清湯，不能選擇酸辣湯，愛吃辣的人士需自行加辣南記的春卷一向質素不錯，絕對是必點的雖然只有兩條，但size都很大，入味之餘口感十足不過，竹笙的份量略嫌有點少美中不足的是湯底過於清淡，以致竹笙都沒有味道

平日lunch很多人，通常都是先致電，後自取省卻排隊時間，又唔洗同人逼今日老公有事做，要自己搵食，夜晚6點時經過南記，俾佢陣酸辣味吸引而且店內唔算多人，七成滿左右嗌了春卷酸辣小窩米線(小辣)，盛惠$38大概等了唔夠三分鐘 就已經嗌我的號碼到櫃枱拎麵了。春卷是我在這裡最愛的必嗌食物，春卷有4條，多酸菜、韮菜、芽菜、肉碎，數量也不少湯有少少紅，飲一啖湯就覺得味道很淡，而且一點也不辣加左兩匙辣醬，好似都係同以前食開有少少唔同個湯底啖味了不少，失望呀

南記一向係港島區居民既粉麵之專，南記自創特有醬料，我最喜歡既就係小窩米線，今次就點左豬腩肉小窩米線，簿簿既豬腩肉滷得非常入味，再配上自制酸菜、芽菜，如果再加入南記自制辣醬更加好味。南記粉麵價錢相宜，會再光臨