南記粉麵 (荃灣千色匯I)

营业中

休息中

1.四寶紫菜河套餐配熱豆漿 $57大大碗，我最鍾意食嘅紫菜，配埋啲丸好爽皮皮。不過啲丸如果再大粒啲就仲爽yy。春卷一流，我真係好鍾意食佢哩間號春卷，超好食，食過番唔到轉頭，次次都叫😍。豆漿較淡。。。2.肥牛春捲小鍋套餐（蕃茄湯底）配熱豆漿 $62肥牛熟咗啲啲，不過可以接受。肥牛加春卷哩個配搭好爽皮皮，岩晒鍾意大大啖食嘢嘅我。。。豆漿較淡。。。如果肥牛再生番少少就正斗，不過蕃茄湯底勁好味，忍唔住飲咗大半碗😝

招牌春卷腩肉酸辣米線$54春卷色香味俱全，口感一流係米線嘅必點之選。腩肉薄得來好咬口，甜甜地好香好特別酸辣米線嘅重點係個酸菜，甜甜地配落個酸辣湯好好味好突出個味。酸辣湯底飲微辣唔算麻辣得好誇張，可以接受。魚肉片魚腐魚肚麻辣蕃茄湯底米線·熱情果鴨屎香茶4🌟$57望落去以為唔怕，但係其實辣到hi hi如果真係唔食得辣嘅，真係再三考慮先。魚片好似酸菜魚咁夠滑加蛋口。魚腐索晒啲湯汁好好味嘅，不過小心辣。魚肚腍得嚟彈牙索埋啲湯汁好好食好香。麻辣蕃茄湯底係好食嘅好香，但係呢就真係超級辣。3.5🌟好彩有嗰個熱情果鴨屎香茶，酸酸甜甜勁清新好解辣。4🌟

跟朋友到荃灣行街肚餓了，就搵了間南記醫肚估唔到公眾假期，店舖都仲有吉位我哋大約1:55pm 到餐廳店員提醒可以遲少少落單因為2:00pm 下午茶時段開始餐廳環境乾淨食物質素正常會繼續幫襯

最近我跑到荃灣來,順道光顧了一家我很喜歡的食店「南記」。這家南記門外的廣告牌擺放著滿滿招牌食物,我這次就點了他們的「滋選套餐」。一坐下食物很快就上齊了,大碗上鋪著幾塊Q彈滋潤的「招牌辣豬肉」,邊上配了嫩脆的「招牌辣春卷」,再加上新鮮帶脆帶香的「魚片」和一撮散發濃郁香氣的「冬菇」,簡單大方又飽滿各式口味。最令我興奮的要算一杯熱騰騰的「豆漿」,滋潤而不膩,一飲而盡別提多美妙。雖只是一碗麵,但口味豐富又饕足,而且以不到百元就能飽足解渴,簡直是趕時間的最佳選擇。下次一定再去「南記」。

有日想食河粉，諗起好耐冇食南記所以叫左碗南記河粉食叫左春捲辣豬肉豬扒炸菜河套餐一個餐有好多材料，食完幾滿足炸豬扒好大塊，不過有2條骨春捲比想像中淋身，如果彈牙d就好辣豬肉比較結實，撈埋個湯食冇咁辣炸菜普通冇特別河粉煮得太淋，唔夠爽滑

今日係荃灣收工，都係想食普通既一餐，我同女朋友過嚟荃灣食，一間餐廳都食咗幾次都算係正常的，餐廳就不過不失唔會太大驚喜的牛魔王套餐：7.5/10分，唎個嘅料比較多但質素尚算接受，有牛丸牛腩肥牛等等的，分量都比較多一定可以食飽一個人，而且揀咗番茄湯底質素就麻麻，建議清湯都夠好，牛丸和牛腩都比較入味肥牛就正常的，都算係推薦雙餸米線清湯：8/10分。叫咗春捲同魚片，春捲呢個餸非常大驚喜的，覺得個味道會非常好吃的，而且返來都較多！加上叫左個生菜更加唔怕食唔飽的

讀書個時因為冇錢，所以大部份時間都係食米線，而個時學校附近就有一間南記，40幾蚊就可以解決一個午餐。去到依加大個左，都係一樣咁鍾意食米線，相反南記真係少食左好多，之前覺得佢果個酸辣湯幾出色，依加去荃灣呢間食，真係比之前差左好多，佢個湯幾淡味好似加左好多水落去咁，完全冇左之前飲一啖湯又會想再飲第2啖個衝動，唯一冇變既係春卷都係一樣咁好食，呢個係唯一可以keep到既水準，但除左春卷真係冇其他咩餸係比較出色

一排無食香港仔南記啦，今日經過佢分店，就買咗個外賣套餐返屋企食，我最鍾意食就係南記嘅炸豬肉條同埋魚春卷，今次仍然保持到水準，兩樣餸都好好味😋飲埋個湯就冇得頂😌一定要試吓

平時收工叫開外賣自取拎返屋企食，會揀分湯，拎返去都仲好熱，菜肉餃係同米線放喺同一碗。但最近兩次叫菜肉餃米線分湯，都將菜肉餃放入湯入面，返到屋企所有菜肉餃浸到爛晒反而另外一碗米線配春卷又識放喺米線度又唔見放喺個湯度？春卷起碼放落湯度唔會爛，但係餃子會邊個咁聰明改左到底係個別員工做錯，定係公司守則改左？ 餃子放入湯入邊，仲要叫外賣，好難唔會爛晒 搞到依家完全唔想再叫外賣，幾次係咁做，返到去再食成碗爛餃子，肉同皮都淋晒

經過見好耐冇食就入去食下，乜而家一個普通春卷牛肉米線都成差唔多$50，都幾貴。荃灣呢間裝修幾舒適，坐位寛敞，光線充足，對比有其他分店感覺上舒服好多野食方面，叫咗兩個單點餐（熱奶茶要加$17），所以埋單一個都成$60左右，價錢都mark得幾進取。叫咗個魚肉春卷牛肉酸辣米線，好大碗，配料都非常充足，酸菜夠酸，米線係比較煙韌、硬身，對比其他米線鋪（例如譚仔），如果中意食硬身麵線就會好中意。酸度方面適中，辣就唔太辣，個人建議可以辣啲。最好食係春卷，南記春卷真係好好食，大條夾抵食，肉就普通。整體黎講算好食，但就冇咁抵。

今日 (20-1-2023 Fri)年廿九,同老公請假辦年貨同大掃除前食早餐,諗唔到去邊間,想去富華(https://www.openrice.com/zh/hongkong/r-%E5%AF%8C%E8%8F%AF%E5%86%B0%E5%AE%A4-%E8%8D%83%E7%81%A3-%E6%B8%AF%E5%BC%8F-r761718),但有人等,老公話去南記,啊,好啦.我哋去到各有各買,老公嗰份好似係$35.00,我就揀咗$33.00嘅單拼E餐,貢丸番茄湯通粉,加$3.00要炒蛋同牛油餐包,又再加$3.00要凍奶茶,所以係$40.00.等咗冇耐就有嘢食,三粒貢丸口感同味道都正常;通粉係白色約兩吋長,幾彈牙,但份量唔多;番茄湯濃淡適中,似冇味精,幾舒服.炒蛋就全熟,裡面係冇蛋汁嘅,蛋汁只係淋上去;牛油餐包正常冇問題.最後杯凍奶茶呢,口感係滑但太甜喇.我冇食到老公嗰份,所以呢篇食評只計我嘅.環境:都熱熱地,似唔夠冷氣.3.5分抵食係2.8分上次食評係2022年9月28日刊登嘅呢篇: https://www.openrice.com/zh/hongkong/review/blue-

大前日(25-9-2022 Sun)晏晝,因有嘢想買,就同老公落多次荃灣,而咁啱3點幾下午茶時間有啲肚餓,我哋又喺呢個商場,老公話佢去南記食,佢去坐人低先,我睇啲嘢遲啲入去.我睇完後入去會合佢,佢嘅餐就啱啱出齊,而我就未睇menu,老公話冇紙本menu,就好似快餐店咁,喺門口睇同俾錢,我行返出去睇,由於唔想食麵,所以睇小食,但小食種類好少,最後揀咗$20.00五件嘅炸魚片頭同$19.00嘅芫茜可樂.買完返入去等,冇耐就到齊,我老公就要咗個麻辣麵餐,佢俾咗半條春卷同一個餃子我.我先食我嘅炸魚片頭,佢嘅口感偏軟綿綿,加咗淮鹽ok嘅.味道:4分春卷內裡都係魚肉,一般冇問題;餃子係韭菜餃,味道唔算好濃,又ok嘅.而芫茜可樂呢?一飲就只有芫茜味冇可樂味,亦冇汽,唔掂.到飲完時,我睇到有半杯冰,而我哋習慣回收即棄嘅塑膠製品送去回收中心.咁我倒晒啲冰出嚟啦,一睇,原來唔半杯,係大半杯,好過份啫,究竟我飲可樂定冰?成$19.00㗎.味道:0.5分環境:有啲位熱,有啲位凍,而坐大圓枱就極闊落.價錢:我唔知老公嗰餐幾錢,呢個食評價錢只計我食嘅.1.5分

今次落單見到有套餐惠優，揀左個B餐4個餸：魚肉春卷、腩肉、冬菇、魚片跟餐飲，轉飲凍檸茶$63，諗住應該分量唔會太多，點知都幾多餸😍湯底叫左麻酸辣中辣，食落呢間分店對比其他冇咁辣

南記出左「芫茜湯底」套餐都一段時間...作為芫茜控既我又點會miss呢個set...講下碗米線先...一見到果個湯第一個感覺就係...咁似西湯既豆蓉西蘭花湯既...青BB...聞落都有淡淡既芫茜味...飲落就略淡...配料係豬扒...芫茜豬肉丸同皮蛋...冇得揀...豬扒夠味...芫茜豬肉丸完全冇芫茜味....皮蛋正常...可能食米線冇改米粉D米線唔太掛湯...芫茜可樂係特別既...成杯野墨綠色好似好驚嚇，但芫茜味較淡...總括黎講...呢個set應該唔會再食第2次...因為唔係想像中既味道...去南記都係食返酸辣開心好多...

「芫茜可樂」咁特別！梗係要試吓啦！成杯可樂墨綠色好似好驚嚇咁樣，但其實芫茜味較淡，好容易入口！「芫茜湯底」米線，配料無得揀，已set好晒有豬扒、皮蛋及豬肉丸，唔睇餐牌都唔知係芫茜肉丸呢，完全食唔出。芫茜湯底⋯雖然見佢好青色，但又係較淡味。