南記粉麵 (荃灣千色匯I)

营业中

休息中

今晚工作忙完都成9點,返到去荃灣就去千色匯南記粉麵食晚飯勝在夠快手今日叫左雙拼小窩套餐牛腩春卷米線配生菜牛腩春卷米線-牛腩都算淋,都唔錯既,春卷都正正常常生菜-都算幾好食,清清地加左蠔油都幾夾

之前在旺角和上環都常常會幫襯南記，因為覺得這裡的辣度岩晒我而且這裡的春卷都十分好味，所以知道荃灣開了一間新南記都十分開心，今日終於和同事一齊放午餐時就過去試試先。去到幸好早少少，不然十二點半來的時間就沒有位置坐了。今次食品最簡單的春卷酸辣米線，沒有叫飲品就$37，價錢都差不多，但味道就淡了不少，辣度不再，而且因為偏淡原因，米線都冇咩味道，而且米線偏淋了點。春卷味道依然咁好味，份量足。朋友叫了蕃茄牛肉餐，蕃茄有少少假的味道，牛肉有不同部位而且味道入味不錯，$56還有一杯飲品，價錢都可以，而且新裝潢都幾舒服而且都乾淨，整體都可以。

小編今日系千色匯做完massage 咁就去左南記 勝在夠平!!!!!!叫左碗招牌河 $28咋但有招牌春卷 牛丸 魚片 各x2你話爽唔爽😍😍😍😍小編至愛呢道嘅春卷 唔似出面個種食落晤系脆但實心嘅

之前喺長沙灣附近都食過呢間南記粉麵，印像中好抵食，而且材料十足，熱辣辣！最近喺荃灣 居然畀我發覺呢間南記粉面登陸了 我梗係要第一時間去試下，睇下keep 唔 keep 到水準，結果冇令我失望！他們很高效率，落單冇耐就一碗熱辣辣嘅粉麵出嚟！牛魔王小鍋套餐，小辣湯底真係鮮甜，牛丸夠爽口，而牛腩十分淋，這個套餐仲有包埋飲品一杯 價錢唔算貴，保持到水準！ 我朋友就叫了一碗雙拼小鍋春卷及竹笙， 魚肉春卷配上湯汁十分好味，竹笙份量不算太多，但係亦都係爽口！蠔油菜心份量夠大，而且清洗都算乾淨，顏色翠綠！

星期六要返工，朋友就唔得閒陪食午餐。 一路行一路諗去邊度食好。最終打咗畀朋友，朋友話荃灣有間南記粉麵。 我由荃灣地鐵站行過去千色滙大約要十分鐘。 沿路人來人往。 其實星期六需唔需要有長短週呢？其實大部分的公司而家都係返五天的。 星期六日係放假 ，為何星期六要返工呢？ 如果星期六唔使返工，同埋可以慳到成本而沒有影響生意, 我想老闆是贊成星期六不要返工的。去到南記粉麵門口，其實唔使排隊。 我未諗清楚就叫咗個牛丸牛腩小鍋米線及一杯可樂。 買完之後先發覺可能叫套餐仲抵，有牛腩牛丸同埋肥牛。 都只係56蚊。牛丸都幾滑牛腩都幾淋， 因為我胃口唔係太好，所以我叫咗酸辣，食落就有眼水。 好彩佢附近有紙巾可以拎。 食完酸辣米線，可樂就比較解渴。最後提下大家呢度係唔係太多位， 要排隊買票排叫餐给現金， 但太部分情況都要搭枱。 牆上面仲有三句說話"食得好心情好香港好"。 下次如果是一個人我都會揀呢度。

都好少留COMMENT, 但呢間都值得一試！係外賣APP叫咗外送服務， 食咗一半唔記得影相，個辣豬肉酸 辣米線真係好好食呀  另外配料加咗春卷 同大腸，都好正，湯底都好夠味，下次會再叫 

曾幾何時，問人食邊間米線已經知道佢平時嘅活動範圍。食譚仔嘅係九龍人，食南記嘅係港島人。但隨住業務嘅擴張，而家就無啲支歌仔唱啦！今時今日南記開到來荃灣，咁點都要捧下場。午餐時間來到，都有若干空位，座位的佈格幾闊落舒服，環境好乾淨。南記係取採自助形式購買食物的，要自己先買飛，然後等嗌冧巴，再取食物，同其他米線店的服務形式好唔同。睇下食物先，小窝米線套餐，包一碗米線，我跟咗番茄湯底，入面有2條魚肉春卷，2粒炆冬菇，3塊猪肉同4塊魚片。送一杯飲品，我點咗熱豆醬。平時少食魚片，所以不能評價優劣，只能說不腥不難食。冬茹，豬肉都炆得如入味，調味適中，但又好清爽，不油膩，是佳作。魚肉春卷係皇牌之選，煎炸過，吸了湯汁，半軟半硬，香口美味。番茄湯底可以揾到好多切粒的番茄，没有欺場，够酸够濃，而且吃完之後没有令人口渴的感覺，非常不錯。

中午時份颇難揾位，座位不太舒適，但人流不絕。叫了午市牛魔王套餐，三拼麪內有牛丸牛腩同肥牛，材料豐富。牛丸夠晒大粒，爽口彈牙，牛腩炆得夠晒腍，牛味濃郁。大大塊肥牛，唔覺肥膩，加上蕃茄湯底，份外清新，更能帶 出肉的鮮味，熱辣辣大大碗，食完碗麪已經飽晒，十分抵食。

大約一個月之前已經來過這間南記，當時南記已經下半閘準備關門，但是我們問一問只叫春卷外賣，她亦都讓我們買外賣。沒錯，不知道為何員工大部份都非常親切有禮，這個就是餐廳的文化吧。這間南記的價值，替客人收盤時還會說「謝謝、再見」，簡直令人賓至如歸。上次買一份淨春卷外賣拿走，都要$24只有六條。這天聽到少少好消息，然後找某些店舖又不太找得到，反正出開來荃灣，就吃一吃這兒南記的下午茶。不知以往有沒有，這次來到南記，看到下午茶餐牌，有關上的招牌下午茶，即是單拼或者雙拼然之後有麵的下午茶。除此之外，有一個之前尚未見過的選擇，就是單拼雙拼，然之後配生菜半份。這個選擇就更加好，因為有時不算太肚餓，有想吃春卷的話，這個選擇又可以吃到春卷，又不用吃麵條，然後還有一些蔬菜可以吃到，幾健康又可以過癮。下邊的生菜，煮得剛剛好，不會感到過林，就像剛剛焯好一般，亦都使到營養不會過分流失。春卷亦都沒有浸到太林，如果及時夾起來的話，還會有少許側邊的脆皮，提供豐富口感。當然，除了新鮮的魚味之外，還會再加少許魚露以及辣椒油提升味道，使其昇華到另一層次。沒有浸過麵條的南記湯底，味道好像更加鮮，更加帶有魚的香味。另外，這個下午茶還

曾經係港島區工作，就很愛南記的招牌河。不過自從沒在港島工作，就久違了。終於等到荃灣區有耶，開心。那個辣椒油真係好好味它們的春卷又係不能錯過招牌河本是搭春卷+魚蛋+牛丸的，但因不吃牛，所以換了魚蛋(我愛)不過價錢好似又加了點