南記飯店 (已結業)

打完波好肚餓,要即刻食餐飽先得,九龍城咁多野食,都唔會餓親,但係就係因為太多選擇,所以商量都商量左十五分鐘!最後入左嚟,原因係,經濟實惠!要左半隻咸雞,胡椒豬肚湯,牛河,牙帶魚(凍食),鹵水拚盆,咸雞唔係真係好咸,但係有雞味,胡椒豬肚湯豬肚好多舊,多到食唔哂!牛河沙爹好味,大大碟,又係慌係你會食唔哂咁!牙帶魚(凍食)炸得幾好味,好過次次食大眼雞,有新意!鹵水拚盆都幾入味!最好食係豬腩肉!抵食係佢地一大賣點!

行過門口見冇乜人等位看過食評見普普通通價錢okay就入去試吓都唔係話好爆但佢地就已經好忙叫咗個二人套餐三個人食有咸雞啦(皮薄肉滑又唔霉)胡椒豬肚湯(食到條利都庳曬但好味)炒魚麵(唔煋好有魚肉感)改咗清炒芥蘭(炒得好林)再半價要咗個蠔仔肉碎粥(我比較唔鍾意潮州粥,但佢都好味既)再見到左邊枱叫咗個蕃茄大眼雞湯好吸引同枱既叫咗碟卥水鵝同咕嚕肉又想試右邊枱叫咗條烏頭好似道具有手臂咁長心唸佢地三個人點食走既時候見佢地已經曬所以下次要拉大隊嚟食先食到咁多嘢

昨晚同朋友在此食飯,覺得幾好食,於是公諸同好!川椒雞,比較多油,但係雞柳炒得幾香,玻璃葉炸到脆卜卜,好好味!鹵水拼盆,大腸好正,入哂味,紅腸都好食,豆腐因為又係入味,都係好!沙茶牛肉芥蘭,沙茶醬好味,花生味夠,似正宗潮州式做法,唔錯!牛肉都有d牛味!紫菜肉碎湯,清清地,幾好味!菜脯肉碎煎旦,肉碎較多而菜脯較少,反而應該掉轉先好食!味道正宗,絕對食得過!

來一餐正宗潮州菜吧!叫左咸雞半隻,春菜,鹵水拼盆,川椒雞!大啤三大枝!春菜是無咁油同較為淡之版本,味道一樣好,因為唔好咁油食得無咁辛苦!鹵水拼盆個鹵水汁比較甜,旦鹵得無咁入味,紅腸同大腸好好食!川椒雞反而較普通咸雞半隻雞肉咸咸地,送啤酒啱哂!

今日於毫無心理準備下嚟呢間潮菜老店食晏。好耐之前食過晚飯，水準一般。唔知下午嘅出品又點呢...鹵水屬於白鹵水一類，顏色稍淡，味有少許酸。味道無甚特別；豬腸頗淰，冇乜異味，算係咁；腩肉鹵得不夠入味，有D似食有少許鹹味嘅煲湯豬肉...勝在附上一大碟飯，例湯(西洋菜煲豬骨)又冇乜味精，啱晒我....

尋日(18-11-2007 Sun)同男友人KL,女友人K同L行完山歇完腳後,由即將見面o既新男友人P決定食咩啦,佢提議呢o度,好啊,反正未食過.6點,我o地先到o黎,由於時間尚早,裡面暫時係冇客,我o地坐o左好大張o既五人枱,亞叔好快手畀o左一壺鐵觀音我o地.10分鐘後,P o黎到喇,我o地叫馳名咸雞(好想知係點樣咸法同點解馳名.)而亞叔就推介我o地叫半隻,話例牌得啲咁多,好啦.咁我o地繼續落單,但未寫齊啫,背後o既味部已遞上半隻咸雞喇,真誇張.好繼續要茄瓜肉碎煲,雜菜粉絲煲同胡椒豬肚湯.另要o左白飯白粥各3碗.試隻雞先,開頭點o左薑蔥食,覺得冇咩特別,於是試吓唔點,雞肉唔咸,但隻雞好靚,唔肥,幾乎一啲雞油都冇,且好有雞味,食吓皮,皮就咸,但唔太咸吖,幾好食,我o地好快就清晒.等o左好耐,因P o衣o家係放一個鐘食飯時間,所以我o地催促一吓,亞叔話就快o架喇.再得一陣,胡椒豬肚湯到o黎.唔太雪白o既湯,裡面有好多豬肚,豬腸就唔多,幾真材實料.我一向怕辣,今次飲落,唔算好辣,算o岩我胃口,而豬肚亦唔腥.可以啊.然後,雜菜粉絲煲到o黎,有白菜同生菜,KL話好入味,唔錯.係啊,都幾好,唔會

其實我地成日都幫襯食呢間O野家,因為我地好鍾意食潮州O野,有一味叫做薄殼,其實係一種好細隻O既蜆仔,用來送酒簡直係正,越食越辣,而且無沙,如果你鍾意食辣的話一定要試!仲有要試O既係蠔餅,大大塊,真係好係一塊中式pizza咁!同埋胡椒豬肚湯,好正好正,如果冬天時候飲的話好正家!個身即刻暖好多!而最值得一讚o既係,佢地o的茶真係超正,次次我都飲好多家!而且有甜品送,仲好正家!最好食o既係喳咋!!埋單唔貴,簡直係抵食啦!!而且老闆娘好好人家!

其實都唔係第一次幫襯, 店內沒有太吸引既裝潢, 好似舊式既飯堂一樣....同男友去食必叫水瓜烙, 材料用左水瓜, 蝦, 魷魚, 腰果炸成一餅, 口感極好....紫菜方魚蚝仔肉碎粥, 芹蒜半煎煮沙蚱鯭, 都好有水準...飯後仲有糖水奉上....價錢亦好合理~

上個月有朋友帶過我去南記食飯，不過雖然果次食得較忙，但已經令我呢個對打冷冇乜好感既人都覺得幾好味！而尋晚由於路經九龍城，所以帶埋女友，一行兩人去食！去到時，滿座！老細好有禮貌地叫我地等一陣，好快有位，之後又有位白晒頭的伯伯伙記拎左兩張比我地響門口坐住等，全部人都好親切，感覺好舒服！等左大約十零分鐘就有位，坐低後點菜，叫左鹹雞（例牌），海鮮水瓜烙，凍烏頭，蠔仔粥，仲有甜芋頭兩塊！先黎甜芋頭，女友不喜歡芋頭，所以不喜歡，但我個人覺得ok，不太甜，有芋頭味．之後黎凍烏頭，可能我多數食魚腩（因為我女友只食魚背，唯有獨食魚腩），我覺得有D腥，但女友食魚背就話好味又夠大條，女友至愛！之後一口氣黎左鹹雞同蠔仔粥，鹹雞好味，不太鹹之餘又有好香雞味，我的最愛，不過$68例牌就有點兒太貴！蠔仔粥響味道上同坊間其他的打冷舖差唔多，不過由我奄尖的女友點評後，結論係正！點解呢？原因係佢話坊間的蠔仔粥好多時D蠔都會有沙，而南記既蠔仔粥就一粒沙都冇！！正！最後黎埋個水瓜烙，呢個係我第二次食水瓜烙，我覺得好好食，特別得黎又夠"煙韌"，我地兩個都話好味！最後我地兩個都太飽食唔晒D野，打包左半碟雞同半碟水瓜烙，蠔仔粥同凍

上個禮拜黎呢度晚飯，而家補寫食評～沙爹牛肉炒芥蘭：ｄ沙爹味怪怪地，牛肉亦炒得太老。蝦棗拼蟹棗：鮮味尚可，但稍欠口感，一般。咸雞：最好味的一碟，有雞味亦算嫩滑。蠔餅：表面炸得幾香脆，但係一反轉就竟然係一舊又淋又厚的粉團，非常失敗之作。豆腐炆魚：豆腐唔入味，魚尚可。送的糖水：甜到嘔．．．都唔知點解會咁多人等位．．．

今晚同女友去呢間南記食飯，果然好多人幫襯...坐低後睇睇菜牌，有d菜係紅色字既?原來係食店推介..結果點左:咸雞拼鹵鵝片、煎蠔餅、沙爹牛肉炒芥蘭先講前菜,一碟平平冇奇既菜圃,唔好食又唔難食...跟住黎碟"掠"水雙拼,份量真係二人份量,咸雞算OK,但鵝片就不敢恭圍喇,但價錢就要$75,一d都唔合理...然後黎煎蠔餅,買相吸引,多蠔,口感不錯,值得一試...最後碟沙爹牛肉炒芥蘭,d沙爹汁同牛肉唔錯,不過d芥蘭就有些少苦...整體黎講並唔係其他網友所講咁好食,而且價錢亦唔係咁平,我兩個人食完埋單都要$170,只好講句聞名不如試食,大失所望...!!

一家大小,八個人,叫左個六人餐,加鹵水拼盤、蠔餅、蠔仔粥。簡直碟碟清,好正有咸雞、鹵水拼盤、蠔餅、烏頭魚、蝦蟹棗雙拼。

潮州打冷對我嚟講係一種美食享受,尤其係啤佢兩啤既時候!南記門面簡單,沒有把鵝腸,大腸,墨魚掛在路邊,更沒有豪華秀麗的裝飾,只有一個紅紅招牌,四隻大字!往往..是禾稈冚珍珠格局一個!先嚟春菜,和新城是截然不同的兩種風味,它沒有那麽油膩,卻散發濃厚的芥菜原味,味道清新,商業味無咁重,甚至有點兒可愛呢!再點了鹵水拚盤,有紅腸,大腸,豆腐等等..雖然我喜歡味道較濃的食物,但這道菜味道簡單得來卻剛剛好!鹵水入味卻不咸,就是應該這樣形容了!沙爹牛肉炒芥蘭,純正潮州沙爹風味,好食過方榮記,但又係..味道唔算濃,反而有點純真既感覺!蝦棗和蟹棗,是傳統的潮州食物,味道控制得很好,炸得剛剛好,有些店把它們炸過籠就變了脆蝦片般無喱味道,但這次蝦和蟹味保留了!好深刻的一餐,伙記叔叔們是上了年紀的人,卻十分友善和親切,晚市人來熙往,兩層的餐廳各人上上落落,好不熱鬧!實而不華的一家,大力推篤!

因工作關係將會離開九龍城區，以後未必可以成日返。下午時份正周圍搵食正在猶疑之際，行過呢間一D都唔起眼潮州食肆，入去試都好。叫個咸雞飯，D雞好熟賣相唔係咁討好，但係一食就不得了，黃油雞D皮甘香，D雞肉好有肉味，肯定用新鮮雞。用料咁正，難怪屹立多年，有機會一定番。

21-2-2007創發未開便到南記, 一行十人剛好一檯, 叫了很多送, 只記得以下幾款:鹵鵝拼紅腸蝦蟹雙棗方魚蠔仔粥咸雞椒鹽豆腐不知是否剛過年後, 食物質素就一般, 很多食物都一早沽清, 失望。