南記飯店 (已結業)

與愛人在九龍城南記吃飯，約七時半到達，不用等位，剛巧有張二人枱。前菜是我的摮愛 “菜甫椒醬肉”，比起其它的酸菜更勝一籌。大腸併墨魚(特價$45) ~ 大腸與墨魚不算太多，鹵豆付墊底。 大腸太淋、墨魚很爽口，沒染橙色、鹵豆腐很滑、 鹵水味淡，但又很重花椒八角味。川椒雞(特價$62) ~ 這碟的份量很多，味道很好很正宗，非常夠鑊氣。腐乳炒通菜(特價$32) ~ 這碟份量也很多，我不能吃辣，要走椒絲， 真的沒下椒絲，不錯。還有糖水送，是紅豆沙，很多豆，比很多糖水舖還要有水準。最後 三個餸，連兩飯一粥，前菜及茶錢，盛惠 $169.-，真是實惠。

九龍城的南記好評雖然唔算多, 但係好少人俾喊面既然如此, 更加放心捧場, 午飯時間去食, 兩個人, 好簡單的食一碟沙猛魚, 一碟鹵水拚盆同兩碗粥! 沙猛魚係正宗潮州食法, 用薑, 蔥煮豆醬而成, 魚肉鮮甜, 雖然不是什麼山珍, 但係滋味卻無窮, 真係好好食, 用以送潮州白粥簡直係無得彈, 就好似之前講, 厭食症的人都會開懷大嚼的味道, 妙!鹵水拚盆係比較斯文的味道, 鹵水汁唔係好濃, 唔係好咸, 但係鹵豬腸, 紅腸, 鵝腸卻入味非常, 味道好出眾, 但我最鍾意食係d豬肉, 又係一樣送粥妙品!簡單的食兩味, 但係都覺得很好吃, 難怪咁多人讚, 而且仲係真材實料的讚!

今天又是難得一家人聚在一起吃晚飯的聚會當然又是要事先找定一些好吃的店啦媽咪最鍾意食潮州菜原本佢話去創發...但我就話不如試下其他啦咁佢就叫我搵下啦跟住就俾我搵左呢間南記啦見佢大部份都係好評所以就黎試下啦我地 7 點幾黎到都幾多空位到我地食完8:30出面已經有人在排隊了好彩早d黎食姐只要有哥哥在，每次都一定會叫好多野食的我地 3 個人叫左:川椒雞"川椒雞絕對係我最鍾意食既潮州餸菜我每一次都一定要叫的，我d屋企人都知道，所以次次都會叫俾我食不過佢唔係整得特別好，因為佢D椒菜唔夠香同脆如果再濃味D會好D，但D雞肉就超滑呢鵝片"佢個鵝片唔算太大碟，但都幾貴架不過真係好香，而且唔算多肥膏有豆腐襯底，嘻嘻，好好味，佢算整得好入味架啦蠔烙"這個真的是必叫! 因為真的很好吃!不像其他店舖很多時也是用粉漿溝!! 它整個蛋煎得很薄很香，蠔仔也大隻...點埋魚露一流 =)椒絲腐乳通菜"咁多肉梗要有碟菜啦，佢碟菜雖然好香好好味，D通菜又爽帶少少鹹，要黎送飯真係剛剛好不過真係多油左少少...見到都覺得好肥呀><我地仲叫左枝啤酒添!!!食完佢就送左 3 碗紅豆沙俾我地食媽咪話個紅豆沙整得好，因為好

哩間都係常黎音湯食雞既一間想食雞, 除左自己整或家姊整, 就只會黎哩度食喇 !! 因雞有雞味, 絕非出面其他地方用既冰鮮雞能比 !! 另一半一向無我咁愛雞, 但當佢食過哩度既雞後, 亦深深同我一齊愛上 !! 還有係鹹菜豬肚湯, 出面好多都係少少豬肚, 哩度唔吝嗇咁比好多, 料足, 湯夠味 !!! 我都係半個潮州人, 個湯好唔好, 呃唔到我既 !!

和媽去食, 一早訂了檯, 但去到又非上次咁多人噃....我一心只想食烏頭, 其他的都交俾媽話事~她叫了意想不到的胡椒豬肚湯, 及鵝片!意想不到, 係因為胡椒豬肚湯係比較"燥", 鵝片則對豬豬女友皮膚唔好, 通常我叫媽實鬧, 但今日係媽自己叫但叫了豬豬女友也定會照食的~另再加多個蠔餅, 及一個蠔仔粥.好快有得食, o岩晒, 好餓呀...胡椒豬肚湯好入味, 好辣口吓, 一飲身即好熱, 豬豬女友都要除衫呢!飲到底, d糊椒越飲越多.... 好辣, 但辣都要飲, 因好正呀~鵝片都俾了碟幾多肉的, 點d 醋, 正~豆腐底也好好食.但如果可以滷得再入味點就perfect.烏頭幾大條, 已去了d大骨.冇泥味, 啖啖肉.點d 豉油汁, 擺落口已好感動!!!!蠔餅今次煎得唔油, 但鴨蛋味好少.蠔仔都唔少, 但分佈在外圍, 唔夠平均.蠔仔粥 - 水準保持, 正~4人食了三百幾, 超值!

男朋友的爸爸媽媽都是潮州人, 所以都愛到潮州飯店吃飯, 這天正好大家都得閒, 男友相約了佢父母同我一齊去食潮州菜地點係九龍城的南記, 潮州菜之前唔算經常食, 但係都有食過, 唔會抗拒, 只係覺得味道會偏咸, 通常都係幾個麻甩佬飲啤酒的地方, 但食完呢餐之後, 感覺唔同了這間潮州菜館各樣菜色都唔係好咸, 味道適中, 例如鹵水紅腸, 豬腸, 鹵水蛋的味道都比較溫和, 配合潮州白粥食都味道唔錯, 鹵水的味道有很重的八角味, 鹵水汁屬於比較甜的一類, 味道較可口炆芥菜都係唔會太咸的菜色, 加入了一些肥豬肉去煮, 味道唔差, uncle叫了一碟菜輔蛋食, 蛋就有好多, 不過菜輔就好少, 哈, 啱哂我呢種唔係好識欣賞菜輔的人這趟潮州菜之午餐, 令我對潮州菜的印象徹底改觀了

因為大家都住得近九龍城所以我地放工後就相約於這舊城裡試試潮州菜入到去 很有一種八十年代既懷舊感覺連侍應都係伯伯級黑西褲白恤衫呢我地叫左豉椒炒蟶子, 海鮮炒魚麵, 胡椒豬肚湯同埋方魚肉碎蠔仔粥豉椒炒蟶子正呀, 有獲氣, 兼夾級彈牙爽口, 五十蚊度既價錢真係算幾大碟同多肉啦海鮮炒魚麵第一次食呢一個菜, 我以為真係好似出面個d魚麵咁真係好似一條麵既口感, 但係唔係喎, 魚麵食落口, 我係完全食到魚肉既口感同味道, 一絲絲的, 只有形狀似一條麵, 但口感就是魚肉, 出乎意料之外~ 正呀~方魚肉碎蠔仔粥好好味, 同埋無腥味, d蠔仔好飽滿, 真係食到個人好開心胡椒豬肚湯正呀, 我最愛既潮州菜就係胡椒豬肚湯, 好重胡椒味, 第一啖食落口真係有d辣親既感覺, 但係勁多料, 超愛食粉腸同埋豬肚呀, 睇到出佢既粉腸呀, 豬肚呀都洗得好乾淨, 無得頂!!同場加送一碗綠豆沙真係為我地呢一餐飯劃上左一個完美既句號呀~順帶一提, 伯伯同嬸嬸們真係好有禮貌同態度誠懇呢~

屋企人食晚飯嘅提議係南記, 一間位於九龍城的打冷店, 小數服從多數, 我唯有下次先去食韓國餐了不過食完先知原來都係幾好味, 有芥菜煲, 炒麵線, 沙爹牛肉芥蘭, 鹵水拚盆同咸雞, 我最鍾意係佢個咸雞, 其實係白切雞, 不過唔知點解會有咸味, 呢種咸味有少少似炒豬肉的味道, 但係同鹽焗雞又有分別, 不過好食就得了芥菜煲有炆得入味既東菇, 俾我一手包辦, 沙爹牛肉芥蘭炒得好好味, 沙爹汁有好香花生味, 牛肉係鮮牛肉, 無用鬆肉粉, 啱哂我味道好, 價錢公道, 全場坐滿都有佢既原因

今晚寫咁多間，最滿意係呢間！南記是也！因為佢地既食物係好正宗潮州風味！食既係鹵水拚盆，春菜，川椒雞，咸雞半隻，仲有一碟蒸魚（不過唔知係咩魚）鹵水拚盆鹵得好入味，大腸係必食之選！紅腸係我自己必食之選，因為我好鍾意食紅腸春菜係比較清淡既味道；川椒雞味道都好，ｄ麻葉炸得好腕，雞柳少得好好味！咸雞其實係白切雞用鹽再醃，好食過白切雞架！蒸魚ｄ肉真係好甜白粥都煲得好靚，食潮州野，唔好錯過呢間啊！

原意是要來九龍城吃燒肉,最終怕肚子胃納有限,任食吃不過癮,於是便來這附近覓食.印象記得這店排名很高,在不清楚什麼好吃的情況下試了.差不多九點,人也不少,坐在二樓,感覺很老式,心想食物應該不差.二人餐不太吸引,決定散點.咸雞-例($75) - 索價不低,但味道卻一般.咸雞不凍也不熱,分不清是冷盤還是熱葷,雞肉很嚡,卻不太有雞味.另備有薑蔥,但本身已夠咸,不加亦可.蠔餅($50) - 吃潮洲菜,不得不吃.蚝餅煎得金黃,外表脆卜卜的,蠔的份量很多,比其它店多至少一半.可惜份量太大,二人吃有點吃力,而且放涼了便吃出很多油.方魚肉碎蠔仔粥($3X) - 要了小碗,有約4碗份量.由於有蠔餅關係,再吃蠔仔粥,很膩,蠔仔太多了.椒鹽筍仔魚($50) - 伙記說筍仔魚是季節性的,現在吃正好,既然這樣,我們也一試了.伙記建議用梅子或椒鹽烹煮最好,椒鹽感覺較吸引.筍仔魚細細的,炸過後很香口,而且沒有骨,佐酒一流.椒鹽味不算重,吃多了有點咸,配飯吃會更佳.二人太貪心,點得太多,最終吃不完.食物水準一般,沒有太深刻的,但還是想來試鹵水鵝片

好耐無黎食，早幾年真係個個禮拜黎咁滯，後來成日無位就少左黎。尋晚再黎有位，雖然而家太子爺打骰，但仍然維持以往裝修，無點大執過，檯仍然幾迫。坐落叫左半隻咸雞，一碟椒鹽九肚魚，一碟豉油王鵝腸，一窩蠔仔粥。雞仍然同以前咁上下幾有雞味，肉就鞋左少少，半隻既份量唔少，無坊間個D奀支支得十零件又話半隻咁差，椒鹽九肚魚係我至愛，呢到既九肚魚好大件，唔似出面白飯魚咁細，肉又滑。豉油王鵝腸用芽菜底索晒D豉油好咸，鵝腸亦係急凍貨，下次可以唔叫。成晚個蠔仔粥最差，料少過以前好多之餘，粥又好淡下，D魚乾仲好硬同大塊，煲得唔夠火候，而且份量少左好多。整晚最好食都係九肚魚同雞，不過埋單兩舊幾好抵食，懷舊完可能又要隔好耐先再黎啦。

我是潮洲菜愛好者去到九龍城都唔知食咩好, 見到門口d價錢(假日同平有分別), 平日又唔算太貴就入去試一試啦點了凍蟹一對$280, 本來想要大隻的一對, 可惜資深店員話依d係訂左, 原來大隻係要訂的鵝片, 係賣飛弗, 都唔錯蠔烙, 係用正宗鴨蛋製作竹仔魚, 資深店員極力推介, 配白粥味道不錯, 不過店員的推銷有點浮誇蝦醬通菜, 有點驚喜, 蝦醬味濃整體都算好, 走個時都見有人等位.

再一次帶鄧sir到龍城尋覓潮菜館。這一趟來到衙前塱道的老店南記，小弟午餐晚飯各吃過一次，水準不算很突出也不太差。最值得吃自然是她們自家製的鹹雞，但為了遷就一下不吃雞的鄧sir，是日就只叫了些最back to basic的潮吃....例湯是菜乾肉碎煲雞腳。味很濃，料的份量也很多。鄧sir一看見雞腳已避之則吉，小弟老實不客氣的喝光了他的那碗。兩大碗湯一次過吞進肚，未吃主食已先飽了三分之一和鄧sir一起吃潮菜，一大窩的蠔仔粥及一大餅的蠔烙自然是走不了。這裡的蠔仔尚算飽滿，一口咬下也有少許甜汁流出。當然水準跟上環的陳勤記還有所不及，但在龍城區內的潮館來說，已是夠水準了。不過粥內的方魚碎及莞莤下得不算重手，是遺憾之處；蠔烙的薯粉下得太多，吃進口時黏淥淥的，不是小弟的那杯茶，而且不是用鴨蛋煎的，總覺欠了一份獨有的香氣...近來少吃辣的東西，連常吃的沙茶芥蘭炒牛肉也要"走"沙茶，滋味自是差天共地了，而且這兒的芥蘭炒得極濕極淰，牛肉也是梳打產物，絕對在水準以下....跟從前留下的印象一樣，水準仍是不過不失。收拾心情，繼續跟鄧sir試勻所有的潮菜館....

九龍城食泰國野試得多，睇食評先知仲有潮州野都好出名，於是特地元宵徍節放工同 bf 黎試南記，一早叫佢早 d 去坐底先，佢七點去到，直入唔洗等。去到睇睇 d 餐，因為我唔飲豬肚湯，所以冇叫餐，散叫幾個餸。鵝片拼咸雞：鵝片好味，個卥水汁唔咸，仲留到鵝肉的鮮味，又唔會好肥，不過雙拼件數少 d。咸雞就無想像中好食，太咸了，而且仲有少少鞋，送飯或許會好少少。蚵仔粥：好多蚵仔，粒粒都脹卜卜，個湯有荽茜，唔會腥，好味好味好味，咁多野食我都食左半碗。蚵仔餅：多蚵仔就不在話下啦，唔會好似其他大排檔咁淨加蛋咁漏，應該係加左 d 薯粉，有 d 煙煙un un 的咬口之餘，有蛋香仲有蚵仔鮮味，超讚﹗九肚魚：條條都好肥美，個炸漿唔厚，得薄薄的一層，咬開之後 d 魚肉超滑，仲有少少汁添﹗就算臨尾食到好飽都忍唔住食多幾條，如果飲啤的話送酒一流﹗碟頭好大，服務好，待應叔叔有問必答。D 野我地兩個人食剩打包都捧住個肚走，好在無叫飯咋，哈哈~~

黑色星期五的friday night，留下在公司拼搏的同事，只有寥寥數人。有同事在節目中談到胡椒，就想喝胡椒豬肚湯；一呼，三應 (咪以為好少，回應率已達75%!)，就一起驅車往九龍城。晚上九時半還未用膳的三人，當然是餓鬼，大叫特叫。少不了的是胡椒豬肚湯；雖然太公不吃豬肚，但也覺得叫湯很好看，豬肉的鮮味十足，豬肚的處理也很好，湯裏完全沒有腥味；最重要的，是放湯的胡椒夠新鮮，香多於辣，完全不嗆鼻不嗆喉，加上份量配搭得宜，喝得舒服，高手之作。蠔餅和蠔仔粥也是必叫的。蠔餅剛上桌時很香 - 將蠔仔混在蛋汁裏，再煎成薄薄的一片，蛋皮很脆也富蛋香，沒有下過多的粉至太厚實，加上葱段的香味和新鮮蠔仔的清鮮，又將師傅功夫表露無遺；暫時吃過是這裏的最好，不可不試。「蠔仔粥」其實最後是送錯了，只是送來方魚肉碎粥；但不要緊，味道再簡單一點，還是很好吃。別少看這簡單的潮州粥，如何將肉碎、芫茜、方魚乾、薑和飯混合得宜，也是學問；南記的肉碎粥用的芫茜較多，薑較少，而且其方魚乾香味十足，材料份量配合非常好，味道清甜，太公很喜歡。不過，上述兩種都必定要趁熱吃完，放涼了，味道就差遠了。另外還要了沙嗲芥蘭牛肉和椒鹽魚腩；椒鹽