南記粉麵 (域多利皇后街)

营业中

休息中

想簡單食個lunch 見到南記買左个雙拼蕃茄米線，招牌春卷和墨丸蕃茄湯有啲蕃茄碎可以食，當係青菜兩條春卷同三粒墨丸，再加少少辣椒油，咁樣仲好味熱檸水加$3有coupon送，下次帶張券嘅話食下午茶可以送個青菜有啲座位冷氣超大，超大風吹住個頭，如果冇外套嘅話真係坐唔到耐

寫咗二百幾篇食評去到Level4,終於要出一篇劣評，我唔係所有舖頭都讚，唔好嘅都係會寫出嚟在皇后街點了一碗小鍋米線係有雙粉春卷的米線，坐正大門身形肥胖的女士店員落了兩碗春卷米線，然後她退了現金給我，跟住我再重新點過一碗，也付了款。之後突然那店員要求我要給回，剛才她退給我的退款，佢話支付寶係要客人喺支付寶 度撳退款要，我把現金歸還俾佢。咁我就話要你哋店舖電腦撳退款制，再有張單退款，我先能夠向支付寶追討，你們處理咗電腦內按番退款，我定把退款現金歸給你，但她一直不肯，還是直不停大聲罵我，佢話係顧客自己責任打去支付寶退款。請問冇憑冇據我如何找支付寶說退款？我已經覺得很不合理 ，因為支付寶沒有可能知我有冇食到那個麵，如果所有顧客食完去按退款，那對店舖也不公平。我話一定要店舖申請個喎，如果唔係支付寶點會知道，就不停大聲喺舖頭對住所有客不停鬧我就，話我唔俾返錢佢，之後我把現金收起 ，我話你處理咗退款按咗退款制，我一定會還給你，但係你要處理咗先，跟住佢不停就話係要客自己要求支付寶退，但係我冇任何真憑實據佢不給我退款單據我如何要求支付寶退呢？佢只不停喺店舖內鬧我，之後佢找咗經理出嚟，我話好的我等你們處理

四圍工作的我，今天正好在中環工作，中環街市那一帶，正好都有好多美食，今日途經一個韓國店，在門外看到 morning Menu 看到想食什麼早餐，即時進內，侍應來招呼～ 我對姐姐說廣東話1位，😆 同時我的手指也舉起1隻手指，另一邊有2個男人用韓國話同姐姐說話，我才意識到是韓國小姐姐，她表情很不好意思的對我用英文說11～🙈 我立時很不喜悅🤪在門口也已想好了早餐，很無可奈何～ 只有離開啦，一出明口右手邊是南記😆正好有我喜歡的五香肉丁😆 這早餐有五香肉丁😄太陽蛋🤭招牌春卷😊午餐肉😃嘩 重可以有優惠券升級飲品🤭 重有聖經 箴言 17:22 喜樂的心就是良藥😊正正正

今日早上在中環工作，途經一個韓國店，在門外已想好食什麼早餐，便進入同侍應講1位～ 小姐姐似乎是韓國人，但仍然明白我口裡所講的1位😆 因為我的手指也很誠實的舉起1隻手指🙈 正常坐下，遠方傳來韓國話，小姐姐不好意思的對我用英文說11點才開門～🙈 心中隨即很不悅🤪門口也已想好食什麼早餐了，但沒辦法啦～ 惟有離開，正好隔離便是南記😆看到門口的早餐有我喜歡的五香肉丁，雙腳便自動入去了😆 很抵食40蚊有五香肉丁 一隻太陽蛋 一條招牌春卷一條和午餐肉😃 真是大滿足呀～

香港仔南記粉麵，我諗佢哋最出名都應該係佢哋嘅春卷，平時多數都係幫場下午茶，今日第一次食佢早餐；選擇方面唔算太多，但係有將佢哋嘅春卷擺落早餐入邊，識做咁就一於試試佢個春卷早餐。今次點呢個係鮮茄套餐，鮮茄春卷米通，配牛油餐包加炒滑蛋。鮮茄湯底，食落真係似用新鮮蕃茄煲，唔係剩落茄膏，冇嗰種腥腥地嘅鐵味，米通爽滑，口感不錯，春卷都係平時嗰啲咁樣，吵吵地又實實地，但都幾好味最緊要最緊要係咩？成碗嘢夠熱！其實炒滑蛋都有好多種，有好多種炒法，不得不提係幫你切埋、擺埋牛油嘅牛油餐包，係餐包，唔係方包；講真喺中環都食過有幾間早餐係有餐包，但係間間啲餐包都怪怪地，唔係硬就一係實，今次個供應商來貨不錯，咬落鬆軟，似返一個麵包。實話實說，喜出望外。

去呢間南記買外賣，超中伏！用南記apps網上落單，純粹買1碗米線，點知等咗1個鐘先有得攞。中途去counter想要求退錢，counter就話要打返公司申請，但係個電話號碼係冇人接聽。冇下次！

等一人外賣等了一個小時，我以後都不會再在這餐廳食。好生意可以買嘢食時同人講聲嘛，加一句有幾難，我得一小時午飯時間，排隊就已經一個小時，真係痴晒線，浪費人生，千祈唔好幫襯。

朋友哋，喺中環行累嗰陣，揾到間南記米線，我就湊熱鬧去試吓佢哋嘅招牌菜。話說，肥牛酸辣米線真係正！湯底夠哂勁，酸酸辣辣，完全挑戰你嗰個味蕾，點個中辣就已經夠晒刺激。肥牛滑溜溜，薄切得啱啱好，喺辣湯嗰下，煙韌過癮！😋仲有呢，魚肉春卷嗰個香呀，外皮微脆，裏面卻保持咗肉感，配埋酸辣湯一齊嚟個口爆浪漫，真係唔錯。若唔係魚蛋，換上魚片，軟腍腍嘅質感亦都唔錯，食落少少清新，平衡咗湯底嘅濃烈。梗係少唔到三寶嘅組合，魚蛋彈牙、牛丸軟綿綿，每嚿配料都係得嚟又唔搶戲，都算係好貼心。嚟到中環，能夠搵到咁嘅地道好味道，仲要唔洗煩選擇，嘆碗米線搞掂，實在太方便喇！而家諗返起，都覺得肚仔再叫我幫襯番次！🍜👍

下午茶時段清閑便去了南記吃魚肉春卷魚片小窩米線，讓我來分享一下我的食評。首先，讓我談談魚肉春卷。這個春卷餡料充滿了魚肉，口感鮮嫩多汁。每一口都能品嚐到魚肉的鮮味，搭配蔬菜和香料的組合十分搭配。接下來是魚片小窩米線。這碗小窩米線的湯頭鮮美，滋味濃郁。米線本身Q彈有嚼勁，融入了湯頭的美味。魚片鮮嫩多汁，入口即化。湯中還加入了豆腐皮、蔬菜和香料，增添了豐富的口感和風味。這碗小窩米線真是一道令人回味無窮的美食享受。

南記對港島人黎講一定唔會陌生，一直都深受香港人嘅熱愛，喺E 10幾年來不斷擴張，中環店就已經開左幾年🥰.平時最愛叫肥牛酸辣米線，酸辣米線係紅色嘅重酸菜湯底，揀開中辣，都算接受得到個辣度🌶️.配料方面，健康嘅話可以選擇經典三寶，包括魚蛋、牛丸等等，但邪惡之選就一定係魚肉春卷同埋肥牛❣️.南記米線喺港島已經成為一個居民熟知嘅品牌，周不時都會突然好想再食一食，以性價比嚟講算係幾高，中環來講搵到$50度嘅一碗米線，係中環平民之選👍🏻💕

本身唔係米線愛好者唔食譚仔但係食過南記嘅春卷米線就愛上咗佢嘅春卷去南記基本上淨係會叫春卷通常都係單拼 有時再加多半份總共6條春卷朋友鐘意嘅程度係仲會放工路過都要買淨春卷返去當加餸😱😱😱.湯底可以選擇麻酸辣 番茄 酸辣 麻辣 清湯 腩汁或者蠔油撈麵南記嘅酸辣湯底湯底本身有酸菜 炸醬 腐皮 芽菜 韭菜等配料小辣對我嚟講啱啱好 好開胃好適合呢啲天氣冇胃口時候食.登記做南記嘅會員可以網上叫定外賣自取唔駛等仲會有電子優惠券生日月份仲會送仙草奶茶扣埋優惠券就更抵食

「南記」近幾年愈來愈出名，分店就越開越多，雖然他們可以選擇的配料比較少，但係他們的招牌春卷和辣豬肉真心係好食，而且下午茶最平$30就有交易，簡直就係打工仔嘅褔音啊之前咁啱經過見到他們最近新推出咗芫茜湯底，但因為本人並不是芫茜愛好者，所以今次就沒有試他們的芫茜湯底，反而試咗下面那個青瓜系列的「炸墨魚丸拼青瓜」唔知點解圖片上係正常的胡麻醬，但係今次外面的是青色，雖然除咗表面嘅芫荽之外，食唔到有芫荽味，但係見到青色嗰時真係心都離一離，但食落其實都幾好食，因為青瓜配上胡麻醬，青瓜味就並不突出，而炸墨魚丸就正常發揮，只不過係比平時墨魚丸實身少少，整體嚟講，作為一道涼拌菜，的確唔錯

星期六都要返工啊🤦🏻‍♂️🤦🏻‍♂️香港做人真係辛苦返工時間又長⏰，錢又唔多💸💸咁冇辦法啦唯有月頭食豪啲，月尾食頹飯但係窮L係中環返工食嘢選擇邊有咁多吖😫想搵個頹飯都$60-70食得多頹飯都厭，有時都想食啲有湯啲野咁岩比我搵到南記，唔諗啦衝啊最後就叫左個清湯雙併河粉（魚肉春卷、魚皮餃）仲有5粒魚片頭 +埋杯廢水成為$53 抵啦平時食頹飯，野飲都未必有杯，食黎食去都係嗰個汁，返工冇時間都好食嗰方便都要對自己好啲😎😎回頭率：50%

因為年尾關係公司好忙要到差唔多兩點幾先放食飯,等咗咁耐先食飯都冇咩胃口所以去南記食個下午茶餐還,我就叫咗個酸辣米線四條春捲加魚片,因為酸酸地嘅關係,食落口有返啲胃口可以成碗食曬！

好開心今日同屋企人去咗中環嘅一間餐廳，轉系食粉面，呢一間餐廳食物超級好食，只要響中環站一行5分鐘，就會到呢一間餐廳，呢一間餐廳真係超級好食，嚟到中環嘅朋友一定嚟試吓呢間粉面餐廳，首先講吓佢嘅食物，佢呢度嘅食物主要係賣河粉米粉米線，只要你想食咩類型嘅粉面，呢度都會有，我覺得呢度最好食嘅就係佢嘅四寶河粉，佢嘅餸好足料，而且我好鍾意食佢嘅春卷，仲有個炸魚皮，個炸魚皮好脆，份量又多，而且佢嘅湯底都好開胃，如果有埋牛肉或者係豬肉，佢啲肉質都好鮮嫩，浸埋個湯配搭一流，而且佢嘅肥牛都係好好食㗎，而且呢一度出名嘅係湯底，佢呢度有四個湯底，分別係麻辣湯，普通清雞湯，佢每一個湯底都好特別㗎，所以唔同嘅客人你鍾意咩口味，呢度會配搭得到，而且價錢廉宜，唔太貴，所以我覺得物超所值啊，去中環一定要食㗎！