南記粉麵 (域多利皇后街)

营业中

休息中

香港仔南记粉面，我谂佢哋最出名都应该系佢哋嘅春卷，平时多数都系帮场下午茶，今日第一次食佢早餐；选择方面唔算太多，但系有将佢哋嘅春卷摆落早餐入边，识做咁就一于试试佢个春卷早餐。今次点呢个系鲜茄套餐，鲜茄春卷米通，配牛油餐包加炒滑蛋。鲜茄汤底，食落真系似用新鲜蕃茄煲，唔系剩落茄膏，冇𠮶种腥腥地嘅铁味，米通爽滑，口感不错，春卷都系平时𠮶啲咁样，吵吵地又实实地，但都几好味最紧要最紧要系咩？成碗嘢够热！其实炒滑蛋都有好多种，有好多种炒法，不得不提系帮你切埋、摆埋牛油嘅牛油餐包，系餐包，唔系方包；讲真喺中环都食过有几间早餐系有餐包，但系间间啲餐包都怪怪地，唔系硬就一系实，今次个供应商来货不错，咬落松软，似返一个面包。实话实说，喜出望外。