南記粉麵 (港灣豪庭廣場)

营业中

休息中

今天是 除夕， 晚上我走了過去港灣豪庭 。經過南記粉麵， 見到有一個宣傳，特選肥牛套餐 ，配合面底及一杯飲品， 只需78元 。天生為食的我 ，受不住 誘惑 ，入去南記叫了一個 ，用麻辣蕃茄做湯底 。火鍋料有很多 ：例如春卷、芝士蟹柳條、魚腐、蘿蔔、南瓜、娃娃菜等等。 味道不錯， 價錢經濟實惠。

南記係由我讀書嘅時候已經開始食今日返工黎開呢邊，見到有南記就好想食☺️懷舊避風塘滋味：「艇仔粉」套餐 $58 🍲南記粉麵推出期間限定「艇仔粉」套餐🤩湯底由大地魚🐠和蝦🦐精心熬製而成食落每一口湯都保留著大地魚的鮮甜味道濃香十足 加上以幼滑米線 別具港式風味的紅腸 脆炸香口的銀魚仔🐟及新鮮生菜為首等傳統配菜🥬再搭配皇牌爽爽豬肉🐷招牌春卷等熱門配料 份量十足 在食材的爽脆口感中感受懷舊避風塘滋味🥰服務我9點鐘先收工去到 我諗佢地就收工但經理竟然話照煮埋😭😭 真係好好人呀因為我勁肚餓 所以15分鐘就食晒😂好彩無阻到佢地收工呀 店舖既經理十分親必又好態度👍🏻👍🏻👍🏻

我從細到大都好鐘意食南記，十幾二十年前要食南記一定要去港島先有，暱幾年南記越開越多，遍布全港九新界方便左好多，可以隨時隨地去邊度食都得，附近肯定會有一間南記。下午茶餐小窩套餐：🍜春捲辣豬肉酸辣米線+豆漿（HKD 51）南記炸春捲，魚味香濃又唔腥，口感Q彈，超級好食，辣豬肉非常入味又嫩滑，酸辣湯底絕對系我最愛，酸甜微辣，味道香濃，加埋Ｄ爽滑米線，非常掂。🍜春捲牛腩麻辣米線+豆漿（HKD 45）我老公最愛南記麻辣湯底，少少麻少少辣，湯底鮮香，配上嫩滑的牛腩，好好味😋

外賣送錯單，打給南記，話車手搞錯，跟住就無左下文，再打過去就無人接聽，最緊要送過來的餐全部是牛，屋企無人可以食，直接打給外賣APP客服，要求退款，服務真是有待改善！差評！

【 小窩套餐夠飽肚 】 唔想係屋企煮，又想食麵，諗左好耐都唔知食咩好，老公提議食南記粉麵。大角咀分店開左咁耐都係第一次試，用餐環境都幾大，好多圓枱，眼見堂食都唔太多人，好多人選擇叫外賣，所以等外賣都等左好耐。我地點了A牛魔王小窩套餐和辣豬肉小窩。外賣的粉麵和湯底是分開裝的，所以麵唔會咁快林晒。A牛魔王小窩套餐，湯底改了麻辣，有細豆漿送，牛肉夠林身，好香牛味，配料有支竹，芽菜。辣豬肉小窩，湯底改了麻辣，這碗麻辣湯底唔知點解差左小小，唔夠辣。兩碗都只需要$87，好平的Dinner，大大碗又食得夠飽。

呢間做街坊生意嘅南記，每次都一定食呢兩款招牌粉麵。一碗係蕃茄牛魔王，另一碗係辣豬腩肉加春卷。蕃茄湯底我覺得好食過隔離米線舖，因為牛味十足。而另一碗招牌酸辣粉麵就係我嘅至愛，辣豬肉真係得呢度先食到，好惹味😋😋😋

下午茶麵餐 送 汽水 $26平嘅 但…… 湯底 勁重咸味 後頸渴粗麵 淋晒 估係預早淥定 麵係白色 重以為係上海麵魚旦 2粒 膠質嘅彈口炸魚條 唔脆 膠質實心 唔熱牛丸 2粒 有牛味 ok 嘅辣椒油唔會再試啦 sorry

無乜味魚蛋春卷魚肉生菜湯,平嘢果然無好嘢!無乜味下午茶,你見我要加很多魚露就知!春卷魚肉OK! 是湯? 是水? 無乜味!!!!唔怪之呢間水靜可非!其它分店爆滿!夠平!平嘢果然無好嘢!

南記 早餐 -- 超飽肚較早前嘆完南記下午茶，今天來嘆嘆早餐。先要讚讚👍👍店內員工，好勤力，執野快，你行入去不會污濁。單併蕃茄湯底河+豬腸粉+飲品=$30單併蕃茄湯底河+飲品=$24最愛的招牌春卷，仍然好好味！蕃茄湯底是有蕃茄的，不會只是蕃茄湯味粉。豬腸粉：夠熱，不會硬邊，職員已撈醬。

南記 下午茶 （只限星期一至五 14:30 開始）招牌河粉，配飲品，才不過是$26元。除了抵成外，又真係夠飽。先說河粉，唔係hea 你，真係唔易斷，份量唔會少。魚旦、牛丸亦唔「粉」，當然咬下去不會是「硬崩崩」。至於最好味的春卷，有2條呀！2條！2條！真係幾時食都咁好味。飲品：下午茶餐已有汽水/豆漿，加$5配仙草奶茶。凍仙草奶茶—好味！仙草奶茶茶味濃，又不太甜，yummy 😚。下次要試下仙草咖啡先。以咁平的價錢，仍然有這樣質素，是很好呢！

南記聽就聽得多 今次都係第一次食一諗起食粉麵 唔係食譚仔就係去沾仔記點解今次會走去食南記 都係個朋友話好食 叫我試下其他啦 甘咪去囉四寶紫菜河 $40招牌春卷，牛丸，魚旦，墨魚丸甘大堆頭嘅紫菜已經吸引到我啲紫菜係幾好食 個招牌春卷雖然樣衰衰 但真係好食👍🏽講起食粉麵 好食嘅辣椒油係唔小得 我鐘意食渣多過油 好香口河粉好滑好幼 sh一聲落到口嚨炸魚片頭 $20/8塊岩岩炸起 加啲椒鹽 冇得輸睇黎下一次南記會係我選擇之一 尤其月尾 平平地又飽肚

大角咀呢頭近排開咗間好出名嘅連鎖式粉麵店 叫南記粉麵 就咁望餐牌都知佢有好多款餸可以配搭👍🏻 之前食過佢嘅辣豬肉米線 都幾好食 豬肉薄薄地 但好入味 唔算好辣嘅 但幾惹味 真心幾唔錯 可惜唔算太平😭 去到月尾 就要食啲再平啲既野今次同大家介紹嘅係招牌河 只係$27咋 啱晒我呢啲糧尾嘅打工仔🤤 招牌河係清湯底嘅 而佢都唔算少餸 都有招牌春卷 牛丸同魚蛋各兩粒 都算係一個幾豐富嘅晏晝 佢嘅魚蛋都幾彈牙 牛丸味道都唔錯特別推介佢嘅辣椒油 有魚仔係入面㗎 好似係自家製嘅 亦都有得一樽樽買 等我下次買返樽返屋企先💓

今天要食一個快午餐，所以便到南記諗住食碗麵。到了店舖，見到有套餐，於是便叫了"招牌滋選", 有招牌辣豬肉，招牌春卷，魚片和冬菇，還可以選麻辣湯底用加錢! 飲品我就叫了可樂。另外加了一碟招牌炸春卷同友人share.小鍋米線通常都要等耐d，因為每碗獨立煮。米線來了，配料都放满碗面! 辣豬肉很瘦，食多也不怕肥，招牌春卷一向是我的最愛，完全沒有異議吧! 魚片和冬菇就普通ok。反而覺得麻辣湯底好似麻麻地，下次會叫返酸辣，因為南記的酸菜是好食的呢！飲埋杯可樂真是剛剛好!

早餐食得太 full, 但 lunch 吾食又吾得, 同同事去南記, 諗住食碗最平嘅招牌河算.點知排隊時睇下餐牌, 發現原來佢有淨菜 ga wor!(後來同事同我講 : 不嬲都有 ga la ... ... ... ... Well, 我呢 D 食肉獸, 平時 D 菜關咩我事)問收銀個靚姐 : $19 冬菇娃娃菜會吾會好細份?佢答我 : 都吾少 ga結果...  靚姐真係無呃我 wor 菜好甜, 個湯頭亦出奇地甜同有菜味, 2隻冬菇勁大隻.$19 搞掂左個 lunch, 我真係無諗過;自己會食菜, 我梗加無諗過, 哈哈!!

今日 lunch 冇咩胃口，想食得清清地， 於是揀去南記。呢間午市太多人喇，最後買咗外賣返公司慢慢食。佢哋嘅招牌湯河(我轉咗米粉) 真係永遠唔會令人失望，全場最抵食 --- 有魚蛋、牛丸，仲有必食嘅招牌春捲平時我會加埋佢嘅招牌辣椒油，不過今日想食清啲，佢個湯底本身都好好味喇