影片
开饭介绍
主打多款传统韩国料理，设有韩烧烤肉区：五花肉、猪皮等夹生菜，真正韩式风味。芝士排骨年糕足料，芝士满泻。
继续阅读
以上资料只供参考，请与餐厅确认详情
-
网上订座服务暂停
突然好想好想食韩烧放工就去尖沙咀著名既韩国街食烤肉主打传统韩式烧肉及一些传统韩式锅物话晒我今次都系冲住烧肉而来路口有间写住BBQ 当然系食韩烧啦餐厅晚市有抵食烤肉套餐拼盘有猪同牛拣 二人份量仲可以再选择多一至两款主菜 好满足 落左单之后就上左前菜有芽菜，南瓜肉，翠玉瓜，泡菜当中我最镜意芽菜同泡菜 食落好开胃 值得一提是餐厅抽风不错重点系侍应们 都态度友善仲主动帮我地烧埋等我地全晚可以好舒服甘享受晚餐 //猪肉拼盘B $450//猪肉拼盘有猪肋骨、传统辣酱腌五花肉、梅花肉、薄切五花腩仲有少量金针菇和鸡髀菇片猪肋骨肉质嫩滑五花肉加了辣酱腌 味道更厚实五花腩就是食韩烧重点之中既重点店员仲教我地用生菜加一点泡菜 再一块煎头果然韩式最正统食法才是皇道 拼盘仲有跟大酱汤材料很多 又可以去油腻//泡菜饼 $130//呢个泡菜饼都是相当正宗入口不会觉得太厚粉而且每一口都食到泡菜 非常足料点埋个特制酱汁一起食 更加食唔到口 //HITE啤酒 $50//食烧肉当然要配啤酒先够爽 //韩国梨汁 $20//去首尔我最钟意就是饮梨汁呢度都有 一定要试
继续阅读
今晚又去咗尖沙咀韩国街𠮶间我成日食嘅韩国烧肉店感觉一如既往咁满足星期六晚上的店舖里面装潢有啲韩国街头feel，炭火香扑鼻而来，即刻肚饿服务员超nice, 帮手烧肉烧得好细心，比我哋可以专心食野，唔使烦～今次叫咗三样野：甜辣酱炸鸡, 海鲜韭菜饼, 同护心肉今次个甜辣酱炸鸡真系全场MVP！外脆内嫩，鸡肉超级juicy，甜辣酱汁惹味到爆,每一口都沾满酱，系我食过数一数二好食既韩式炸鸡海鲜韭菜饼就脆脆哋，内里软软，韭菜香配上海鲜嘅鲜味,份量够大，两三个人share啱啱好～护心肉肉质都唔错，油脂多，烤到微微焦香，沾少少麻油盐或者辣酱，入口即溶，满足感爆灯总括嚟讲，食物质素一贯高，价钱都OK，抵食钟意韩式烧肉嘅朋友，呢间店系尖沙咀必去啦
继续阅读
尖沙咀韩国街$388烧烤套餐抵食👍🏻🦥🩷呢间位于尖沙咀韩国街嘅南大门BBQ，深受韩国人欢迎，可见其地道程度！今次我哋叫咗佢哋嘅$388二人烧烤套餐，性价比超高，值得推介！套餐包括咗一份烧烤肉类同两份主食。烧烤肉份量十足，绝对够两人分享。肉质鲜嫩，油花分布均匀，烤完之后非常香口，而且唔会太韧，入口即溶，味道一流！ 可以自己喺炉上慢慢烤，啱晒钟意自己控制火候嘅朋友。韩式风味汤底，暖胃又开胃套餐仲包括咗韩式汤底，汤底味道清甜，暖胃又开胃，非常适合喺冬天享用。汤入面嘅配料都几丰富，饮落去暖笠笠。除咗汤底之外，套餐仲有两款主食选择，我哋拣咗韩式冷面同埋海鲜煎饼。韩式冷面够晒弹牙，夏天食最啱，冰冰凉凉，解暑又开胃。而海鲜煎饼份量都好多，煎得金黄香脆，海鲜材料新鲜，口感丰富，配埋酱汁一齐食，简直系完美嘅配搭！总结：性价比高，值得推荐
继续阅读
最近一颗想去食烧肉嘅心燃起咗🤣想去试吓间冇食过又唔系大型连锁餐厅就去咗金巴利道呢间由韩国人主理嘅正宗韩式BBQ！嗌咗猪肉拼盘五花肉/护心肉/猪颈肉/酱腌薄切五花腩个五花真系好有喺韩国食烧肉嘅感觉𠮶层烧香咗又有啲㶶又出晒油嘅肥猪肉包生菜泡菜一啖食晒真系好满足😌份量都唔小，如果有嗌其他嘢食嘅话呢个拼盘嘅肉可以够四个人share分另外有附一个泡菜汤～我自己就好钟意泡菜同豆腐嘅结合，唔会太酸太辣啱啱好之后拣咗个新菜单嘅章鱼素面🐙望落去个样平平无奇，食落先知有惊喜以前去韩国已经觉得当地人钟意食海鲜呢个面令我谂返起喺韩国食嘅捞冷面呢两只大八爪鱼肉质系易咬易入口个面唔会太软，啲汁亦都够晒味唔会干店员帮我哋剪好，捞好晒成碟面～连烧肉都有人帮我哋烧好咗一大半😆免费附送嘅前菜小食都可以refill呢个服务态度同质素同价钱成正比个前菜多款又好食～有款南瓜比较特别呢个韩式BBQ真系食过返寻味✨
继续阅读
南大门价钱: $240/ $90/ $110/ $190好味程度: 3.7/5服务🍴: 3.7/5环境🗾: 3.7/5性价比🥢: 3.7/5回头率😚: 3.7/5-尖沙咀多韩国野就一定，但呢间系好老字号，起码有10年历史，仲要同一条街有几间舖头，全部都系叫南大门🤣 佢哋的韩国菜系好传统个d，咩都有啲，有烧肉、火锅、煎饼等等。叫烧肉d店员仲会超快手帮你烧埋，记得快d食，如果唔系好快冻啦！-✅酱腌板腱肉。两个女仔分来食，份量都几够！用韩式腌肉酱腌过，味道甜甜带过香😌板腱偏瘦，主要食肉的质感。某啲会有啲干🙈包生菜泡菜蒜头菇食，就又juicy又爽脆。-✅水冷面。水冷面系每次烤肉都要点的一个菜。清爽解腻，酸maymay。面条挂汁有弹性🤤呢间水冷面有齐青瓜同雪梨，两者都有片状同埋条状。另外仲有块好似牛腱的肉，丰富d 。-✅韩式牛肋骨汤。呢个比雪浓汤浓味🥳饮到啖啖牛骨汤味，加上大量京葱，清爽d。入面连埋条牛骨黐住啲牛肋骨肉，有嚼口而牛味几浓。当然最钟意仲有底下垫大量嘅韩国粉丝😋-✅半半炸鸡。分别系原味同埋甜辣味。呢到嘅炸皮都算脆，特别觉得原味个皮系好似KFC炸鸡咁😂入面鸡翼都唔算干。甜辣就略嫌啲酱太多，会有啲腻。但呢份炸鸡系包埋三粒炸饺子，脆卜卜涨卜卜，喺第二度炸鸡唔会有饺子😆
继续阅读
您可能会有兴趣的...