博多拉麵別天神 (已結業)

今日一條友喺尖沙咀嗰度躝街，行到夜晚食飯時間見少少肚餓就想食啲日本嘢，咁岩見到別天神唔算多人排隊就入咗去食。咁我就嗌咗個別天神套餐，豬骨湯麵配左四隻餃子同加埋罐可樂，成個餐大概110蚊左右。豬骨湯麵個湯底好濃，豬骨味好香，飲完一啖一啖，真係一滴都唔想嘥。拉麵彈牙，唔會話煮得太耐軟曬。流心蛋都好好食，叉燒就硬少少，但係一啲都唔肥膩，整體嚟講都算ok。餃子香脆熱辣辣，裏面仲有啲肉汁，唔會話好乾，都可以嘅。抵唔抵食就見仁見智啦。不過如果你鍾意食拉麵，呢度嘅味道應該唔會令你失望。

首先服務真係唔得由我行入去吃到我吃完走人印象中都沒同我講過野可能我吃個陣的時間唔係繁忙時間掛行入去個陣唔清楚點樣去點餐周圍望時又唔出聲介紹下到點完餐交咗飛之後又沒問麵的硬度後來先發現原來可以自己選的…我係撿咗個有蝦味的拉麵但個蝦有滴少少膻味同個拉麵就唔係好夾麵就中規中舉都還可以如果可以選咗硬少少應該更加好味個叉燒就真係幾好味道的但係八十兩蚊只得二塊好似少得滯吧至於個湯底就咸過頭沒咗豬骨湯的濃郁味道所以個湯飲咗少少就沒再飲了

6點鐘經過尖沙咀呢條人小小嘅街 難得舖頭冇人排隊 即刻鼠左入去試吓佢哋出名嘅豚骨同埋櫻花蝦拉麵舖頭嗰日冇人 兩個人包場咁落單之後好快就嚟到 叉燒濃濃嘅醬油味 糖心蛋香先講講豚骨嘅湯底 豚骨湯balance 得幾好 唔會特別搶味 櫻花蝦湯嘅味都幾濃 幼麵麵質彈牙 下次經過會再試

相信大部份人都會認識嘅🍜拉麵店拉麵🍜 + 餃子🥟 （4隻）$115今次選擇嘅係 🦐蝦味增套餐門口以自助購買形式之前聽朋友講覺得佢嘅麵一般🤔但我食過後又其實冇想像中咁平凡🐽豬骨味湯底濃配合味噌非常配合而且一啲都唔油膩，蝦味喺湯裏面亦都非常突出🍖日式叉燒肥瘦同厚薄適中，糖心蛋🥚嘅流心感覺做得啱啱好🍜亦有大量蔥花同粟米粒，令口感層次提升，麵上再配有大量櫻花蝦，令味道層次亦大為提升🍜博多拉麵粗幼適中，又夠煙韌彈牙，每一啖麵都能夠吸入湯嘅味道😋😋😋🥟餃子外皮鬆脆，亦唔會有一泡油入邊，配合酸汁最後我連湯底都飲晒😂😋😋呢間係我覺得可以再去食嘅拉麵之一個人評價： 總結 4.5/5 星

同朋友仔行完街，由於今晚係食拉麵嘅心情，所以就支持下呢間黃店拉麵啦🥳🔶小龍蝦蟹籽沙律（跟套餐）蟹籽脆卜卜，仲有小龍蝦肉，淨食都好惹味，配埋紫菜食好有口感，呢個好味呀(˶‾᷄ ⁻̫ ‾᷅˵)🔶蝦味噌豚骨拉麵（套餐$115）蝦味噌湯底好香濃，充滿啖啖蝦鮮味，拉麵係比較幼身個種，麵底都幾大，一個女仔食係會好飽架😛溏心蛋醃得好入味，叉燒有4大片，調味都好惹味，唯獨是係柴左少少🤏🔶豚骨拉麵🍜（套餐$105）豚骨湯底好香濃，好似仲有啲奶味，幾好飲🤣木耳絲好爽口，下次有機會食會再額外加多份！叉燒同拉麵都係一樣，總體嚟講都幾好味嘅😚

九州風味拉麵專門店 用幼麵 清爽豚骨濃湯做湯底套餐可以㨂餃子或者小龍蝦蟹子沙律真係會食到一粒粒嘅小龍蝦,食法係夾埋紫菜一齊食,幾特別! 個湯底真係好濃香! 飲一啖湯，再食拉麵 濃郁得黎唔會油膩湯已經走曬油! 蒜蓉同辣芽菜 想食重口味可以加少少,個湯底會變得好豐富味道!辣豚骨湯一樣咁惹味!溏心蛋個蛋黃整得岩岩好半熟 流黃架!非常濃香!又入味!葱粒同黑木耳都新鮮爽脆 豚肉就偏瘦,但煮得好軟淋!Shop A1, G/F Astoria Building, 24-38 Ashley Road, Tsim Sha Tsui消費$220

一個人輕食午餐 搵到尖沙咀呢間評價都幾多既拉麵小店蝦味噌豚肉濃湯拉面 配煎餃子 豬骨味底好濃但唔油膩 味噌陣味好相夾,入口帶點膠質叉燒係用腩肉製成 肥瘦均勻 糖心蛋有非常入味又蛋味濃厚麵條幼身係博多麵既特別,特別吸湯汁 每啖麵條都能食到濃濃蝦湯鮮甜味道櫻花蝦令到味道再豐富更加有層次香味再突出了不少湯底無味精,飲完唔口乾仲可以飲清湯底 另外仲有建議食法可以加蒜加辣日式餃子4隻,外皮薄底煎得好脆口,咬開清爽菜餡不膩平均消費$150評分8/10尖沙咀阿士厘道24號天星大廈地下A1地舖

今次第一次是尖東漢口道呢一間拉麵店，鋪面衛生，有足夠嘅隔板，喺進食之前我都在用酒精抹多一次枱，枱面明顯係本身已經乾淨的。今次時間唔多，我只係嗌咗一個豚肉拉麵，上菜速度非常快，豚肉拉麵賣相非常吸引。有三塊肥瘦適中薄切微燶豚肉叉燒。仲有半隻糖心蛋，另外亦都有蔥筍椰菜絲呢一啲必要嘅配菜。（當然如果唔喜歡食嘅人可以揀走筍走青）面底我揀咗正常硬度，量非常多，白色直面條條分明，唔會因為浸左喺湯入邊，化開晒搞到無法與湯汁一起進食。所以配湯食非常好味。店主仲送咗兩粒日式餃子俾我做配菜，感謝店主用心招呼客人，烹調簡單但出色的美食。正

一直以來都幫襯呢間，好少去其他分店，因為覺得呢間最好食！先用電子點餐，然後坐低等食，如果要硬麵，腍麵，走蔥或者餃子走汁等等，記得出聲！靚仔會幫你搞掂🤠簡單最好食，加多一碟餃子🥟配冰凍煎茶，一流。第一次食的朋友可以叫套餐試下，唔洗煩，咩都試到。我自己最中意加辣芽菜，加蒜😳 如果有筍就仲好🤤大家去到可以試下自己配搭出個人口味👍🏻旁邊仲有紅薑，七味粉，胡椒粉等等湯底唔會太咸，叉燒又大舊，食晒一碗好滿足！🥰 男仔都應該夠飽。

蝦味噌豚骨拉麵 $85最中意食有蝦味湯底既拉麵，我中意佢夠濃味！拉麵又可以按自己口味選擇軟硬度。呢款拉麵每啖都配上櫻花蝦乾連湯一齊食，真係別有一番風味！因為有蝦味既湯底不嬲偏咸，但呢到既蝦味噌豚骨湯底唔係一味得個咸字，係真係飲到蝦既鮮香味，就岩哂重口味既我。豚骨湯麵 $75而友人就叫左豚骨拉麵，呢個湯底就清啲！不過唔緊要，枱旁邊都有辣芽菜同七味粉供應。有2塊叉燒，呢款拉麵就覺得不過不失，如果以呢個價錢黎講，性價比真係唔算高🤣

成日話係其間限定既蝦味湯底，蝦得淋漓盡致，配埋面頭上既櫻花蝦， 飲完一口又一口，完全搶過拉麵同D 餸既風頭，預設既麵質偏硬，若果想再硬D 或是軟D係可以request食食下拉麵覺得有D 悶，一定要試佢枱面放喺到既前菜，其中一個係有小小辣既芽菜，好開胃，就咁食會好食過放喺湯，不過可能唔係撈得好勻旬，所以有時會食到好辣，覺得太辣既話，依到仲有冰茶中和反小龍蝦蟹子沙律，食落去同龍蝦湯底好似，不過就帶D 腥依到既子姜唔甜又唔辣

🇭🇰💛博多拉麵別天神🍜別天神有多間分店 總有間係左近所以有時諗唔到食咩黃店💛都會去食佢地舖頭唔算好多位 不過都唔會太逼落單同日本拉麵店一樣 都係自己禁機買飛食過幾次 咁多間分店出黎品質都差唔多👌🏻👌🏻-🍜豚骨湯麵(💰$75)湯底好濃郁Creamy 份量適中麵條軟硬度OK溏心蛋好吃 有埋基本的木耳同竹筍 而叉燒係比較厚身大塊-🍜蝦味噌豚骨湯麵 (💰$85)上台超多櫻花蝦🦐🦐好香 配料有蔥花同栗米🌽整體黎講好香口 岩重口味既朋友仔👩🏻家姐就比較鐘意原本既豚骨湯麵蝦味噌🦐令成個湯既味更濃 食落有點覺得愈黎愈鹹第一次試既朋友建議食豚骨湯麵 可以試真D佢既豬骨湯😆

小店以自助型式點餐，選購後便可以安座靜候店員送餐。蝦味噌豚骨拉麵 ($85)• 配料份量豐富：蝦乾、日式叉燒、紫菜、粟米、蔥花。• 豚骨湯底一貫香濃，而不會感覺到很油膩，同時帶有一絲微微的蝦乾咸香。• 拉麵軟硬度適中，但如果能夠自行選擇麵的軟硬度會更加好。配上不同配料，口感和味道更豐富。• 日式叉燒則不過不失，質感偏向紥實，味道尚算均勻入味，亦稍為單薄了一點。• 整體份量適中，如果想更加飽肚的話，建議加添小食。

店內的祈願牌可以畀你寫乜都得，見到禁語 餐牌簡單易明嘅點了蝦味噌套餐，包拉麵，小龍蝦沙律，（見到一隻隻蝦仔），4隻煎餃。都很豐富。下午茶時間沒有長龍，不算太多客人，店內一人包辦是應付有餘的。蝦味噌有我不喜歡聞到的蝦味，但食是很香濃好味的。麵條可自選軟硬度，一定滿意。可以加不同配料制成自家湯底，啱玩配料的我。個糖心蛋超美味，半熟又軟滑。配料有辣芽菜，特別的配料，不過都幾辣。fb區區區食玩遊 尖沙咀博多別天神拉麵

免收+1，提供探熱、紙巾、冰茶和酒精搓手液，環境舒適黃店💛拉麵🍜#蝦味噌拉麵 #🍜 #別天神拉麵 #蝦味噌套餐 $115配 #小龍蝦蟹子沙律 🥗有蟹子 和跟蟹柳差不多味道的小龍蝦混合沙拉醬～紫菜包著幾好食😋蝦🦐味增湯濃郁得來不會太咸，比白豚骨湯惹味～可以選擇麵質的軟硬度。有兩片叉燒、一粒溏心蛋和一片紫菜。旁邊有七味粉、白芝麻等汽水+$10服務質素：7/10環境舒適度：7/10ᶘ ᵒᴥᵒᶅ個人口味評分：7/10