博多拉麵別天神 (已結業)

位於尖沙咀較為少行人嘅街巷入面，環境寧靜，以開門食肆黎講，唔會好大人聲車聲同飛塵。店入面似係日本食拉麵，係用自動販賣機，揀左蝦味噌豚骨拉麵配四隻餃子，盛惠115蚊。湯底唔錯麵質都彈牙嘅，但餃子好普通，如果115蚊，有其他好選擇。不過有一樣野唔係太好，呢次坐左吧枱最入面個位，食食下發現個位係店員們專用黎回收食客食完餐具，有食客依然都係照回收污糟餐具同杯碗，放係我面前，有啲無奈，感覺唔太衛生，而且其他吧枱位置係冇其他客人，當時得我坐係度，唔明點解唔用其他位置做呢個動作，希望可以改善下。

老老豆豆別天神依間拉麵店我已經試過幾次但咁有良心嘅小店又點可以唔encore呢!!!今次我就去咗尖沙咀阿士厘道分店😝依度除咗有bar堂 仲有卡位 坐得好舒服-✨別天神套餐 $105✨蝦味噌套餐 $115兩個套餐分別配咗餃子同小龍蝦蟹子沙律🥟佢嘅小龍蝦蟹子沙律永遠唔會令我失望🥗食到一粒粒龍蝦肉 勁好味🦞拉麵方面 兩款麵嘅湯底各有千秋鍾意清甜嘅可以揀豬骨湯 鍾意濃味嘅可以試下蝦味噌🦐對比起其他拉麵店 佢嘅配菜特別多有粟米 黑木耳等等 爽口又好味☺️-最令人感動嘅係 佢有派口罩同消毒紙巾比客人同香港人一齊共渡艱難時刻嘅小店真係要encore再encore🥰

先來個小龍蝦沙律，入口有驚喜，小龍蝦沙律充滿龍蝦香味，伴上紫菜卷在一起吃，更加滋味，不得不encore多一次餃子賣相吸引，煎得香脆的餃子，外皮頗薄，咬落肉汁juice , 點上帶微酸的餃子汁，減去油膩感豚肉湯麵，喝一口湯，豬骨湯味甚濃，一定是採用大量的材料，才能煲出這樣濃郁的湯底， 豚肉偏瘦，食落健康，肉質有口感，溏心蛋又香又滑，採用的是日本蛋，一點蛋腥也沒有蝦味噌豚骨湯麵，先喝一口湯，豬骨湯中夾雜濃郁的蝦味，一隻隻小小的櫻花蝦，令湯更充滿香濃的蝦味，麵質彈牙可口加上滑溜的糖心蛋和香口的豚肉，全部配搭非常夾最後店員送上兩個口罩給我們，為香港市民也加油，係呢個艱難時期，我哋亦都為用心的食肆打打氣加加油，多多幫襯！

食遍成個尖沙咀，最鍾意都係別天神。呢間偏佈港九都有嘅拉麵店，今日嚟阿士厘道分店，質料依然保持到咁好👍🏻豚骨拉麵湯底超濃郁，香濃嘅情程呈奶白色，睇相就見到有幾正。麵質嘅口感啱啱好，唔會太淋，溫泉蛋好流心軟滑，蛋王流入口中，一試難忘。配有叉燒肉唔乾又唔鞋，肥瘦適中👍🏻龍蝦蟹籽沙律，連幾片紫菜夾住一齊食，yummy😋餐牌上有指引，教你點樣可以食到最配合自己口味，鍾意辣又可以配辣芽菜。仲有蒜蓉等其他配料。講都想搵日再食過。

二月的香港晚市很冷清，就算係響尖沙咀，其實仍然開業的餐廳食市已經選擇不多，從前熱熱鬧鬧的亞士厘道，已經變得冷清。可幸的是喑淡的街頭仍揾到呢一間拉麵店，老實講，加埋我，全店當時只有2檯客，以前真係好小見，不過當然店員絕對沒有欺場，有水準。我order左一個蝦味噌套餐，包括一碗蝦味噌豚骨湯拉麵，與及可選擇一款小食，餃子4隻或者係小龍蝦蟹子沙律....我揀左沙律，呢個絕對有水準，紫菜很脆口，作為前菜很開胃，至於湯麵蝦味很濃，我極力推介，一定要試

可能好多人都不知道，在尖沙咀海防道中間穿過一條小巷，就能到達亞士厘道，入面餐廳林立絕對是覓食的好選擇.今天涼涼地於是就選了這家拉麵，想好好溫暖地飲一碗湯.很有日本拉麵的氣氛，有一個長吧枱就見證着師父在煮拉麵。.我們點了兩個拉麵套餐，這間店竟然送上一包兩隻口罩，為我們抗疾打打氣，絕對是良心小店！.拉麵就只有兩款做得十分專注，包括豚骨及蝦味。單買拉麵是$75/$85，轉套餐加$30。.轉成套餐會有多一個溫泉蛋，用的是日本雞蛋呢。另外可選小龍蝦蟹子沙律或者煎餃子。.食拉麵最重要的是湯底，豚骨湯麵的湯底是奶白色！香濃幼滑，應該用了很多豬骨熬製了很久，用的是幼麵，掛湯力更強！.而蝦味拉麵味道就有點似龍蝦湯，呈橙紅色的很吸引。.另外還有其他配料包括辣豆芽，任加唔嬲。.多謝小店的兩個口罩，在這個時間真的覺得十分窩心。你們也要加油努力！

朋友說喜歡吃拉麵, 就找找有什麼拉麵好吃, 在尖沙咀逛完街, 在就近的亞士厘道這間拉麵店晚餐, 最近發現晚上街道真的靜了很多, 但食店客人還是有不少, 始終食是必須吧。我們先在門口食券機買票, 交予店員後便製作, 很快就送上來了。我們選了兩個套餐, 一起分享吃。平日在外晚餐很多, 但還是頭一次收到送口罩及消毒濕紙巾, 感覺十分窩心。小龍蝦蟹子沙律很像壽司店的其中一個壽司款式, 似曾相識的味道, 少少芥末味襯龍蝦, 可以用紫菜包著吃。餃子餃子煎得比較焦香, 餃子皮薄薄的, 包著蔬菜和肉的混合餡料, 配上醋汁吃, 吃拉麵必然的配搭。豚骨湯麵先試一下豚骨湯, 味道濃郁鮮味得來, 不會太稠及太鹹, 正合我心意的湯底, 它有不少木耳絲、蔥, 及有兩半流心蛋, 叉燒肥瘦適中肉也嫩, 麵條較軟身是直身的麵, 總括質素中上。蝦味噌豚骨湯麵比起單單的豚骨湯, 這碗更有層次, 在豚骨湯底之上, 添上味噌及蝦香, 配有大量櫻花蝦, 豐富的味道令吃這碗麵更有趣。一般的味噌拉麵令我覺得口味太重, 但這碗卻是剛剛好, 這裡的拉麵湯底可以喝光呢。

位於尖沙咀阿士厘道嘅拉麵小店,之前係poly附近嘅尖東橋下都有間,呢度嘅拉麵味道真係好懷念😋鋪頭空間不算太大,但座位尚算寬倘舒適,鋪面裡裡外外都裝修得好有日本地道嘅拉麵店feel🍃蝦味噌套餐(配餃子)($115) 價錢百年不變,味道亦與往日一樣,拉麵細滑分明,麵條軟硬度恰到好處味噌湯底與以往一樣甘濃郁,配埋啖啖嘅櫻花蝦乾味,味道相當豐富🤤而總有一點不變嘅係,都係甘吝嗇,得一塊叉燒😂可能好食嘅野永遠都厭太少😂餃子不過不失,味道整體OK😋略有焦焦地嘅感覺,幾香口別天神豬骨湯套餐配龍蝦沙律($105)友人叫左呢個餐,湯底都係好濃郁,應該用豬骨熬製左好長時間🤤黑木耳絲,再配餐廳裡仍夾嘅辣芽菜,再夾一啖麵,據友人說,呢個食法係最好食嘅😋最後,佢連湯底都飲埋,一啖不剩不得不提呢度嘅龍蝦沙律,極高質,食落似薯仔沙律嘅feel,但口感更豐富,因為裡面有龍蝦粒,配埋裡面嘅沙律醬,相當滋味🤤

在紅磡黃埔超市內，曾經吃過一次，印象深刻，今天便來尖沙咀亞士厘道的分店再試。別天神拉麵套餐$105，包括四個餃子及小龍蝦蟹子沙律。別天神拉麵，湯底豬骨味道濃郁，拉麵爽口彈牙，叉燒經過後烤焗，味道更加鮮甜。蝦味噌套餐$115，包括四個餃子及小龍蝦蟹子沙律。 蝦味噌拉麵，櫻花蝦的香氣，混合了豬骨湯底的味道，香氣四溢，增加了拉鏈的味道層次。店內提供的調味料，有蒜蓉、辣芽菜、拉麵胡椒、芝麻、七味粉和紅羗。其中以辣芽菜，辣度濃郁，非常配合拉麵，不知不覺之間，吃了樽內的一半辣芽菜。餃子🥟肉汁豐富，外脆內軟，點些餃子醬汁，味道更好。小龍蝦蟹籽沙律，酸酸甜甜的沙律醬，加上爽口的小龍蝦和蟹籽，令人胃口大開。

同朋友講開近排鐘意食的拉麵店，她叫我搵日帶佢去試下，唸起博多拉麵別天神呢間拉麵店尖沙咀都有分店，就約朋友去尖沙咀食。首先照舊點了這里的招牌拉麵，就係別天神拉麵，用豚肉做的湯底，超濃厚的豚肉湯味，豚肉更是厚嫩滑身，咬落去十分彈牙，而日本半熟蛋更是做得精緻，口感一流。另一碗係蝦味噌豚骨湯麵，係好多櫻花蝦係面頭的，一樣係豚骨湯底，呢個更有蝦米味道，食落去口感同味道更有另一番風味。我們照樣點了兩個小食，一款係小龍蝦蟹子沙拉，係配紫菜吃的，蝦肉夠多夠厚身，溝埋蟹子，脆脆的口感，包住紫菜最正配搭。另一個就係餃子，餃子也是皮薄餡靚，煎得剛剛好，朋友都話我無介紹錯，好味的拉面店係特別d,難怪甘多間分店。

而家肺炎疫情嚴重人人都人心惶惶少左好多人出去消費餐廳就更加嚴重當然要來支持一下良心和好味的餐廳拉麵就係一個好選擇因為多數拉麵店都不是對住其他客人而座是並排而座的今日去左尖沙咀睇下有無口罩賣就去附近的別天神店員有禮貌(好似別天神的員工都係好有禮貌的)都係叫左2個SET湯底都係一樣水準 好好味令人想一飲再飲拉麵非常彈牙而平日喜歡吃口感比較軟的我 也愛上了爽口的質感希望大家多D支持有心做的小店!!香港加油

某日同朋友路過呢條好多餐廳既街，之後朋友話想食拉麵，甘就黎左呢間別天神度試下啦～門口位有部自助購買機先落單俾錢再取餐，之後佢叫左個別天神套餐配豬骨拉麵，加左小食餃子，好香濃既豬骨湯底，而我就叫左碗蝦味噌拉麵，湯底好濃郁好香蝦湯味而且所有湯底都不含味精，真材實料。拉麵麵條較幼身，仲有木耳，粟米既配料，小龍蝦沙律好特別既小食，紫菜包埋小龍蝦肉食口感都幾得意嫁。下次再黎食都會試下朋友既豬骨拉麵哈哈。酸辣芽菜配菜可以自己加，喜歡辣既朋友不妨加d試下。

一個人去食什麼好，當然係食拉麵啦！日本拉麵好像永遠也不會厭，去了尖沙咀的別天神，只有兩款拉麵，原味及蝦味噌。當然試些特別一點的。喝得出湯底用上大量豬骨淆出來，充滿骨膠原的濃稠質感，喝了一口還是想繼續喝下去！加上櫻花蝦，蝦味濃郁，為這個湯錦上添花！拉麵的軟硬程度適中，紫菜也非常新鮮。塊叉燒煮得入曬味，粟米與蔥花的份量也剛剛好。旁邊有不同的調味料，可以讓你為自己的口味再調配。這是一間值得再幫襯的一間拉麵店！

今日拉麵癮起，同同事黎左呢度嘆lunch, 果然非常人氣，遲少少黎要等位🙈🙈🙈🙈豚骨湯麵❤️原味湯底，豚骨濃厚，湯底濃郁但唔會太咸😋😋麵底彈牙掛湯👍煎餃子❤️餃子皮薄餡靚，非常juicy~ 皮底煎得脆身，好味道😋蝦味噌豚骨湯麵❤️呢個湯底有另一風味，櫻花蝦分量多，湯底充滿咸鮮，加入蒜蓉同埋辣芽菜， 惹味非常！小龍蝦蟹子沙律❤️沙律清新，有大量小龍蝦及蟹籽，有咬口，用紫菜包住一齊食，大愛❤️😍

今日家姐突然想食拉麵，於是約我喺佢公司附近間拉麵店，地點喺阿士厘道，叫博多拉麵別天神。其實佢都推介左我好多次，今日終於有機會嚟試吓有幾好食。落單好方便，見到門口有部機，運作好似日本嘅餐廳一樣，先喺門口部機買咗飛，然後遞比入面嘅廚師製作，再搵位坐低就可以等食啦。如果order套餐嘅話分別叫做別天神套餐同蝦味噌套餐，可以配搭餃子或者小龍蝦蟹子沙律。我哋各叫咗吾同套餐:別天神套餐配餃子豚骨湯麵既湯底十分濃郁，拉麵比較幼身，口感軟硬剛好，十分彈牙。叉燒一啲都唔肥膩，配菜有糖心蛋，木耳，粟米同埋蔥。餃子外皮煎到香脆，食得出皮薄餡靚。蝦味套餐配小龍蝦蟹子沙律蝦味噌豚肉湯麵同豚骨湯麵一樣，分別在於蝦味加咗櫻花蝦，鮮味立刻提升，不過咸味都提升左。小龍蝦蟹子沙律，難怪啲人話呢個必叫。因為材料有龍蝦肉同蟹子，好足料，加咗少少Wasabi，食落都好鮮甜，加埋紫菜食有口感。另外比較吸引我嘅，食客係可以自行調製隱藏嘅口味。只見枱面擺有好多醬汁同配菜，例如有蒜蓉，辣芽菜，七味粉等等。如果鍾意特濃或者特辣，可以額外加落去拉麵度。最鍾意佢嘅係，店內使用天然無漂白嘅竹筷子，感覺衛生！果然今次冇黎錯！價錢合理又可以食到咁