卡洛芝士吐司專門店 (已結業)

邪惡芝士迷🧀 x 紫薯控系列🍠嘩！15cm芝士瀑布拉絲效果❗️一拉再拉～😍睇見都流哂口水喇😫日本紫薯芝士吐司 🍠🧀🍞 ($38)咦？點解芝士有紫色嘅？🤔原來係加左紫薯蓉呀呀呀‼️芝士➕紫薯配搭緊係無得輸啦！😍餡料仲要份量十足🙇🏻就黎爆出黎喇！💥芝士質感夠哂濃稠😛想整拉絲效果無難度啦！😏紫薯蓉味道非常香甜☺️質感絲綿幼滑。甘味盪漾👄完美混入熔岩芝士中！讚呀！💯最驚喜係芝士同紫薯味道出奇地夾！👏🏻芝士咸香正好中和紫薯天然微甘💃🏻甜咸交替。軟糯煙韌🤘🏻配上烘得香脆的牛油吐司🍞真係不得了呀！😍

成日見到人地講彩虹多士，當然都想去試下啦，今日終於同女人有時間一早去試。今次因為第一次黎當然想食出品的開心首選 $42…因為話只有芝士冇口感再加左$5叫墨西哥牛肉碎。等左不用10分鐘就出爐啦…堅熱喎，拉出黎到多絲又夠軟身，因為加左量多到流出黎，為了增加口感加左墨西哥牛肉，講真相相機度絕對100分，但味道就冇心目中咁濃幸好加左牛肉有股牛肉香味道都吾錯，但始終講緊四種芝士…和咩蕃茄，薰衣草之類只係為了顏色而冇味，就有點失望

應朋友約去到路德里試食 店面裝潢時尚 落單後即使無客也要等候約7分鐘 其間有電視播放一些介紹店舖的節目是次選的是可以拉出彩虹芝士的吐司每款吐司也有分 大 細 所指的並不是吐司大小 而是芝士分量的多少 啪開脆面吐司 內涵物格外纏綿 👀令人驚喜據說 每款顏色的芝士也有不同味 味道難以分辨不同 但勝在芝味濃厚 芝士控一定要找機會一試~

放假一心去荃灣搵食，第一站當然係試下彩虹芝士toast 啦地點唔難搵，招牌好大好易見到即叫即整，等左十分鐘左右。咬開係見到四隻唔同顏色的芝士，好靚，分量亦不少。滿心期待口味會同麵包店的芝士包有唔同，對不起，係無的。只係顏色上的分別啫。收差不多四十蚊一件芝士toast 黎講，佢好稱職，好重芝士味that's all 。影相一百分，味道七十五分

Purple Potato Toast | 紫薯吐司.這是近來令人滿意的紫薯食品😌 吐司塗滿了牛油 再烘得鬆脆😍 內有滿滿的紫薯蓉和拉絲芝士😈 紫薯蓉非常香甜 味道又不做假🍠 芝士帶微微的咸香 甜咸交替 與紫薯非常夾😋 👍🏼

芝士控！食完午餐行經過此店，都想試試這芝士吐司！好味東西都系需要等待，仲要即時選食材及味道！足料上場！外觀十分吸引，份量亦足，熱辣辣出爐！打開一看，足料芝士同煙肉在內煙肉味已俾芝士覆蓋，芝士好香、滑溜！一人食的話，其實會好「濟」！簡單食物，但好好味！

對上一次嚟Kala 都已經隔咗一段時間，今次同朋友再嚟就係為咗尼款期間限定的紫薯吐司啦 意外地無乜人等緊，所以等咗5-10分鐘就有得食。餡料份量都幾足，搣開明顯見到紫薯餡，紫薯味道都幾出，配埋芝士拉絲，食得又睇得 今次個吐司亦比上次食嘅改進咗好多，無咁油膩而且口感比較脆口，尼點絕對要加分

荃灣路得圍，一直認為只有糖水和泰菜餐廳。但原來早排旋風式在ig洗版的7彩多士也是位於路得圍。芝士控的我今晚經過路得圍當然要一試晚上十一時多，沒人排隊當然立即去買。多士有咸有甜，又可以加配料，總有一款岩自己口味。開心首選 $35這就是大名鼎鼎經常在ig洗版的7彩多士！一拎上手熱辣辣，芝士味道香氣撲鼻第一次吃只揀了普通版，拿到吐司已急不及待撕開它。一撕開吐司，芝士多到滿捨呷下去芝士又香又滑，夠曬濃，基本上已蓋過本身的薰衣草、蕃薯和綠茶味道。越食越滋味！初頭買擔心吃不完會浪費，但不經不覺自己把整個吐司吃完，好有罪惡感普通版已經芝士滿捨，很難想像勁量版是如何，下次要試試！

韓流影響🇰🇷，宜家香港好多野都好多好浮誇彩虹蛋糕，滿滿的芝士🧀今次就係兩者crossover 荃灣依間吐司店推出了個彩虹芝士吐司，名為「開心首選」普通$35 勁量$42單睇個樣都勁度邪惡幾種顏色芝士分別係原味，蕃茄，薰衣草，羅勒 四種味道開頭見七彩顏色，感覺似怪味咁食落又唔覺，始終芝士味已經蓋過左幾種味道，要細味先就會分辨到不過芝士始終都會好飽肚，所以建議空肚去試會較好😂

之前試過彩虹多士 覺得麻麻地 🤔見佢地出左紫薯多士 個人對紫薯又幾有興趣 所以就試下好似係期間限定的落單後大約要等7 分鐘btw店員服務態度好好👍🏼$38 今次拉芝士拉得吾錯 影到有芝士瀑布既效果！😍 要小心熱呀！芝士味濃之餘紫薯味都夠出 幾好食！😋奇異果soda $20 酸酸的好開胃 感覺幾健康 又可以消暑 值得一試

今日十二點九到來，還沒有人排隊。太好了！終於可以一嘗。我點了最熱門的開心首選加蘑菇(+$3)，即七彩芝士吐司。由於即叫即做的關係，所以等了大約十分鐘。吐司熱辣辣的，但由於我還需要買東西，所以差不多一小時後才吃。雖然如此，但是土司仍然很脆，芝士味很濃，但是我吃不出四種芝士的分別。雖然沒有拉斯的感覺，但是仍然很滿足。

其實呢間嘢我已經食過無數次。。不過幾乎每次食哂先諗起要同它影相。。。所以遲遲都冇幫它寫食評。簡單啲講佢們係pizza的進化版， 香脆的麵包加自選配料。 勝在即叫即製，又係單人份量(叫親pizza 最少要三條友先食得哂，又貴所以呢間嘢係我最新的蒲點).... 但係等候就需時，無計啦，鬼叫佢地又真係咁好食咩！！言歸正傳，是次點了個１) 野蠻女友 (粟米，泡菜，豬腩片) 呢個小小辣，無想像中咁辣。泡菜好香冇d"拿”味。。。粟米就好甜好正，豬腩片我就覺得肥左d。。。但係整體口感同味道真係好掂。。而家諗起都再想食２)墨西哥總統 (點解改啲名全部都咁攪笑嘅) 入面有辣牛肉醬，粟米，甜辣椒這個都是本小姐的大愛， 個人覺得呢個比泡菜個一個辣少少。 但係我覺得對於一向愛辣的我。。就可以再辣啲。(所以我有時會加多份jalapeno 配料落去。。咁就食得過癮啲) 點解我鐘意呢個？ 因為佢們嘅肉醬好小係出面食到(第一次去食的時候問過佢們的服務員，得知佢們原來用咗 chilli concarne sauce 整，個吓真係好心到暈咗，估唔到係香港都食得返呢個味。。。記得係英國住的那段日子每星期最少都要食一次這個醬

呢間係正路德圍 淨係做外賣為主 我簡左個美國隊長味 都等左差唔多二十分鍾先有 不過你見到佢入面一路係咁整緊 真係太多單所以要等 店員見到佢地整都好衛生 同埋佢地都好熱情 好nice既感覺 佢整到個麵包好脆好香牛油味 入面既芝士超多 佢仲要有三款芝士既味道 一路食既芝士味都有小小唔同 好特別 可能因為我叫勁量級😂😂 佢既配料係蕃茄肉醬味 好濃好香 食緊好似pizza咁 仲要係好厚身 其實食左未到一半都好飽 好好味 真係可以當一餐

KALA深明香港地好多人好似我咁，對芝士有無盡的渴求。整個芝士瀑布三文治，不但香口好食又飽肚，又有視覺效果放上網又吸like。下午三點去到鋪頭都有唔少人等緊。揀左個墨西哥總統，只要普通size。想食多啲芝士既話，其實可以叫個勁量。睇menu就話墨西哥總統有啲辣，但食落又唔覺喎。 麵包烘得金黃色，好靚仔👍🏻。食落卜卜脆得黎又唔會乾爭爭一啲水份都冇。 普通份量都有小小拉芝。好多芝士流晒落底 ，小心熱呀。 芝士好多，反而肉碎都其他配料比較小。如果肉碎多返啲，口感會更好😎等候時間：12分鐘

呢啲芝士店多係西人/潮人集中嘅地區，中上環、灣仔可見，油尖旺好少聽過有， 有都曇花一現，莫講話新界，西貢機會或者大啲。落單唔駛排隊，落單後等5分鐘有得食。到手熱辣辣，咬落去外脆內軟，又香又糯又暖胃。芝士有單選亦有組合，芝士組合基本上食唔出所有味，卻變得特别濃郁。美中不足嘅係店旁水溝臭臭地，等食時一係行個白鴿轉先。