卡洛芝士吐司專門店 (已結業)

之前就係FB度就見到有關呢間芝士店o既报導，D七彩芝士好特別，第二度冇，就好想過來試下。今日難得路過荃灣，當然米走雞啦。間鋪好易搵，就係荃興徑食街。美國隊長、芝心翻尋味、燒蕉雪人、野蠻女友，D名就真係好搞鬼，唔知道味道如何？我心大心細唔知道食邊樣好。正當我滿面惆悵之時，有個有型的員工哥哥介紹我試下美國隊長。好啦，反正我都未試過，就試下。等咗10分鐘到（當時有D人多），新鮮熱辣辣既芝士TOAST出場啦。果然一試便知龍與鳳。D TOAST好鬆脆，入邊D意式肉醬同煙肉好香，配上鮮甜既菠蘿，簡直一絕。老老實實，我一路都覺得芝士食多會好“漏”，但呢個真係唔會。分量來講，我覺得女士食一半就會飽（除非你好肚餓當飯食啦）。價錢方面令人覺得驚喜。因為佢地D芝士係法國空運過來，麵包也是每日新鮮出爐，成品就只賣30~40幾，係香港來講，真係便宜。總括而言，我好滿意。下次再來要叫多幾個朋友，咁樣先試到多D口味。

有次經過荃灣，看到新開的小食店，專售色彩繽紛的芝士多士，看似十分吸引😍😍立即買了個開心之選，有芝士味，蕃茄，薰衣草和綠茶味，真的很colourful😳😳將多士分開兩邊，芝士拉得長長的😂幾好玩而且看起來十分colourful 味道其實只是很重芝士味的多士，蕃茄味都能吃得岀的，但真的吃不岀有薰衣草味🙈不過都幾好吃的。整體都算不錯，吃得又玩得😂😂

韓國小店結業後, 進駐的是近期大熱 --- 芝士, 不過它並非以流心撻狀示人, 它選擇要「一拉 ... 拉到尾」。星期日的晚上小店賣的是即製芝士多士, 麵包用本港貨, 四色芝士均來自法國直送, 何謂四色, 它們是黃色的原味(其實內含四款慣常遇見的芝士 : Mozeeralla、Cheddar、Gruyee 和 Emmental)、紅色的蕃茄味、藍色的薰衣草味 和 綠色的羅勒葉味；芝士份量有分正常及勁量, 當然後者的價格要提高。  除此之外還可以加錢加配其他配料, 例如肉醬、豬腩片、焦糖洋蔥 ...... 均是每日新鮮製造。購買了一份勁量版的「開心首選」 $42共用了七款芝士炮製, 包括紅蕃茄、藍薰衣草、綠色羅勒芝士 及 原味芝士 (Mozeeralla、Cheddar、Gruyee 和 Emmental, 四種芝士混合打造成)多士即叫即製, 烤出來外脆內軟, 芝士拉絲一拉 ... 拉到尾, 三種味道的芝士以綠色的羅勒葉味最為突出, 其次是紅蕃茄, 的確是芝味無窮, 分享食最適宜!

今日行過荃灣。見到呢間野 應該開左冇幾耐，吸引左唔少途人一試。抱住有得食唔食罪大惡極既心態 走左埋去。其實芝士我麻麻地好。所以叫左個燒蕉雪人。店員個樣ok ga 加上有少少海外留學生既feel ...唔睇得都食得。等左2x分鐘。 終於到手啦。多士既外層 - 脆。溶溶地既朱古力加埋d蕉 - 甜。 仲有d應該係溶左既棉花塘 痴立立咁。份量大約=2塊m記薯餅。總括黎講 對於食慣甜品既我黎講 其實同其他果d都係差唔多，期待下次黎試下d豬屎價錢黎講 算抵既

新店落地，暫時只此一間，睇圖片見到彩虹吐司好吸引，見好多小朋友都叫父母買黎試。睇真啲原來係用唔同味道既芝士 fill up 吐司跟住烘到外脆內軟。紅色係蕃茄、藍色係薰衣草、綠色係 basil (今次無貨，店員話下星期返貨）等等。我問有無加人造色素，店員答絕對天然！我諗對大家黎講都係好事～大家可以揀定口味 & size 再加配料，食店亦為大家諗定幾款芝士配搭，慳番大家d腦力。我叫左開心首選 （黃+紅+藍+綠，十足細個打 Pokemon 咁）唔加配料，吐司即叫即製，但因 basil cheese 無貨所以其他 cheese 就加碼俾番我，等左 10min 左右就有得食喇！多士烘得好乾身而且麵包香撲鼻，芝士香味亦都好明顯。咬開多士見到彩色芝士，感觀上有啲奇怪，但味道絕對係一流！幾種芝士雖然撈埋一齊，但味道分明，好似係個口度逐樣爆出黎咁。蕃茄味最出，原味芝士鹹味做底，而藍色既薰衣草味啖啖襯托。食完真係好想再食，不過都係做下運動先 LoL每咬一啖都拉左唔少芝士絲出黎，最長我拉到差不多 30cm 禁長！食相實在令人側目 haha 高度推介俾大家試～

新開張~ 小店... 來自法國既芝士, 即做的多士 ... 即做烘焙, 芝士溶合了多士... 夠香夠趣夠芝味洋蔥圈, 薯條即炸.. ... 油太多, 好似過埋火, 薯條既spicy 唔夠香, 但係一樣食到口都"掛"左.要等~ 因為即做... 徐左飲品之外.

WOW!來試新士(屎)坑了！由於之後還有飯局，所以我們二人點一份分享，多款只能選一款，所以就選最有派頭的四色芝士！選了勁量，即是特多芝士，不是比較大份。四色芝士滿溢，藍色的是薰衣草、紅色蕃茄、綠茶羅勒和黃色四重芝士。牽絲芝士的芝味濃郁，除了薰衣草味外，其除幾款口味都嚐得出來，混合起來有點在吃Pizza的感覺，pizza不就是蕃茄，羅勒，芝士這些配料嗎？多士亦烘得非常香脆！滿帶牛油香，不過整體較為油膩，必需要和好友分享卡路里喔！下次還想試試榴槤芝士和香蕉朱古力綿花糖呢！

今天在網上看到有藍芝士，不是臭芝士，是藍色的薰衣草芝士，還有紅色的蕃茄芝士和綠色的羅勒芝士。新店就開在路德圍附近，而今天剛好約了蝦米腸契媽來荃灣吃Lunch。KALA應該12時開門，我差不多時間去到，原來是今天剪綵開張，上星期六才開始試業。幸好他們還讓我下單，我怕會白行一趟，我特地帶了我的X-E1來⋯店員說這裡的芝士是店主特別由法國訂製，只此一家，說芝士是天然的顏色⋯這個我有點保留，芝士的顏色好像有點深⋯原來這裡還有榴槤芝士（名副其實的臭芝士！）和香蕉芝士。為了試齊三色芝士，我點了「開心首選」，是「芝味無窮」混合三色芝士⋯「芝味無窮」是以4種芝士混合而成，有水牛芝士（Mozzarella）、車打（Cheddar）、格魯耶爾（Gruyea）和埃文達芝士（Emmental）。我特別喜歡源自瑞士的Gruyea，與Emmental常用來做芝士火鍋。亦為了芝士效果澎湃一點，我無視自己身上的脂肪，勇敢地點了增量版⋯普通版的「開心首選」是$35，勁量版是$42，店員說只是芝士份量增加，麵包是沒有加大的。看著店員加了超多「芝味無窮」芝士在麵包上，加三色芝士，之後再蓋一層「芝味無窮」芝士⋯如此邪惡之物，

昨天下午經過荃灣看見有新店開張，黃色裝修十分精緻搶眼，好奇下走近看看，發現原來是主打芝士Toast小吃。反正下午茶時間有點肚餓，好，就"厚多士"地試試看，收銀是位漂亮女生(後來知道原來是老闆娘)，看見我看著manual毫無頭緒，就向我推介那款"開心首選", 說多士包含了四款歐洲空運來的芝士饀料...下單後，師傅即叫即制，等了約3分鐘，熱辣辣的芝士多士送上，打開紙袋，濃濃芝士香氣，不同顏色芝士溶合在一起，味道濃烈，多士也皮脆內軟。跟老闆聊天，原因店內的芝士是老闆親自從法國採購，一餅餅的從那邊空運過來，再刨成芝士絲制作多士。另外，值得推介炸薯條，熱辣辣新鮮炸起，配上特別調制蛋黃醬，十分滋味 ~非常有誠意的芝士多士，喜愛芝士的人不容錯過!