原味家作

营业中

休息中

這間是香港製造令客人放心一點的湯水飲品的連鎖店，今日去到深水埗見有這間分店，就來買買試試。服務都算唔錯，店員有禮貌友善的態度，也細心講解！飲品款式都幾多，可選有湯楂無湯楂的，最後選了解渴消滯的鮮檸薏米露及咖哩牛腩飯。1. 鮮檸薏米露鮮檸酸酸甜甜的味道，好解渴好好飲又清清熱氣；薏米露去水利尿，好適合香港這個濕度高的地方2. 咖哩牛腩飯賣相幾靚但不算太多，咖哩味香濃野味，牛腩口感幾好，軟腍易咬；更有吸汁入味香軟洋蔥，幾好食！飯是另外放在膠盆內

上次肥🐽買比我嘅安神茶真係又天然又好味趁今日放假就同埋佢黎呢間深水場新商場，ENCORE 多次順便行個Round睇下有咩行有咩食😂.我地兩個人嗌左一碗飯一齊SHARE而木瓜蘋果螺片豬腱湯 就拎返屋企先飲😂驚太飽，因為等陣要邊行邊食架ma🙈.蟲草菌紅棗蒸雞飯飯量吾算多，但足夠女性嘅份量飯同餸嘅比例係一比二餸偏多😎雞件吸盡紅棗同蟲草嘅精華口感嫩滑又夠腍，吾會鞋而且夠入味因為用左紅棗，所以會有少少甜有埋大量嘅蟲草，健康得黎仲好好味！

平日收工時間太夜,根本都無咩時間煲湯.所以成日都無咩湯水落肚,但亞洲人其實都要飲湯水養顏及對身體好.好彩最近附近開了一間原味家作,令我可以搵返健康嘅味道,又可以食到健康嘅野,價錢都算相當優惠.平日煲湯都鍾意落D生果落去,特別係蘋果.所以見到有木瓜蘋果螺片豬腱湯即刻買,木瓜加蘋果成件事即刻甜好多.而且係無添加原汁原味啊,一包都算幾大包,2個人飲碗湯絕對無問題啦.另外,佢仲有飯可以買嫁,自己鍾意咖哩飯,所以要咗個咖哩牛腩飯.咖哩超級香啊,牛腩都幾腍身,食落去口感好不錯.

有時候行行下街都不知道吃什麼比較好，外面普通茶餐廳的東西又嫌太油，見到這個餐牌看起來清清地又有點特別，就走進去試了一下啦！選了這個蟲草菌紅棗蒸雞飯，看照片都看得出料還不錯多！雞很捻而且很入味，吃的時候感覺到大大的滿足！倒上一點點醬油之後飯和雞的味道很好的融合在一起，感覺很好吃！份量的話對於一個普通的女孩子吃起來都會很夠飽～而且有蟲草菌感覺上對身體很好。我覺得就是一個清清地又唔太heavy的選擇啦，歡迎各位女士們都來嘗試呀～

食飽飽本來諗住準備去旺角接女朋友收工😎點知比我見到呢間「原味家作」標榜香港日日製造，全無添加日日係出面食，味精多，係時候幫身體打打氣一於入去買枝飲品獎勵下佢啦😂.鮮檸薏米露 $27呢枝功效勁岩我主力清滯解渴，怡神開胃將岩岩lunch嘅飽滯消化左，人都舒服D味道清香，真係好解渴👍.桂花紅棗茶 $27呢枝就比女朋友主力清香養潤，活血安神比佢之前我偷偷地飲左啖🤣甜味偏淡吾會膩帶有微微桂花香相當女朋友一定岩飲.P.S. 台式飲品雖然好味，但始終都係吾多健康得閒比返d 無添加飲品價錢吾單止平宜仲可以比身體透透氣

忙碌的都市人點都要買包湯水滋潤下，我呢種無飯主婦更加要買湯水補補。簡左個花膠雙螺竹絲雞湯（HKD63):整個湯有滋陰養顏，養血補腎的功效，適合體虛，面色萎黃，易感疲倦，皮膚乾燥的人。味道清甜，因為有花膠既膠質提升左湯既質感，而且原味家作一直標榜無味精，又真係吾係死咸個款湯，仲要無雞粉❤️飲得出真材實料煲出黎❤️有海螺🐚及花膠既黏口度，咸度剛剛好😀而且係今次係V Walk 都有， 真係好方便， 即飲，隨時飲都得🌹

今日去到深水埗嘅新地標 V walk商場行街街，然後見到呢間「原味家作」，覺得啲食物好吸引咁就入去幫襯。鋪頭係立食嘅，我叫咗一個咖哩牛腩飯嚟食， 咖哩牛腩好香口，個汁有香料味但係又唔會話好重，唔係好屎又唔會話好杰， 總之啱啱好，味道唔會話好辣，難應該一般人都會接受到。食落覺得係全冇味精，完全食到食物嘅原味，真材實料。咖哩汁撈飯真係絕配，好味到 一個女人都可以食曬成兜飯，牛腩更加係又淋又滑又香口， 一定比茶餐廳嘅更高水準，甚至乎覺得仲好食過一般咖哩餐廳， 真係冇諗過呢度嘅咖哩牛腩飯會咁高水準。

今日好忙碌，係原味家作買左自家製食品，夠方便，而且真係好有屋企味道，感覺健康又溫馨☺️我買左兩樣野，包括: 1️⃣蟲草菌紅棗蒸雞飯呢個蒸雞飯幾好食，d雞件份量好足之餘，同埋真係真材實料，有淡淡蟲草菌香味，放咗紅棗，促進肝臟排毒、保肝護肝，啲雞一啲都唔鞋，好入味，幾嫩滑，同埋感覺真係冇味精，食都食得安心😘呢個飯好似屋企整嘅咁好食，我會再買來食2️⃣紫背天葵蜜呢支飲品開胃消滯，最重要解渴，飲落好清新☺️

今晚無煮飯又得自己一個人食咩好？其實原味家作都係一個選擇，方便外賣返屋企食！自己一個食咁慘就當然唔想俾人知啦🤣花膠雙螺竹絲雞湯 + 咖喱牛腩飯熱辣辣既花膠雙螺竹絲雞湯，不過佢有寫明不含湯料及無味精、無雞粉、無防腐劑，好健康👍🏻👍🏻雖然無料但都飲得出個湯好濃郁好足料，因為飲完個嘴會有D痴笠笠！另外香濃咖哩汁聞落都已經好吸引，加上炆到岩岩好既牛腩可以餸到幾碗白飯🤣不過我就食唔到咁多飯啦！住家飯既感覺！

今天特意來這個新商場探好姊妹的班。同佢食完lunch之後經過<原味家作>見到有套餐，有飯有湯都只係$69，真係幾抵，所以就外賣一個套餐留返夜晚返屋企做晚餐<咖喱雞飯>份量適中，啱晒我哋女士做晚餐。最正係佢嘅咖喱雞唔算話辣得好緊要，食得出咖喱嘅本身香味，又夠多汁可以撈飯，重點係雞件好淋滑，超滿足的<花膠雙螺竹絲雞湯>食完個咖喱雞飯後仲有無添加既足料靚湯飲，滿滿膠質又清甜，健康得來夠滋潤，so sweet