原味家作

营业中

休息中

今日去到深水埗嘅新地标 V walk商场行街街，然后见到呢间「原味家作」，觉得啲食物好吸引咁就入去帮衬。铺头系立食嘅，我叫咗一个咖哩牛腩饭嚟食， 咖哩牛腩好香口，个汁有香料味但系又唔会话好重，唔系好屎又唔会话好杰， 总之啱啱好，味道唔会话好辣，难应该一般人都会接受到。食落觉得系全冇味精，完全食到食物嘅原味，真材实料。咖哩汁捞饭真系绝配，好味到 一个女人都可以食晒成兜饭，牛腩更加系又淋又滑又香口， 一定比茶餐厅嘅更高水准，甚至乎觉得仲好食过一般咖哩餐厅， 真系冇谂过呢度嘅咖哩牛腩饭会咁高水准。