原味家作

营业中

休息中

突然好想飲啲熱嘢，經過原味家作，見有桑寄生蓮子蛋茶，同同事一人買咗一碗嚟補吓🤣唔會太甜，同埋都好足料，雞蛋大大粒，又有紅棗蓮子。不過桑寄生茶嘅味道可以再濃多少少！

今日出去見客，傾左成個幾鐘，返公司附近已經好肚餓，行過見到原味家作，一向標榜冇味精冇添加劑，見口乾乾就去買個蒸飯加章魚紅蘿蔔蓮藕排骨湯飲下。我其實覺得杯湯都幾大杯，飲落去有濃濃嘅甜味，而且隱隱聞到章魚嘅香味，大紙杯都內都有幾多湯㗎，仲有湯渣份量都唔少，有幾舊排骨、紅蘿蔔同蓮藕食，當下午茶都唔錯！可惜杯湯就真係太油，尤其是攤凍咗少少之後，我每一啖都好似飲緊d油，所以趁熱飲還好，唔怕油膩嘅都可以試吓。

最近發覺公司附近原來有間原味家作，午飯時候都幾多人排隊，午飯時間都多人排隊，今日湊熱鬧買一個返去試吓。個雞髀飯望落雖然dry dry地，但係就貪佢唔會太多汁，唔會油膩，雞髀又大大隻，啖啖肉，如果鍾意嘅可以加埋個湯，同事話飲過都唔錯，下次可以再買來試吓！