叁薯 (已結業)

Local food series: Spicy potato wedge with onion and cheese (to me it is not so spicy and the portion is very large, crispy and smells good) I also ordered secret ingredient caesar sauce with chicken, there's around 6 pieces of chicken and just fine for me!Although it was a bit oily, still I was stuffed and satisfied haha!

兩個月之前黎過一次，個時食左個香脆薯角，覺得幾好味，今日又閒下路過，見到佢新出左個味皇薯條同點醬薯條，就諗住試一試。其實係當中我最想食既係蛋黃醬薯條，同埋芝士薯條，但鑑於唔想食太飽，加上穩陣起見，最後揀左個芝士薯條。揀完後，便企係度等左一陣，相信佢係即叫即炸既，否則應該馬上就有得食。終於攞到手依個芝士點醬薯條，本著相機食先既精神，我地就將個薯條擺係旁邊既一個小木架上，影個靚靚相。芝士既顏色十分之濃，比人感覺滿足，等我一試先。薯條新鮮炸好果然是熱力非凡，連隔住個紙桶拎住都會覺得微微燙手。不算很厚切，咬落外脆內軟，有好爽既食炸野既快感。再點一口芝士醬，濃郁的芝士香味，就同酥脆既薯條混和一起，形成非常誘惑既組合。但是要批評的，是薯條實在太多了，食到完既話會感覺太過飽，而且點醬芝士食到半桶既時候仍然好滋味，但慢慢會覺得有點兒漏。所以真係一個令人又愛又恨既小食！

前幾日同同事經過旺角 我地兩個聞到薯香勁口痕!之前都有同朋友去過寶林新都城既POP UP STORE到食過佢地既「紫薯焗薯」!味道都唔錯 重點係佢地整既焗薯好香!雖然見到呢間主店有勁多唔同花款既焗薯 但係今次我都決定忍手同忍口唔食因為見到一樣更加吸引 而且之前POP UP STORE無既「薯條」聽講呢個「味王薯條」係新推出分別有四隻味道: 香辣味、蕃茄味、孜然味同海苔味其實我一見到有海苔味 我即刻諗到既係M記既shake shake薯條 紫菜味四隻味我都興趣不大 反而側邊menu寫住既「點醬薯條」就有興趣啦!我絕對絕對係一個無醬不歡既人! 加三蚊仲可以加醬 真係超正所以最後我同同事就簡左 「芝士醬」同「酸忌廉」因為當日去3,4點左右 都幾多人等緊 大約10分鐘我地叫既兩份薯條就整好啦!先講芝士醬薯條 薯條本身因為即叫即炸 所以脆卜卜 好香口!芝士醬都幾濃郁 而且份量都幾多 但食得多會好濟另外 酸忌廉薯條就無芝士醬咁濃味 我反而鐘意酸忌廉多d因為酸酸地 反而更加開胃 感覺仲無咁濟!如果想輕食既話 我覺得呢個薯條都唔錯既 不過真係無乜特別鐘意食薯仔既吃貨 我都係prefer食呢到既焗薯多d

小編點左個煙肉薯餅。等左大約十分鐘到。因為係即叫即整，所以等十分鐘都係正常既。不過個薯餅好油，食到一半已經覺得好油膩要買枝茶解油膩。味道 除左好油，食唔出煙肉味。口感係唔錯既，有啲脆脆地既薯條仔。或者係因為唔係招牌菜可能會失色啲 希望再有機會試其他吧

行過覺得個肚有啲餓，見到之前食過叁薯，諗住又是叫個焗薯啦，點知見到佢有出新野，係味皇薯條同點醬薯條，便點來試試。自己本身也是芝士控，見到佢有個芝士醬可以選，於是就叫左依個。佢話佢既薯條是新鮮炸的，所以要等一陣，我當然從善如流。畢竟，我寧願等十分鐘食到好食既薯條，都唔願意即刻食到乾哂涼哂既薯條。店家對食物質素有要求，也可鼓勵。等了一會兒，大概沒五分鐘吧，薯條就炸好送上了。滿滿一小桶上還有一個芝士醬，芝士色澤深黃，濃稠。我趕緊拿起一條薯條蘸點，薯條果然不愧是新鮮炸好的，十分之熱辣香脆，另一隻手隔著紙桶都感受到迫人的熱力。咬落口時，因為芝士醬真的很濃，所以嘗到十分之重的芝士咸香味道，而薯條本身香酥，依個組合十分之好。雖然不是有甚麼gimmick，但基本兩樣野做好，都幾好味。

做完份pro落旺角個肚空空地喊左份薯角同炸雞.其實都幾大份，尤其係個薯角十分之滿，食完都飽左一半.先落結論: 我覺得兩樣都Ok，而炸雞好食過薯角.先講薯角，炸得滾燙的薯角，加上芝士，特製醬汁同香蒽，拮一塊黎食，唔，微脆，薯肉香軟熱辣，芝士味唔算太出，有食到一陣咸香，反而醬料味道較出，酸甜酸甜的，同薯角味道甚配，有少少中和左個膩度. 幾樣夾埋，總體黎講有少少heavy，不過我就幾鍾意炸雞就堅正. 三塊大大塊既雞肉炸得很脆，咬落啖啖嫩滑雞肉，熱氣同汁液激發出來，成個口充滿香口既味道，十分過癮. 亮點都係啲醬,，酸甜酸甜的，食落少左油度，但味道既層次感豐富左，唔知點講，總之同炸雞幾Match，有驚喜.總的來講，我自己覺得炸雞比較好食. 如果想飽肚，食薯角，如果想滋味，食炸雞，如果兩樣都想要.....你會好飽.

今日行過花園街附近見到之前好熱既叁薯，就過去試下。 首先點左個薯角。見到厚切薯角上面鋪左層汁醬青蒽，感覺幾特別，因為之前食薯角都係淨食，冇試過加野。 甘我即刻咬左下，個薯角本身好脆，但薯肉又唔會炸得好爛，有少少軟綿口感，幾好味。 重點係個啲特製醬汁，令到本黎好膩既薯角多左小小既甜味，中和番，但又幾搭，風味獨特。 意猶未盡下，我就叫多個炸雞，佢個炸雞都係幾特別，就係加左啲淡忌廉同特色凱撒醬係上面。 炸雞咬落好香脆幼嫩，肉汁好夠，配搭埋個忌廉同醬就有少少清新味道出番黎，又幾好味，而且份炸雞都幾大份，三舊都啖啖肉，令人十分之滿足。 我個frd喊左個招牌既重量級芝士焗薯，望落都幾大份，係原隻薯仔，同埋好重手既車打芝士，仲有一團淡忌廉。 我已經好飽，所以只係食左一啖仔。 但係好好味。 因為我本身都幾鍾意食焗薯，尤其係熱辣辣既薯仔同牛油混合既味道，但佢除此之外仲有濃郁既芝士味道，我覺得非常之香口好味，但食甘大份會比較容易膩，可能買一份兩個人食會好啲。

慕米芝連既大名而來，係花園街跟住薯香追尋，終於搵到依間焗薯小鋪。我首先喊左個重量級芝士焗薯。薯仔首先以高溫焗兩小時，再釀入大量芝士，再焗，出爐時，薯皮略焦脆，薯肉軟而厚實，與芝士融為一體。拍照時，連鏡頭都感到陣陣熱香。我用叉將佐料攪拌而食，滿口都是混入芝士的香濃薯肉，點晴處是淡忌廉，將原本既咸香提升左一個層次，再加上微脆既洋蒽粒同青蒽，口感軟滑帶脆，極為豐富，味道亦多層次，飽滿帶變化，芳香而不膩。意猶未盡之下，又喊多左個秘製凱撒惹味雞。原本已十分邪惡既炸雞，新鮮炸起，又加上蒽花，淡忌廉，同最最重要既秘製醬料，急不及待一咬，咬落熱汁四濺，雞肉嫰滑，又有濃郁既醬香味相佐，味道十分特別，值得一試。焗薯炸雞兼得，摸摸滿足既肚，就此番屋企。

金剛小儀都話好食，我唔信邪，於是專程來一試。 門外多人等候，有一塊木板，讓食客以銀筆留言，龍飛鳯舞，駐足觀看也挺有趣味。 因為感覺焗薯好飽肚，又唔想食炸雞，於是就叫左個香脆薯角。薯角切得一指大小，在滾油中炸得通透，堆疊在紙盒中，在上覆以鮮黃芝士，洋蒽，和特製醬料，挑起一塊入口，外脆內軟，焦皮綿骨，滿口都是香味，加以芝士和特製醬，更是無比邪惡。這道薯角，讓人想起加拿大的馳名小食poutine，是以特製肉汁和芝士塊覆以鮮炸薯條，入口脆嫩香口，滋味無窮。 這道薯角連皮而切，更多了一層厚脆的口感，薯味更濃。最令人滿足的是其份量十足，滿載得盈出盤子，幾乎要掉出來。 邊走邊吃終於吃光，但也已小飽。 香脆薯角，比十個讚你!

好耐無食 初開果陣我覺得好正 咁岩經過想再試下 發現個菜單已經唔同左 就再試下焗薯啦 點知出事 芝士味就唔多覺 薯又無薯味 薯皮硬過塊紙皮 咁皮既質素收$36 我覺得好離譜 無晒當初既味道 係咪換左老細？我想講而家真係好難食

明白明白，我知道來到這裏應該叫焗薯才對辦。可是，我對焗薯的印象麻麻，更是一個薯條迷，當然order薯條！薯條萬歲！仔細地看了餐牌，發現薯條菜式原來只有一款，芝士薯條。雖然一開始有點失望，為何那麼少款式，但還是叫了一客芝士薯條。我明白旺角的租金比較貴，但一客芝士薯條價錢為＄28 ，心裏真的猶豫了一下。但還是試試吧薯條即叫即做，在開放式廚房裏，看見職員新鮮炸薯條，立即充滿口水分泌。大約等了五分鐘，薯條炸好，店員在薯條上唧上深黃色芝士醬，灑上蔥花，賣相很好放了五分鐘後才吃，薯條依然香脆，我最愛粗薯條！芝士醬下的分量足夠，味道濃郁，令人想一吃再吃！可是性價比不高。下次希望可以試試招牌焗薯，可能比較好。

身為米之蓮推介街頭小食 一直都好想試即點即製 雖然廚房黑黑地不過見到製作過程會比較放心今日就決定食完晚餐 買一個返屋企宵夜！✨重量級芝士酸忌廉焗薯 ($36)✨放半個鐘仲熱辣辣 好多芝士醬 酸忌廉係面頭！完整一個薯仔 雖然唔算大 但係分量好足！拎上手好墜手！而且薯仔切開一片片十分貼心！入口先有蔥粒同埋洋蔥清新辣口的感覺然後芝士醬有濃厚的車打芝士味 醬汁夠沾點！而且薯仔質感爽爽地 唔會淋支支！有驚？Rating💁🏻(7.5*/10*)✨香煎煙肉洋蔥薯餅 ($30)✨即叫即煎 係鐵板上面加入大量的油去炒制！一絲絲嘅薯餅 入口脆身 係偏腍而有嚼勁嘅質感調味適中 煙肉同洋蔥好香口 不過覺得太油膩啦 重口味應該會鍾意 不過唔係好鍾意嗰種油益味！Rating💁🏻(6*/10*)✨秘製凱撒惹味雞 ($28/3)✨雞塊幾大粒 驚訝地只有三件 而且炸完淋上醬汁令到雞粒變得濕淋淋 放左一陣雞皮更加變得硬化雖然味道惹味 帶有一點凱撒沙律醬的甜味！可惜份量同質感爭少少啊 來叄薯都係食焗薯好啦Rating💁🏻(5*/10*)

夜燈初上的旺角街頭，人來人往，忽然睇到一個留左鬍渣既型男向我一笑，他頭上寫住兩個古風盎然的大字招牌，正是"叁薯"。去叁薯，是傍晚時份，行街行到有啲悶，見到個幾得意既小食鋪，就上前一看，叫左個重量級芝士焗薯。未幾，焗薯送出，熱氣冒騰，薯香四溢。熱辣辣既焗薯上，是融化的厚芝士，再揉上少許雪白的淡忌廉，撒上紅椒粉，碎洋蒽，青蒽花，輕輕剖開薯皮，便飄出一縷冒著香氣的煙。將其攪拌均勻，放入口中，只覺一陣油滑溫軟，首先滲滿濃郁滿芝士既馬鈴薯肉，以新鮮熱辣霸佔口腔，慢慢細味時，又有清新的忌廉香氣，以及脆嫩的洋蒽，青蒽口感，混和一起，一啖未食完，又忍唔住食多一啖。 新鮮，邪惡，滿足而不膩，盡在這盤重量級芝士焗薯中。焗薯最好味既，除左新鮮熱辣既滿足感外，仲有將佐料同薯肉拌起，再放入口中既感覺，邊行邊食，好快清理完畢，為悠長一天劃上圓圓的句號。

大胃couple行下太子又行下金魚街咁 ，肚餓就梗係唔會食金魚啦！上openrice 睇下見呢間三薯幾特別就黎試試有好多款野食，簡左好耐最後決定要番個芝士薯條睇圖都見到其實個芝士汁係重要，由頭到底都有芝士source!!! 呢度既薯條都比較粗果款 肥豬就比較鐘意幼既薯條夠熱又唔會太咸，芝士味幾豐富，仲有d蔥係度haha~唔錯

自我看到叄薯開業初期媒體的介紹，便對這間以薯仔作主題的小食店很有興趣，一直很想很想試盡它的焗薯、薯餅、薯角。由於吃薯仔很容易飽，自己一個人來叄薯只能試一款食物不夠過癮，於是我今天特意相約一位無薯不歡的朋友，點了重量級芝士酸忌廉原隻焗薯($36)和香脆薯角配香蔥芝士醬($28)。天氣炎熱，在等待食物期間，我買了一支自家製檸檬薏米水($15大支裝)。薏米屬性偏涼，配香口的炸薯、焗薯，正好可清熱。自家製的薏米水有淡淡清香，沒有人工的甜味，加上檸檬味更清新開胃。重量級芝士酸忌廉原隻焗薯坦白說，我有猶豫過是否選擇這個口味，怕芝士會很滯，怕酸忌廉太濃味，讓整個焗薯很heavy，但看到這是店家推介，便應該試一試吧。結果，這個焗薯讓我驚喜萬分，芝士和酸忌廉的配搭非常light！酸忌廉剛好中和芝士的香濃，取了個平衡點，卻又能散發各自的味道。店家還灑上洋蔥粒、蔥花和七味粉，增加味道的層次。特別要一讚店家的細心，預先在焗薯切了多刀，所以我們不須用力刮，很容易便可叉起一塊一塊的焗薯來吃。creamy的醬汁配焗得通透、軟軟的薯仔，實在太好吃。總括而言，這個焗薯無！得！頂！香脆薯角配香蔥芝士醬和焗薯一樣，店家毫不