叉燒丼家

营业中

休息中

講起食燒味，就即刻諗起叉燒丼家，佢既燒味真係有一手，好好食。今日又同左個仔嚟食，一人一碗，好滿足。我自己就好鍾意食叉燒嘅，所以就帶咗個叉燒鰻魚飯，唔好以為呢兩樣野好唔夾啊，擺埋一齊其實好滋味。呀仔而家發育時期，所以食多啲，嗌咗個四寶飯。兩碗其實份量都好多，好足料。佢嘅叉燒好嫩口，肥瘦啱啱好，咬落去一啲都唔硬，好過自己出去斬。過晚就當然唔使講啦，同喺日本食嗰啲差唔多，超正！我偷咗阿仔嘅燒腩仔嚟食，嗰塊皮仲係脆卜卜，真係好好食。帶咗兩杯嘢飲，都幾特別架，應該係年青人嘅鍾意嘅。

最近行過元朗，想食好多嘅燒味，我就決定黎呢間叉燒丼家😍想食多燒味，當然叫個四寶飯。 呢碗四寶飯聞起上黎有好濃嘅燒味香味。廚師擺放四寶都擺得好整齊😊食慾寶係大增首先想食嘅，當然係佢嘅紅腸，紅腸都算幾入味，咬落都彈牙。之後當然到佢地嘅燒腩仔，外層燒得幾ok，咬落都脆卜卜，幾有口感呀🤤四寶飯最期待嘅緊係隻蛋同佢嘅叉燒。佢嘅叉燒真係同平時食嘅有D唔同，好有色澤，而且油份十足呀😋😋咬落嘅叉燒仲好有肉汁添😛😛 仲有隻蛋，salty程度岩岩好，唔會太過火☺撈飯食真係perfect!除咗呢個四寶飯，我朋友仲有試佢地嘅豉油皇雞脾滑蛋飯🤤呢隻雞脾又大份，又係見到色澤好吸引，而且好厚肉，我朋友一大啖咬落，真係人生一大樂事🤣🤣仲有佢嘅滑蛋，好似真係炒得超幼滑，整係撈飯我諗都食到兩碗😊

今晚好crave食燒味，醒起樓下個foodeli 咩都有得食，所以就去咗睇睇。比我搵到呢間叉燒丼家，所以就試試佢。我一嚟就嗌左半斤叉燒，上碟嘅賣相已經好唔錯喇，食落去就更加滋味。佢嘅叉燒半肥瘦，啱啱好，燒得好香，食落去啖啖叉燒嘅香味就溶係個咀裏面，完全滿足到我食燒味嘅心呢半斤叉燒真係可以下次再返食，就咁買返屋企，加啲飯已經可以當兩餐。咁當然食叉燒飯食叉燒，都要有啲carbs 落下肚嘅。所以我就決定咗試吓呢個鰻魚滑雞煲仔飯。估唔到呢間買燒味嘅，呢個咁嘅煲仔飯都可以做得咁有風味。首先真係要特別讚下佢嘅鰻魚，同出邊日本餐廳食到嘅真係差唔多我feel到佢鰻魚嘅膠質好重，係高質素嗰隻，食完都即刻覺得皮膚都好啲。其實本來覺得鰻魚同雞未必好夾，但係佢就證明左我錯啦！佢呢個雞非常之滑，而且冇雪藏未，影真唔錯。估唔到呢間野咁好食，無論係燒味定其他食物，都好有水準，值得推介。

之前上網見到呢間啲叉燒飯個樣好吸引，不過另外兩間分店地點都比較夾攝，所以就去咗元朗YOHO MALL而家分店度試吓。係個商場到搵咗一陣都搵唔到，問咗客戶服務嘅人先知原來係喺個Food court入邊。叫咗一個叉燒雙蛋飯，望落個樣都好吸引，因為啲叉燒睇落好有光澤。我叫咗瘦叉燒，不過咬落都唔會痴牙，另外佢個雙蛋係兩隻一齊煎所以唔會分開，同埋做到留心嘅效果，可以撈埋啲飯一齊食。再加埋啲薑蔥一齊食好正。另外叫咗一杯菠蘿梳打特飲，入邊真係擺咗幾粒菠蘿係入邊幾足料。山長水遠去到元朗食呢個叉燒包真係係水令我失望。

剛比咗60蚊食油雞叉燒飯，份量約半個飯盒的飯，雞和叉燒份量合適。缺點：叉燒超硬，又咸，同食柴皮無乜分別雞就普通，但就骨多過肉最大問題係啲飯超硬，唔係比咗60蚊我一定唔會食。結論：同三十蚊一盒的燒味飯無得比，三十蚊的肯定比佢好。建議：關門重新學過做燒味後才再開張。

Yoho 開左間food court 之後耐唔耐都會幫襯下，因為貪可以試唔同款既野，就算兩口子當晚想食唔同style 既野都可以一個地方攪掂晒。朋友呢排去六國酒店試左佢地既黯然銷魂飯3.0, 攪到我都心思思想食碗叉燒煎蛋飯頂下癮先。我要左最class 既"叉燒丼飯"($58)加油菜($10)同埋荔枝梳打($8)。外觀方面，其實碗叉燒丼飯既擺盤不錯，師傅特意火灸左ｄ叉燒令佢睇落去燶香ｄ，油菜亦用心切好。但係味道方面，叉燒偏瘦，豉油偏咸同埋太多。除左個兩粒蛋煎得ｏｋ外，呢度未必適合中意叉燒同豉油甜小小既朋友。

經過店面，看到叉燒一條條地掛起來，晶瑩剔透的蜜汁佈滿肉身，瞬間就被吸引住了。點了一客黯然銷魂飯，其實就是叉燒煎蛋飯。叉燒方面，有4大塊半肥瘦的叉燒，叉燒厚切，火候均勻，加上鋪面的蜜汁，香甜之餘帶點焦香味，每一口都有「果然是主打叉燒」的感覺，對得上「叉燒丼家 The Master Of Char Siu」這個店名。另外兩顆雞蛋都不會太熟，只要稍微用筷子一戳，豐盈蛋汁就會流出。豉油頗香甜，份量也足夠，不會感覺米飯太乾身，令整體感覺生色不少。

話說呢間鋪頭嘅招牌叉燒飯嘅相影到好靚咁，仲要成$58，咁我就以為起碼都係碗厚切半肥瘦叉燒飯，都應該試得下啦點知師傅一拎起舊叉燒出嚟切嗰陣我就知道出事啦佢嗰舊叉燒仔切出嚟只係得五片仲要係瘦叉燒，跟手佢拎咗支火槍出嚟再燒多兩下就仲大鑊⋯到底點樣可以係一片冇油脂嘅叉燒度燒出油香呢？ 真係超唔掂，塊瘦叉燒完仲鞋左⋯而果兩隻煎蛋下面條油菜仲係凍嘅⋯呢個價錢已經係灣仔食咗碟好好味叉燒併油雞飯仲有找⋯呢間一定無下次

招牌菜都保吾住喔有朋友食過話正，今日朋友生日去元朗試下，以為係間餐廳，原來只係food court。失望啊！無法啦，去到無理由吾食。嘩，但系56蚊碗，朋友叫我考慮考慮清楚，去出名的燒臘店都吾使喔。算啦！來到就試一次，好在係food court，兩個人一碗都OK。睇住佢切，6塊薄薄的叉燒，再用火槍燒下，感覺好似幾好喔，再煎只雞蛋，兩條菜，就係咁簡單。一早話要肥叉，但最後來是瘦又乾，估到幾難食，燒過可能只是熱D，但無香味，亦沒有真燒的黑邊叉燒感覺。雞蛋普通，米飯就不要提啦！56蚊 food court 食，真係好吾值得。