友情廚房

营业中

休息中

♡ 觀塘中西合壁無味精小店 ～ 友情廚房 ♡黎到觀塘區～ 有間出名無味精既小店一直好想食😆位置都幾就腳 👍- ♡ 特色椰香海南雞飯♡ $42 呢個海南雞飯加左香茅真係好香～ 我地仲+$5 轉左雞脾❤️+$22 要蒜泥白肉同檸檬薏米水 +$17 胡麻蟹子青瓜 好好食～青瓜好新鮮💓蒜泥白肉好香～ 勁夠蒜🧄😆檸檬🍋薏米水 可以清熱去濕 解暑止渴 薏米可以幫助去濕👍👍再加上檸檬酸酸嘅口感夏天飲啱啱好👍-♡ 沙嗲炒牛肉飯 ♡ $42 好足料～ 好有家的味道💓牛肉軟淋嫩滑 ～ 醃到好入味沙嗲味濃 好好食😋#❥ 呢間小店仲有自家製雪糕同鮮果乳酪～最緊要其他餐都好抵食🤣經過一定要試下-⇢店鋪資料：友情廚房 (觀塘)觀塘敬業街65-67號敬運工業大廈2樓B號舖

喺附近跳完舞好肚餓走咗嚟食個下午茶好抵食！2個人每人一舊水叫到成枱都係蒜泥白肉加每人一碟麻醬手撕雞撈面再加2碟小食 份量十足最推薦係個藥膳雞 個湯好正 飲得出足料夠火喉淨低少少都唔想哂打包咗返去 養顏又養生

。也許各散東西 但我們一定再見。屬於香港人既餐廳您 有共鳴嗎？友情廚房，有情。隱身於這工廈的它，未必太起眼。但認識過後，不禁會欣賞他們的心意、態度和質素。··地方好寬敞，坐得好舒服。所有職員都超友善，老闆仲會主動同你傾計💛今日特別想食西式的，點左以下幾款，份量都很多、很滿足：［9’辣肉腸薄餅］$65辣肉腸、芝士、蕃茄醬 ，饀料簡單，但口感好豐富。餅底好薄好脆👍🏻［泰式香辣肉碎意粉］$60幾新穎既配搭，小小辣，肉碎唔乾身。配飯應該更好味。［芝士辣肉醬薯條］$28薯條超脆身！芝士好濃，配合微辣肉醬，好夾。［炸大啡菇］$30大推！外層好香脆，但唔厚分、唔油膩，入面大啡菇保持到好juicy！配合埋個沙律醬，好好味！呢個價錢，份量遠超想像，質素又高，性價比讚👍🏻本來仲想試自家製雪糕，都食唔落。下次一定要試燉湯同雪糕💛😿佢地仲有急凍熟食包同湯包賣架💛

呢間之前都有睇過其他人介紹，知道老闆好有心做。所以放lunch就同同事過黎食飯試試佢。環境幾好，坐得幾舒服，員工係超好服務，老闆都好nice。👍🏻食物選擇都多，又多元化，係幾吸引。食物質素好唔錯，性價比高，絕對係可以做lunch飯堂。😁泰式香辣肉碎飯 ($60)呢個好好食。肉碎唔乾，口感好好，調味上做得好好，小小辣過下癮，個辣都做得好香，好唔錯。😋再加左隻大大隻既太陽蛋，煎得好出色，絕對係可以再戰。👍🏻芝士辣肉醬珍寶熱狗連薯條 ($60)本身諗住係叫burger試下，點知無貨，所以叫左個熱狗試下。我超級鍾意食！做得好出色！芝士味夠濃郁，辣味突出，份量又大，真係有料到。😍薯條夠曬脆，又唔會好咸，正呀！😁芝士煙肉薯條 ($25)份量超多，好好食。薯條夠脆，芝士味突出，配上小小煙肉，成個味道都好夾，我地都好鍾意。😁泰式魚餅3件 (跟餐+$20）好彈牙，好爽口。小小咸，但完全接受到。講真呢個既水準我覺得拍得住正宗泰國菜館既魚餅，掂。👍🏻凍檸茶 (跟餐送)糖水係自己加，可以好好咁控制甜度。總括，我覺得性價比好高，係觀塘番工真係可以當佢做飯堂！

💛 #觀塘 #友情廚房又喺度呢間友情廚房嘆lunch，上次食咗個burger餐，今次試吓佢哋啲中式嘢先🥰🥰 呢度嘅中式午餐叫「熱辣辣午市套餐」，一個餸、一碗白飯、飲品都係$48，好抵食😋 我就叫咗燉湯套餐，有一個餸、一碗白飯、一碟時菜、一盅燉湯，都係$98😋🐥 腰果炒雞丁健康之選！ 除咗腰果同埋好多雞粒之外，仲有芹菜、紅蘿蔔、菜，色彩繽紛、營養豐富🥰 雞粒炒得好香，有汁可以餸飯食之餘唔會令腰果變淋，依然保持少少香脆，出色😚🍲 螺頭百合燉海底椰海底椰非常之真材實料，食得出唔係味精😍 要間中過嚟滋補一下😍！🍦 香港製造Gelato呢度仲有本地製作嘅雪糕，跟餐只係加$10就食到😋 佢係低糖低脂配方，一杯肥肥嘅朱古力味都只有109kcal，而且朱古力香濃，一啲都唔似係健康配方🤤 仲有朱古力碎碎添！

最近天氣好熱唔想行太遠買飯，就去咗屋企附近嘅呢一間餐廳度買外賣，之前朋友買過，話覺得幾好食價錢都唔貴。～～～睇完佢哋嘅午市餐牌之後我就叫咗宮廷黑醋腩排同埋時菜炒花枝，兩個餸一個飯仲有兩杯嘢飲，非常豐富，諗住凍檸茶自己飲，留返杯奶茶俾阿妹。～～～宮廷黑醋腩排：佢哋嘅腩排又經輕炸過，食落好香口外脆內軟，仲有酸酸甜甜嘅菠蘿，腩肉又唔會過肥，味道非常下飯。～～～時菜炒花枝：叫咗一個相對濃嘅餸，就叫返另外一個相對清新嘅配搭下，時菜顏色翠綠，火候控制恰到好處，花枝軟硬度適中，質感彈牙有鮮味，味道亦不錯。～～～食完成個鐘都冇覺得口渴，感覺無添加味精，幾健康。～～～友情廚房 (觀塘)觀塘敬業街65-67號敬運工業大廈2樓B號舖

位於觀塘的樓上經濟食堂，環境企理，空間大，可以堂食或外賣。另外，除了中餐選擇外，還有西餐如炸物小食、意粉、飯、漢堡，中西合璧，選擇甚廣。燉湯套餐：螺頭百合燉海底椰 這款套餐配一款燉湯、時蔬、白飯。另一套餐則是一客主菜配飲品。湯沒有添加味精，用料十足，湯料充滿椰子清香，味道清甜，還有雞腳及小螺頭。主菜：沙嗲炒牛肉白飯在底下；牛肉鮮嫩多汁，有嚼勁，沙嗲汁恰好，不會太重口味。除了肉片外，還跟蔬菜及黃椒一起香炒，有肉有菜，營養豐富。時蔬：上湯浸菜芯雜菌這套餐還包括一客時蔬，以上湯浸泡過，翠綠新鮮的菜芯。

知道觀塘有新餐廳喺工廈區，見食評吾錯就試下外賣，今次叫左咖哩牛肋腩飯、粟米魚塊意粉、餐腸雙蛋飯及肉醬意粉。咖哩牛肋腩飯咖哩味道剛剛好，吾太辣而且薯仔好諗，最緊要牛肋腩夠多而且夠入味。粟米魚塊意粉有濃濃粟米醬，又多原粒粟米，襯埋炸起嘅魚塊一齊食好惹味，意粉亦煮得恰到好處。餐腸雙蛋飯有厚厚煎餐肉、德國腸及煎太陽蛋，加埋鼓油lo飯食係我嘅至愛，值得推薦。肉醬意粉就佈滿滿滿嘅新鮮茄醬及肉碎，每條意粉都沾有茄醬加肉碎，好食到停吾到口。

今日落曬大雨，只好喺公司附近搵食，同事就推介左「友情廚房」。都話觀塘觀塘的工廈真係乜都有！同埋佢哋啲名都差唔多，千祈唔好去錯「敬運工廠大廈」，係「敬運工業大廈」，睇清楚我張圖呀😂 斜路入停車場，右手邊就有電梯😘一入到去就有教主歡迎你～ 唔使同人逼，可以慢慢影！佢哋有得堂食同外賣，一個午餐跟嘢飲都係48蚊，要燉湯就98蚊。淨係送都有十幾款畀你揀，我就揀咗菠蘿咕嚕肉套餐，再加個豉椒炒花姿（主菜52蚊，如果跟餐架主菜就38蚊，抵食😀）。見個環境好舒服又乾淨，本來都想坐喺度食，但真係忍唔到對襪濕曬，唯有買外賣。😋菠蘿咕嚕肉 估唔到飯同餸會分開裝！啲飯唔會畀啲汁搞到淋晒，重好好口感～菠蘿咕嚕肉好香口，咕嚕肉唔會熟得滯，菠蘿大大粒，最緊要係食得出冇味精，唔會食完好口渴。😋豉椒炒花姿 花姿片唔係就咁一片，界曬花紋，見到大廚真係有心機😀 加埋豉椒炒真係好入味，有埋三色椒真係好爽口。除咗午市套餐，佢哋仲有飯或者意粉，漢堡包，同其他小食，呢度真係想食中西餐都可以滿足。等外賣嘅時候，老闆娘亦好細心介紹佢哋嘅「急凍湯包」同埋「急凍熟食包」。雖然價錢冇話特別平，但係佢哋係100%香港製造，冇防腐劑，味精，同人造

餐廳位於觀塘，鄰近地鐵站，路程需要七至八分鐘左右，地理上十分方便快捷，這間餐廳絕對是一家小店，最喜愛這種小店的，就是他的人情味，在疫情期間更能顯出它的獨特性，而這天我購買的就是香葉肉碎飯和卡邦尼意粉。味道方面，香葉肉碎飯絕對充滿泰式的感覺，加上份量十足，配搭帶點香脆的太陽蛋，更能顯出餐廳廚師的實力。另外，卡邦尼意粉方面，雖然外表和一般的西餐廳沒有大分別，但味道吃起來卻是充滿驚喜，全因為滋味十足，更是十分creamy。

入門口見到，呢間餐廳主打無味精食物，由富30多年經驗嘅名廚主理午市套餐由$48起，喺觀塘嚟講，真係非常抵食。餐廳雖然係工廈裏面，但裝修頗優雅，非常舒適、座位寬躺，正好趁lunch 時間充吓電午市套餐 $48有15款菜色選擇，真係花多眼亂。我點咗時菜炒花枝，即點即製，上檯仲好有鑊氣。豆鼓炒花枝，食落爽口又入味。套餐仲包括時菜及白飯，感覺好健康。+$58 燉湯每日都有特色燉湯，我點咗杏汁豬展燉白肺，湯料好多，味道濃郁，可謂用料十足，最緊要不含味精，健康滋潤除咗中式美食仲有多款西式套餐，十分多元化。

係觀塘買完野順便食個lunch! 偶然發現到呢間餐廳就撞入去！餐廳分別有中式同西式食品供應，而我就比個燉湯套餐吸引左，燉湯既款式按返星期幾去睇返，$98就有燉湯，小菜一款同埋時蔬一碟，都幾抵燉湯我揀左舞茸菇螺片豬展湯，好足料，而家燉得好夠火喉個湯好濃味又冇味精！真心正小菜就秘製梅菜扣肉，佢地用既梅菜係甜梅菜，而五花肉肥瘦好均勻，食落去唔會覺得油膩另外加左支冷泡茶，係蜜桃茶呀！好香蜜桃味又唔會太甜！估唔到撞到間咁高質既餐廳

平時通常都係叫外賣，第一次上餐廳睇下，朋友話友情廳房入面其實好多野賣，唔止係一般工廈餐廳㗎。睇住地址去搵敬業工廈，咦…過左都唔見有門口嘅，原來係停車場旁邊入去撘𨋢上，唔係喺觀塘返開工嘅可能都幾難搵。一上到黎就見到教主，哈哈，可以打卡呀～疫情下餐廳主要做外賣，不過店內其實裝修唔錯，地方大又乾淨。叫左份燉湯套餐，有菜有飯又有湯，仲另外加左支茶，超豐富呢！飲啖湯先，是日係抗疫靈芝湯，賣相平凡啲，但其實好足料㗎。湯頭鮮甜濃郁，熱辣辣好正，真材實料原汁原味嘅燉湯，無添加㗎。個小菜就叫左時菜炒花枝，是日係西芹，花枝鮮嫩有咬口，西芹吸了蒜頭同薑味好好味，送飯一流。個餐仲有一份時蔬送，是日係蒜子雜菌娃娃菜，好鮮甜喎，原粒蒜頭煮到淋哂勁正，好味到連汁都撈埋。白飯就無乜特別啦，份量十足，一盒滿滿的。仲有呢枝玫瑰果茶，店家話係德國有機茶黎，無糖無添加，飲落味道有啲似洛神花咁酸酸甜甜，但味道較天然，仲有淡淡果香，淨係無加糖已經抵讚啦！餐廳仲有唔少食材急凍包賣，加熱就食得超方便。除咗友情廚房本身嘅食材包外，仲有35座車仔麵嘅急凍包，幾十蚊就有交易，試下佢先。

💛 #觀塘 @passions_delighthk觀塘打工仔又周圍去覓食了😙 今次去咗敬業街一棟工業大廈入面嘅「友情廚房」🎗 呢度有中餐又有西餐，價錢大部分都係$48-55，都幾抵食！ 不過今次我就豪食咗個最貴嘅漢堡套餐，嚟迎合我嘅復活節假期😆😆🍔 6安士手打西冷漢堡連薯條 （$85）手打西冷超大塊超juicy，肉汁豐富！除咗牛味，仲有少少黑椒嘅味道🤤 夾埋蕃茄、生菜、芝士、洋蔥，係一個signature靚漢堡😋👍🏻 Burger餐仲附有又香又脆又脆嘅粗薯條添❣️🍵 玫瑰果茶佢哋仲有自家製嘅冷泡茶，我試咗呢款玫瑰果茶，少少甜、多多香🥰🙆🏻‍♀️

以前同事喺觀塘返工，佢介紹咗一間冇味精住家外賣餸及湯包給我。本人自己好鍾意飲湯，成日搵唔同完全無味精的湯包，好多都好濃味，而且飲完好口渴。所以今次搏一鋪試試這間小店，竟然有驚喜。這包杏汁豬肺湯，真係完全無味精，同媽咪喺屋企煲湯味道一樣，飲完好舒服。完全做到住家口味香煎蓮藕餅都好有驚喜，他不是普通的家庭式肉餅，食落去好有肉汁，絕對係五星級大廚烹調的食品，估唔到外賣餸包都咁高質。梅菜扣肉，好香，送飯一流。總括然而，臨走時同老闆娘傾了一陣，原來他們還有做中西式到會，絕對係中式私房到會。食物絕對有保證，值得一試