友拉麵

营业中

休息中

呢間日式拉麵小店係舊式屋村商場入面，細細間好似居酒屋咁，餐廳都有幾多貓貓嘅擺設，而且都幾多人排隊食🐈🔸櫻花蝦拉麵（HK$88）湯上面有幾多櫻花蝦，叉燒有炙燒過，肥瘦都適中😁而且有溏心蛋，呢碗我地就揀左曲麵，食落比較煙韌～🔸黑蒜油札幌味噌拉麵（HK$79）呢款湯底就期間限定，有黑蒜油點綴更惹味，叉燒大大塊，呢碗就揀左直麵，質感就硬挺啲🍜🔸白桃碳酸汽水（HK$24）食拉麵膩膩地配返呢個特飲都幾解渴，味道唔算太甜🍑

小小的店面，小小的枱櫈，座位不太舒適，不過好多貓的裝飾。食物款式選擇不多，味道不算難食，但較普通，比當年的味千好一點，價錢唔算貴，如果想普通食碗拉麵都可以接受～

♨️友拉麵荃灣西樓角街202-216號昌寧大廈1樓53號舖@friendsramen888 ♥️荃灣細細的一個商場裏面一間特色拉麵店，裝修骨子重點係啲拉麵好食性價比高👍🏻🔷期間限定黑蒜油札幌味噌拉麵勁足料又大碗，黑蒜味濃郁，叉燒夠入味又軟腍，叫咗曲麵麵質彈牙，糖心蛋入味，絕對係高質嘅一碗拉麵🔷辛肉碎拉麵辛辣肉碎全碗都係，辣度剛剛好唔會過火，一樣叉燒、糖心蛋各樣嘢都係好出色，唔錯🔷北海道炸牛肉薯餅勁香脆又大件熱辣辣上枱，牛肉味香，食完都幾飽😋食物：8/10抵食：8/10環境：7.5/10#食在荃灣 #荃灣美食 #tsuenwanfood #美食日記 #美食推薦 #辛 #ramen #友拉麵 #日本拉麵 #拉麵 #hkfoodie #hkfood #hkramen #ramennoodles #ramenlover #hkfoodblog #hkfoodstagram #hkfoodblogger #hkfoodporn #hkig #hkigdaily #hkiger #hkigfood #foodie #foodiehk #foodporn #foodblogger #foodphotog

荃灣真係一個美食既好地方除左連鎖集團之外 仲有好多好好食既小店今次要為大家介紹既係 - 友拉麵餐廳係位於荃灣西樓角路202-216號昌寧大廈1樓成個環境都好日式拉麵店既風格而且加左小小貓既poster同擺設係到 超可愛不得不提佢地CP值都好高 無收加一服務費架食物個方面 今次點左:櫻花蝦拉麵:佢份量都偏大而且個湯底味道好濃郁 同埋有好多櫻花蝦係個面頭塊叉燒都燒焦焦地 好好味!!!!Location: Tsuen Wan

再次經過荃灣千色匯，見到有間拉麵小店，有貓貓主題做佈置，店內走日式木系風格，整體味道不錯，值得支持一下。麵質跟基本一樣，有硬、軟、普通，3硬度選擇。而拉麵就很特別有直麵和曲麵兩款選擇。🥢辛肉碎拉麵(兩隻辣椒)：以味噌湯為基底，配上超辣的辣肉碎，整體味道濃郁。辣度其緊還可以接受。配料有基本的叉燒和糖心蛋。而糖心蛋做得比較出色。🥢黑蒜油札幌味噌拉麵(期間限定)：麵的份量也非常多～ 店員推介期間限定款式～湯底其實是櫻花蝦的同一個湯底，當中最大分別是在表層淋上一大大匙黑蒜油，黑蒜油非常香～ 而選配了曲麵，湯汁掛麵，味道濃郁得來不會太鹹。🥢日式炸雞塊：其實都有四大塊無骨炸雞，算是抵食。炸雞熱辣辣入口，外脆內軟，口感不錯

荃灣猫猫主題日式拉麵拉麵有直麵同曲麵，麵嘅質地都有軟硬普通，可以俾你因應唔同嘅配搭選擇唔同麵底！辛肉碎粒麵 $86入面配料有辛肉碎、火炙豚内、味王，蔥、竹筍、海苔，整體大約小辣程度，湯底都好入味配上辛肉碎口感真係一流，豚肉燒過更加香口惹味，仲有大大粒嘅味玉係流心！呢個湯底配上咗曲麵，可以每一口麵都沾上更多嘅湯汁！期間限定 黑蒜油札幌味噌拉麵 ＄88配料都係有火炙豚肉，味王，蔥，木开絲，王米筍，海苔，不過期間限定湯底真係要一試，好濃厚唧黑蒜油超級香，但係又唔會太搶走整體拉麵嘅感覺，呢碗叫咗硬身嘅直麵食落更加有口感，再都味玉都係有火炙過真心有驚喜！汽水$10罐友拉麵 (荃灣)荃灣西樓角路202-216號昌寧大廈1樓53-54號舖

荃錦一帶既商場不嬲有好多好野食今次食左一間bookmark好耐既拉麵店店門充滿日本風人來人往氣氛熱鬧店內好多可愛貓貓裝飾蔥山拉麵見到 menu 有註明好多蔥到台仲震撼蔥粒多到堆成山 食極都食唔完魚介湯頭味道鮮甜拉麵有分直麵同曲麵 麵質掛湯佢哋嘅叉燒有用火稍微燙過會有微微嘅煙熏味個人幾鍾意黑蒜油札幌味噌拉麵黑蒜油同味噌味道好強一上台就聞到好香呢款口味比較適合愛好重口味嘅人炸棒棒餃子棒棒餃子炸得好脆入面仲有好多肉汁熱辣辣食佢就最開心蜜糖芝麻雞翼呢個係意外驚喜本身諗住覺得係普通小食但係嚟到嘅時候發現大大隻三隻都已經好飽上面嘅蜜糖加埋脆皮好完美咬落去雞汁好香

今日同朋友參觀荃灣三棟屋博物館，然後過了對面的商場食晚飯。商場雖然有點舊，但人流卻絡繹不絕，食肆又新又多。我和朋友選了商場內的友拉麵，試一試小店的味道。拉麵的選擇不多，但全都非常吸引，我和朋友分別選了櫻花蝦拉麵和黑蒜油札幌味噌拉麵。麵底可選直麵或曲麵，而麵質可選硬、軟和普通。而我們都選了最常見的曲麵，店員話比較彈牙。黑蒜油札幌拉麵既湯底有好香的黑蒜味！食拉麪好怕湯底好油好鹹，但這碗拉麪湯底適中，可以飲曬成碗湯都唔覺得鹹。這碗黑蒜油札幌拉麵的湯頭是以豬骨、雞骨和魚介熬煮而成，入口滑順卻不失濃郁。麵條Q彈有嚼勁，而黑蒜油的香氣和味道更是讓人忍不住一口接一口。值得一試！櫻花蝦拉麵差不多整個碗面都被櫻花蝦鋪滿，蝦的香味融入湯中，令湯底更為鮮甜。麵質剛剛好，口感彈牙，湯的鮮味亦完全掛在麵上，超正！麵中配有火炙豚肉，肉質剛剛好，不會過熟或散開。我們亦叫了一粉日式炸雞塊，32元有5粒，即叫即炸，雞肉雖然油炸，但入口仍保持嫩滑，不會太乾。沙律醬配上熱辣辣的炸雞，配上可樂，真係爽呀！屹立在荃灣的小店果然都名不虛傳，食物質素非常高，價錢又十分抵食，食完真係大滿足呀！

呢間拉麵CP值高，變左我第一位飯堂，最貴$88價錢，足料，啲材料係布滿晒碗面㗎，湯底香濃好明顯可以食到呢食材嗰個味道啊。我碗黑蒜油札幌拉麵仲食到有蔬菜既鮮甜味，黑蒜味好香!叉燒有三大片，真係大大塊㗎，肥膏比例唔算好多，啖啖肉有香，仲有少少火炙嘅香味😋朋友嘅櫻花蝦拉麵，鮮香濃厚，仲有好多櫻花蝦添另外，我哋仲嗌咗兩個小食，黃金芋圓同埋芝麻蜜糖雞翼。芋圓炸得好乾身無乜油，我同雞翼好香脆芝麻同埋蜜糖都好香好正！總括嚟講呢間呢係真心推介嘅。唔算好多位18-20個，但係等位都好快，因為店員做嘢都好快手，等咗四張枱，大概10分鐘到啦。

平時行荃豐都係為咗買嘢，好少再向入面啲商場繼續行，但今日見肚餓，不如走訪一下，行到昌寧，眼前出現一間感覺幾日式嘅拉麵店，入面有啲貓貓畫幾得意，就決定試下。門口都要排下隊，因為店面唔大，但都唔算等好耐，可以排隊時剔咗紙仔點餐先。拉麵可以選直麵、曲麵，亦可選硬、軟、普通3種口感。我地叫咗兩碗拉麵加兩樣小食。黑蒜油札幌味噌拉麵（期間限定） $88材料有火炙豚肉、味玉、蔥、木耳絲、玉米荀、兩片紫菜。湯唔算油，入口咸味剛剛好，亦有淡淡玉米味，加埋黑蒜油感覺味道好豐富，夠晒香口，用嚟送麵一流。豚肉亦恰到好處，唔乾，好好味，配埋隻蛋同其他配料，好快就清晒成碗麵。櫻花蝦拉麵 $88材料有櫻花蝦、火炙豚肉、味玉、蔥、竹荀、兩片紫菜。湯咸得嚟好鮮，同黑蒜油嗰款有少少唔同。櫻花蝦干好多，全部細細粒而且係偏咸，用嚟送麵剛剛好，蔥夠多，成碗都香晒，建議用紫菜包住少少蝦干、蔥同一啖麵，浸一浸湯一口咁食，好正。蜜糖芝麻雞翼 $36雞翼皮夠脆夠香口，加埋上面啲蜜糖甜甜地好好味。黃金丸 （地瓜+香芋）$28一碗有5粒有晒兩種味，作為甜品幾好食，味道亦唔陌生，就係放題食開嗰種炸丸。拉麵同小食嘅品質都控制得唔錯，份量亦足夠

行過荃豐中心經過去到八點都仲開緊嘅友拉麵見到佢有特色嘅蔥拉麵就即刻去咗排隊入去入到去發現裝修都好多貓嘅元素睇得出店主係貓奴拉麵可以揀自己想要嘅軟硬度咁我哋當年叫咗個香港好難見到嘅蔥拉麵同魚介拉麵蔥拉麵理所當然好多蔥因為湯底比較濃郁令到蔥都有湯嘅味道叉燒係有額外用火槍再燒過所以會有另一種燒過嘅香味魚介拉麵會額外多咗魚介粉會比其他拉麵湯底更加香濃其他配料都差唔多餃子係即刻煎出嚟嘅豬肉內涵好香皮薄餡靚食嘅時候都會有湯滴出嚟又香又脆叫咗支好似酒嘅提子汁曾經見過Donki都有得買比較偏甜但係值得一試📍友拉麵

呢間拉麵小店裝修得幾有氣氛，掛滿貓貓🐱為主的裝飾，座位唔算太多，但坐得舒服。黑蒜油札熀味噌拉麵 呢款拉麵期間限定，麵方面簡左曲麵，比較有彈性，另外黑蒜油真係好香，加左黑蒜油令到成碗湯湯底提升左，超濃郁，不知不覺飲左成碗湯。辛肉碎拉麵 辛辣肉碎鋪滿成碗，辣度剛剛好，同樣地麵方面都係簡左曲麵，除左辛肉碎，仲有火炙豚肉、味玉、蔥、竹筍、海苔，超滿足，火炙豚勁有豬味😈😈北海道牛肉薯餅 薯餅熱辣辣，咬落勁脆口，牛肉味都幾濃，可以一試🤤🤤

唔講唔知，原來荃灣站取附近有幾個小商場連埋一齊，入面有勁多野食。今次朋友帶我去友拉麵。係荃灣站一路行天橋，大約五六分鐘就到。餐廳用左好多貓貓裝飾，見到心情都好啲😺佢主要有五款拉麵揀，有得揀曲麵或者直麵，同揀麵嘅軟硬度。選擇上都算唔錯！💋#櫻花蝦拉麵淨係睇樣已經見到好多好多櫻花蝦。湯底蝦味濃，個人覺得比一幻更香。咸淡剛好。叉燒肥瘦適中。曲麵幾掛湯。溏心蛋夠哂溏心，一碗有成隻，very nice !💋#葱山拉麵本來以為會係very fresh 嘅生葱味，有啲驚中伏。但原來葱葱加上魚介湯底會互相balance , 夾埋一齊幾好食，食晒成碗都唔覺得滯。#荃灣美食 #荃灣 #荃灣拉麵 #香港美食 #香港拉麵 #ramen #ramenhk #hkfood #foodie #foodiehk #友拉麵 #香港探店 #貓咪 #cat #萌貓 #荃灣小店 #friendsramen888

好耐冇同老公去荃灣行街啦，荃灣嘅特色天橋駁天橋，駁去到荃豐商場，然後又商場駁商場，駁到去昌寧，當又攰又餓之濟見到間友拉麵店，立刻要入去醫下肚先得💙🥢期間限定⭐️黑蒜油札幌味噌拉麵麵質揀左普通，但我個人都覺得都啱啱好，湯底味噌唔會太鹹加埋黑蒜油香而醇厚，但不得不提佢個香玉米筍，比起我平時食嗰啲更大更甜😋🥢櫻花蝦拉麵食落啖啖櫻花蝦，麵質揀左硬，唔會太硬而有咬口我都覺得好食喎👍🏻老公對個火炎豚肉大贊，炭燒味好香，而且唔太肥😋🥢日式餃子餃子皮薄而唔太硬，餡料豐富煎得仲好香脆總括嚟講友拉麵價錢同質素值得一試，裏面木系嘅裝修仲有好多貓貓裝飾比人一種好舒服嘅感覺，坐喺吧枱位就更有feel 💙

🍽 辛肉碎拉麵 $86 ❤️4/5 拉麵揀左曲麵，係傳統拉麵既麵底，麵質就係揀左偏軟身，湯底都係用味噌湯加上辣肉碎，非常濃厚，唔會太辣🍽 黑蒜油札幌味噌拉麵 $88 ❤️4/5 期間限定💨小編揀左左直麵，麵質普通，黑蒜油味濃，而湯底則有味噌湯的感覺，配合幼幼的直麵條十分掛湯。配料的豚肉則是火炙，油脂分布平均，味玉糖心蛋咬落剛剛好，十分幸福😋🍽 蜜糖芝麻雞翼 $36 ❤️5/5 雞翼香脆可口，食落比想像中鮮嫩多汁，配合蜜糖芝麻脆皮十分開胃🤤🤤🤤，蜜糖嘅份量好多非常之甜，唔同出邊坊間嘅芝麻雞翼，5分推介！