友義氣‧酸菜魚 (小炒打冷)

营业中

休息中

#跟住我食唔中伏 .午市都要食好啲！見到屋企附近新開咗間餐廳😍即刻試下先！［招牌酸菜魚］標準size份量都好多🤩碗邊大大隻字寫住：「魚好吃湯更好喝」，所以上桌一於先喝一口湯，果真好味😋唔係味精，飲完一啲都唔口喝！👍🏻因為心心都要食所以走辣少麻，但都堅好食👍🏻再試埋啲魚，肉質好滑唔易散！而且份量好多好掋食🥰（無記錯好似$188）.淨係食魚邊夠喉😋另外再點咗個［鮮果咕嚕肉］外脆肉嫩 #勁好味 ，酸酸甜甜啖啖肉，而且啲肉條狀方便夾食幾細心心心仲嗌咗杯爆爆珠乳酸，大大杯勁滿足🤣.#聽晚決定再外賣番屋企食

是日同HONEY去開得寶買野，見到哩間新開左的友義氣•酸菜魚（小炒打冷） 食酸菜魚都咁義氣，哈哈就同HONEY去食佢有幾咁友義氣XDDD因為最後一日的堂食晚市，店舖都好多人，等左半個鐘先有枱~~一坐下，職員真系好有禮貌，問拿野同下單都唔該前唔該後，真的難得，真的給職員一個讚~~同HONEY點左倨老壇酸菜魚(標準) ，鮮果咕嚕肉，飲品就點左個大檸樂同埋荔枝梳打，大檸樂荔枝梳打大檸樂一上來，真的大檸樂哈哈，同HONEY飲都飲唔曬，另外荔枝梳打都唔錯，有D爆珠，老壇酸菜魚(標準) 老壇酸菜魚分別都會有(標準) 同埋(特大)因為兩個人，所以點左老壇酸菜魚(標準) ，哩個老壇酸菜魚(標準) 真的給我想像中多好多份量，仍地出的酸菜魚當中，用的是海鱸魚，魚的份量都唔少，食極都有。魚質好滑身又無咩骨，真的啖啖肉，海鱸魚加上酸菜湯底，真的愈食愈上癮。另外還有其他食材，有酸菜、大豆芽、寬粉、金菇、菊花絲和萵筍，另外有埋花椒粒，忍唔住同HONEY叫左白飯去加埋湯食~~真的好正~~鮮果咕嚕肉鮮果咕嚕肉系有新鮮的菠蘿，咕嚕肉炸得香脆又好食，加埋燒過的新鮮的菠蘿，真的好有驚喜，哩度的食物真的唔錯，加上職員好貼心的

秋冬就想食D又熱又辣既野暖下身😁今晚同朋友黎左呢間新開既中菜，非常有驚喜！！👏7點左右黎到唔駛等位，keep住不停有食客入黎，個場雖然唔細但瞬間全場爆滿😂我哋叫咗個標準size招牌酸菜魚，鮮果咕嚕肉，兩個飯，菠蘿乳酸，檸樂煲薑😎酸菜魚一黎到見到個樣就知掂！完全同返大陸食既一樣😍即刻試左啖湯，味道偏酸左啲，但隔多陣再飲啲辣滲左落個湯底度，混合左花椒既麻，辣椒既辣同酸菜既惹味，簡直完美！！🤤🤤店家用上海鱸魚，肉質鮮甜肥美，完全零腥味，超級嫰滑！！😍😍 薯粉芽菜索晒個湯好好食🤤咕嚕肉新鮮熱辣，炸粉夠薄👍 肉質偏肥所以一啲都唔鞋口，酸甜味適中，令人愈食愈開胃😋好似愈黎愈少係市面既餐廳見到檸樂煲薑呢樣野，俾我發現到當然要懷緬下😁好羨慕九龍灣得寶附近既街坊可以咁方便就食到如此高質既酸菜魚同咁有鑊氣既小炒😍 相信呢間餐廳將會成為我同呢個朋友約食飯既口袋名單首選❤️😆

得寶e間友義氣新開，見OpenRice有得book，所以book位試下，book左8點，7半早到左侍應話冇得早入，吾緊要，都明白，甘係商場行下先，7點55分再返去話book左8點，佢都係叫我地係出面等，企左陣冇動靜，又見有第2個侍應出左黎，於是再同佢講多次book左位。。。終於有人執枱比我地入，但第一個侍應大叫左聲"都話執緊枱"，都feel到佢幾躁底😂佢有比熱水但我地枱冇比杯。。。叫左酸菜魚，吾夠熱，有d魚有細骨，薯粉有d冇散開一舊，入面有好多芽菜，酸菜，有金菇， 萵筍， 味道冇另一間分店甘好食。。。咸魚雞粒豆腐煲: 下面有個我以為係爐但原來只係個架，冇火熱住佢的，味道ok ge， 豆腐冇我想像中咁滑飲品: 大檸樂總括嚟講食物同服務態度都好一般， 勝在冇茶錢又唔使加一，第2間分店可能會好d...

💪🏼💪🏼《友義氣》［@sofood_sogood_sochill]⬅️喜歡及支持請follow🤗剛剛過了Lunch午市時段，以為會冇人爭飯食，但行經得寶商場1⃣️樓1⃣️間叫友義氣·酸菜魚菜館門口，又見裡𥚃外外都仲好多人喎😱！發生咩事？走入去八吓先！原來餐廳🍴喺下午2⃣️半之後，埋單仲有85折呀😱！入到去張張枱都有人坐緊，今日係閒日，都咁爆，等小編查探吓佢哋有咩出名嘢食先🤩！🐙🦑🦖🦐🦑🦐🦑🦐🦖🦎🦀🐢🐍♣️ 老壇酸菜魚(標準) HK$188🐟🐟🐟🐟🐟🐟🐟🐟🐟🐟🐟🐟🐟😱超級大大盤！一出場已經蒜香滿溢👍🏻！初初呀大人仲以為店員比錯咗加大碼比我哋，細問之下原來咁大盤都只係屬標準Size乍😂🤣！友義氣的酸菜魚用的是海鱸魚！成盤有無數海鱸魚🐟片浸浴式咁出場。魚質爽口得嚟好滑溜！啖啖肉，海鱸魚🐟吸盡酸菜魚湯🥣精華！味道鮮甜濃厚。除咗海鱸魚🐟之外，盤中還有其他美味嘅食材，如酸菜🥬、大豆芽、寬粉、金菇、菊花和萵筍等等，非常豐富😋👍🏻！♣️ 鮮果咕嚕肉🐷 HK$88🐟🐟🐟🐟🐟🐟🐟🐟🐟🐟🐟🐟🐟友義氣嘅咕嚕肉🐷有別於坊間部份餐廳🍴用普通🐷豬肉製作。佢用嘅係爽口彈牙嘅豬頸肉😙做心，所以入口唔癡牙唔會有肉渣😍，爽彈之外還帶脆香😋😝

係得寶見到有間新餐廳開左，食小炒呀酸菜魚個D，所以就去試新野。 叫左個1-2人份既酸菜魚，簡左小辣。入面有萵荀，寛粉，豆芽。魚肉都幾彈牙，個湯既酸味都突出，個湯用黎撈飯都好好食。我都好鐘意佢呢到既酸菜，唔會真係酸到食唔到，覺得岩岩好。另外，呢到都幾多小菜，叫左個菠蘿咕嚕肉，幾特別既係佢有燒菠蘿擺側邊，咕嚕肉外面炸到好脆，入面好嫩，酸度都岩岩好，估唔到小炒都OK WO。野飲叫左杯大檸樂，真係超級大杯，咁既價錢真係好抵! 可以再ENCORE呀呢間。

屋企附近開了一間食酸菜魚的鋪頭，於是今日就同家人去品嘗。我們點了一份標準的酸菜魚和一份咕嚕肉。酸菜魚的擺盤都很正宗，辣度都可以選擇，我們揀了微辣的程度，魚肉十分滑嫩，沒有魚骨，老闆話這是特選的海鱸魚，海鱸魚的營養價值好高，有很豐富的蛋白質。果然魚肉好吃！在香港好少機會可以吃到咁正宗又好味的酸菜魚。咕嚕肉的肉質都好爽脆，炸粉也好吃，酸酸甜甜的很好配白飯，而且拌碟的菠蘿也特別好吃，沒有渣又不酸。這裏的特色不止酸菜魚，還有好多菜式都好似好正，下次和家人都想試下其他的菜，因爲我覺得每一樣菜都好有態度，整得好有心機，可以再食。