友膳坊 (已結業)

試了醉雞脾餐，雞脾一食就知係雪鶏。我知出面街多用雪鶏，但此鶏真的是名副其實的雪鶏，因為1)雞脾Size好大; 2)肉離哂骨。食完才看到Poster寫着這是家傳醉雞脾，我想是時候可以失傳了。至少已失去了我這個客人。

識了近廿年的老友，上畫前找處地方談談近況。店家推介燒汁豬扒，配泡飯，老友點了叉燒墨魚湯麵，順便叫了醉雞作小吃。可能是冷氣太強的關係，只感覺到依稀的甜味，洋蔥、紅蘿蔔、青椒也是後來添加物，感覺不到燒汁的特別之處，豬扒沒化學反應倒是不錯，伴的泡飯，大量瑤柱絲下仍有「師傅」味道，令人摸不著頭腦。幾佩服老友對食物的接受程度，先不說叉燒墨魚湯麵，單是煮得皮開肉霉的雞髀與後加的苦酒，竟能一口氣吃掉，事前說他是帶病而來，想起也真的難以置信。對空氣談食，不如笑談瑣事，簡潔環境倒適合閒聊一番。

一路都未寫過呢間返工飯堂之一，喜歡食物有屋企feel，唔會過油。以往喜歡食肉澡湯麵，冬菇都好大粒。今次叫了醉雞脾餐，實在太多，不過好味。個餐有紅蘿蔔粟米湯﹑清菜一碟﹑醉雞脾一大隻﹑白飯一大碗﹑甜品或飲品。醉雞脾係熱既，有酒味，肉質很嫩。而甜品是杞子元肉糕，幾好。

次次去art centre睇show都趕頭趕命食飯今次遲既係我做野做到唔知時間落街一路都覺得蘭杜街同art centre算近架喎原來食飽又要跑都幾係野三點開場仲食到下午茶餐就知時間幾有限我要湯飯餐湯飯加小食拼盤有芝麻蝦鴨絲卷魚餅同餃子共七件湯飯唔敢講無味精不過有都肯定唔多飯浸湯後不太軟不太硬好開胃即使幾件小食都係油炸也不算太熱氣鴨係此店招牌貨鴨絲卷的確相當好食爽口亦有鴨香對面的要了鮮蝦湯麵麵沒試不過蝦有份量也有鮮味下午茶的味道及份量仍不俗完全收貨加上幾位姐姐服務態度可親雖然20出頭說的是幾年前的20出頭對我們的共鳴不算十足不過想說的還是收到了記得便擁有那我想我還是很富有的回家的時候皎潔的明月清勁的北風這夜格外的開朗

最近中午常來食,貪其地方企理乾淨, 出品又少/無味精.試過潮式泡飯,沒有仔,但一樣好味,啖湯真係清甜得黎又夠味.另一次試過蕃茄肉碎飯,好開胃,無味精,甚有住家飯風味. 有時想食清,會點什菜湯面,什菜有木耳,紹菜,蘿蔔,磨菇等,當然最重要又係那清甜湯底. 如點中午套餐,加3元會有例湯一碗,又係無味精老火湯,正. 但呢度lunch每天都爆場,想有位要早離.

星期六食晏,見此舖未食過入去試下.餐牌上選擇不多, 揀左個香菇肉澡飯, 香菇係兩隻很厚肉大冬菇,雖然好似有少少酸,但都ok, 肉澡食落真係好有"屋企"feel,種味道應該係無加味精, 飯身軟熟,拌肉澡同吃都幾滋味. 如果放係飯面小棠菜可以加多幾條就更好了.

星期六晚差不多九先到蘭杜街,原本想去蝦x店, 但原來己休息了, 臨時間較為企理.此店有脆酥鴨餐, 包茄子頭盤,脆酥鴨, 潮式泡飯, 1份7x元.脆酥鴨以鴨肉西式煮法,鴨皮脆口得來唔覺肥, 再配以片皮鴨食法, 幾好食又有新意.潮式泡飯都唔錯, 另加的鰻金錢湯麵普通, 麵身尤其硬脆酥鴨餐份量很多, 細食的人2個人點1份餐己足夠

因佛誕放假，又一次去唔到蝦麵店，所以黎左呢間。星洲喇沙米線（$38）--米線幾好，因為浸左一段時間都唔林，仲有少少彈牙。靈魂湯底就唔多夠味，香亦唔夠，本來話係辣的，但食落亦唔多辣。料有兩隻蝦，魚鬆，豆卜，牙菜，蟹柳，蝦餅，都夠豐富。小棠菜排得好靚，但我無食。有個男侍應，有乜菜食又唔知，冷氣滴水又唔提人，上菜又唔記得拿走夾在碟上的單，要改善。

之前經過這店,看到不含味精靚湯,便打算遲d來試!前二晚和辣椒女兩個便去試食.我們叫了一個鮮蝦鯪魚球泡飯和當歸鴨湯麵.鮮蝦鯪魚球泡飯- 鮮蝦唔多新鮮,應該係雪藏蝦,鯪魚球還可以,泡飯就幾好.泡飯的湯真的沒有味精,而且味道很好,食後又唔會口喝.當歸鴨湯麵- 當歸鴨麻麻,味道其實幾好,可惜太鞋和un.湯麵唔會太,味道幾好,可能因為湯好味吧!這裡的湯又真係幾好,像我們很少飲湯水的人,有空去飲飲也不錯.