友誼泰國菜館

营业中

休息中

平時去九龍城多數都係去已經出晒名嘅泰國餐廳，而呢間餐廳係之前行過覺得個門面好簡單，冇特別留意個menu。今次再行過去，見到入面裝修好乾淨整齊，再加上朋友介紹話幾好食，所以今次自己一個就入去試吓。入到去餐廳嘅服務員都好好笑容好welcoming ，非常加分Menu嘅選擇都幾多，有啲小食幾吸引，譬如皮蛋蝦餅&酸辣鳳爪可惜我自己一個人食，只能夠嗌個炒飯試試水溫。我叫咗個泰式炒飯配雞肉。炒飯嚟到係出晒煙，粒粒飯都炒得好乾身，雞肉好嫩滑唔係雞胸肉嗰隻諧霎霎，擺盤都有啲心思不過食到最後都見到幾多油Anyway, 食完好滿足期待下次約多啲朋友可以一齊去食唔同嘅小菜！

📍友誼泰國菜館(九龍城)九龍城城南道5號地舖好耐之前係舊舖食過佢個燒牛肉，再想去食就見已經執咗，自此就念念不忘，終於等到佢重開，緊係要約埋朋友嚟食啦😆😆😆👉檸檬燒牛肉💰128😋😋😋😋.8/5呢個真係必食，佢個燒牛肉好重碳燒味之餘，仲唔會過熟，半生狀態，超級嫩肉，配埋秘製醬汁，更加開胃👉生蝦💰98😋😋😋😋.6/5好耐都無食過喇，個生蝦非常新鮮，夠哂鮮甜爽口彈牙，點埋個生蝦汁仲帶出咗蝦個鮮味，打開個味蕾👉咸魚炒椰菜苗💰78😋😋😋😋.6/5揀咗椰菜苗用鹹魚炒，好咸香好惹味，椰菜苗新鮮翠嫩👉明爐烏頭魚💰158😋😋😋😋.5/5烏頭新鮮又大條，而且唔會煮得太熟，口感啱啱好，加埋幾粒酸梅仲更加開胃，配菜煮到最後先食，入哂味，酸酸甜甜回頭: yesYesyes!!!☺️ 佢個燒牛係最好味架😋😋😋而且份量大，水準都好穩定😆

這間位於九龍城的【友誼泰國菜館】，主打地道的泰國菜，而且價錢公道，份量十足，無需加一收費。食物方面，有多款的特色泰國小食、湯、海鮮、咖哩及飯粉等，款式甚多。拼盤有彈牙炸蝦餅、金黃香脆的春卷、炸魚餅及香葉包雞。椰汁咖喱燴蝦蝦仁爽彈，咖喱帶椰奶香味，十分惹味。馬拉盞通菜通菜有香料味道，帶點辣香。豬肉碎生菜包生菜翠綠爽脆，豬肉碎帶點辣香，十分清新惹味。蟹膏炒飯炒飯有多隻大蝦仁，洋葱、炒蛋等配料，十分爽口。最後飲返杯青檸梳打。

想食泰國菜首選梗係去九龍城，今日去咗間重新開張嘅友誼泰國菜館✨新店裝修明亮光猛，座位寬敞舒適，店員親切又有禮，成個用餐體驗都好好💗💗🔹豆腐肉碎湯呢排天氣咁凍，最啱使飲番碗熱辣辣嘅湯，豆腐肉碎湯湯頭清甜，選用玉子豆腐，嫩滑無比，肉碎份量好多，啖啖鮮甜又暖胃。🔹蒜蓉包一上枱就聞到濃濃嘅蒜香味，包身外脆內軟真係令人食唔停口。🔹豬肉碎生菜包帶點微微酸辣開胃又惹味，伴以新鮮爽脆生菜同食，口感豐富又開胃。🔹鹽燒烏頭即叫即燒熱辣辣上枱，魚肉嫩滑多汁，帶濃濃香草味，味道上更多了層次。🔹蝦醬炒飯炒飯食落好有鑊氣，粒粒分明之餘仲散發陣陣蝦醬香，見到絲絲蛋花，仲有泰式香腸伴碟，鹹香惹味。🔹泰式雜菜煲食咗咁多肉叫返個菜平衡吓～雜菜煲都有齊多款菜，最愛清香西蘭花，仲有唔少粉絲，份量十足夠晒足料。🔹青檸梳打清新香甜好解渴，酸甜開胃。友誼泰國菜館✨📍九龍城城南道5號地舖

今日同老公去咗九龍城睇戲拍拖，睇完戲周圍行吓見到呢間友誼泰國菜原來重開返啦😍😍我哋以前都成日去食，新舖頭裝修簡潔光猛，牆上面仲貼滿好多嘢食嘅靚相，真係令人眼花撩亂樣樣都想食呀！🐟明爐燒烏頭泰國嘢必叫一定係明爐燒烏頭！烏頭好新鮮啖啖肉，個爐火一路熱住熱辣辣，唔洗驚會凍咗，好啱冬天食😋配埋店家特製嘅泰式酸辣汁，好提鮮好惹味👍🏻另外仲配埋碗魚湯，可以一路煮一路補返啲湯，個湯都好香香茅味飲落都無味精👍🏻😍🐥燒雞半隻燒雞用咗泰式風味嘅醃料，有黃薑粉，食落好juicy唔會過咸，皮脆肉嫩，見到隔離幾檯都有叫燒雞食，相信一定係鋪頭嘅名物😍推介大家下次嚟都要叫嚟食下！🍜泰式炒金邊粉次次食泰國嘢都會叫，炒金邊粉嘅調味適中份量充足，味道唔會過咸或者過甜，仲配有好多嘅芽菜、花生粒、碎蛋同埋新鮮大蝦，好似去咗泰國食地道嘢咁😍🥗馬拉盞炒通菜 份量都好多，夠晒我哋兩個人食，仲用咗少少辣嚟調味，好好食好惹味🧋龍眼冰清清甜甜嘅龍眼冰絕對係配泰國菜嘅不二之選😋飲完好解膩👍🏻📍 友誼泰國菜館 (九龍城)九龍城城南道5號地舖

闊別一年重開, 裝修光猛開揚, 座位比以前更舒適最重要係食物質素都維持到!!生蝦刺身蝦肉鮮甜, 肉質,緊緻富彈性, 咬起上黎有少少糯感配埋蒜片同海鮮汁更加提升左蝦既甜味一路打字都一路流口水呀~濕炒河雞肉胡椒味比較濃, 上菜前再擺多層胡椒粉係面配料幾有誠意, 雞肉大件而且滑河粉有煎香過先汁煮, 所以仲微微焦香味泰式炸蝦餅炸得呈金黃色, 香脆既表面, 內裡係肉質爽彈份量真係算好多, 夠3-4人食椰菜苗本身自帶苦味, 但呢度炒得無苦味之餘, 好食爽脆配合咸魚蓉好惹味咸魚蓉調味適中, 唔會太鹹蓋過晒本身蔬菜既味檸檬燒牛肉係餐廳既signature item 份量多又係多到3人食都夠牛肉仲係少少粉紅好嫩, sauce係有檸檬既酸味再加辣椒同蒜既香辣雖然琴晚食完但以家已經好想再食~~芒果沙冰, 青檸梳打芒果沙冰係新鮮芒果製先會有既香甜青檸梳打偏甜左少少, 下次試埋其他口味既沙冰先!

呢間餐廳以前位於啟德道，因為九龍城重建而結業。最近終於開返！✨豬肉碎生菜包 $78肉碎濃郁惹味，充滿魚露香味。辣度偏高，用生菜包住食就啱啱好。✨黃咖喱雞 $78黃咖喱溫和幼滑，有唔少雞肉同薯仔。叫份印式薄餅（$32）一齊食就最啱。✨泰式爆炸魷魚 $168味道類似椒鹽炸魷魚，味道鹹香惹味，仲有陣陣九層塔香味。✨豆腐肉碎湯 $68泰菜裏面比較溫和家常嘅一款湯。胡椒粉味幾重，仲有肉碎嘅油脂香，冬天飲特別暖胃。估唔到都幾多人叫呢款。

見好耐冇吃泰國菜，突然好想吃，我地去左九龍城最多泰國菜餐廳的街道吃泰國菜先……見到新食店，又去趁下熱鬧，想吃生蝦刺身看過餐牌，都很豐富，價錢也大聚化，入去喇……K先生點名要吃這個#皮蛋蝦餅……兩人吃比較多，建議三五知己，一起吃比較合適……外脆的蝦肉香，內軟的皮蛋，兩層口感！#魚露生蝦，幾時吃都係甘吸引，好味道，配上泰式醬汁，加片生蒜片，嘩…好正！#豬肉碎牛菜包 ： 以為是一道好簡單的菜式，其實真正要煮到一模一樣是很難的，曾經去行市買食材香茅魚露跟食譜煮一次，仍未煮出真的神髓出來……出去吃比較享受點。今晚吃著回味……，有肉汁之外，吃出有不同口感層次，先酸，有點辣味及魚露香，最後有肉汁加上生菜，又有另一味道……爽脆生菜吃著豬肉，不會太膩。#泰式乾炒牛 ：今天比較肚餓，兩人可以吃完這碟牛河，泰式牛河不像廣東河粉長，吃落不會太「輪盡」……口感跟廣式有點不同，無甘油膩……#龍眼冰#椰青吃泰國菜，必選的飲品，是非常的解渴，我比較喜歡清爽口感，又解渴又美顏。K先生比較喜歡正氣飲品，龍眼冰最合適了。泰滿足了……

🌟知道左呢間<友情泰國餐館>重開😍真係泰興奮。今日放工五點鐘就立即過黎重温下佢嘅泰式美食😆時間尚早，不需要等位😍🌟餐廳重新裝修，地方超級乾淨企理👍🏻餐廳貼滿晒食物的圖片，樣樣都好吸引🤤🍤魚露生蝦$98係我食過最好食的生蝦刺身😍睇樣就知道好新鮮，生蝦好厚肉，有7大隻，爽口彈牙，真係好滋味🤤🌶️辣椒膏炒蜆$98性價比勁高，成個鐵鍋的新鮮蜆，隻隻都漲卜卜，鮮甜無沙👍🏻辣椒膏惹味，配埋洋蔥，青椒，芹菜,香料一齊炒，好豐富。🍛紅咖哩牛$78咖哩汁香濃，不太辣，杰身小小，幾creamy 😋牛肉同肉季豆份量都幾多。🥘冬陰公$78（S）超級足料，用左成隻泰國大頭蝦！平時其他餐廳好多都係用急凍蝦碌。仲有好多草菇，香茅。椰奶味吾重，不太辣，但香料味超濃郁🤤🐟燒鯽魚$118大條厚肉，魚肉燒完仲保持嫩滑，魚肉紮實吾會梅，配埋酸汁，愈食愈開胃😆🍹青檸梳打$28🌟總括嚟講，呢間老自號九龍城泰國餐廳重開真係好開心，以後又可以成日黎拉😍👍🏻

九龍城是泰國菜的集中地，最近路過發現這裏新開了一間泰國菜，從網上得知，這間泰菜因為遷拆問題，曾經一到關閉，現在選擇這裏重開，值得一試。泰式燒雞半隻$88，這個因為是即點即燒的，所以大約要等20分鐘以上，建議如果點菜，這個就要先落單為妙。雞皮帶點炭燒香氣，雞肉有泰式香料的味道，整體來說，非常值得推薦👍👍👍👍👍，因為以這個價錢，在九龍城很難碰到即點即燒的。燒鯽魚$118，用粗鹽鋪滿了鯽魚的外邊來燒，可能因為鯽魚燒的時間比較耐了一點，所以魚肉比較乾身，不過魚肉味道相對濃郁，加點自家製海鮮酸辣汁，味道更加美味。魚露生蝦$98，有七隻之多，蝦身頗為飽滿，爽口鮮甜，加上酸辣汁的味道濃郁，又是一道必點的名物。泰式乾炒河粉$68，可選豬、雞、牛，豬肉的質地一般，建議可選雞肉或牛肉，河粉鑊氣十足，帶點甜味，加上蛋絲、紅蘿蔔絲和芥蘭，非常健康。沙嗲$78，可選擇豬和雞，半打起，豬肉和雞肉豬肉都帶着炭燒的香氣，加上自家製的沙嗲汁充滿花生香味，帶着濃郁的亞洲特色。泰啤$18，吃泰國菜喝泰國啤酒就天衣無縫。茶位每位$3，這裏沒有加一 ，而且價錢相對其他九龍城區內的泰國菜便宜，所以茶位每位$3都是值得的。

去九龍城就梗係食泰國菜啦！食泰國菜就梗係約成班bro啦！叫幾個小菜，飲吓啤酒，暢所欲言，唔止係男人的浪漫，直頭係麻甩的浪漫。嚟到九龍城友誼泰國菜館，成班兄弟勁有默契，一個負責叫湯、一個負責點前菜、一個負責叫主菜、仲有一個負責叫蔬菜，最後，呢個泰國餐單同我哋一樣，真係勁match照！冬蔭功 嚟到泰國菜館當然唔少得叫番個冬陰功湯啦！冬陰功配料有大頭蝦同草菇，味道酸中帶辣，兩者比例啱啱好，充滿層次。鐵板蠔仔蛋成班bro，當然要叫蠔仔啦！鐵板上枱時仍然發出吱吱嘅響聲，熱氣騰騰，啱晒呢啲天氣食啦。而重點係蠔仔嘅份量超級多，十分肥美，配上炒蛋同芽菜，口感一流。檸檬燒牛肉燒牛肉就成日都食到，但呢款檸檬燒牛肉非常特別。牛肉肉質非常嫩滑，而且充滿肉汁。蘸上微微帶酸嘅檸檬醬汁非常開胃。馬拉盞炒通菜食咗咁多肉，當然要食返碟菜平衡下啦。馬拉盞係一款非常富有泰國特色嘅醬料，加上爽脆嘅通菜，嗰陣泰國嘅感覺真係返晒嚟呀！豬肉碎生菜包呢款經典嘅泰國菜式，雖然煮法簡單，但要做到好味，一啲都唔簡單。豬肉碎帶有微辣加上洋蔥、香葉等香料嘅助攻，配上新鮮翠綠嘅生菜，簡直係完美嘅結合，令人食唔停口。

呢間九龍城嘅老字號泰國菜重開啦，男朋友即刻約我過嚟食。今次點咗好多傳統泰國菜，首先係燒鯽魚，魚肉燒完仍然保持嫩滑，鯽魚既骨好大條，所以好易就可以起到一大塊魚肉出嚟食，好方便，配上佢獨家秘製嘅醬汁真係超好味。另外仲有紅咖喱雞，咖喱加咗好多香料，煮得非常入味，味道又香又辣，撈飯食一流。酸辣雞腳係我每次食泰國菜都必點嘅菜式，酸酸辣辣好開胃，而且質感爽爽脆脆，好有咬口。另外重點咗馬拉盞炒通菜、豆腐肉碎湯，好豐富。配埋鮮甜嘅椰青，好滿足。

今日同老婆去行街，都係去開有泰國之稱嘅九龍城，搵嘢食因為呢度泰國菜比較多選擇。係城南道俾我哋搵到呢間新開嘅泰國餐館（友誼泰國菜館）。有新嘅燈決定試吓可能比較早得老闆招呼我們😁😁😁介紹咗幾道菜俾我食檸檬牛肉：酸酸辣辣，牛肉嘅味道好濃郁而且切得非常之厚。抵食冬陰功湯：選擇咗細份量，味道比較適合，唔太酸辣到剛剛好又香泰式生蝦：隻隻蝦都非常大肥美配上特製嘅酸辣汁👍柚子沙律：柚子配上海蝦，加上特製炒過嘅香蒜花。非常之好味燒雞半隻：皮脆內亂，外皮醃過特別香，再加上酸辣醬

星期五放工之後終於可以鬆鬆，今晚去左九龍城食泰菜，叫友誼泰國菜，菜館新開，環境乾淨，星期五晚上好不熱鬧。細既冬蔭公都好大煲，餸唔算好多有大蝦同菇，酸辣程度剛好，味道不錯。生菜包可以揀豬肉、牛肉或者雞肉，通常都會食豬肉生菜包，生菜洗得都乾淨，包住有啲肥肉既豬肉，辣辣的好惹味！本身想叫燒烏頭，但賣晒最終改左燒鰂魚，有驚喜，啲魚好滑，啖啖肉唔多骨，仲可以配個泰式醬增添層次。辣椒糕炒尤魚，平時好少叫呢一味餸，朋友話想食就試下。望落紅紅好似好辣，但食落又唔會太辣，尤魚都爽口彈牙，上面有啲炸左綠色既羽衣甘藍，味道幾特別！叫左龍眼冰同埋椰青，龍眼冰好濃但偏甜，椰青冰涼清甜，食埋啲椰肉，滿足。

友誼泰國菜館 (九龍城)九龍城城南道5號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：泰式乾炒(蝦、魷魚)河 $78，冬蔭功 $78，拼盆 $85友誼泰國菜館鄰近宋皇臺站B3出口，交通方便！😄😄😄餐廳店員與眾客人非常熟絡，可見食物質素高，店員待人親切，所以很多回頭客！👍👍👍泰式乾炒(蝦、魷魚) 河：質素極高，火喉十足十，連河粉也能炒至微焦香口，難得！蝦肉鮮嫩多汁，剝殼後還微微開邊，魷魚肉質彈牙有咬口，連蛋花及紅蘿蔔也炒至香噴噴，陣陣蝦醬香氣撲面而來，精彩！😍😍😍冬蔭功：可謂泰國菜招牌食品，以辣椒、檸檬葉、薑和椰奶為基礎烹調的湯水，帶有辛辣的口感和酸辣的風味，還有兩隻巨型大蝦，和為數不少的大蔥和草菇，值得一提的是湯水辣度足，適宜攪勻飲用，絕對適合愛喝辣的朋友！❤️❤️❤️拼盆：有炸春卷、香葉包雞、炸魚餅和炸蝦餅，炸春卷的外皮脆卜卜，香葉包雞炸至金黃帶葉香，炸魚餅魚肉夠鮮嫩，炸蝦餅口感酥脆，一次過試勻四種滋味，夠哂滿足！👏🏻👏🏻👏🏻餐廳還有多款海鮮美食，如辣椒膏炒大蟹、辣椒膏炒大頭蝦、鹽燒烏頭等，賣相華麗，下次定要約齊朋友試一試！😋😋😋