友誼泰國菜館

营业中

休息中

去九龙城就梗系食泰国菜啦！食泰国菜就梗系约成班bro啦！叫几个小菜，饮吓啤酒，畅所欲言，唔止系男人的浪漫，直头系麻甩的浪漫。嚟到九龙城友谊泰国菜馆，成班兄弟劲有默契，一个负责叫汤、一个负责点前菜、一个负责叫主菜、仲有一个负责叫蔬菜，最后，呢个泰国餐单同我哋一样，真系劲match照！冬荫功 嚟到泰国菜馆当然唔少得叫番个冬阴功汤啦！冬阴功配料有大头虾同草菇，味道酸中带辣，两者比例啱啱好，充满层次。铁板蚝仔蛋成班bro，当然要叫蚝仔啦！铁板上枱时仍然发出吱吱嘅响声，热气腾腾，啱晒呢啲天气食啦。而重点系蚝仔嘅份量超级多，十分肥美，配上炒蛋同芽菜，口感一流。柠檬烧牛肉烧牛肉就成日都食到，但呢款柠檬烧牛肉非常特别。牛肉肉质非常嫩滑，而且充满肉汁。蘸上微微带酸嘅柠檬酱汁非常开胃。马拉盏炒通菜食咗咁多肉，当然要食返碟菜平衡下啦。马拉盏系一款非常富有泰国特色嘅酱料，加上爽脆嘅通菜，𠮶阵泰国嘅感觉真系返晒嚟呀！猪肉碎生菜包呢款经典嘅泰国菜式，虽然煮法简单，但要做到好味，一啲都唔简单。猪肉碎带有微辣加上洋葱、香叶等香料嘅助攻，配上新鲜翠绿嘅生菜，简直系完美嘅结合，令人食唔停口。